|
|
 تفكير مساطيل
|
منو الفكر في السلطة الخضراء؟؟؟؟؟
يعني كيف قدر يلم الحاجات دي كلها مع بعض في صحن واحد والغريبة الحاجات متناسقة !!!
يعني مثلاً ليه ما قال يخت في السلطة الخضراء قرع ؟؟؟؟ أو بامية ؟؟؟
|
|
 
|
|
|
|
|
|
|
|
Re: تفكير مساطيل (Re: عمر الفاروق)
|
طيب ده كلو هيين أها اللخبت الشاي بي اللبن وعمل شاي بي لبن ده نصيح ؟؟؟؟
يعني ليه ما كان يعملوا شاي بي عسل مثلاً !!!!
وبدل ما تشربو ساخن تشربو بااااااااااااارد !!! وهو زااااااااتو ليه قال شاي بي لبن ما يقول لبن بي شاي خصوصاً وإنو مرات إنت بتجيب لبن حليب وتكب فيهو حب الشاي !!!!
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
والله يا ود الفاروق مرات كتيرة بتجينى زى افكارك دى ومابلقى ليها اجابة
بتخمد بنوم دايما الافكار دى بتجى لمن يكون فى عدم نوم
راسك بقوم يودى ويجيب ويفتح عليك جنس حاجات لمن تتحير
اقول ليك مرة حصلت لى جد جد قعدت اعاين للمروحة وقلت اسى المروحة دى الفكر فيها
وخلاها تلف الاداهو الفكرة منو إنو يعلقة فى السقف وتلف زى عقارب الساعه لية ماتلف
عكس العقارب .. المهم مابلقى اجابة بقول ها الافكار دى ماعارفاها زاتة بتجينى من وين
| |
|
|
|
|
|
|
|
|
 Re: تفكير مساطيل (Re: عمر الفاروق)
|
كل ما ألقي لي سمسم أشيل واحدة وأقلبها يمين شمال
أعاين ليها تاني من فوق ومن تحت..وأسأل نفسي :
الحريف القدر يطلع زيتا دا منوا؟
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
يا عمر
عندي سؤال محيرني
الاكتشف السطلة دي منو
يعني الشاي معروف و قعت صفقة في كباية وووو الخ
البنقو ده اكتشفو منو !!!
ده برضو اظنو تفكير مساطيل
تهريجة:
و ما بيدرسو مكتشف البنقو في التاريخ ليه !!!
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
وطن (النجود) نفديك بي الأرواح جدود :
Quote: اقول ليك مرة حصلت لى جد جد قعدت اعاين للمروحة وقلت اسى المروحة دى الفكر فيها
وخلاها تلف الاداهو الفكرة منو إنو يعلقة فى السقف وتلف زى عقارب الساعه لية ماتلف
عكس العقارب .. |
قلنا تفكير مساطيل ..لكن طلع في تفكير مسطولات 
شكلك يا نجود من النوع المرات بيفكر في أسامي الحاجات وليه سموها كده وتلقيك ترددي فيها طواااااالي ..يعني مثلاً تقولي :
بمبر..؟؟؟؟ بمبر؟؟؟؟ بمبر؟؟؟ هو بمبر ده معناهو شنو زاتو !!!
ولا تقولي عنقرييب ؟؟؟ عنقريب ؟؟؟ أسه بالله دي معناها شنو !!!
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
يا ابو السعود :
| Quote: مش يمكن صدفة زي الدنيا والحياة والطبيعة |
أسة في ذمتك الأبري دي صدفة ؟؟؟؟؟؟
بالله شوف ..سمحة الصدف حلوة الظروف
يا فيصل يا نوبي :
| Quote: البنقو ده اكتشفو منو !!! |
بوب مارلي ...
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
وإذ سمحتم لي فإني سأحدثكم عن الإختراع السوداني البسيط الذي حير الخواجات ألا وهو سلطة الروب بالعجور !!
قيل أن الخواجة جاء للسودان في مهمة تجسسية وأشد ما لفت نظره هو كيف فكر السودانيين بخلط اللبن الرائب مع العجور بحيث يخرج هذه السلطة اللذيذة !!
ورغم أن الخواجة مسطول بطبعه إلا انه فكر وقدر وأدبر ويسر.. ولم يستطع أن يصل لهذا السر العجيب الذي يجعل العجور والروب يعيشان في تناغم عجيب في صحن واحدة ..
ولكني أخير إكتشفت الحقيقة التاريخية الغائبة ..
قيل أنه في قديم الزمان كانت توجد مملكة فقيرة تسمى وادي أب لبط وكان جل سكانها من الرعاة والزراع والرعاع .. وحدث أن كان هنالك أحد رعايا هذه المملكة وهو سليم السجمان ولقبه (التمبرلي) !!
كان التمبرلي يعمل سريحة أي يسوق بعضا من بهائم المملكة ويسرح بها في الخلاء وكان التمبرلي يحب الروب حبا شديدا لدرجة أنه كان عندما يسرح يحمل معه عدة أكياس منه كي يكوجم بعضا منه أثناء مراقبته للبهائم ..
وفي يوم من الأيام نفد مائه وهو في الخلاء وعطش عطشا شديدا حتى أشرف على اللحسة !! ولكن لحسن الحظ كان معه بعض اللبن الرائب فتناول جغمة منه ولكنه وجده مرا لا يستساغ طعمه !! ففكر في خلطه ببعض من العجور الذي يحبه عل طعمه يتغير قليلا ..
فأخذ كجمة من العجور وجغمة من الروب فوجد أن طعمهما معا في غاية اللذة !! فأخذ يزيد في الكجمات والجغمات حتى شعر بإرتواء شديد وشبع أيضا ولما رجع إلى مضارب مملكته ذهب من فوره للتكل وأخذ يجرب في هذه الخلطة العجيبة ويضيف إليها تارة السكر وتارة الملح وتارة العسل وتارة السمن .. ولكنه في النهاية توصل إلى الخلطة العجيبة التي نعرفها الأن ب سلطة الروب !!
صنفرة :
يقى أن أذكر أن التمبرلي لم يسجل إسمه في موسوعة جينز القياسبة لأن الخواجة ذاك هو من فعل رغم أن أهله أرسلوه ليأتي لهلم بأسرار المملكى الحربية فرجع إليهم بأسرار صناعة سلطة الروب !!
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
ناذر :
لكن باااالغتو انت والتمبرلي والخواجة...قصرتو مع الجزر
الفاروق :
ياحي المفكرين فلقونا...كلو حاجه صدفة...ليه نستثنى الآبري عشان حلو/مر يعني!
الأخت نجود :
أنا لو ركزت مع المروحة للفتين بفكر فيها وأنا نايم.
دفعة:
ما تحكها..وحول السؤال لي راستا
| |
|
|
|
|
|
|
|
|
|
Re: تفكير مساطيل (Re: فيصل نوبي)
|
عمــر الفاروق كيف احوالك ؟انتا عارف ياعمر البوست ده وقع لى فى صميم .. الغريبه اصلوا ماشفتوا .. وانتا عارف طبعا الراستاويين نسايين وكــدا لكن جايك راجع
يافيصل
| Quote: الراستا قالب لحوم بشر اليومين ديل |
يــاخى والله الناس بقــوا يخافوا منى عديل كدا .... غايتو الشافتو عيونى ده الراستا راحت لى الله يعلم
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
Quote: انت قايلو البمبر والعنقريب بس حتى المقشاشة فكرت فيها
ودى برضو حصلت لى جد جد عمى كان قاعد بتونس معانا وهو كان جاى من اليمن الشقيقه بس مسكنو فى الشمالية اها يازول ليك كان نازل ليهو اجازة السودان وعارفنى ماعندى اى فكرة فى لغة الشوايقة قام قالى يانجود مدى العنقوق دة طبعا قعدت اتلفت عنقوق شنو البقولو عمى دة ناس اليمن اثرو فيهو زى البيمشى السعودية ولا اى دوله من دول الخليج يجى يقول ليك السيارة للعربية وسكرى الباب لى اقفلى الباب المهم قلت عمى دة مخو ضرب ياربى قاصد شنو اتاريهو هو الكان قاصد يحيرنى وكان قاصد المقشاشة وعشان عارفنى شايقية لندن زى مابقولو بقى يجيب لى فى اسامى غريبة زى اللداية ودى قالة لى كان بيحكى لى فى قصة وقالى لمن كنتى قدر اللداية عرفت اللداية معناها الشافع الصغير والمعراكة للقماشة البيمسحو بيها الصاج .. المهم يازول ليك لقيت ليك روحى تسطيحت عدوك
زى الخواجى لمن يجينا هنا ونقطع فيهو ومايكون فاهمنا |
نجود عامله راسك زى اللداية والله انت صحى مسطحة..قلتى لى اللداية الشافع الصغير
والعنقوق المقشاشة,,,الله يقطع شيطانك..
اولا :اللداية دى 3حجار يضعونهن على الارض ويولعو النار تحتهم هذه هى اللداية
وهى تعمل عمل الكانون بحيث توضع عليهم الحلة او الكفتيرة.
ثانيا: الحنقوق وليست العنقوق والحنقوق ليست المقشاشة شخصيا ولكن السعف الذى تصنع
منه المقشاشة...فهو اكيد كان داير ليه قشة من المقشاشة لاستعمالها TOOTH PICK فاهمة
يا ام راسا زى اللداية سلمتى،،،
نرجع للمسطول صاحب البوست..غاشينا وظلامى وجبهجى تراك بثضرب الصنف يا مان
ودى جبتها من وين يا شقى،،،
| |
|
|
|
|
|
|
|
|
|
Re: تفكير مساطيل (Re: صديق الموج)
|
والله يا الموج انا بقولو لى الكلام لكن ماحصل زول كتبة لى بالسمع بخت الحروف البسمعه اما حكاية اللداية دى اى هى فعلا التلاتة حجارة لكن برضو بشبههو بيها الواحد بقولولو لمن كنت قدر اللداية
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
والله العظيم قطعتو مصارينا من الضحك الله يجازيك ياعمرالفاروق
وغايتو أنا المحيرني مش الابري والدلكة وأم تكشو والمحريب والكرمدودة
العالم كلو بيلبس جلاليب بس الفكر في قصة العمود و(كسر) العمود دا ماداير يشاقي أخوانا
الترزية على الشقاوة الهم فيها ..
نجود
مسعولة بالخير يا أختنا
اللداية = الشافع الصغير
عمرك شفت ليك صاج مولعنو فوق تلاتة (شفع)..
لووول
واقول ليكم حاجة مانقوم نستضيف – طبعا بعد أذن صاحب البوست
واحد مسطول (على هامش سجارتو عفواً تجربتو..)
وتسلمو ياحبايب ...
| |
|
|
|
|
|
|
|
|
|
Re: تفكير مساطيل (Re: عادل ابراهيم عبدالله)
|
السلام عليكم ورحمة الله وبركاته
غايتو كان لقيتو غلط في الكتابة ماتلوموني عشان عيوني ملانات موية
>>>>.............>>>>>>
بمناسبة اللدايات ديل(عندي صاحبي اخوهو معرس اتنين وبشاور فيهن علي التالتة وحنكو انو الدوكة مابتقعد الا علي تلاتة لدايات"شفع' اها قومي يا المرة الاولى قالت ليهو جيبا لي بقعدا ليك فوق لداية واحدة
,,,,,
الآبري احمر وابيض بس لييييييه مافي الوان تانية???
***المسيكتابي***
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
يا أخوانا/تنا كلكم صاح
وكلام الموج ده ما تدوهو الـواطه
اللداية هي الأثافي
التلاتة حجار وبشبهوا بيها الجنا لمن يكون صغير وقصير ..
يعنى ما قام من الـواطه لسه.. ده والله أعلم.
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
نجود :
تسلمي بت امي ومش كده عليك الله...وحاشااااكي.
دفعة:
ياخي راستا اليوم داك فززني عديل بلحومو ديك....
هييييع انا الترجماوي الكاهلي
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
هو ليهو يكبوا الموية في الشاي طيب ليه ما يكبوا الشاي في الموية
واحد حيجي يقول لي ما كلو واحد كبوا الموية في الشاي وللا كبو الشاي في الموية
سؤالي يبكوهم في بعض ليه ؟ ما يخلو كل واحد في حالو ولزومو شنو الخلط دا وبالموية الحارة كمان وعشان شنو يعني ؟؟ الاجابة اسفل
قالوا عشان التفل يرضع
شوفوا المسطول دا
في واحد بسطل وبعاين للنيل ناحية الجريف اها بقى ليهو النيل ماشي عكس
قام اخد ليهو نفس وقال هييييي هسه نقول النيل دا ماشي لي ورا يقولوا جنة نسكت مدني تغرق
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
لكن يا عمر خلى بترولنا يطلع والجبهجية ديل يشبعوا يدونا فيه فرقة واقوم
كدة امشى ليك اليابان وموروثاتنا دى كلها اعملها ليك كهرباء وتعال شوف الدعايات
فى التلفزيون ..قرقريبة توشيبا تعوس اسرع كنتوش سونى المطور يقنن اللبن بسرعة
المايكرويف..كنش سونى يعمل فى احلك الظروف..وكان للكسرة ديك قسمت اعمل ليها ماكينة
زى ماكينة التصوير ..تكب العجين بى جاى تتناول بى غادى ويعدين بمقاسين مقاس
قراصة ومقاس كسرة رهيفة..مع امكانية تطلع مملحة كمان..وتسمع صاج ال جى مملح
bold
وقروض الوكيل العام اعمال الموج التحارية ..وهكذا دواليبك،،،
| |
|
|
|
|
|
|
|
|
|
Re: تفكير مساطيل (Re: Walid Safwat)
|
عمر الفاروق
الفكر في صناعة اول سيارة منو ؟
وليه عمل ليها مكنة تحرك العربية
وما خلى ناس يدفروا وناس يركبوا؟
· اثنين مساطيل .. راكبين عربية الأول سايق والثاني راكب ورا ..
الراكب ورا سطل سطلة شديدة .. ماشين في شارع النيل ..
السايق شاف الشجرة (مضروبة جير أبيض نصها التحت) أفتكرها
عسكري حركة .. راح واقف .. لما شافها شجرة ضحك وطلع طوالي ..
بعد مسافة الثاني من ورا .. قال ليه .. التافه دا قال ليك شنو ؟
مكنيكي سألوه بتحب ياتو فنان قال ليهم:
بحب مايكل داتسون ومازدا الرومي .
كمان الاقترع الموبايل دةمنو؟ وليه عمل
فيهو اظهار الرقم وتحويل المكالمات والرسائل؟
(من غير زعل )سودانية إشتركت في مسابقة ملكة جمال العالم فازت بلقب
MISS Call
محمد عبد الله
| |
|
|
|
|
|
|
|
|
|
Re: تفكير مساطيل (Re: محمد عيد الله)
|
الأعزاء المتداخلين في بوست الفاروق العجيب!!
بالمناسبة أسئلة عمر ذكرتني بسؤال طرحته إحدى المواطنات بقريتنا على رفيقاتها اللاتي كان تعاني ما تعاني من صعوبة الونسة معهن لأنها بعيد عن الجميع كان عقلها على قدر حالها!!! فبعد صمت من المجموعة فاجأتهن بالسؤال:
يااخواتي خلونا من الكلام الكتير الماسخ دا. كدي قولي لي الناس يقولوا ليك الليلة السبت والليلة الأحد وما عارف الاثنين!! الناس ديل بعرفوا الأيام دي كيف؟؟؟
بالله ياعمر وود الموج دا مش سؤال فلسفي أساسي؟؟؟ يعني تفتكر الناس ممركين الأيام ولا بفرقوا بينها كيف؟؟؟ دلونا!!!
خالد
| |
|
|
|
|
|
|
|
|
|
Re: تفكير مساطيل (Re: خالد فضل)
|
غايتو
سبت دي يهوديه من سبد أو سبت بفتح السين واعتقد انه يوم الراحة (كذبوا)
الباقي عربي
أحد من واحد
إثنين = 2
ثلاثاء = 3
اربعاء = 4
خميس = 5
المحيراني الجمعه دي!...تكون الخلف ولا الرويس 
اعتقد سميت كذلك لأنها جامعة للناس هذا إن لم تكن جاهلية
ده والله أعلم
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
شباب الربة صباح الخير..
أسة عليكم الله انا كان حولت إسم البوست لي (تفكير صديق الموج ) بكون خاتي؟؟؟
هو السطلي ده بس بيعفوهو كيف عليكم الله ؟؟؟ ما ياهو بي جنس كلام ود الموج ده !!!!!
والله شوفوا انا الكلام البلدي خاااااااالص ده لمن ألقا صديق الموج أفتى فيهو طوالي بعمل نايم لأنو الراجل خبرة وما ظنيتو بيفتي ساي ...
أها يا باقي الشباب مداخلاتكم شديدة شدة السنين وما ظنيتني بقدر أسكها واحدة واحدة عشان كده واصلوا في تفكيرات المساطيل دي ..
أها نرجع لي التفكيرات السطلنجية وخصوصاً في الأكل ..
يعني طيب ليه الفول ده قطعوا فيهو الحاجات الكتيرة دي ؟؟؟
يعني الجبنة ليه كبوها في الفول ما كان يكبوا معاهو ويكة !!!!
وهل لمن عملوا زيت السمسم عملوهو عشان الفول ولا عشان حاجات تانية ؟؟؟
وليي عملوا قراصة نبق ودقة قونقليز وما عملوا دقة نبق وقراصة قونقليز ؟؟؟
والزول العمل الداردومة ده منو ؟؟؟ وهل لقا الأكياس جاهزة في الأول وبعد داك فكر فيها ولا فكر فيها حتى سوى الأكياس...؟؟؟
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
Quote: كل ما ألقي لي سمسم أشيل واحدة وأقلبها يمين شمال
أعاين ليها تاني من فوق ومن تحت..وأسأل نفسي :
الحريف القدر يطلع زيتا دا منوا؟ |
عليك الله دي بي كم كرت؟
قطعتومصارينا
شكيت محنك يا عمر الفاروق
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
| Quote: كدي قولي لي الناس يقولوا ليك الليلة السبت والليلة الأحد وما عارف الاثنين!! الناس ديل بعرفوا الأيام دي كيف؟؟؟ |
Quote: كمان الاقترع الموبايل دةمنو؟ وليه عمل
فيهو اظهار الرقم وتحويل المكالمات والرسائل؟ |
تورتسكي :
| Quote: لكن بتاعتى دى شويه مشاتره بتودى النار |
لالالا عليك الله نحن قلنا تفكير مساطيل ما تفكير كفار
Quote: هو ليهو يكبوا الموية في الشاي طيب ليه ما يكبوا الشاي في الموية
واحد حيجي يقول لي ما كلو واحد كبوا الموية في الشاي وللا كبو الشاي في الموية |
| Quote: الآبري احمر وابيض بس لييييييه مافي الوان تانية??? |
في أبري فوشي ما ضقتو ؟؟؟
| |
|
|
|
|
|
|
|
|
|
Re: تفكير مساطيل (Re: saadeldin abdelrahman)
|
يا دفعة
| Quote: الجماعة كان ربطوها نفسا بينكتم ..عشان كده بلفوها سااكت |
اجابة خاطئة
استعن بصديق او اسال الجمهور
بعدين سمعت بي الجماعة في هليكوبتر بيسطلو و رسلو واحد يجيب ليهم دخان احمر من الدكان
اها نط من الطيارة و شبك في المروحة و بقا لافي
واحد من الشباب شافو قال ليو اقعد ات.... او لف لف كده لمن الدكان يقفل
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
الغاروق
الويكة : لايووووقة و إمكن تقوم فى البطن وتنافس الفول في ثاني أكسيد الزيتون
أما الجبنة : فهي عشان عنصرية وجباااانةو لسانها سليـط قالت
للفول : انت ماك حر..ماك جلابي! اها أهلها ما بعجبهم الحال المايل
وطولة اللسان قاموا رموها فوقو
| |
|
|
|
|
|
|
|
|
|
Re: تفكير مساطيل (Re: saadeldin abdelrahman)
|
Quote: أما الجبنة : فهي عشان عنصرية وجباااانةو لسانها سليـط قالت
للفول : انت ماك حر..ماك جلابي! اها أهلها ما بعجبهم الحال المايل
وطولة اللسان قاموا رموها فوقو |
 دى بالغته فيها
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
Quote: أما الجبنة : فهي عشان عنصرية وجباااانةو لسانها سليـط قالت
للفول : انت ماك حر..ماك جلابي! اها أهلها ما بعجبهم الحال المايل
وطولة اللسان قاموا رموها فوقو |
وهو يا ريت كان رموها وبس !!! لالالا رموها وجابت ليها كسير وعفيص بي القزازة فوق دنقوسا !!!
| Quote: أنا حر في بزاغي .. زي ما إسحق نيوتن مخير في تفاحو و جاذبيتو. |
تعرف يا ابو جهينة كان ما نيوتن سبق زولك ده أسة كنا إكتشفنا الجاذبية بي البزاغ !!!!
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
الفاروق :
البكسر الجبنة ده ما ظنيتو راجل يا أخوي..عشان اهلها رموها يقوم يعفصها
جد
شلتنافي الثانوي بيرشوا الجبنه بي فوووق بس شمومه
القامة ابوجهينة :
صاحبك ده بكون غلبتو مسألة حقت جاذبية في إمتحان الشهادة
مرقتو من الطب وسقطو
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
عمر ..
تحياتي ..
مرة واحد طفل صغيرون كدا جاب لي ورقة و قلم قال لي : ( يا عمو أرسم لي زول ضربته كهربا ) ..
تعرف عملت شنو ..
قربت أضرب نفسي بالكهرباء ..
عشان هو يشوفها على الهواء ..
و أنا أرناح من المحن دي ..
بس الكهرباء ذاتها كانت .....
أكيد حقول قاطعة ..
لا كانت في بس أناطلعت جبان و صهينت ..
و ما أشتغلت بي الولد الشغلة ..
في نفسي قلت الولدا دا حيطلع اما عبقري .. أما مسطول ..
عارف طلع شنو ؟؟
أنقر ؟؟
| |
|
|
|
|
|
|
|
|
 Re: تفكير مساطيل (Re: عصام دهب)
|
| Quote: ( يا عمو أرسم لي زول ضربته كهربا ) .. |
طلع من السلم التعليمي
مسطول قال: العلم نور والنور كهرباء والكهرباء خطر فلماذا نتعلم؟
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
هسه الكوتشنية دي الناس تلعب بيها وهي ناقصة من زمان
تصدقوا ما فايها شايبة لو ملاحظين ولد وبنت وشايب وعجوزة ما فيها
بي مناسبة الكوتشينة هاكم دي
في مسطول قاعد على النيل والهمبريب ضاربو وفجأة جاهو عسكري من متلقين الحجج ديلك
قال ليهو يا زول قوم من هنا دا قال لي اقوم ليه دي مش بلدي اقعد في أي حتة تعجبني فيها
قال ليهو يازول انت شغال ؟ قال ليهو ايوا شغال قال ليهو شغال وين ؟ قال لي شغال في مصنع الضمنة قال ليهو شغال شنو في مصنع الضمنة ؟ قال لي الضمنة دي مش فيها نقط كدا قال ايوا قال لي انا البنقط الضمة دي
العسكري اتحير وقال ليهو اقتنعنا انك شغال في مصنع الضمنة وانك انت البتنقط الضمنة طيب هسي المقعدك هنا شنو ؟ قال لي للعسكري الليلة ما يوم البلاطة
| |
|
|
|
|
|
|
|
|
|
Re: تفكير مساطيل (Re: فيصل نوبي)
|
سطل يسطل ساطلاً فهو مسطول !!!
وأصل الكلمة مس كول وهي تعني إتصالات مفقودة وبما أن المسطول تفقد الإتصال معه إضغمت مس مع الكول وتم تحويل حرف الكاف لحرف الطاء للثقل والتعذر فصارت الكلمة مسطول هذا والله أعلم !!!
إنتو الزول بيعرف الألوان كيف ؟؟؟؟ يعني لييييي ده أحمر وده أزرق وده بنفسجي ؟؟؟؟؟
مش ممكن إنت تكون شايف اللون ده أخضر وانا شايفو بمبي؟؟؟؟ وهو زاااااااااااتو بمبي كيف إمكن اللون البمبي ده أسة لونو ما كده !!!!!!!
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
Quote: إنتو الزول بيعرف الألوان كيف ؟؟؟؟ يعني لييييي ده أحمر وده أزرق وده بنفسجي ؟؟؟؟؟
مش ممكن إنت تكون شايف اللون ده أخضر وانا شايفو بمبي؟؟؟؟ وهو زاااااااااااتو بمبي كيف إمكن اللون البمبي ده أسة لونو ما كده !!!!!!! |
بمناسبة الالوان دى حصل لى موقف بالجد والله
معليش مواقفى كتيرة بس ما ساطله والله بتجى براها كدة
الاحكى ليكم الحصل
يوم الوقفه بالليل مشينا انا واخوى السى عرس دة وماعزمتكم عرسو قلنا نلف فى السوق نشترى حاجات عشان السفرة السافرناها لى بلد التمنين ديك
اها قمنا قلنا نشترى نضارات شمش لزوم جنصصة وكدة قمت قلت ليهو انا والله فى نضارات طالعه موضه فى منها بالالوان لكن اسمح لونين يمشو لينا مع حاجاتنا الاسود واللون المايل للرمادى واسود مع بعض
اها قمنا وقفنا قدام بتاع النضارات وعزلت ليهو ديك يالنضارة السودة وانا ديك يالنضارة البلرمادى والاسود ورجعنا فرحانين وصلتنا البيت والله الكلام دة حقيقة لقيت انو هو نضارتو الرمادى المايل للاسود وانا لون نضارتى بنفسجى
اها ضحك فينى لمن وقع الارض من الضحك لانو سيد الطبلية الاشتريت منو قالى عاوزة ياتو لون عملت فيها البت شفتة وقلت ليهو خلينى بعزل براى
اها ومن ديك والنضارة البنفسجى ملازمانى
| |
|
|
|
|
|
|
|
|
|
Re: تفكير مساطيل (Re: فيصل نوبي)
|
العزيز فيصل نوبي
شابف ما في زول أجاب على سؤالك بتاع اكتشاف البنقو بصورة علمية!!! أصلو قالوا اكتشفوا تيس!! آي تيس عديل كدا يعني بعل الغنماية (فصيلة الماعز).
قاليك الراعي (الراجل البفثح الغنمايات) على قول الحنكوشة!! لاحظ أن هناك تيس دائماً مرندل ويصل القرية آخر واحد من القطيع!! الراعي فكر يكد وراء الأسباب التي أدت إلى تدهور هذا التيس وتقل ضله!! قام لاحظ ليك أن التيس ما بيأكل إلا من شجرة واحدة ما بزح منها مرخم قدامها طول اليوم!! عمنا الراعي قال يجرب!! قاليك أخونا الراعي بقى يصل القرية بعد التيس!!!
بعدين الطيارة ما بتكسر ركبة لآنو ما عندها ركبة!!
وما بترك في الشجرة عشان ما تخلع الطيور المسكينة مش في حقوق حيوان!!
ثالثاُ الطيارة ما عندها مرايات جنب لأنها سريعة تفوت أي شئ تاني عشان كدا الطيار ما بص بالجنبات ولا للوراء!!!
خالد
| |
|
|
|
|
|
|
|
|
|
Re: تفكير مساطيل (Re: خالد فضل)
|
| Quote: المرا الفكرت في الأبري الأحمر دي نصيحة ؟؟؟ |
المرأة الفكرة في الابري براها كتار المانصاح في البلد دي
اسي النسألكم الفكر في الشيلة وقولت الخير وفطور العريس رغم انو من صالحنا لكن برضو دافعين حقو ( يعني فاطرين بي حقنا ) والفكرت في الحنة والجرتق وهلم جرااااا
اصلو كل الحاجات دي من تحت راس النسوان ...؟ الله يجازيهم
وبرضو بسألكم انتو بالذات ياناس ودمدني خصوص والجزيرة عموم ملاح الويكاب ده الاخترعوا منو والمابعرف ملاح الويكاب هو عبارة عن ملاح من اللبن ومادة الويكاب وبعضهم يجيد صنعه من اللوبي عفن ما اللوبي الصهيوني ... والغريبة انو الويكة مافي التركيبة ما حاجة عجيبة ,,,,,
واختراع البنقو ده ذاتو بعد اللفة والشراب القال ليهم بخلي العيون صغار منو وبخليهم حمر وعرفها كيف حمراء مع انو السيجارة خضراء المفترض العيون تكون حمر ... ولا كلامي غلط قولوا لي
المهم في المساطيل طبعا النضارة السوداء لزوم العيون وكدة ولو بقت بالرمادي مامشكلة بس مسألة تحديد اللون دي انا بخليها لسيد الطبلية عفوا لي سيد السجارة هو وعيونو
عشااااااااااان ما ارجع البيت ...,, والزمة علي الراوي
| Quote: لانو سيد الطبلية الاشتريت منو قالى عاوزة ياتو لون عملت فيها البت شفتة وقلت ليهو خلينى بعزل براى |
وبعد انا لمن قريت البوست ده ما كنت خاتي اني اشارك فيه بس قريتو لانو مريح لكن بعد قريت وعاينت للصور المشاركة لقيت انو المسألة صعبة خلاص والناس كلها محتارة ,,,,, الفكر في الحيرة إنها ختت يد في الخد منو ...؟ ولو الاجابة ما عارفين تبقي مصيبة في زول عاقل يسوي حاجة ما بعرفها ,,, حتي الزول الوحيد الصورتو برئية لقيتو ليك بقول كلام صعب
| Quote: الموضوع بقى فيهو عنكبة |
وفي الختام
مسطول سائق عربية صاحبو قال ليهو لف يمين ..
قال ليهو ما تلف انت ما شايفني سائق
ولكم جملة سؤالاتي عن احوالكم
وحبي وكفي
ود زبيدة
| |
|
|
|
|
|
|
|
|
|
Re: تفكير مساطيل (Re: فيصل نوبي)
|
نوبي حبيبنا
اديك الشخيتين ديل
في اتنين مساطيل ماشين جمب السكة حديد ولقوا ليهم بيضة وقعدوا يتغالطوا فيها الاول يقول بيضة جدادة والتاني يقول بيضة حمامة وفي اثناء غلاطهم دا جاء مسطول تالت قالوا لي ورينا البيضة دي بتاعة شنو قام مسك البيضة يعاين ليها كويس ويقلب فيها وشماها قال ليهم انتو البيضة دي لقيتوها وين ؟ قالوا لي لقيناها جمب السكة حديد قال ليهم دي ما بيضة قطر
| |
|
|
|
|
|
|
|
|
|
Re: تفكير مساطيل (Re: نجود حسن عبد الرحمن)
|
هنا صنفرة
Quote: نجارة , منتجات نجارة
أبواب ونوافذ, خشبية
أرضيات , خشبية
باركيه
منشار , سحاج (فأرة) , صنفرة , قاطع وأخشاب مشربة
أبواب , نوافذ وفتحات سقف, بلاستيكية
مواد معدنية غير إنشائية من أجل أعمال البناء
أبواب, نوافذ وفتحات سقف , معدنية
معدات عوازل للضجيج
أثاث |
| Quote: يقول العرب: انها ترفل فى الدمقس وفى الحرير: اى تحيا حياة منعمة وتختال وتتبختر معجبة بما هى عليه من جمال وما هى فيه من نعم اما رفال فهى الطويلة التى تختال شعرها رفال وثوبها رفال.. فهى رفال فى رفال |
وهنا مامكن نقول :
اى تحيا حياة مصنفرة
...............................................................................
نعيما
| |
|
|
|
|
|
|
|
|
|
Re: تفكير مساطيل (Re: Eng. Mohammed al sayed)
|
انا براحع البوست
لقيت اسم نعيما
اتذكرت طوالي ملاح النعيمة وام تكشو والكجيك وملا الكول ( السمك المعفن ) دي كلها اكلات لو فكرت فيها ما بتصل لي شئ لانو ... كلها ماعارف فكرو فيها كيف ...
بي كرت
مسطول نام بدري عشان ما يلقي الحلم بادي
ولكم حبي
ود زبيدة
| |
|
|
|
|
|
|
|
|
|
Re: تفكير مساطيل (Re: فيصل نوبي)
|
Quote: ليه البطيخ اخضر ( علي وزن البنقو )
و من جوه احمر !!!!!!!!!!!!!!! |
عشان لمن تبضحها بالسكينة بتنقط موية حمراء
| |
|
|
|
|
|
|
|
|
|
Re: تفكير مساطيل (Re: عمر الفاروق)
|
يا ناذر :
يا اخوي والله حاسي بيك حساسية شدييييييييييييييييييدة !!!!!!!
لكن يا مان اخوك نظام مشغول وكده (بيييييييييييييش)...
بعدين وين رسايلك وين كتاباتك إليييييييييية !!!!
تخريمة :
إنتو الفكر في الشغل ده منو ؟؟؟؟؟ يعني ما ممكن الزول يدوهو المرتب ده ساااااااااااااي كده ؟؟؟؟؟؟؟
وهو زاااااااااااتو الشغل ليييييي خلوهو يبدا من الصباح ؟؟؟؟؟؟؟؟
يعني ما كان ممكن الشغل يبدا الساعة 12 ونص ظهر ؟؟؟؟؟؟؟؟؟؟؟؟
| |
|
|
|
|
|
|
| |
عمر الفاروق
saadeldin abdelrahman
فيصل نوبي
اساسي
ناذر محمد الخليفة
bob
صديق الموج
معتز تروتسكى
Walid Safwat
خالد فضل
ابو جهينة
عصام دهب
زول ساكت
فيس بوك
تويتر
انستقرام
يوتيوب
بنتيريست