|
Re: ســؤال سعنبـووووووووووتي؟؟؟ (Re: waleedi399)
|
Quote: ماذا يدور خـلف الكوالـيس؟؟؟ |
ياوليد ماتسمع كلام ود الطالب.
مايدور
على كيفوا ماتجبروا (مخير)
الاجابه لا هذا ولا ذاك..
لكن قصدك ياتو كواليس؟؟
كثرة الكواليس جابت لينا الكوابيس ..
داير تسمع كلامى تقل دمك وعليك بالقدامك...
نهايتها كوم تراب.
صاح
حقيقه ثابته.
| |
|
|
|
|
|
|
Re: ســؤال سعنبـووووووووووتي؟؟؟ (Re: سامى عبد الوهاب مكى)
|
الزول الحلـو الفات الكـبار، والقــدرو .. الحـبيب ســامـي عبد الوهـاب "شتموووني" Quote: كثرة الكواليس جابت لينا الكوابيس |
هــذه حقيـــقة.. Quote: داير تسمع كلامى تقل دمك وعليك بالقدامك... نهايتها كوم تراب. |
اشكـرك على هذه النصيحة الغالية .. حـتماً .. ساعمــل بها اسداء النصح لـي خـير من (....) الظـلام!! أما عن هذه فنحتاج فيها إلى وقفاااااااات متأنية؟؟
تحياتي ومحبتي ..
| |
|
|
|
|
|
|
Re: ســؤال سعنبـووووووووووتي؟؟؟ (Re: حمزاوي)
|
حبيبنا العزيز حمزاوي...
الاخبار والاحوال .. أسال الله أن تكون بالف خير .. وانت الخير والبركة برضو يا سيدي .. تسلم يا غالي على كلماتك الجميلة ونصائحك الغالية جداً..Quote: وابق عشرة لان هناك اشياء تلوح في الافق |
كلامك كلـو حكـم يا حمزاوي .. وبالتاكيد هناك حقاً ما يلوح في الافاق .. وهذا ما ستجيب عليه الايام القادمة!!!
خالـص محبتــي ..
| |
|
|
|
|
|
|
Re: ســؤال سعنبـووووووووووتي؟؟؟ (Re: حمزاوي)
|
Quote: وليد ود احمد كيفنك لك الطاعة وانت قائدنا اذا قال وليد فصدقوه فخير القول ما قاله وليد الله يحفظك ويرعاك وابق عشرة لان هناك اشياء تلوح في الافق |
كلامك سمح تب يا حمزاوي
| |
|
|
|
|
|
|
Re: ســؤال سعنبـووووووووووتي؟؟؟ (Re: قرشـــو)
|
كلاكيت..
الماساة المشهد الاخير .. اول مرة:
شيلو شيلتكم يا اولاد الذين.. اللوحة .. واحد خانق ليهو واحد لمن ( مزبد ) وواحد تاني مديهو ( بونية ) وآخر بيسن في سكين واصوات تعلو وترتفع تتخللها زغاريد( ااي طقطقو ،، ااي .. ااي .. ) الخلفية مقطع من سمفونية القدر
| |
|
|
|
|
|
|
Re: ســؤال سعنبـووووووووووتي؟؟؟ (Re: ناذر محمد الخليفة)
|
نــاذر ..
مشتاقين والله .. ليك مدة ما بنته ليك وحشة والله .. شنو اخبارك، انا تمام والله وبالف خير اها انشاء الله لميت وجمعت .. يعني على بلاطه لقيت العروسه ..
يا بتاع المسرح انت .. خشبة .. مسرح وجمهور .. يعـني شنووووو؟؟؟؟؟ والعلاقة شنو بينك وبين الزول القاعد قدامك والزول الواقف خلف الكواليس،، أين يكون موقع بين هؤلاء ..؟؟؟؟؟؟
أســئلة محيرة مش كــدا لما تفهم حاجة ما تبقى بخيل اشـرح ليك معاك طيب.. لووول
| |
|
|
|
|
|
|
Re: ســؤال سعنبـووووووووووتي؟؟؟ (Re: معتصم دفع الله)
|
الحبيب مووووو ..
غير الشمار دا، الناس دي عايشه بي شنو يا فردة .. كويس انت مشيت للغداء .. المشكلة انا كلها كلمتين قلتها .. قبل ما اكلمهم وانزل البوست لقيت ليك الجماعة لابدين
نقـناقـه يا مووووو .. قلت ليك نقـناقـه ..
| |
|
|
|
|
|
|
Re: ســؤال سعنبـووووووووووتي؟؟؟ (Re: هشام مدنى)
|
العزيز جداً والحبيب إلى القلب الغالي هشام مدني ..
تحــيات طــيبة،، مرحباً بوجودك حاضراً معنا هاهـنا.. يسعدني مرورك عبر ديارنا عل الدوام..Quote: الى الان الهدوء الذى تسبقه العاصفة ومع ذلك مافى مشكل لو كانت عاصفة التغير. |
عفواً عزيزي اختلف معك في المسمى .. العاصفة دائماً وابداً ترتبط بالتدمير والخراب.. اما اذا كان للتغير اصطلاحاً فيمكننا تسميتها "ريــاح" فالعاصفة .. لا تبقى ولا تـذر، كما ذكر العزيز عبد الرازقQuote: اشوف الخيره وبرجع لك تانى رايــك شنو فى المصالحة؟ |
سأكون في الترقب وانتظار ما ستحمله اخبار هذه الخيرة .. الصلح خير،، واحضرت الانفس الشح.. والله الموفق
| |
|
|
|
|
|
|
Re: ســؤال سعنبـووووووووووتي؟؟؟ (Re: mahmed alhassan)
|
العزيز الغالي / محمد الحسن
تحياتي واشواقي العابرة للقارات والمستقره في الحي الدبلوماسي، المعروف بحي السـفارات اخبارك واحوالك، أسال الله القدير ان تكون بالف خير .. وكل الامور على ما يرام، اشكرك كثير يا حبيب على السؤال عن اخباري..
ابشرك كمان، انو كل الامور تمام التمام، وكل حله في محلها وكل جركانه في مكانه،، وكمان قبضنا.. ما باقي الا القليل والفضل بعد الله يرجع لمجهوداتكم الجبارة والمقدرة، ونفسكم الطويل معانا، ما عدمناكم ابداً .. دمتم ودام هذا التواصل الجميل بيننا ..
لك الحب والاحترام والتقدير،،
ولــيـد
| |
|
|
|
|
|
|
Re: ســؤال سعنبـووووووووووتي؟؟؟ (Re: عبير خيرى)
|
عــبير خــيري ..
اخبارك واحوالك ارجو ان تكوني بخير .. شكـراً كتييييير على مرورك والسؤال عـنا..
Quote: ده كلللللللو سؤال سعمبوتي؟ |
يا عبير والله انا شايفوا سوعال سعنبوووتي وبسيييط.. انا ما عارف الناس بتتوجس منو وبتقول سـؤال ما عادي ليييه؟؟ انت بس اجتهدي فيه شوووويه وبتعرفي الاجابة، وزي ما قديماً بقولوا فهم السؤال نصف الاجابة.. والنصف الاخر يمكن خلف هذه الكوابيس، عفـواً (الكواليس)
| |
|
|
|
|
|
|
Re: ســؤال سعنبـووووووووووتي؟؟؟ (Re: waleedi399)
|
خلفية موسيقية ثم يتواصل الحوار ..
تم اطفأ انوار خشبة المسرح ،، والناس طلعت تمشي تشتري سندوتشات وتشرب بيبسي .. في ناس جابو تسالي وقصب سكر,, سجيمان مشى يشتري بعض الصور التذكارية لندى القلعة من احد الباعة المتجولين ..
ابوجهينة،، بين الترقب والحذر معتصم دفع الله فرح سعيد بقضاء اول ايام اجازته بين خشبات مسرح ام درمان القومي .. بجواره علاء الدين تمبس القادم برفقة معتصم .. لحضور حفل زفاف، احد اصدقاءه المهمين في قـوي هذا المنبر
حوار سخان بين محمد الشيخ وصلاح شتات حيثياتها تصفية قضية قديمة بينهما.. أحد البورداب لا يحاول اخفاء ملامحه يضع "سفته" بارتياح .. وجواره ود "ابـرك" يدخن بشراهة .. يلا يا جماعة نمشي نكمل باقي المسرحية، رفع الستار وتواصل الحوار .. و الكل في الترقب وانتظار ما ستسفر عنه .. النهاية ؟؟
ترى كيف ستكون النهايــة؟؟
| |
|
|
|
|
|
|
Re: ســؤال سعنبـووووووووووتي؟؟؟ (Re: waleedi399)
|
العزيز وليد
السؤال شكلا سغنبوووووتى ... لكنو زى الوقيعه فى العين ... يا تطلع و ترتاح ... يا تطلع روحك ... و برضو ترتاح .. و ان شاالله تطلع الوقيعه و .... نرتاح كولنا
ملحوظه :
( ده لو كان الفى بالى فى بالك )،
مودتى .
| |
|
|
|
|
|
|
Re: ســؤال سعنبـووووووووووتي؟؟؟ (Re: مصدق مصطفى حسين)
|
الغالــي مصـدق ..
يخبرك من شهـد الوقيعـة أننـي .. اغشى الوغـى .. واعف عند المغنم..
ارشح ما تحته خط ما معنى "الوقـيعة"
ملحوظــة:
تصـدق يا مصدق انت قربت تصـل .. الفي بالي بالك داخل نفس المسرحية .. ونفس الشخوص ابطال المسرحية على الواقع .. مع اختلاف بسيط في بعض المشاهد،،
لكن المناظـر هي ذاتـها،، والصـور نفس المشاهـد..
| |
|
|
|
|
|
|
Re: ســؤال سعنبـووووووووووتي؟؟؟ (Re: waleedi399)
|
المشـهد الأولــ،،
دخول بطل الرواية الهلامي كاركتيري الملامح يدخل ويتغلغل إلى داخل خشبة المسرح مترنحاً .. يتخبطه الشيطان من المس يمنة ويسرى .. وقد انفض السامر من حوله، ليجد نفسه وحيداً ينتظر من ينتشله من هذا الضياع الذي اختار طريقه هو، اختاره بمحض ارادته
ثم ماذا بعد هذا السقوط المزل؟؟
هل نكتفي بهذا القدر من المشهد الذي لم تكتمل فصوله بعد،، كلا .. لا اعتقد، هذه البداية الحقيقية لنهاية حتمية لمن يسبح عكس التيار .. هل سيطول الانتظار؟؟ سؤال مكرر،، هل ستكون النهاية،، مل الكل ايضاً هذا السؤال ..
ثم ماذا بعد هذا السقوط المزل؟؟ ثم ماذا بعد هذا السقوط المريع؟؟ ثم ماذا بعد هذا السقوط الكبير؟؟
دائــرة الضــوء .. بارقــة امـــل .. ولكــن
هيهـــــات .. هيهــــات TIME OVER
ويستمـر السقــوط ..
| |
|
|
|
|
|
|
Re: ســؤال سعنبـووووووووووتي؟؟؟ (Re: نادية عثمان)
|
نادية عثمان ..
شخصياً،،
والله الليلة زارتنا البركة ..
زائرة ولا غياره
مالك يا أختي، سمعتي ولا جابوه ليك
Quote: اسمع ياولى انت بكرى ده جوابو نهائى دائما كده؟!! |
اظنو بفكر في الخيرات الثانية،،
اما يحذف اجابتين، اعتقد أنو بشاور في الجمهور
| |
|
|
|
|
|
|
Re: ســؤال سعنبـووووووووووتي؟؟؟ (Re: waleedi399)
|
Quote: نادية عثمان ..
شخصياً،،
والله الليلة زارتنا البركة .. |
اها وانت بتزورنا متين انشاء الله ؟!!
انا لاسمعتوا ولاجابوا لى !!
واهو جيت بيتك
يلا ورينى انو البينا عامرة ورد الزيارة
عبد الرازق
راح فى شربة مية يارجالة!!!
| |
|
|
|
|
|
|
Re: ســؤال سعنبـووووووووووتي؟؟؟ (Re: نادية عثمان)
|
نادية عثمان
بزيارتك بيتنا نور كلو زينا،،
Quote: اها وانت بتزورنا متين انشاء الله ؟!! |
ما كنت بتزورنا ،، تزورنا وتسعدناQuote: يلا ورينى انو البينا عامرة ورد الزيارة |
نحن البينا عامرة زي ما كنا اول،، والله تلقيني قدامك
| |
|
|
|
|
|
|
Re: ســؤال سعنبـووووووووووتي؟؟؟ (Re: اساسي)
|
اساسي الاساسي
Quote: يا وليد والله الكدايس كلها بصحة جيدة تحمد ربها بس المشكلة في صحتي انا كانت ما جيدة |
الف حمد لله على سلامتك يا اخوي اجر وكفارة ،،
وانشاء الله عدوينك الما بشبهوك ناس هناي دا و (هناي داك)
خليني اكسر ليك ثلج شويه بس
مكانك شاغر وحا يظل شاغر طالما انك بعيد عنو
تعال املأ الفراغات والشواغر عشان في ناس كدا ظنو انا ما بالدار من احد
وقعدوا يبرطعوا عموماً توابيتهم جاهزة انت بس قول بسم الله وأبدء
| |
|
|
|
|
|
|
Re: ســؤال سعنبـووووووووووتي؟؟؟ (Re: بلدى يا حبوب)
|
الحبيب بلدي يا حبوب
سلفاكير يؤدي اليمين الدستوري اليوم امام رئيس الجمهورية / عمر حسن احمد البشير
ويتعهد بمواصلة مشوار السلام الذي بدأه الدكتور جون قرنق قبل رحيله
والحركة الشعبية تعمل على مواصلة المشوار ايضاً جنباً إلى جنب
مع المؤتمر الشعبي، بشارات جميلة لمستقبل السودان الزاهر
باذن الله تعالي بس ربنا يكفينا شر العوارض وشر الكائدين
اللهم أمين
| |
|
|
|
|
|
|
Re: ســؤال سعنبـووووووووووتي؟؟؟ (Re: waleedi399)
|
ولي..... انت ما سمعت بالحاصل ...... المخرج ما مات...... والجماعة اتفقوا يعينوا مساعدو...... بس المشكلة مساعدو بتاع تراجدي ما ليهو في الكومدي....... فقاموا قالوا يغيرو النص والبطل واصحاب الادوار الرئيسية... ويبدو يعرضو في الاقاليم......... اول عرض انت عارف وين ؟؟ في نيو سايت احدث مدينة في التاريخ. بالمناسبة كمية التذاكر محدودة جدا ولا توجد مواصلات بعد العرض ولي حلفا كداري........ ولك الله مع كمية من المودة
| |
|
|
|
|
|
|
Re: ســؤال سعنبـووووووووووتي؟؟؟ (Re: الطيب حسن جميل)
|
الطييييييييييب،،
مواصلات من نيو سايت يا الطيب يا سيدي لو في مواصلات حقيقي في زول تفتكر بركب يا اخوي الكداري مالو،، لو طيارة ولا سيارة كلو تفجير
بالمناسبة دي وصلتني اخر نكته: قالو الجماعة رسلو طيارة عشان تجيب سلفاكير قال ليهم طيارة لا ما معانا قال ليهم امشوا قدامي انتو انا بجيكم كداري باقي ما مستعجل
الطيب مساعدوا دا قالو برضو كوميدي بس الناس قالو وقلنا لا تراجيدي ولا حاجة زول بتاع كوميدي للطيش والضحك كمان النوع اللي بشرط
بس ابقى تعال يا الطيب والتذاكر متوفرة لأي كمية من البشر،،
ولك مودتي من كل تذكرة مباعة .. لووول
| |
|
|
|
|
|
|
|