كتر خيرو بكري ما قصر تب

كتر خيرو بكري ما قصر تب
اخواني واخواتي في المنبر العام السلام عليكم ورحمة الله وبركاته ورمضان كريم اخوكم زول جديد لنج..... كتر خيرو بكري ما قصر تب وطوالي جايكم نازل مظلي بي بوستي طبعا من فترة وانا اتابع المنبر والموقع عموما وقررت الانضمام ومن الاسباب العجلت بالانضمام هو الكلام الغريب والعنصرة والمشاحنات وبي مناسبة العنصرة القايمة اليومين ديل كدي خلوني احكي ليكم موقفين حصلوا لي قبل شهر تقريبا وحلفت لو دخلت المنبر الا اكتبهم الاول في مكان العمل جيت لقيت سوداني عامل جوطة وشمطة مع واحد من زملانا المصريين اول ما شافني المصري قال للسوداني كلم الاخ المسئول واشر علي طبعا المصري لمن لقاني ما صدق عايز يتخارج منو وانا بحسن نية مشيت للزول بلدياتي دا وبديت اهدئ فيهو واقول ليهو حقك علي وفي المرة الجاية انشاء الله ما تحصل ووو.... لقيت الزول لسه زعلان وما ادا أي اعتبار لي كلامي وقام بصوت عالي قال لي قوم.... عربي جزيرة !!!! انا ما بتفاهم معاك وقعد يمدح لي في اصلوا وفصلوا وهو كيف واهله كيف قدام العملاء والسعوديين والله فضل ليهو يجيب سيف ويعرض في السهلة والموقف التاني حصل بعده بي ايام في شارع غبيرة العام وكان عندي موعد مع اخ من ابناء القطينة وشارع غبيراء العام دا ما عارف مالي من ما ادخل فيهو اتخيل اني ماشي في شارع المليون بليد في كسلا المهم ازدحم الشارع وبقى ما يسمح الا بمرور عربية واحدة عاينت جمبي لقيت عربية ملاينة سودانيين ومن ابناء منطقة واحدة من باب الذوق يعني لازم واحد يخلي التاني يمر وبما اننا سودانيين قلت خلاص اخليهم هم يمشوا الاول اتخيلوا الحصل شنو الزول السايق العربية يعني ما حاول يمشي وبس لكن ضايقني لحدي ما قربت اصدم العربية العلي يميني بس ربك ستر وقعد يعاين لي بصورة كلها حقد وغل ويتكلم مع الناس المعاهو انا متاكد شتمني وشتم اهلي كلهم انا فهمت هو عمل معاي كدا ليه مع اني والله اول مره اشوفه ويشوفني بس اتوجعت انو يصل بينا الحال الى المرحلة دي وهو ما ضايقني الا عشان ملامحي بس ودي طبعا ضريبة انا دفتعها غير ضرائب جهاز شؤون المغتربين يا خي الواحد بقى لمن يقابل ليهو سوداني ماشي ساي في الشارع يفكر مليون مرة يسلم عليهو ولا ما يسلم !!!!!!!! معقولة دي ارجع ليكم لي زولي الاول القال لي عربي جزيرة وانا اتشرف بالجزيرة واهلها رغم اني ما منها المهم مسكته ليكم على جنب واديتو كلميتن في العضل من النوع ابو كديس واعتذر لي واداني تلفوناته وبقت بينا معرفة اما ناس العربية الشتموني والعايزين يلحقوني الرقدوا ديلك لليلة ما لقيتهم واتمنى القاهم فيا جماعة القصة دي وبالطريقة دي ما بتمشي اصلا تمد ايدك امد ليك ايدي ورجلي ومافي لسان بيغلب لسان تقول لي كلمة ارد عليك بي عشرة ارزل منهم تطلع لي صورة اطلع ليك البوم وثق تماما لو بتعتبر نفسك ذكي وكليم ومافي زيك ثق انو الملكة دي الله اداها لي مليون غيرك وفيهم كتير الاحسن منك فما تبقى شغلتنا كلها مكايدات ومشاحنات ومهاترات ما منها أي فايدة الله يهدي الجميع ويبعد الشيطان ويطهر قلوبنا جميعا من الغل والحقد والحسد ........امين يا رب العالمين اها اقول ليكم انا من وين انا من المناصير يعني قريب عسكوري وابن عم سجيمان اصلوا المناصير والرباطاب اولاد عم ومن مواليد شرق السودان يعني من ناس تراجي وهاشم نوريت ( تحياتي ليهم كلهم ) ومن كسلا تحديدا هل تصدقوا انو كسلا دي مثال للتعايش السلمي والنسيج الاجتماعي والشفافية والكلام الكبار داك كلو بس بي طريقة بسيطة وعفوية يعني اتولدت ولقيت جيراني هندودة ورشايده ونوبة وشوايقة وبي عامر وفور وبقارة وجنوبيين وحلفاوين ويمانيه وهوسه وصوماليين وحتى الهنود عندهم حي كامل تصدقوا الكلام دا دا ما الا في امريكا وفرنسا بلاد الحريات والديمقراطيات وحقوق الشنو داك والشنو داك ومش بقول ليك الحي الصيني والحي اللاتيني اها انحنا عندنا الحي الهندي وحي الهوسا وحي البرنو ومن زمااااااااااااان ولافي زول شاكلهم ولا هم شاكلونا وعايشين في امانة الله دا ما تعايش سلمي وعمري ما حسيت بي عنصرية او في فرق في التعامل والى الان ترطبني مع كتير منهم من زملاء الدراسة وابناء الشرق عموما علاقات قوية جدا عمنا الكبير الله يرحمه محمد الامين ترك تعرفوه وما اظن في زول ما يعرف محمد الامين ترك هو شنو ولا هو منو هذا الرجل القامة شاء الله ان التقي بيهو في الخرطوم قبل وفاته بي سنين قليلة واتعرف علي ودائما ما كان يجلس معاي ويحكي بي بالساعات في مختلف المواضيع وبي كل تواضع وفهم ووعي عالي جدا وكانت تتخلل ونستنا بعض من قفشاته الرائعة و احيانا كان يترك معاي بعض اشياه الخاصة لحدي ما يرجع من مشوار خاص به يعني يئتمني ويقعد معاي بي كل تواضع ويتناقش بطريقة ابوية مافيها ذرة من التعالي وانا ابن الشمال العادي وهو ناظر عموم قبائل الهندودة في نسيج وشفافية اكتر من كدا دا ما يخليك تحبه وتحب اهله وتحب افريقيا كلها تخريمة نجود الظريفة بوستاتك عسل كتري منها او نجود العسل بوستاتك ظريفة كتري منها تخريمة لي انا المره دي يعني مافي زول عبرك ولا هببو ليك وحتى قال ليك اهلا حتى .....بكري ما قصر تب لكن انتو اتلومته يا بورداب (عدل بواسطة الأمين عثمان صديق محمد on 10-26-2005, 02:39 PM) (عدل بواسطة الأمين عثمان صديق محمد on 10-28-2005, 09:29 AM)

العنوان	الكاتب	Date
كتر خيرو بكري ما قصر تب	الأمين عثمان صديق محمد	10-26-05, 05:56 AM
Re: كتر خيرو بكري ما قصر تب	ناذر محمد الخليفة	10-28-05, 02:02 PM
Re: كتر خيرو بكري ما قصر تب	Eng. Mohammed al sayed	10-28-05, 03:00 PM
Re: كتر خيرو بكري ما قصر تب	الأمين عثمان صديق محمد	10-28-05, 03:48 PM
Re: كتر خيرو بكري ما قصر تب	Eng. Mohammed al sayed	10-28-05, 05:30 PM
Re: كتر خيرو بكري ما قصر تب	الأمين عثمان صديق محمد	10-28-05, 06:09 PM
Re: كتر خيرو بكري ما قصر تب	عنيده	10-28-05, 05:50 PM
Re: كتر خيرو بكري ما قصر تب	القلب النابض	10-28-05, 06:13 PM
Re: كتر خيرو بكري ما قصر تب	الأمين عثمان صديق محمد	10-28-05, 06:47 PM
Re: كتر خيرو بكري ما قصر تب	نجود حسن عبد الرحمن	10-29-05, 01:59 AM
Re: كتر خيرو بكري ما قصر تب	الأمين عثمان صديق محمد	10-29-05, 03:14 AM
Re: كتر خيرو بكري ما قصر تب	Ahmed Mohammed Osman	10-29-05, 02:17 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]