|
|
 الي بدر الدين شنا محبتنا صبري وصداح
|
يااااا بدر الدين
اذكرك ونتذكر حسن صداقتك وطيب معشرك نتذكرك ونحن نسكن في
اشلاق البوليس ومات والدنا الشريف الرجل الشفيف ووريف لقد
غطانا بظل محبته وانفق علينا كل عمره وايضا ماتت العنقاء
سحر اختنا الحبيبة ولا زال في العين دمع وفي الحلق غصة رحلت
المره الاصيلة ست الجيل ببهائها وحسنها ليس بفعل المرض لكن
بالتعب لا خرفت ولا طرش ولا عمي وكانت بتشوف بعينا وبقلبها
لها الرحمة وهي مع صاحب المرحمه ولحقت بها وبالشريف وسحر
خالتنا فاطمة وهي بمثابة الوالدة بل اكتر كانت تتوكا عصاها
لتفقدنا ونحن صغار وكانت تاتي باللبن لنا ونحن كبار كانت تخدم
صداح الي ان تخرج من المعهد
اخبار متصلة تزوجت سوسن ولها اربعة بنات حتي الود زوجها محمد
بله جحا من حلتش تلك القرية التي تقبع شرق حلتكم مناقزاة
تزوج صداح وله بت وود سماهو الشريف وبتو منية وتزوجت انا
من شايقية مولودة في مصر بلد العصر وزي زول يحمل بودي
سوداني ومكنه مصرية ليس لدي اطفال والمشروع الان اقرب للانفضاض
لاني اعيش مع صداح منذ اكثر من 13 شهر في امريكا
صفوت تزوج وهو بالسعودية علي وسمؤال مع عشه سبانا تزوجت
قريبا وتستعد للحاق بزوجها بكندا
كيف اماني واولادها ووين منافسك سواق اللوري واسال عن حلة
محمد الامين خلف الله واختك زوجته وعن هاشم وعجيب وادم احمد
سليمان وست الجيل زوجته ودكتور الباقر الاحمر وود جيرانكم منزول
من دلقه واحشاني شوفه لك ولاهلك وكيف الاهل عموم مع سخانة
البلد سياسيا واقتصاديا اسال عن ياسر واحمد عبدالله
اتصلت بك قبل اسبوعين في الشغل ولم اجدك وصيت عماني قال
لي بكرة لكن سوف اتصل تاني علي الموبايل
صداح كويس وسوف انقل له تحياتك بعدين بنفطر كل يوم سوا
تركتك في وداعة الله وداعة الله
|
|
 
|
|
|
|
فيس بوك
تويتر
انستقرام
يوتيوب
بنتيريست