|
|
|
 Re: اوسلي عروس النخيل...... تزين تلفزيون السودان الان (Re: نصار)
|
المناسبة مهرجان الزواج الجماعي الثانية
في هذه اللحظة يصدح الفنان عز الدين شكري
عز الدين دا رفيق طفولتي و ما عرفت انه بقي
فنان الا قبل كم شهر لمان نقل التلفزيون
حفلة زي دي وبرضو المناسبة كانت المهرجان
التاني للزواج الجماعي لقريتنا فقيرنكوتي
يبقي ان تعلموا أني عهدي بالقرية يعود الي
الثالثة الابتدائية و مفارقتي للوطن منذ
نهاية المرحلة الثانوية
شفتوا الاحساس بكون عامل كيف؟؟؟؟؟؟؟؟؟؟؟
| |
 
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: نصار)
|
العزيز محمد عبد الرحمن
تسلم و الله يا حبيب
و ربنا يتوب علينا كلنا من شهلتة المنافي دي
النظر لمراتع الطفولة من بعيد بولد احاسيس
ما بتحملا الكلمات
تصدق قبل فترة كان ناقلين حفلة زي دي من حلتنا
و عندي اختي صغيونا ما شفتها منذ ولادتها و كان
في احتمال تكون بتنطط مع الشفع لكن ياتو واحدة
فيهون؟؟؟؟؟؟؟؟
الله يلعن الكان السبب
حبي و تقديري
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: EXORCIST7)
|
العزيز نصار .
ياخي مشاويرك عديله ..
زكرتنا العيد الكبير قبل سنوات في فقيرنكتي والحفلات موزعه مابين
ود شكري وود حربيه وهيثم قنتي وعثمان محمد صالح .
يديك العافيه.
انا طبعا من هناك والوالده من منصور كتي بت ناس سيداحمد اسماعيل البيلي
والوالد من فقيرنكتي ( علي محجوب نوري )
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: عمار بيلي)
|
العزيز عمار
كل الناس هناك... كل الناس أهل
أول ما لمحت اسمك خطر لي اسألك لكن
ما حبيت اقتحمك كدا علي طول
فبالرغم من طول عهدي بالبلد و السودان
كله الا أن اسم البيلي ما بيغباني
فهم اقرباء الوالدة و في طفولتنا كانت
تاخدنا لزيارتهم في منصوركتي باستمرار
و كذلك ناس بحري
ياخي انت يزوروا فوقك الكنت في العيد
قبل سنوات اظنها ما بعيدة، في البلد و حضرت كل هذا الزخم
الذي ذكرت
الله يوعدنا قريب
تحياتي يا قريبي
| |
|
|
|
|
|
|
|
|
 Re: اوسلي عروس النخيل...... تزين تلفزيون السودان الان (Re: elameen)
|
كل شئ سمح إلا المزيع وسبحان الله للمره التانيه ما عندو مقومات تقديم حفله لكن الله بيده الخير وله فى أمره شئون...........
بلدكم سمح نخيلها وسمح إيقاع طنابيرها والقعده تفونيه فوق صنقور القويز ومجادعة الأشعار بلسان تربال تدق فى القلب دق الطار الله يحفظ النخيل ويحفظ الحافظه ويحفظ اللهيج مجرور والطنبور وبناتا زى خيول كنانه إجنك دافرات زماماتهن زى الرسن يقود القلوب غرقانه من خمر الرطب ومن شرقة الدفيق
فى الحلق
منصور
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: munswor almophtah)
|
العزيز منصور
Quote: كل شئ سمح إلا المزيع وسبحان الله للمره التانيه ما عندو مقومات تقديم حفله لكن الله بيده الخير وله فى أمره شئون...........
|
تعرف المذيع دا (ناجي) يبقالي راميهو جمل،، يهضرب و يحرك يدينو كأنه بقلد فنانين الراب الامريكان و عنده كم بيت شعر لو مشا بيت بكا بقراها بدل الفاتحة،، موش هو براهو لكنا أوكلنا أمرنا لله عسي أن يكفينا شر أصحاب الحظوة و الانتماء الحزبي الذين فرضتهم الانقاذ علي أجهزة الاعلام و خاصة التلفزيون..
Quote: بلدكم سمح نخيلها وسمح إيقاع طنابيرها والقعده تفونيه فوق صنقور القويز ومجادعة الأشعار بلسان تربال تدق فى القلب دق الطار الله يحفظ النخيل ويحفظ الحافظه ويحفظ اللهيج مجرور والطنبور وبناتا زى خيول كنانه إجنك دافرات زماماتهن زى الرسن يقود القلوب غرقانه من خمر الرطب ومن شرقة الدفيق
فى الحلق |
و سمح كلام و الله
يديك العافية
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: Ridhaa)
|
العزيز نصار
لك التحية
كانما رايت هذا الجمال
وقريتى الجميلة..الراقدة على ضفة النيل
مواجهة لجبل كلنكاكول(ود ابنعوف)
تجاور قرية اوسلى..كان ابناء اوسلى
يدرسون معنا فى قريتنا الابتدائية
لينتقل الاثنين ..للدراسة بمدرسة اوسلى الثانوية العامة
الم تنتقل الكاميرا لتنقل لك شيئامن جمال
الباسا..هذه القرية الوادعة..حيث مدافن اولياء الله الصالحين
لكل المتداخلين محبتى
الاخ جنى..قريبى
ماتشوفولنا اوسلى ده ختس وين
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: نصار)
|
العزيز
نصار
ايامنا المضت ياحليلها
اوسلى ... قصادنا بالغرب
كنا
نقيف فى القيف ونكورك بى طول حسنا
اوسلى كدار مافيها خدار
من قيفهم
يردوا
الحجير فيها شنو بلا الطير
ياسلام ....وان كانت الحلقه مصنوعه وفيها ناس الانقاذ وبلاويها .لكن ياها اوسلى وناسها اللطاف
وتمرها,وطنابيرها .
العرسان والعروسات اغلبهم ولاد وبنات عم وخال( شبه مبالغه)
بالمناسبه... الزواج الجماعى فى مناطق الشايقيه عموما ظاهره غير معروفه سابقا وكانت مستهجنه من الناس ليه ماعارف ؟
شكرا كتير
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: عمر ادريس محمد)
|
العزيز عمر أدريس
Quote: العرسان والعروسات اغلبهم ولاد وبنات عم وخال( شبه مبالغه)
|
فعلاً دي حاجة كانت واضحة
لكن في البلد خليك من القرية الواحدة
في العمودية كلها ما أظن تلقي زول ما
بقرب لبقية الناس
Quote: ياسلام ....وان كانت الحلقه مصنوعه وفيها ناس الانقاذ وبلاويها .لكن ياها اوسلى وناسها اللطاف
وتمرها,وطنابيرها .
|
الله يصرف الصرفيكان
اصلهم غير الاذي و السمعة السيئة ما بيجيبوا لينا حاجة
فعلا الزواج الزواج الجماعي زمن الزمن خير ناس المنطقة
ما كانوا شديدين عليهو
الاحتفالات كان تبدا من شهور و الضبايح مسعية في المراح
و الخدار و القمح مالي المخازن و في زمناً ما حضرناهو
قالوا كانوا بفضوا حيشان لجرار (ازيار) الكولوميت
و و مايفوقهوا قوة من مشاريب
و زي ما قال ود بادي
زعيم الجلسة محمد ... زمراوي
ما بيالف الجاوي شرابه البركاوي
و علق علي ذلك:
كأنه حتي في الحرام لا يتخير الا أحسنه، كأنه يريد أن يعصي الله علي بينة من امره.. لكن دا زمن بعييييييييييييد
تسلم يا حبيب
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: نصار)
|
نصار
خلينا في الزمن الحاضر...
تعرف يا نصار أكثر ما يؤلم الشخص أن تفرض عليه الغربة.. خاصة عندما يترك أرض وناس حُنان في كلامهم وفي عطائهم...
عليك الله يا نصار واحد زي كمال حسن علي الناديت عليه في أول البوست، يستاهل يكون برا السودان؟! وبعيد عن الجروف، ونحرم من شاعر مرهف، وفنان قدير، شغلته الغربة ومشغولياتها وهمها، وأسال الله أن لا تكون قد سرقت منه الموهبة.
وأعلم أن أمثال كمال كثر...
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: Hamid Ali)
|
العزيز حامد علي أحمد عبد الرازق
رفيق المحطات المضاءة بألق الحكمة و العاطفة
تذكر كم كان احتفائي و اعجابي بمقدرتك أن تصدر روايتك الاولي و الغربة تمسك بخناقك بكل لؤمها و شوادهها؟
كمال حسن علي (الاسم الثلاثي يحمله الصديقان كمال المنادي في بداية هذا البوست _اوسلي_ و كمال الصديق و الشقيق المشترك).. كمال شقيقي و شقيقك ابتلعته غربة تنهك البدن و تشغل البال و القلب حتي أنها لم تترك لهما شاغل غيرها و سرقت موهبته و ابداعاته المتعددة و بالكاد تركت له توظيفهما ليطفوا فوق مياهها الهائجة. حامد توراودني رغبة عارمة للعودة الي المنبت استجابة لنداء العاطفة و الواجب و منازلة من أحتكروا الوطن. فقط ما أحتاجه ترياقاً ضد اللؤم القائم منذ قدوم التتار،، اللقاحات هي جراسيم مضعفة يحقن بها الجسم لتوليد اجسام مضادة للجرسوم الكامل العنفوان، سنجد المعادلة عزيزي،، سنجدها.
تحياتي و اشواقي
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: نصار)
|
العزيز نصار
هو الهم زاته يحاصرنا حيثما ذهبنا، قلوبنا، أرواحنا هنالك، وكلماتنا تتشكل بلونه واقلامنا لا تعرف من الكلام إلا إسمه... الحنين يأخذنا في اليوم ألف مرة، ويبقينا متيقظين نتحاور في همه وهمنا ... هل تعلم نصار أن حدسك كان حقيقياً ... أكملت الرواية الثانية وألزمتها الدرج .. وبدات في الثالثة وأصارع الهم وألم الغربة لإنجازها ... ولكن هل تعلم أن الروايتين كان محورهما العودة ... العودة إليه لأنه الحب ... ولأن خلاص أهلنا لا يكون إلا بالعمل معهم وبينهم مهما طغى الظالمون وحاملوا على الناس ...
(ظهر أمام نهال مشهد لم تكن تتوقعه، بل لم تضعه في الحسبان. كان طارق يقف خلف الباب في ثياب داخليه غير مستترة، ويبدو في حالة ثمل شديد لم تدعه يميز من يقف أمامه. همهم ببعض الكلمات الهولندية ثم أتمها باللغة الإنجليزية،ونهال ما زالت تنظر إليه دون أن ترد بكلمة، ظلت صامته من هول المفاجأة .
أنتبه طارق لنفسه قليلاً، وأخذ يغمض عينيه ويفتحهما وكأنه يحاول أن يستيقظ من حلم أو أن يتعود على ضوء مفاجئ. أخذ يتمعن في الشخص الواقف أمامه، امرأة شابة في زيها السوداني بثوبها الفضفاض الساتر. مشهد لم يألفه منذ سنوات طويلة، وبينما صورة نهال تتجمع أمامه وتعود لذاكرته شيئاً فشيئا، إذا بصوت صديقته الهولندية يأتي من خلفه وقد جاءت تمشي في كسل واضعة يديها على ظهرها وهي تسأل طارق بالهولندية عن ما يحدث .
نظرت نهال نحو طارق وصديقته التي ألتفت يداها حول عنق طارق وهي في ثياب فاضحة. مسحت نهال دمعة عن عينها بطرف ثوبها قبل أن يراها طفلها، ثم استدارت عائدة وهي تسحب طفلها في يدها .
اكتملت صورة نهال في ذهن طارق، فصاح منادياً باسمها وقد نزع أيدي صديقته عن عنقه وأخذ يجري على الدرج محاولاً اللحاق بها) ----- "مقطع من رواية معركة التسعة الكبار"
| |
|
|
|
|
|
|
|
|
 Re: اوسلي عروس النخيل...... تزين تلفزيون السودان الان (Re: Hamid Ali)
|
الاخ نصار لك تحياتى
انتو فنانين بى طبعكم والفن جارى فى عروقكم مجرى الدم
رحم الله حسن الدابى واسماعيل حسن ولكن مازالت قبيلة الشوايقة قبيلة الفن بخيرها
السر عثمان الطيب رد الله غربته (بحر المودة)............وما اروع هذا الجيل جيل التواصل الفاتح ابراهيم بشير عبدالقيوم الشريف ويعقوب تاج السر ابو نائب ومحمد المهدى حامدوالباحث عبدالرحيم البرك وسيداحمد عبدالحميد واسامة معاوية الطيب وعوض احمدان ووووووووووووووالخ والقائمة طويلة (اقول منو واخلى منو) وعلى فكرة الشوايقة اكثر الناس اهتماما بتراثهم والدليل على ذلك دار ابناء اوسلى يشارع الموردة ودار ابناء القرير بالعرضة ونادى جلاس ونادى الزومة وحفيدات مهيرة بكلية الاحفاد
لهم التحية ولصديقى الفاتح ابراهيم بشير (وين يافاتح)
لهم التحية ولك اخى نصار الف تحية على هذا البوست الرائع
عبدالقادر
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: عبدالقادر محمد عبدالقادر)
|
هبي علي الشمال تلقيهو المال فوق جريدو يتوق
يتراقص مع نغمات قماريهو التسوي القوق
بي طيبة الحنان يلقاك يهش ليكي ويطول لي فوق
باري جديولة اطلعي فوق شوفي دحين شنو المسيوق
وبعدين بي بشيشك لفي قدامك شتيل مكروق
قريبى نصار وضيوفه الافاضل
التحيه لكم وانتم تتكئون على رمال اوسلى وتشاركونها افراحها
حظيت بمشاهدة السهره ويالها من لحظات من جميله ساعود للكتابه
عنها بالتفصيل
اخبرنى الصديق اسعد ابراهيم رد الله عضويته بهذا البوست الشحمان
وكنت قبلها بساعات اقرا فى بوست نصار لتنزيل الصور وكانت تتملكنى
الدهشه وانا اتابع شرح نصار لزبائن البرنامج علما بانه قبل عام كان
يكتب لبكرى بان ينزل له صورته ام عمه وكنت اردد فى سرى سبحان مغير الاحوال
ولكن رده على مداخلة تمبس ووصفه لنفسه بالطبيب البلدى ازال دهشتى
حتما ساعود
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: osly2)
|
العزيز كمال اوسلي
زارتنا البركة
غايتو تان عرفنا كيف نمرقك من محرابك و نسهم في اصدار تصريح لك للخروج للبراح الساسيبيري
أها اصلي ما بقول شي راجي رجعتك تجي
تقعدلنا الكلام فوق اوسلي و ما بنرضي
بأقل من قصيدة توصف فيها احساسك
و انت تشوف في اهلك و ما قادر تقاليدون
و تنطط معاهم فوق القيزان
تحياتنا للعزيز اسعد ابراهيم و الله يحل قيد عضويته
أما عن التقنيات فهي علم نشأنا عليه ففي طوفلتنا الباكرة
اجدنا التعامل مع الالات المعقدة
المنجل
السلوكة
النوريق
خرج الموية
و اجدنا القيادة و الفروسية في تعاملنا مع شئ واحد
الدواب
و هي لا تسلس قياده لغير اصحاب المواهب و القدرات
بهذا يكون القائد
و امطتاءها هو من صنوف الفروسية
رياضة النبلاء
فلا تنكر علي ما خبرت عني
تحياتي
و في انتظارك
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: عبدالقادر محمد عبدالقادر)
|
العزيز عبد القادر محمد عبد القادر
تتحدث عن ابداع و مبدعي المنطقة حديث العارف الملم
الاستاذ السر عثمان الطيب ارجع سبب ابداع اهل المنطقة
ألي: الماء و الخضرة و الوجه الحسن
و اري أن للصحراء بسحرها و اتساعها و التحدي الذي
تضعه امام الانسان عندما يقف عند طرفها و لا يدري
لها حدا
أو حين تقوده خطاه ألي مجاهلها فينمو عنده حب الحياة
الذي يحفذه و يطور فيه مقدرات تمكنه من العبور
ألي مأمن من هذه المتاهة
و كذلك المقابلة بين العطاء الذي يرمز له النيل
و الضد المتمثل في الصحراء
و بين الاثنين يعيش الانسان في شريط ضيق
حياك النخيل و النيل
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: نصار)
|
الاخ نصار لك الابداع كله
نعم اعرف قبيلة الشايقية عن قرب
واتاح لى الفرصة اكثر العمل الاعلامى بالاذاعة السودانية حيث التقيت بالفاتح وعوض احمدان واسامة معاوية الطيب وعبدالقيوم والبركل وفى عدة مناسبات شايقية بحتة كانوا يدعوننى ويطلقون على لقب الشايقى بالتجنس وخصوصا عمنا عبدالله قطبى
اهل القرير واوسلى وجلاس والزومةونورى وكورتى ومنطقة قوشابى وعموم ريفى الدبة هم اهل فن وطمبور ودارات
الم تسمع اسماعيل حسن يقول
اصلى ما طوعت حرف الريد يزغرد للغنايا
طبيعة طبعى من تاتيت فوق هذا التراب الغالى
شعرى رصدتو كتبتو للناس الشقايا
ونسجت بى منوال هواى توب العرايا
وقطعت من جلدى الرهيف فصلت نعلت الحفايا
واصلى ما ضنيت للعطشان ولى الكايس السقايا
ولى الزراع والزراع
دلاقينن على درب الامل اشرف عباية
-----------------------------
والسر عثمان الطيب يقول
شوف عينى الحفير يباكينى
هل توافقنى بان منطقة الشوايقة حنان وناسا حنان يكفكفو دمعة المفجوع يبادلوا الغير على ذاتم يقسموا اللقمة بيناتم ويدوا الزاد حتى ان كان مصيرهم جوع
روعة الطبيعة التى تجمع بين جمال النيل وجلال الصحراء جعل منهم شعراء وفنانين بالفطرة
وعندى معاك كلام كتير ونقاش مطول ومساحة من الجمال رحبة على نغم الساقية الدايرة وعلى صوت طمبور حنين حنين وبلح مشرق ناكل منو لامن نشرق
كدى
راسلنى على الايميل
[email protected]
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: Hamid Ali)
|
العزيز حامد علي
سوف نستهدي بهذا الشعار العزيز
نصدقه و يصدقنا
فلا نتوه
فالطريق معروف و القصد بائن
فهو قمح و وعد صادق لتربة
نبتنا فيها
و هي تشتاق هذا القمح
و هو يشتاقها
البذرة اولتها نفوس نبيلة
و عقول مستقلة
حرة
و الارض خصب و نماء
موعود
سوف نعود
نعود
موعدنا
الجد
و الجهد
و الرأي السديد
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: نصار)
|
قريبى نصار
انت وضيوفك اهديكم هذا المقطع للشاعر الفاتح ابراهيم بشير
لمن قمت وجيت البندر
كنت تظن الحال بتصلح
وكنت بتحلم بى مستقبل
فيه ابواب الخير تتفتح
الا لقيت الواقع امر
زيك ناس تعبانه وتكدح
ناسا عايشه معيشة راقيه
بى تلفونا بتخسر وتربح
وناسا عايشه على الماهيه
من يوم خمسه الجيب يتقمح
وناسا عايشه على خلق الله
يوما سرقه ويوما تلفح
غايتو الحاله معادله صعبه
كأنو الناس عايشين فى مسرح
اضرب ألمك فى اربعه
وتخيل حال الفاتح بشير الذى يرى الخرطوم قمة غربته
بجيكم راجع
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: Elawad Eltayeb)
|
العزيز العوض الطيب
هو حب لوطن و انسان يا زول يا رايع
نسأل الله أن يعمر به قلوبنا الي أن يرث الارض و ما عليها
و ما حب الديار شغفن قلبي و لكن حب من سكن الديار
أوسلي الحبيب طبعا ركب السايقية و حاحاية الطير
و شرك للقمري و دورو
و دبارتو ماها ساهلة و ما جابتو الا سيرة اهله السمحين
سر اختفاهو عندي بس
ما قادر ابوح ما بقدر اصرح
لكن يبقي العشم
محبتي و تقديري
| |
|
|
|
|
|
|
|
|
|
Re: اوسلي عروس النخيل...... تزين تلفزيون السودان الان (Re: osly2)
|
قربي كمال
الفاتح بشير راجل تريان ابداع و قد شرفني العزيز الغايب
يحي أبنعوف بالتعرف عليه و الحديث معه بالتلفون
في نفس معني القصيدة دي قدم حاتم حسن الدابي من فوق
قيزانكم قصيدة جميلة نهاهيها
مليون ميل مرع فاضي
و مداوسين في اربعة كيلو
الاحساس بالغربة داخل الوطن بحسوبيها الناس الرقيقين
ديل لان مفارقة الاماكن البحبوها بتكون بالجبر
و ليس عن رضاء و اختيار
نحن حالنا خليهو
| |
|
|
|
|
|
|
| |
نصار
altahir_2
محمد عبدالرحمن
jini
EXORCIST7
munswor almophtah
Ridhaa
عبد المنعم سيد احمد
عمر ادريس محمد
osly2
Adil Osman
فيس بوك
تويتر
انستقرام
يوتيوب
بنتيريست