|
|
 السودان دا كل مقومات أن يكون أحسن بلد في الدنيا فيهو..بس الله مجهجهو براهو لشى يعلمه هو؟
|
السودان دا كل مقومات أن يكون أحسن بلد في الدنيا فيهو..بس الله مجهجهو براهو لشى يعلمه هو؟..
هذه قولة لأخونا العارف بالله إبراهيم يوسف فضل الله(65عام).. قوله لها وزنها في بحر العرفان..والإستقراء..
....................
وفعلاً..
موية عذبة تجري من نوملى لغاية حلفا.. ومن الديم بالقرب من الحبشة لغاية حلفا. وما قادرين نعمل فيها حاجة تصب وتدفق لغاية بي غادي عند المصريين.. وروافد وأنهر فرعية سوباط والدندر والقاش وخور بركة..وخور ابو حبل.. والرهد ونهر عطبرة وخور طوكر..وغيرو وغيرو.. ومياه جوفية اقرب من نص متر..وأمطار استوائية وطمي مجروف مع مياه النيل الأزرق يخلى الحضروات رائحتها تنشم من بعد كيلو متر.. ومياه بيضاء ناصعة تسر الناظرين من النيل الأبيض.. وكل الخير دا يجي يختلط ويقترن في المقرن في نهر واحد ويلا يمشى ويتهادي..
وبعدين تربة صالحة جيدة من شدة أنوثتها وعبيقها ولونها ودكانة الغذاء فيها.. كما الصعوط الممطر.. عند ناس سورج وقنديل وعبدالله دقق..
في أرض مما خلقو سيدنا آدم ماانزرعت لغاية هسه.ترمي الحبة تقوم عشرة قصبات.. تخلف القندولة بي ثلاثة سنبلايات.. والله يضاعف لمن يشاء والله واسع عليم..
..............
واحد سعودي زمان كان نازل في جناج في هلتون الخرطوم.. وعادة الجناح لافي يوريك النيل الأبيض والنيل الأزرق.معاً.. أما الغرف المزدوجة والسنقل.يا إما توريك النيل الأبيض أو النيل الأزرق.. قال التكييف عندو مابارد. كنتا نبطشى في قسم الهندسة.. حوالى الساعة ثلاثة بالليل. اول مرة يجي السودان.. قام عاين على جهة حديقة منتزه المقرن العائلى؟ قال لى شو هذا؟ قلت له هذا ماء.. قال لى عذب هذا والل مالح؟ قلت له عذب اشد عذوبة ممكن تشيل منو وتشرب على طول من غير تعديل وممكن تروي به الزرع؟ قال معقول؟ ومشى لفي الصايد التاني مكان الجناح جهة الفتيحاب شاف النيل الأبيض قال لى وما هذا الآخر هذا.. قلت له هذا أيضاً عذب وممكن تشرب منو على طول.. قال طيب ترعة وعندو نهاية وعندو موسم يجف فيهو؟ قلت له دا لاعندو موسم يجف فيهو ولاترعة بل يزيد في مواسم ويمشى آلاف الكيلومترات لغاية ما يتدفق في البحر الأبيض المتوسط... قال: ( والله يا بخت العبيد)... قال طيب أدونا النيل هذا .الموية هذى ونعطيكم الكعبة... ؟ قلت له ياراجل إتقى الله..قال..شو طيب تجوا عندنا تشتغلون؟ وعندكم هذا الخير؟
|
|
 
|
|
|
|
|
| |
منصوري
فيس بوك
تويتر
انستقرام
يوتيوب
بنتيريست