|
Re: السيد عمر ادريس محمد , هذا هو ردي (Re: نهال كرار)
|
ناس الزومة ومقاشى حلفتا بصد تاني غاشى .................... يا عمر يا ولدنا يا بلدياتنا..يا زولنا...ياخى إنتا ناس الزومة ديل ما مليانين حنان حتي يدفقوا....ناس حسن محمد حسن.. وناس على أحمد ابوزيد.. وناس هاشم إدريس..وناس بابكر وناس مريم. وناس عوض دندراوي..ديل كلهم أهلكم الزاملونا في الدراسة.. وأصدقانا وزتهم كتير في الزومة.. ................. اقول ليك حاجة. نهال دي بنتنا يا أخي لاها جبهجية ولاحاجة... بس محبة للدين والتدين وما بتخاف... تراها من الله خلقا تقول رايا كدة..يا أخونا عمر أول الدين تخليهو الناس لى ناس الجبهة والله شنو.؟ يا عمر إدريس محمد بتنا دي خلها عليك الله.. من ناحيتها إطمئن وبعدين عندها قيمة إنسانية رفيعة تحترم حتى من تختلف معاهو في الراي، لاتشتم ولاتضمر شر بس جاية هنا منبركم دا عشان تعبر عن رايا في وضوح.. ( صلاح نوري والبركل راجل الزومة ليا تصل تشهدوا بي العليا حصل أطير بي جناح ما بتعطل وارفع زولى فوق لى زحل هكذا غنى النعام آدم يا عمر... أها فوقك جدك راجل الزومة خلى نهال دي تعبر عن رايا بحرية وصدق وشجاعة وقوة من غير ما تصنفها تصنيف معين أو تلونها لون معين...تمام يا عمر... نسمع منك خير...
|
|
|
|
|
|
|
العنوان |
الكاتب |
Date |
السيد عمر ادريس محمد , هذا هو ردي | نهال كرار | 10-01-05, 04:52 AM |
Re: السيد عمر ادريس محمد , هذا هو ردي | Sana Khalid | 10-01-05, 06:27 PM |
Re: السيد عمر ادريس محمد , هذا هو ردي | Ahmed Alrayah | 10-01-05, 07:56 PM |
Re: السيد عمر ادريس محمد , هذا هو ردي | bint_alahfad | 10-01-05, 11:40 PM |
Re: السيد عمر ادريس محمد , هذا هو ردي | منصوري | 10-02-05, 00:19 AM |
|
|
|