|
أمسكو الخشب:هبوط إضطراري لطائرة سلفاكير بمطار جوبا!!!
|
وكانت الطائرة التي تقل ميارديت من الخرطوم الى رومبيك قد اضطرت الى الهبوط الاضطراري بمطار مدينة جوبا لوجود ضباب كثيف برومبيك التي وصل اليها بعد انقشاعه عنها ليشرع في عقد سلسلة من الاجتماعات مع قيادات الحركة الشعبية لتشكيل حكومة الجنوب والحكومة المركزية‚
المصدر: الوطن القطرية تاريخ 24/8/2005م
ربك ستر كمان شنو حكاية النواب ديل مع الطائرات سوى طائرة علي عثمان النائب السابق
|
|
|
|
|
|
|
|
Re: أمسكو الخشب:هبوط إضطراري لطائرة سلفاكير بمطار جوبا!!! (Re: زول ساكت)
|
الحبيب زول ساكت تحياتي وشكراً على المرور والتعليق
تعرف أنا من صباح الرحمن لقيت ليك الخبر قدامي وش ياستار دا شنو الصباح المنيل دا سلفا بحاله قلت كدي أنقراء الخبر دا مرة تانية وثالثة وبرضو سلفا هبطت طائرته إضطرارياً قلت ربك يستر ما تكون الرجعة للخرطوم فيها كمان خطورة أكثر من كده هبوط وبس
الخشب بيني وبينك ما بحل الاحسن اية واحد بعد كده يكون عندو عكاز مضبب وسكين في الضراع
| |
|
|
|
|
|
|
Re: أمسكو الخشب:هبوط إضطراري لطائرة سلفاكير بمطار جوبا!!! (Re: waleed500)
|
الحبيب وليد تحياتي واحتراماتي ما تخاف ياولي البلد مأمنة والناس القاعدين على الهبشة ديل في أناس أيضاً قاعدين على الهبشة وكفليين برد الصاع صاعين وجاءتني قبل قليل أخبار من السودان أن تجارة بيع السكاكين والعكاكيز اصبحت رائجة بصورة ممتازة والإقبال عليها بصورة مكثفة والناس عندهم قريشات بشترو الجيم بس الناس القاعدين على الهبشة المرة دي يفتحوا بس خشمهم
| |
|
|
|
|
|
|
Re: أمسكو الخشب:هبوط إضطراري لطائرة سلفاكير بمطار جوبا!!! (Re: ebrahim_ali)
|
يا أخوانا ما كفانا الحصل ، بعد ده أي نائب يشوفوا ليه كارو فاهم بي حمار حساوي أبيض ومزين بي كشكوش (مع الإعتذار للترابي) زي الشغالات في خطوط أطراف العاصمة وكمان فيها مسجل وسماعات ويريحونا من موضوع الطيارات.
النكتة السائدة هذه الأيام أنه الراحل قرنق عندما صعد استقبله الزبير وإبراهيم شمس الدين وبعد السلام والسؤال عن الأهل والأحباب وأحوال الدنيا بادرهالزبير قائلاً: "ركبوك الطيارة"؟؟؟
الشايقي
| |
|
|
|
|
|
|
Re: أمسكو الخشب:هبوط إضطراري لطائرة سلفاكير بمطار جوبا!!! (Re: Al-Shaygi)
|
الحبيب الشايقي تحياتي وسلامي الحار والله اقتراح عينة وفعلاً الكاروات دي انا ركبت واحدة من سوق ليبيا لدار السلام والله حاجة روعة مسجل كارب وحمار رهيب وسرعة تخليك تمسك بيديك وكرعيك في الحدائد بتاعت الكارو . وهي مواصلات المهمشين وفي الاطراف وبما سلفا والحركة عموماً تتحدث عن التهميش نقترح على رئاسة الجمهورية ان تتخذ قرار في تحركات النائب الاول عبر هذه الكاروات وتجهيزها باحداث وسائل الاتصال والتقنية الحديثة لمواكبة التطورات العالمية
ما سمعت بالنكتة العينة الطلعت الآن في سلفاكير (دي حتجيب لينا الهوا واحتمال نتوشح بالسواد) خليها في الوقت الحاضر
| |
|
|
|
|
|
|
Re: أمسكو الخشب:هبوط إضطراري لطائرة سلفاكير بمطار جوبا!!! (Re: abuguta)
|
حتى يعلم سلفاكير أن للسماء ربا يزمجرها حين يشاء والشماليون براء من حوادث قبض أرواحهم... أظن حينئذ فهم سلفاكير أن ألأمر ليس بيد الحكومة وإنما بيد رب الحكومة !!! أقترح على القادة أن يلتقوا بنوابهم عبر مؤتمرات الأنترنت ..صوت وصورة والنقل طبعا مباشر....ولكن ...ولو كنتم فى بروج مشيدة !!! الموت لا فرار منه
| |
|
|
|
|
|
|
Re: أمسكو الخشب:هبوط إضطراري لطائرة سلفاكير بمطار جوبا!!! (Re: EXORCIST7)
|
Quote: وجاءتني قبل قليل أخبار من السودان أن تجارة بيع السكاكين والعكاكيز اصبحت رائجة بصورة ممتازة والإقبال عليها بصورة مكثفة والناس عندهم قريشات بشترو الجيم |
و كمان تجارة المسدسات انت ما سمعت والي الخرطوم قال في لقاء جماهيري : انا اشتريت 3 مسدسات بعد الاحداث دي.... الدنيا ما معروفة والي
| |
|
|
|
|
|
|
|