|
|
|
 Re: ليلة القدر...قصيدة مموسقة (Re: منصوري)
|
ياســـــــــــــــــــــــــــــــــــــــــلام
يا منصورى
هذا هو اخر الكلام فى اركان الجمال وشروطه ....
من هم
عبدالغنى
وصديق منصورى .....ياهو( منصورى) الله والرسول المعانا ده والله منصورا تانى ؟
بعدين عثمان حسين يمشى ويجى خصوصا فى المقطع قبل الأخير
قادر الله .
انا ليلة القدر التى هى خير من الف شهر
ياسلام تانى وتالت ورابع ...الى ما لانهايه
| |
 
|
|
|
|
|
|
|
|
Re: ليلة القدر...قصيدة مموسقة (Re: منصوري)
|
عمر والله اسعدنا مرورك بي جاي.يبدو أنك راجل ذواقة في قمة الذوق.. وكل ناسنا بهذا المستوى.. اسمع كان ما زمن الفطور قرب.. كنتا قلبتها ليك دليب.. لكن زمن الفطور وكمان ابل الآبري.. واسوي الدمعة النصها لحم.. أصلوا متقسمين الخدمة أنا والوراقية بنت الوراريق في رمضان دا. أنا على المويات والدمعة وهي عليها القراصة والسلطات..
| |
|
|
|
|
|
|
|
|
|
Re: ليلة القدر...قصيدة مموسقة (Re: منصوري)
|
| Quote: أنا على المويات والدمعة وهي عليها القراصة والسلطات.. |
الله يعلم الوراقيه مظلومه ظلم الحسن والحسين
المويات قعد تسوى ليها شنو ....بعدين دمعه للقراصه دى ماياها المويات ذاتها
على العموم هنيئا لكم ..انتو فاطرين قراصه وسلطات
 :
| |
|
|
|
|
|
|
|
|
|
Re: ليلة القدر...قصيدة مموسقة (Re: منصوري)
|
اللهم أنفحنا بكل نفحات ليلة القدر في هذا الشهر المبارك..وزد من محبتنا لهذه السورة المباركة..وكل القرآن.. وملائكتك ورسلك وذاتك يا أحد...
أمـــــــــــــــــــــــــــــين
العزيز
منصورى
كل ما القى فجه بجى هنا عشان أسمع ...ومنها خلنى اللطربك معاك شويه ...تعرف بمناسبة الدمعه بالقراصه دى مره عزمنا لينا أمريكى وزوجته أكل سودانى ...ولسؤ حظ القراصه بالدمعه وقع إختيارنا عليها ...مع انو انا عندى راى قديم فيها ...يعنى طالما عندنا اللحم وممكن نعمل القراصه ما طوالى ننجض اللحم ونعوس القراصه وناكل... فى داعى للشربنه والزيوت والنصايب دى.... لو تذكر عندنا فى البلد الرحمتات بسوها بالطريقه البديعه دى ..حاجه ماتخلص ....المهم يازول امناوبناتها قامن ينطاقشن ...وانا وولدى الصغير عليك أمان الله مشينا الدكان وجينا يمكن تسعه مرات ..وفى النهايه ظبطنا الاوضاع والخواجه ومرتو جو..وكت ختيناها فى التربيزه انا من شدة التعب بى قلبى قلتلم أها أ جماعه اكلوعليكم الله وقومو زبلو البيت ده ....صاحبك بدل ينطم وياكل ويقوم يمشى بقينا فى اسئله واجوبه عن المكونات والتفاصيل وسيك وميك ....وفى نهاية الأمر اخدو صوره مننا وقراصتنا ودخلو ايديهم فيها ووقفو(عجبنى للمرقوت) طبعا الجماعه ديل مابجاملو ..يعنى قالولنا بى خشم الباب قراصتكم دى عورا ....وعينك ماتشوف الا النور بعد داك .
لك خالص تحياتى وسلامى للاسره
| |
|
|
|
|
|
|
|
|
|
Re: ليلة القدر...قصيدة مموسقة (Re: منصوري)
|
إنت عارف ياعمر واحد شايقي شاف ليلة القدر.. تتصور طلب شنو؟
.......................
أقولك مالا ما ظبطت معاكم؟.. القراصة والله الدمعة؟
الإتنين عايزات ضبطة موزونة..
كيف يعني دخلوا ايدهم فيها ومرقوها؟ عايزين ياكلوها بي معالق والله شوك والله شنو؟
ما إتصور شايقي جايي من ( الحجير) ما تقدر تزبط القراصة بالدمعة؟ لا لا بس الخواجات ناس طير..ديل ما خواجات نجيضين..
..........
دمعة القراصة لازم تكون تخينة شوية.. وصلصتا ما كتيرة.. ولو بقت على صلصة الطماطم العادية بدون صلصة معلبة يكون احسن.. وبعدين اللحم يكون لحم يد خروف عشان هش.. وفيهو قليل من الشحم موش لحم احمر.. وبعدين البصل يكون كتير ومحشوش دقاق ناعم ما يحتاج لى خلط.. يدوب بقليل من الباكنق باودر.. كمان الباكنق باودر الزيادة يمررو.. يخليهو( مقق) مقق دي بي تعرفا.. يعني مرورية كدة مشاترة.. ما سمعتا شاعرنا حاج الماحي.. في قصيدته...
من عنا ليك وانسرق... ياأم قلة دوب
الحسارك لى حرق..
يمشى في ثنائه على المصطفي صلى الله عليه وسلم الى أن يقول
بي تفلو كم حلى المقق
...........
بعدين البصلة المحشوشة دقاق دي ما تحمر تحمير كامل. يعني ما تصفر البصلة. تكون مهرودة مع صفار لايذكر.. تحمرا بالطماطم.. ولو لقيت ليك فردة حبة ماجى كدة رميتا فيها تخليها خلاقي.. نحن لغاية هنا في دمعة القراصة.. حا اجيك برضو للقراصة.. ياما الحريم المابيعرفنا أماني ما بيتبهدلن فيها؟.. وبعدين ياخى ناس الصعيد ديل وناس العاصمة شوهوا قراصتنا.. تتصور يعملوها بالزيت في الطوة وياكلوها بالسكر؟
.............
إنت عارف الشايقي قال شنو لما جاتو ليلة القدر؟
قال داير ( الجني) لكن جنة ما فيها قراصة ما دايرا.. قالوا الجني طبقات. أنا عايز الجني الفيها الناس بيعملوا قراصة؟أقلب فيها على كيفى مرة بالدمعة ومرة بالملاح ومرة باللبن ومرة بالعسل.. ومرة (بكابة) زوادة السفر ديك بتاعة قطر كريمة البيعوسو معاها التمر بي جوة. وفيها حلبة وسمن ..لامن تصل الخرطوم ما تعفن .هناك نجيب باقي كرتونة الزوادة ونضوقا ولاد وبنات ناس الخرتوم ويقولوا قادر الله..
قال شاعرنا..
القراصة أم قمحاً نضيف
يردمولك وتب ما تقيف
ياحلاتك في الشلاليف..
......
أسمع ما يقوم يسمعنا سجيمان. اصلو شايفو بي هناك منزل بوست عن شلوفة واحدة من الفنانات..
| |
|
|
|
|
|
|
|
|
|
Re: ليلة القدر...قصيدة مموسقة (Re: منصوري)
|
الإكثار من قراءة سورة القدر في ليالى رمضان في الصلاة يعرض الصائم للفضل الكاسح في رمضان بصورة أكبر.. يجعله يتوخى ليلة القدر في اي لحظة...
.........
وعندنا عادة حسنة في أسواق الإمارات .حيث تطبعها بكثرة وتبيعها في المحلات.. مطبوعة على شكل موكيت إيراني عجمي راقي.. ومطبوعة على ورق مصقول... ومطرزة على قماش حريري فاخر.. وموجودة ومطرزة على طريقة إبرة الكووررشي السودانية.خيط وخياطة وكلها معروضة للبيع وخاصة المحلات الإيرانية..
| |
|
|
|
|
|
|
|
|
|
Re: ليلة القدر...قصيدة مموسقة (Re: منصوري)
|
نساوق مسائلنا كلها ياعمر. وكلو تحت فضل ليلة القدر الكاسح.. والدنيا والدين لازم يمشن مع بعض وإلا لكان الفكر الصراح موحشاً للمبتدئ.. والشيخ فرح ود تكتوك قال( مافي دين بلا عجين
| |
|
|
|
|
|
|
|
|
|
Re: ليلة القدر...قصيدة مموسقة (Re: منصوري)
|
توخى ليلة القدر في العشر الخواتيم من رمضان.. وخاصة الليالى الوترية..
ليلة 21
ليلة23
ليلة25
ليلة27
ليلة29
وبصورة أخص ليلة 27 من رمضان..
وفضل ليلة القدر وارد بالقرآن والسنة بالقياس وبالإجماع عند جميع علماء المسلمين..
| |
|
|
|
|
|
|
|
|
|
Re: ليلة القدر...قصيدة مموسقة (Re: منصوري)
|
رمضان كله شهر محاسبة للنفس وشهر صيانة عن ماذا اقترفت النفس خلال العام من أعمال بالخاطر او القول أو الفعل فإن تذكرت خيراً شكرت لله تعالي، أن وفقها للخير، وتسأله أن يمد لها في الصفات الخيرة ، حتي تصير النفس مقامها خيراً ، وإن تذكرت شراً اكتسبته خلال العام ، تستفغر ووتوب وتسأل الله أن يقلص صفاتها الشريرة .
| |
|
|
|
|
|
|
|
|
|
Re: ليلة القدر...قصيدة مموسقة (Re: منصوري)
|
زيادة التشمير في العشر الخواتم..مطلوبة وخيرها لوجاك ممكن يمدك السنة كلها.. زي ما الموظفين ليهم راتب آخر كل شهر.. كذلك الموالين لله تعالى ليهم راتب بيقبضوهوا كل شهر وميزانيتو توضع في رمضان.
| |
|
|
|
|
|
|
| |
منصوري
عمر ادريس محمد
القلب النابض
فيصل نوبي
فيس بوك
تويتر
انستقرام
يوتيوب
بنتيريست