|
أودع .. أودع .. أودع كيف وأفارق .. أفارق .. أفارق كيف..
|
يا جاعة ما تشوفوا لي حل.. يا بكري أبوبكر ما تعمل أي حاجة.. انا حا أمشي الدمازين بعد العيد مباشرة (استاذ في جامعة النيل الازرق).. وهناك تصدقوا أو لا تصدقوا في محل انترنت واحد بس وساعة النت بـ 15000جنية يا حليلي أنا .. المن الخرطوم منقول.. من الخلاء الاصغر الي الخلاء الاكبر.. لكن الله في
مع أكيد حبي وتقديري،،،
عادل فايت
|
|
|
|
|
|
|
|
Re: أودع .. أودع .. أودع كيف وأفارق .. أفارق .. أفارق كيف.. (Re: abdelfattah mohammed)
|
الله أكرم يا عبد الفتاح وان شاء الله السنة الجاية تعمل شنو كدا ما عارف.. Quote: أقترح لبورداب بريطانيا وأمريكاوالسعودية يرسلوا جهاز كمبيوتر ( محمول ) عاجلاً |
شفتوا الواد عبد الفتاح بيقول في شنو..؟ سمعتوا كلاموا يا بكري ابوبكر ويا ابو شيبه وياحمزازي ويا منو كدا ما عارف..
Quote: ما بنقدر على الفراق .................... |
عليك الله ما تقطع قلبي بالكلام الحنين دا
مع أكيد حبي وتقديري،،،
عادل فايت
| |
|
|
|
|
|
|
Re: أودع .. أودع .. أودع كيف وأفارق .. أفارق .. أفارق كيف.. (Re: Elmuez)
|
والله يا المعز .. انت قايل الفكرة دي ما فكرت فيها..
Quote: طيب مشكلتك دي حلها ما بسيط وواضح !.. أمشي الدمازين وسيبك من حكاية التدريس دي وافتح ليك إنترنت كافيه, دخل أفضل وبعدين البلد الخريجين غير المستوعبين فيها شوية ? |
لكن نحنا ما بروتاريا ومساكين ساكت .. الواحد لو عندو راس مال ما كان بقي زول.. وبرضو شكرا علي الفكرة.. وفيك الخير
مع أكيد حبي وتقديري،،،
عادل فايت
| |
|
|
|
|
|
|
Re: أودع .. أودع .. أودع كيف وأفارق .. أفارق .. أفارق كيف.. (Re: ADIL FAIT)
|
الاخ عادل فايت دي مشكلة كبيرة والله كويس انك فتحت الحديث فيها اولا شركة سوداتل و سودانت بتعتبر ان السودان هو الخرطوم عشان كدة لماتتصل بالنت من اي مدينة خارج الخرطوم بتتحاسب بفاتورة تلفون اتصال ولائي يعني اتصال من المدينة تلك للخرطوم وكما هو معلوم فان الدقيقة في الاتصال الولائي محسوبة حسب البعد بالكيلومترات يعني الدمازين 600 كيلو من الخرطوم عووووووووك علي كل المفترض ناس الولايات كلهم يحتجو عشان يعاملوهم في النت زي ناس الخلرطوم واللاي بلا الحاجات الزي دي ما في حاجة جابت التمرد والي
| |
|
|
|
|
|
|
Re: أودع .. أودع .. أودع كيف وأفارق .. أفارق .. أفارق كيف.. (Re: ADIL FAIT)
|
Quote: مسافر وأنا في السفر ما لًي رغبه... مسافر والفراق لحظاتوا صعبة.. مسافر والرجوع يعلمبوا الله... |
والله مسكين ياعادل حالتك تحنن صدقني أنا مت من الضحك وتخيلتك واقف في موقف الباصات ومادي كوريتك وسفنجتك المقطعة دي ،، يا الله عمري ماشفت لي واحد بتجرس من السفر زيك كدا أنا غايتو لو مدير الجامعة وقريت جرستك دي بنتظرك بي صيوان عزا في الدمازين عشان الجماعة يشيلو معاك الفاتحة ،، ياخي أرجل وبطل بكا ولمن تجي بالبص ماري بي سوبا أدي الكمساري خنقة وفش مغستك فيهو ،، وأنا بالماسنجر مستمتع للآخر وعقبال عندك
ياالمسافر أوع لا تنسى والحبيب وين والليلة كيف أمسى وأنا يا البلال وين قالو لي مسافر
| |
|
|
|
|
|
|
Re: أودع .. أودع .. أودع كيف وأفارق .. أفارق .. أفارق كيف.. (Re: عبدالرحمن عبدالله أبوشيبة)
|
والله مسكين ياعادل حالتك تحنن صدقني أنا مت من الضحك وتخيلتك واقف في موقف الباصات ومادي كوريتك وسفنجتك المقطعة دي ،، يا الله عمري ماشفت لي واحد بتجرس من السفر زيك كدا أنا غايتو لو مدير الجامعة وقريت جرستك دي بنتظرك بي صيوان عزا في الدمازين عشان الجماعة يشيلو معاك الفاتحة ،، ياخي أرجل وبطل بكا أعمل شنو يا أبو شيبة، ما عودتونا عليكم.. ولمن تجي بالبص ماري بي سوبا أدي الكمساري خنقة وفش مغستك فيهو وبعدين إنت لازم تدخل سوبا دي في جملة مفيدة.. وأنا بالماسنجر مستمتع للآخر وعقبال عندك وأنا مالي يا ابوشيبة.. انت عارف يا ابو شيبة قالوا لي جحا القصة دي عندكم في بلدكم، قال ليهم ما في حلتنا.. قالوا ليه في حلتككم، قال ليهم بره بيتنا.. قالوا ليه في بيتكم، قال ليهم بره شنو كدا ما عارف.. هنيئاً لكم
مع أكيد حبي وتقديري،،،
عادل فايت
| |
|
|
|
|
|
|
Re: أودع .. أودع .. أودع كيف وأفارق .. أفارق .. أفارق كيف.. (Re: ADIL FAIT)
|
عادل .. ما عارف أقول ليك مبروك عليك ؟؟ ولا كفارة .. أولا: زول يلقي شغل في الزمن دا ؟؟ زول محظوظ. تانيا: خرطوم الفيل دي شن فايدتا من غير (كنجالات). تالتا: إنت ما سمعت بي (فاسيليتيز- سوداني) الجديدة ؟؟؟ دي خدمة فيها إنترنت لاسلكي (بتوصل الدمازين في الشهور الجاية ما تستعجل) ****** ياناس سوداتل (أقصد سوداني) دي دعاية ما مجانية!!!! سامعين( أنا داير حقي) رابعاً: عن تجربة شخصية ... الدمازين من أجمل مناطق السودان.. وألذ ناس .. خامسا: أنا حاسدك عديييييييييييييييييييييييييل كدا.... بس أعمل حسابك من الـــــــــــــ(مهبه)
| |
|
|
|
|
|
|
Re: أودع .. أودع .. أودع كيف وأفارق .. أفارق .. أفارق كيف.. (Re: ABDELAZIZ MAHADY)
|
والله يا عزيز شكرا ليك وتقلت قلبي شويه..
Quote: عن تجربة شخصية ... الدمازين من أجمل مناطق السودان.. وألذ ناس .. |
يعني الواحد يتوقع زيارة أو تلفون منك عشان نعرف البلد أكتر من خلالك يا شاب..
Quote: خرطوم الفيل دي شن فايدتا من غير (كنجالات). |
والله يا عزيز القصة كل ما فيها خايفين نفارقكم انت يا الحلوين هبشه: الليله طمبل بعمل البدع.. انت يا زول مش عازمني الكورة دي الليلة
ولك الود
| |
|
|
|
|
|
|
Re: أودع .. أودع .. أودع كيف وأفارق .. أفارق .. أفارق كيف.. (Re: ADIL FAIT)
|
العزيز عادل (فايت) وين الدمازين.. ياخي فال الله ولا فالك ربنا يكون في عونك.. وأنا أقول الزول ده ما لو طوااااااالي بوستاتو ومداخلاتو تتطاقش.. اتاريها حلاوة الروح قبل ما تطلع.. اظنك كل ما تتذكر الساعة ام خمسطاشر ألف.. تحاول تكسب زمنك هنا وتخش ليك مداخلتين تلاته.. يازول ربك يسهل عليك.. وهناك بتلقى (سفنجات) اسمها (تموت تخلي) وغالباً بتتعمل من (لساتك) العربات.. عليك الله اول ما تصل تقلع باغاتك دي وتشتري ليك منهم واحدة في رعاية الله.. وسلم على القدامك
| |
|
|
|
|
|
|
Re: أودع .. أودع .. أودع كيف وأفارق .. أفارق .. أفارق كيف.. (Re: nashaat elemam)
|
nashaat elemam
Quote: العزيز عادل (فايت) وين الدمازين.. ياخي فال الله ولا فالك |
نعمل شنو المعايش جباره..
Quote: يازول ربك يسهل عليك.. وهناك بتلقى (سفنجات) اسمها (تموت تخلي) وغالباً بتتعمل من (لساتك) العربات.. عليك الله اول ما تصل تقلع باغاتك دي وتشتري ليك منهم واحدة |
والله الظاهر كدا سفنجاتي ديل مكسرات ناس البورد ديل كلهم..
كل الود،،،
| |
|
|
|
|
|
|
Re: أودع .. أودع .. أودع كيف وأفارق .. أفارق .. أفارق كيف.. (Re: ADIL FAIT)
|
فايت
Quote: انا حا أمشي الدمازين بعد العيد مباشرة (استاذ في جامعة النيل الازرق).. |
الف مبروك ياسينير حنفقدك ومانقدر نعوضك. لكن كلما سنحت لى فرصه سيكون هذا البوست نصب عينى ايضا كذلك سلامى للشاب الاستاذ الدفعه الجديد لنج هناك(عز الدين).. وتحياتى للدمازين اتذكرها لازلت ياصديقى..
ويامسافر (يافايت) وناسى هواك ارواحنا وقلوبنا معاك... وكل سنه وانت طيب وسلامى لكل الاهل فى البلد... ود العم..
عيد بأي حال عدت يا عيد
| |
|
|
|
|
|
|
Re: أودع .. أودع .. أودع كيف وأفارق .. أفارق .. أفارق كيف.. (Re: ABDELAZIZ MAHADY)
|
الخطوه من دونك الخطوه دون كيف؟؟؟ اودع كيف؟؟؟ الطريقه:- لقد علمنا الزمن بان السفر فى الاتي بامكانيات الحاضر حين يكون للماضى ذلك اللون المتداخل بين طعم البكاء اطلاله لم تشرف ؛ ونكهة الفرح على حلم قيد الولاده ...والتزامنا احساسه نعبئ اوعيتنا الفارغه من نبع الترويض والتجانس والامكان..انه الضجيج الوحيد الذى ملا الفراغ ومل الاشاره.. ملا الدنيا دون ان يمهنا كيف؟؟!!!...هو من ذلك النوع الذى لايدل على مافيه من جديد بقدر دلالته على مايعقبه من عمق؛ هو لدى الخوض فى تفاصيلة تنغيم للاحساس والفكره ؛انتهاء فى حاسة سحريه جميله ؛ استغراق فى متعة تنغيم محفوفه بالنشوه؛ لقد خاطبنا الرجل ونحن غرقى فى وحل التقليد البليد واقفون فى مستنقع الذكرى المكرره.. عالج احساسنا بلغة الانهار والظلال والكرامه وشى من وهج الصبابه الوطنيه ..حركها باتجاه النسمه الاتيه من بسمه فجريه متفائلة ؛حاور عقولنا بلزمية وعى ممنوع من الانفرت والافراط ؛فكان شموس الرؤيه وغفوة الرؤيا وظلال الاستجارة؛ وكنا نتهافت لجموح المد ؛نتوارى من شرحا حاسد اذا حسد....
عادل فايت: من كســـلا كل عام والجميع بخير،،،
| |
|
|
|
|
|
|
|