|
|
 ( الكسر في اسواق الخرطوم ) يــا اقتصاديين تعالو افتونا !!!
|
توجد ظاهره في اسواقنا منذ قتره
وهي ظاهره اقتصاديه بحته
يطلقون عليها اسم ( الكسر )
تعريفها :
تشتري اي سلعه سريعه البيع بسعر عالي و بشيك و تبيعها بسعر اقل وكاااااش
من هنا
اطالب الاقتصاديين المنبريين ان يدلونا و يناقشو لنا وجهات نظرهم في هذه الظاهره
تهريجه:
لدي الكثير من القصص تستحق السرد في هذا البوست
سوف اعود لسردها
ناذر اوعك تكون اتعلمت الكسر
|
|
 
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: فيصل نوبي)
|
ظاهرة الكسر ظاهرة قديمة فى الاسواق وقد وصلت اسواق الخرطوم من الخليج ويلجأ لها
عادة اصحاب المشاريع والمقاولون..لان المقاول يستلم امواله على دفعات بعد تنفيذ
كل مرحلة وبعضهم ليست له اموال تشغيل كافية وهنالك شروط جزائية على التاخير فى
التسليم واول ما يخشى المقاول ان يتوقف العمال عن البناء لعدم استلام المستحقات عليه
يلجألشراء بضاعة سريعة البيع وكسر سعرها وبيعها بسعر اقل نسبيا لتصريف العمال وبذا
يضحى بجزء من ارباحه لكى لا تكال له غرامات التاخير فى تسليم المشروع وبذا ايضا
يضمن تصنيفه ايضا من ضمن المقاولين الذين يلتزمون بتسليم المشاريع فى وقتها
المتفق عليه..وايضا اصحاب الدراسات المضمونة العائد ولا يملكون راس مال ولكن
يملكون سمعة طيبة .
هب انك بصدد انشاء شركة ليموزين مثلا ولا تملك قيمة السيارات فتشترى سلعة سريعة
التصريف (يسمونها سلعة حية) وتبيعها بسعر اقل من سعر الوكيل او المستورد
وتشترى بها سيارات وتسدد من قيمة الدخل الشيك الذى سلمته للوكيل او المستورد
وبشرط ان يكون المشروع مدروس يعنى(مايخرش مية) والا كان السجن من نصيبك.
لكن فى السودان الكسر جزء من الاحتيال ولا يمكن عمل اى مشروع بهذه الطريقة
لانه فجأة يمكن لحكومة الولاية او الحكومة المركزية ان تفرض عليك قيمة مضافة
او دمغة جريح او دمغة شهيد او زاد مجاهد وتلخبط عليك دراستك فى راسك.
وهسع يا فيصل اليك هذه الكسرة:
اشترى ليك تمر من تاجر بى 18 مليون واكسره بى 17 مليون واكتب للراجل صاحب التمر
شيكات شهرية بى 1,500,00 واشترى بالقيمة امجاد واشتغل فيها براك وكل شهر
بطلع ليك 2مليون جنيه تقريبا وطبعا السنة الاولى ما محتاجة منك مصاريف تصليح لان
السيارة جديدة تقوم تدفع منها قيمة شيكات الراحل وبعد سنة تبقى امجاد حلالك بلالك
وتكون عملت ليك راس مال بالكسر. وعندك امجاد.
فيصل كان المشروع نجح بتبقى عزيز كافورى وحينها شوف لينا معاك وظيفة مستشار
وكان طرشق بتبقى عزيز قوم زل وحا نزورك فى السجن ونعمل ليك نفير فى سودانيز
اون لاين الى ان يفرج الله كربتك..وبينى وبينك مع الغاز البقيفو ليه صفوف
ده ياها الاخيرة الباقية عليك ودمت،،
| |
|
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: صديق الموج)
|
ود الموج ( موجك يكتل )
Quote: هب انك بصدد انشاء شركة ليموزين مثلا ولا تملك قيمة السيارات فتشترى سلعة سريعة
التصريف (يسمونها سلعة حية) وتبيعها بسعر اقل من سعر الوكيل او المستورد |
دي الا اشتري ليها ممنوعات ياتو سلعه بتجيب حق الليموزين ؟
| Quote: وتشترى بها سيارات وتسدد من قيمة الدخل الشيك الذى سلمته للوكيل او المستورد |
دي سيارات شنو ؟
| Quote: وبشرط ان يكون المشروع مدروس يعنى(مايخرش مية) والا كان السجن من نصيبك. |
تعرف يا ود الموج كان عملت الفوق ده في الحالتين الهناي ده نصيبك سمح !
Quote: لكن فى السودان الكسر جزء من الاحتيال ولا يمكن عمل اى مشروع بهذه الطريقة
لانه فجأة يمكن لحكومة الولاية او الحكومة المركزية ان تفرض عليك قيمة مضافة
او دمغة جريح او دمغة شهيد او زاد مجاهد وتلخبط عليك دراستك فى راسك. |
هسي قالو في دمغه حصين برضو وبي كده الا تعلف روحك كويس
| Quote: وهسع يا فيصل اليك هذه الكسرة: |
مافي زول تاني نجربها فيو ؟
| Quote: اشترى ليك تمر من تاجر بى 18 مليون واكسره بى 17 مليون |
وكان اكلتو في رمضان ؟
Quote: واكتب للراجل صاحب التمر
شيكات شهرية بى 1,500,00 |
هو سيد التمر بفا يعرف شيكات ؟
Quote: واشترى بالقيمة امجاد واشتغل فيها براك وكل شهر
بطلع ليك 2مليون جنيه تقريبا وطبعا السنة الاولى ما محتاجة منك مصاريف تصليح لان
السيارة جديدة تقوم تدفع منها قيمة شيكات الراحل وبعد سنة تبقى امجاد حلالك بلالك
وتكون عملت ليك راس مال بالكسر. وعندك امجاد. |
الا امجاد في الحراسات و السجون !
Quote: فيصل كان المشروع نجح بتبقى عزيز كافورى وحينها شوف لينا معاك وظيفة مستشار
وكان طرشق بتبقى عزيز قوم زل وحا نزورك فى السجن ونعمل ليك نفير فى سودانيز
اون لاين الى ان يفرج الله كربتك..وبينى وبينك مع الغاز البقيفو ليه صفوف
ده ياها الاخيرة الباقية عليك ودمت،، |
مع قوانين بكري دي نفير هنا زاتو ما ظنيتو ينفع ولا يحل
تهريجه:
اها انا عندي ليك مشروع يا ود الموج بكلمك بيو سمح !
| |
|
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: فيصل نوبي)
|
سلامات ياموج ياعالى
فيصل دا مرق يالله يا الله من غرقة قبل ايام وبى كلامك حا تغطص حجرو لكن دحين شوف كلام جنى امكن تغير رايك
Quote: الكسر في السودان هو عملية اشتراء وقت ليس الا وهى الخروج من ورطة بالدخول فى ورطة لحين الخروج منها بورطة أخرى وهلمجراوسؤ النية عنصر اساسى ويقابله الطمع عند الطرف الاخر ويتم
من خلاله تقديم شيكات مقاصة يروح ضحيتها الطرف الثالث ثم يبدأ دور الأجاويد المال تلته ولا كتلته من أطرف أنواع الكسر ان تقوم بضرب الشخص على رأسه وبجزمته مثل أن تشترى منه سلعة بخمسة وثلاثين مليون جنيه بالاجل ثم يبيعها له نقدا بمبلغ ثلاثين مليون جنيه ويدفع له مقدم مبلغ خمسة مليون ويقوم بدفع الخمسة وعشرين مليون للخروج من ورطة سابقة ويهرب ليقوم البائع بملاحقته ويكون قد صرف المقدم الذى قبضه فى تعقبه لجلبه للعدالةالتى كان وزير داخليتها عبد الرحيم أبوعصاية!!!
جنى |
شكرا جنى فقد اكفيتنى مؤنة مصارعة الموج
| |
|
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: فيصل نوبي)
|
العزيز فيصل
عاطر التحايا
اولا لدي اعتراض على عنوان البوست بدل مايكون
| Quote: ( الكسر في اسواق الخرطوم ) يــا اقتصاديين تعالو افتونا !!! |
كان يفترض ان يكون
| Quote: سجن الشيكات بأم درمان لماذا...يــا اقتصاديين تعالو افتونا !!! |
طبعا الاقتصاديين اكيد بكون كلامهم مؤسس وممكن يكون موضوع دراسة للظاهرة لانها حديثة عهد....
نعم
هذه ظاهرة دخيلة على السوق وعلى التجار في السوق وصاحب ظهورها الشركات حديتة عهد الانقاذ لان لديها من الامتيازات ما لم تكن عند العادية اضف الي ذلك رخص اوتصاديق الاستيراد الذى تصدر بطريقة او باخرى...مثلا انت صاحب شركة استورد سلعة استهلاكية وبتستوردها منذ زمن ومعروف من المستورد..
اها تقوم شركة من شركات الحكومة وبالامتيازات العندها تستورد نفس السلعة الانت اصلا موجودة عندك ووضعت فيها راس مالك كله وعليك التزامات بنكية وخطابات ضمان وحسابك مكشوف والخ...
وعايز تبيع وتربح حسب التكلفة ومنصرفاتك على البضاعة بتعتك بالطبع انت بتدفع اكثر لنو ماعندك امتيازات الشركات الحكومة ... وتخيل انت بتبيع x من البضاعة والشركة الحكومية عندها نفس البضاعة بسعر اقل من سعرك في حالة ذى دى ... امامك واحد من اثنيين ... اما تبيع بشيكات معتمدة ودى اختفت في سوق السودان او شيك ودى مخاطرها اكبر لان الثقة انعدمت في السوق تماما وفي النهاية هي مغامره... احتمال المصداقية من 1 الى 2% ... اما الثانى ان ترهن لشركة او بنك .. وفي الغالب ما تنهار ويقال عليك بلغة اهل السوق الحديثة والحديثة جدا... فلان كسر ... او فلان كعد في الجنينة...
وياما تجار في السودان كانوا في الماضى القريب بضربوا بهم المثل...
يقوليك ده عندوا قروش النار ما تاكله ......
وعلى سبيل المثال ما حدث
لــ عمر البدوي .. القضارف.. والقائمة طويلة...
ملحوظة:
في سجن في أم درمان ( اسمو سجن الشيكات على ما اذكر)
وعملوا فيه نكتة....
مع تحياتى
| |
|
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: هشام مدنى)
|
الخال هشام
| Quote: هذه ظاهرة دخيلة على السوق وعلى التجار في السوق |
والله انا ما سمعت بيها الا عندنا
| Quote: اها تقوم شركة من شركات الحكومة وبالامتيازات العندها تستورد نفس السلعة الانت اصلا موجودة عندك ووضعت فيها راس مالك كله وعليك التزامات بنكية وخطابات ضمان وحسابك مكشوف والخ... |
دي اسايه طبعا
| Quote: وفي الغالب ما تنهار ويقال عليك بلغة اهل السوق الحديثة والحديثة جدا... فلان كسر ... او فلان كعد في الجنينة... |
ده كان في جنينه تشيلك
Quote: في سجن في أم درمان ( اسمو سجن الشيكات على ما اذكر)
وعملوا فيه نكتة.... |
النكته دي ما تحكيها لينا ؟
| |
|
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: فيصل نوبي)
|
| Quote: شكرا جنى فقد اكفيتنى مؤنة مصارعة الموج |
ود عكر..جنى ده ظلامى ينظر للنصف الفارغ من الكوب فقط. ما ممكن يكون فى واحد فتك
يستعمل الطريقة الجميلة ويستفيد من الكسر بشوية زكاء وبعدين لان جنى موظف كحيان
ولا يستطيع ان يخرج من قوقعة موظف دى ولا يستطيع ان يخاطر والتجارة دايرة شجاعة وقوة
قلب شوية وجنى ده داير اخر الشهر يجى يقبض المعلوم ويوم خمسة يقعد اباطه والنجم.
دحين خلو فيصل يجرب يمكن تضرب معاه ونرتاح من الغربة دى .
| |
|
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: صديق الموج)
|
Quote: وبعدين لان جنى موظف كحيان
ولا يستطيع ان يخرج من قوقعة موظف دى ولا يستطيع ان يخاطر والتجارة دايرة شجاعة وقوة
|
الخواف ربى عياله!
يا خوى انا كف واحد بقر(بكسر الباء) نحن المرقنا شنو !
يا صديق أخوى نحنا لولا التعفف لاشترينا نصابين السودان من سوق وبعناهم فى آخر يعنى كنا سمسرنا فيهم بالعربي!
يا الموج اخوى فى السودان الواحد يمرق من السجن في قضية اختلاس تلقاهو يتجدع ويتضرع في الشارع تقول كان معتقل سياسي واهله يقولوا ليك السجن حق الرجال!!
يا خوى السجن حلق ما عندنا ليهو اضنين!!
جنى
| |
|
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: فيصل نوبي)
|
| Quote: يا الموج اخوى فى السودان الواحد يمرق من السجن في قضية اختلاس تلقاهو يتجدع ويتضرع في الشارع تقول كان معتقل سياسي واهله يقولوا ليك السجن حق الرجال!! |
جنى هو كان بقبضوا النصابين عبد الرحيم محمد حسين كان بضرع..
الزمن ده بقوا يرقوهم ويقولو ليك فلان جدع كمان..
ينسجن الداقس الزى وزيك.
وبعدين فى جماعة بقوا يشتروا منك الدين فى السودان ،يقولو ليك مطلوب كم تقول
ليهم اربعين مليون ،يقولوا ليك جيب عشرين واطلع منها ،يقومو يمشوا معاك
لى سيد الدين ويدوه شيكات من عندهم ويسحبوا شيكاتك ويقول ليك ما عليك جوه احسن
من بره مع الجبهجية ديل.يقوم المسكين يقدم الشيك ا لجديد والبنك يكتب ار دى تمشى
للزول الاداك الشيك يقول ليك اصبر علينا عندنا بواخر داخلة وكان ما عجبك
الشرطة قاعدة ويوم تمشى تشتكى يكون هو عمل بارتى وما عنده مانع يقعد عشرة سنين
يقول ليك كان قعدت بره نص القبضتهن ديل ما بطلعن مع الجبهجية وهلم جر
والجماعة بره يدورو ليه زبون جديد وهكذا سواقى..شفت البزنس يا موظف
يا كيشة،،،،
| |
|
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: فيصل نوبي)
|
تحياتي ....
موضوع شيق ويمس قطاع مهم في المجتمع ..
| Quote: ناذر اوعك تكون اتعلمت الكسر |
خليها مستورة ما داير أضيف لي ألقابي في البورد لقب (............) !!
Quote: لان المقاول يستلم امواله على دفعات بعد تنفيذ
كل مرحلة وبعضهم ليست له اموال تشغيل كافية وهنالك شروط جزائية على التاخير فى
التسليم واول ما يخشى المقاول ان يتوقف العمال عن البناء لعدم استلام المستحقات عليه
يلجألشراء بضاعة سريعة البيع وكسر سعرها وبيعها بسعر اقل نسبيا لتصريف العمال وبذا
يضحى بجزء من ارباحه لكى لا تكال له غرامات التاخير فى تسليم المشروع وبذا ايضا
يضمن تصنيفه ايضا من ضمن المقاولين الذين يلتزمون بتسليم المشاريع فى وقتها
المتفق عليه.. |
والله يا خال كلامك كويس لكن !!!!!!
ما عصرت علينا شوية كدي !!!
ما كل المقاولين بيعملوا الحركات دي !!!
كيف يا جني
| Quote: الكسر في السودان هو عملية اشتراء وقت ليس الا وهى الخروج من ورطة بالدخول فى ورطة لحين الخروج منها بورطة أخرى وهلمجر |
ودي نحنا بنسميها : طاقية دا في راس دا .. أنا الشغال بس كدا دا !!
| Quote: يا خوى السجن حلق ما عندنا ليهو اضنين!! |
عندي واحد من اصحابي شدييييد وبيقيف معاي في اي حاجة لحدي ما حصل موضوع كدا ما داير أقولو لمن إتصلت بيو قال لي : يا أبو النيز أنا والله بقيف معاك في اي حاجة في الدنيا دي .. موت بموت معاك... دفع .. من الألف للمليون .. لكن موضوع فيهو حراسة وسجون ... والله لا بتعرفني لا بعرفك !!
صنفرة :
الموضوع دا الجابو شنو يا فيصل !!!!!!!!!!!!!!!!!!
| |
|
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: ناذر محمد الخليفة)
|
| Quote: خليها مستورة ما داير أضيف لي ألقابي في البورد لقب (............) !! |
بدون تعليق 
تهريجه:
| Quote: الموضوع دا الجابو شنو يا فيصل !!!!!!!!!!!!!!!!!! |
| Quote: عندي واحد من اصحابي شدييييد وبيقيف معاي في اي حاجة لحدي ما حصل موضوع كدا ما داير أقولو لمن إتصلت بيو قال لي : يا أبو النيز أنا والله بقيف معاك في اي حاجة في الدنيا دي .. موت بموت معاك... دفع .. من الألف للمليون .. لكن موضوع فيهو حراسة وسجون ... والله لا بتعرفني لا بعرفك !! |
| |
|
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: فيصل نوبي)
|
هذه الظاهره
يستخدمها التجار عادة لتغطية الأموال المطلوبه منهم
أى أنهم يأخذون طاقية هذا بذاك
أى اذا كنت مطلوب 100 مليون بعد غدا
تأخذ بضاعه ب 145 مليون من شخص اخر
و تكتب له شيكات اجله بمبلغ 150 مليون أى بارباح
و تبيعها بأقل من سعر السوق
أى مثلا ب 140 مليون
و تغطى لطالبك ال 100 مليون
و تأخذ ال 40 مليون و تتاجر بها فى السوق
حتى حين سداد ال 150 مليون
على أمل ان تزدهر معك التجاره
أو تبدأ الكسر من جديد
و هنا تكمن الخطوره
ناصر البطل
| |
|
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: nasiradin)
|
العزيز المهرج نوبي
خليك في حالك
مالك ومال السوق وكدا
لو عندك شوية شطارة
عندي ليك مشروع جاهز
اما السوق الانت عايز تعرف
كسرو وملوصو وكتفليهو دا
بـ(كسر) رقبتك و(يملصك) هدومك - اقصد ممتلكاتك
لانك حاتشيل فوق (كتفك) شيك فوق شيك
لحدى ما يدوك غرفة في سجن امدرمان
وهناك لو قلت (الرقم) الجيت بيه
حكتون فضيحتك بي جلاجل وتكون مضحكة للزائر والمزيور
أوعك تفتكر انو لو ضربت
100 أو 200 أو حتى 500 مليون
حتكون بقيت تمساح..؟
دا أول واحد تلقاه قاعد زهجان في الغرفة المجاورة
حيقول ليك ..انت ما لقيت غير المسكين
أبو ميتين مليون دا تضربو..
يا اخوي الحكاية بقت
مليارات وشيئ بالاجنبي
و(محل)الـ(...) معروف
عندك بطاقة..؟
عندك جواز..؟
عندك جنسية..؟
طيب انا اعرفك كيف
عايز تخش السوق
اطار مواز
الاحباب
جني والموج
الموضوع كبييييييييييييير
وزيارة واحدة لا تكفي
| |
|
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: فيصل نوبي)
|
مالك عايزنى يافيصل افتح الملف والجروح القديمة لاسلوب تجار الجبهة الاسلامية
الموضوع ده انا ما بحب اتكلم فيه...
ومن سنة 1977 في اعقاب المصالحة الوطنية هكذا قالوا الوطنية ...
لكنها كانت الدمار والهدم.. والبداية كانت بنك فيصل الاسلامى..
وكل الشركات الا في نهايتها .. كلمة... اسلامية..
ما تزيد في الموضوع ده خليهو على كده
| |
|
|
|
|
|
|
|
|
|
Re: ( الكسر في اسواق الخرطوم ) يــا اقتصاديين تعالو افتونا !!! (Re: فيصل نوبي)
|
Quote: مالك عايزنى يافيصل افتح الملف والجروح القديمة لاسلوب تجار الجبهة الاسلامية
الموضوع ده انا ما بحب اتكلم فيه...
ومن سنة 1977 في اعقاب المصالحة الوطنية هكذا قالوا الوطنية ...
لكنها كانت الدمار والهدم.. والبداية كانت بنك فيصل الاسلامى..
وكل الشركات الا في نهايتها .. كلمة... اسلامية..
ما تزيد في الموضوع ده خليهو على كده |
اخر هذا البوست كلمات استاذنا هشام مدني
و قفل هذا البوست بناء علب طلبه
مع كامل احترامي لك استاذي
| |
|
|
|
|
|
|
| |
فيصل نوبي
صديق الموج
jini
ناذر محمد الخليفة
nasiradin
عادل فضل المولى
فيس بوك
تويتر
انستقرام
يوتيوب
بنتيريست