|
ياناس جننتوني من البداية الصورة دي ما صورتي
|
يا ناس خشمي وجعني واصابعيني تعبن من الكلام القلتو لي هسه لعشرين نفر في بوست الترحيب، الصورة دي ياناس ماحقتي وياريتني كان كنت لسه في عمر ست الصورة. انا كنت عاوزة اصهين واقشر بيها واعمل نايمة لكن قالوا اخير الزول يشير للمصادر البيجيب منها الحاجات في النت وانا الصورة دي لقيتها في الإنترنت وصادرتها عشان عجبتني الابتسامة حقت البنية الحليوة الفي الصورة اها كدي اظني عملت العلي وتاني مافيكم زول يجيني يقول لي ابتسامتك حلوة ويحرجني ساي ههههههههههه
ايمان
|
|
|
|
|
|
|
|
Re: ياناس جننتوني من البداية الصورة دي ما صورتي (Re: محمود بكر)
|
ياجماعة صدقوها وصدقوني ،، الصورة دي ما صورة إيمان ، إيمان أحلى من كدا بكتير حا تقعدو تزرزرو فيها كدا لغاية ماتقوم تنزل ليكم صورتها الحقيقية وبعدين يحصل البنخاف منو في ناس قلبهم حا يقيف وفي ناس بتجيهم رعشة في المفاصل وفي ناس بيعضو لسانهم وتحصل ليكم البشتنه ،، خلاص أقبلو الصورة دي وأسكتو على كدا ،، منك له مرا على راجل.
| |
|
|
|
|
|
|
Re: ياناس جننتوني من البداية الصورة دي ما صورتي (Re: DKEEN)
|
دكين
حامضة جنس حموضية... لكن تعال النسالك كيفن اكون حااااامضة وفي نفس الوقت مسيخة؟ ياخوي اخير ترسى ليك على بر
وكدي اقرا مداخلتي الفوق الرديت بيها على لؤي عشان تعرف الحموضة دي جات من وين وده حالته بعد يومين بس في البورد ده
والحمد لله اللقيت لي زولاً يعترف انها ماصورتي
ايمان
| |
|
|
|
|
|
|
Re: ياناس جننتوني من البداية الصورة دي ما صورتي (Re: aosman)
|
Quote: ماشاء اله بتك عسل لكن الله يخليها ويحفظها ليكي |
اكيدانت قاصد بت بتك وبالمناسبه احفادك كيف يادكتور اخبار الخاله شنو قاطعه مويه ونور تحياتى لك
ايمان كل سنه وانت اجمل ابتسامه (التعليق دا لو قراته المدام قولوا معاى كتبه الهكر) او فى لحظه كان متسلف فيها ناذر الباسورد
اخونا معروف دا ما ولده دا ولد بتو
| |
|
|
|
|
|
|
Re: ياناس جننتوني من البداية الصورة دي ما صورتي (Re: osly2)
|
اوسلي امانة ماسويتها شينة بالمرة لكن ياخوي، عاد انا البنية الفي الصورة الفرق بيني وبينها مااظنه يفوت السنين العلى قدر اصابع اليد الواحدة اها تجي تسويني حبوبة عديل؟ وود عثمان البدعي ليه بالوليدات طلع عنده احفاد؟ اريته يايما خبر السرور الرفع من معنوياتي ده
الخالة دي كان انا متابعة بتكون دكتورة بيان عليكم الله سلموا عليها وقولوا ليها مشتاقين ليك يادكتورة كان ياها المقصودة
كل سنة وانت طيب يااوسلي ياخوي ومرتك كان اتلومت معاك خليها بس تتكلم معاي وانا بظبط ليك الموضوع تب وبخليها تقوم معاك بالواجب
ايمان
| |
|
|
|
|
|
|
Re: ياناس جننتوني من البداية الصورة دي ما صورتي (Re: إيمان صالح)
|
ايمان صالح بداية اقول ليك اهلن وسهلا بيك فى حوش بكرى الكبير (المنبر العام) فانت وبقية الكوكبة من العضوية التى شرفت البورد نعتبرها دماءا جديدة تجدد عمر البورد شبابا فامل ان يطيب لكم المقام والاندياح عبر البوستات اما عن الصورة اقدر اقول ربنا يحفظ وبهدى ليك تعبيرا اغنية الفنان البعيو البتقول صورتك الخايف عليها الخ.. وكل سنة وانت طيبه بمناسبة العيد الذى اتى بالجديد تحياتى
| |
|
|
|
|
|
|
Re: ياناس جننتوني من البداية الصورة دي ما صورتي (Re: إيمان صالح)
|
Quote: Osly اكيدانت قاصد بت بتك وبالمناسبه احفادك كيف يادكتور
اخبار الخاله شنو قاطعه مويه ونور تحياتى لك |
هووييييييي يا اوسلي اعمل حسابك انتي داير تدخلني في مشاكل مالك مع البت دي كمان
الخالة معاها حق تقطع موية ونور
Quote: ايمان الخالة دي كان انا متابعة بتكون دكتورة بيان عليكم الله سلموا عليها وقولوا ليها مشتاقين ليك يادكتورة كان ياها المقصودة |
المعذرة يا ايمان انا كنت قاصد اختك الصغيرة
| |
|
|
|
|
|
|
|