|
|
|
 Re: خمسة لـوحـات لـ ( مـهـاب ) في عيلاد ميلاده الخامس (Re: إسماعيل التاج)
|
الصديق العزيز الباشمهندس عاطف
كل الشكر والتقدير على الكلمات الرقيقة الممزوجـة بملح الاغتراب الوطني الذي عشناه ونالنا منه ما نالنا.
وشكراً لإفساح هذه الطاقة لكي نحلم بمستقبل إنساني وحياة جميلة لمحمد الأمين ومهاب وكل الأطفال القادمون.
تحياتي لك يا صديق من زمن جميل.
تحياتي وإعـزازي.
| |
 
|
|
|
|
|
|
|
|
Re: خمسة لـوحـات لـ ( مـهـاب ) في عيلاد ميلاده الخامس (Re: إسماعيل التاج)
|
العزيز أحمد حنين
أها يا أحمد أخوي هاك الاعتراف دا نحن جينا للدنيا دي مع كوبري حنـتـوب، دا حسب شهادة الميلاد الرسمية ومكتوب فيها (عمودية أحمد عبد الله).
واحتمال أكون اتولدت مع كوبري الفتيحاب (لو عاوز شهادة تسنين)  .
أها البربراوية أخبارها شنو؟ وقول ليها لقينا ليك عريس لقـطة عشان أحاول أقـنـعـو .
تحياتي وكل عام والجميع بخير وتشكراتي.
| |
|
|
|
|
|
|
|
|
|
Re: خمسة لـوحـات لـ ( مـهـاب ) في عيلاد ميلاده الخامس (Re: إسماعيل التاج)
|
الحبيب صبري محمد الحسن
يااااااه رجـعتـنا لأيام جميلة ورائـعــة في مدني الحنينـة.
الصديق الغالي والأديب مولانا محمد خير بابكر قسم السيد يتوسد ظلال الدوحـة بقـطر. وأعـتقـد أنَّ مولانا أزهــري مبارك الفاضل في السعودية. وأتمنى أنْ يأتي سودان جديد فعلاً لأنصـاف اللـواء (الفريق) – كما كنا نناديه بعد الترقية لفريق - عوض سلاطين دارفـور، فـهو من أميز من قابلت في شرطـة السودان وذو ثـقافة عالية.
شكراً على كل شيء يا صبري.
| |
|
|
|
|
|
|
|
|
|
Re: خمسة لـوحـات لـ ( مـهـاب ) في عيلاد ميلاده الخامس (Re: إسماعيل التاج)
|
العزيز اسماعيل
كل سنه ومهاب طيب وانت وانشاء الله عقبال مائة شمعه
وانشاء الله ياخوى قطعتو البحر وركبتو البنطون ووديتو رفاعة ابسن ومشى الحله الجديده وخمج فى طين الفسحه القدام ديك ومشى شاف شارع اللبن ونادى التاكا ونادى الامير والعمال ووديتو سوق الاثنين والخميس . وجكس ليهو رفاعيه من هسه والناس البحجزو ديل قل ليهم الولد خلاص شبك ديل جيل جديد جيل الكترونى من هسه قبض مش زيك تساسق بين جامعة الخرطوم والفرع سنينك فى الجامعه كلها لابالقرايه قبضت ولا بالشعر مسكت ولا بالمسرح اتلميت لغاية مامرقت من الجامعه واشتغلت شغلت الرزانه والصرامه جو ناس الجبهه البوم البعجبو الخراب جو زى القضا المستعجل الله لا تكسبهم دنيا وآخره خلوك تهاجر من بلدك وولدك يعيش فى بلاد الغربه .
مره اخرى عيد ميلاد سعيد وربنا يديهو الصحه والعافيه وتعيش ليهو وتشوف جديدو وجديد وليداتو.
| |
|
|
|
|
|
|
|
|
|
Re: خمسة لـوحـات لـ ( مـهـاب ) في عيلاد ميلاده الخامس (Re: إسماعيل التاج)
|
Quote: كل سنه ومهاب طيب وانت وانشاء الله عقبال مائة شمعه
وانشاء الله ياخوى قطعتو البحر وركبتو البنطون ووديتو رفاعة ابسن ومشى الحله الجديده وخمج فى طين الفسحه القدام ديك ومشى شاف شارع اللبن ونادى التاكا ونادى الامير والعمال ووديتو سوق الاثنين والخميس . وجكس ليهو رفاعيه من هسه والناس البحجزو ديل قل ليهم الولد خلاص شبك ديل جيل جديد جيل الكترونى من هسه قبض مش زيك تساسق بين جامعة الخرطوم والفرع سنينك فى الجامعه كلها لابالقرايه قبضت ولا بالشعر مسكت ولا بالمسرح اتلميت لغاية مامرقت من الجامعه واشتغلت شغلت الرزانه والصرامه جو ناس الجبهه البوم البعجبو الخراب جو زى القضا المستعجل الله لا تكسبهم دنيا وآخره خلوك تهاجر من بلدك وولدك يعيش فى بلاد الغربه .
مره اخرى عيد ميلاد سعيد وربنا يديهو الصحه والعافيه وتعيش ليهو وتشوف جديدو وجديد وليداتو. |
ود سليمان
والله المواجع دي صعبة علينا خلاص والود دا لما يمشي رفاعة ما بحب يغادرا بسهولة. عارف أبوه مكتول هناك. الـغريبة تلقاهو نايم طول المسافة لي رفاعة وبمجرد ما نصل البنطون تلقاهو صحا وكورك (البحر). بعدين يا صديقي لما كان عمرو 3 سنوات كنت بسألو: البحر فيهو شنو؟
وكان جوابو: سمك كتييير.
- وتاني؟
- وتباحيس كتييرة.
طبعاً بقصد تماسيح، والمسكين ما عارف إنو البلد كلها بقت (تباحيس).
قلت لي طلعنا بي قد القـفـة ما لمينا في حاجة. تعرف المشكلة إنو السودان زاتو تاني ما نلم فيهو، لولا الأمل.
تحياتي وألف شكر على هذه الطلة الوسيمة.
| |
|
|
|
|
|
|
|
|
|
Re: خمسة لـوحـات لـ ( مـهـاب ) في عيلاد ميلاده الخامس (Re: إسماعيل التاج)
|
Quote: الف مبروك لمهاب ياابو مهاب
وعقبال ما يطفىء الشمعة رقم 100
وربنا يحفظه ويكون خير معين وبارا بوالدية
وكل سنة وانت طيب يا مهاب |
عزيزنا الواثـق
شكراً على التهانيء والدعوات الكريمة وربنا سميع للدعاء.
وطبعاً مع غياب رجاء فقدنا الكروت بتاعت الحركات ديك.
وأمنيات الغالية لك يا إنسان يا جميل.
| |
|
|
|
|
|
|
|
|
|
Re: خمسة لـوحـات لـ ( مـهـاب ) في عيلاد ميلاده الخامس (Re: إسماعيل التاج)
|
يعنى ما طلعت بى قد القفه شديد , انت عارف انا عارف البير وغطاها ,
تلك ايام ولت وزى ماقال احدهم لافض الله فوه العمر الفيهو فايده انتهى
البركه فى الشبكه العنكبوتيه وفى بكرى
الشبكه قربت الناس وكثيرا زى ما قال عبدالله على ابراهيم لما كان بكتب كتابه فيهافايده .
وزى ما اهلنا بقولو الخطاب نصف المشاهده يبقى المنبر ده نصف المشاهده الى ان تاتى المشاهده الكامله من لحم ودم واعصاب .
الامل معقود على مهاب وامثاله
اجمل الاطفال قادمون ساعة فساعه عيونهم اشد من عيوننا بريقا وصدورهم اشد من صدورنا اتساعا .
| |
|
|
|
|
|
|
| |
إسماعيل التاج
Marouf Sanad
Agab
jini
Kostawi
عاطف عمر
ahmed haneen
tmbis
معتصم دفع الله
Elmosley
ابوبكر الامين يوسف
Dr. Moiz Bakhiet
mamkouna
بكرى ابوبكر
Tragie Mustafa
wadalzain
الواثق تاج السر عبدالله
luai
ALGARADABI
nazar hussien
Badri
almohndis
عبير خيرى
Adil Osman
محمدين محمد اسحق
elsharief
فيس بوك
تويتر
انستقرام
يوتيوب
بنتيريست