الخرطوم عاصمة الثقافة تنشر كتاباً يدعو للشرك بالله

الأخوة/ات الكرام
البوست دا محاولة لتكملة جهد بدؤوه الزملاء هنا، إبتداء من بوست الأخ/ الصادق الرضي وحتى بوست الأخ/ كمال عباس، ومحاولة لإظهار عدم مبدئية الهندي عز الدين، الاختلاف إنو البوست دا معتمد على الإعلان (العنوان) كحال قانون السوق عموماً، والحمد لله البورد بقى سوق كبير، لذلك عشان تجذب الناس لي بضاعتك لازم دكانك تكون اللافتة بتاعتو "نايون"، يمكن اسلوبي يكون ما محبب للكتيرين منكم لكن دي قدرتي، وإن شاء الله أقدر أوصل بيها الفكرة لأي إنسان داخل السوق دا، كان صاحب دكان ولاَّ زائر، اللي هي إنو رفض الهندي عز الدين لي كتابات محسن خالد غير مبدئي، يبقى بالتالي عندو أسباب تانية غير الذكرها!!!.
دي نماذج من كتاب "قمر اشرق مرة ثم خبأ" لأبي القاسم يحيى عبد المولى، اللي نشرتو الامانة العامة للخرطوم عاصمة الثقافة العربية "على نفقة الناس البدفعو الضرائب":

Quote: يا غادة ميادة تغدو في البنفسج والدمقس والحرير
وتعطر الشجن المهفهف بالرغائب والاثير
فكبر عجيزتها يحاكي عالماً سمحاً خطير
انت حبي ودمي انت الامل والرخاء في الارض اليباب
يا حلاوة عجيزتها الكبرى تمتد عميقاً في التراب
وانا الملتاع الحبيب كلما اذكر عجيزتك اغني
عجيزتها تشقيني وتفرحني دوام
لانها عندي العبادة والطعام
لا ادري كيف افارق عجيزتك السمينة
هي الترتيل والصلوات الرصينة
وانت عليها الحفيظة والامينة
اني اريدك ان تبقيها لي
حتى اراها في يدي
محفوظة لي
وتكحل مقلتي
وتؤوب ترجع منك لي
انت استاذة لها نهفو ونسجد
ونغوص في التراتيل ونصمد
ونرى عجيزتها فنعبد
من قصيدة غادة ايها السادة

لما الشغلانة بقت طالقة وأي زول ينقد، دا نقدي:
ما تحته خط –أعلاه- أنا بعتبرو شِرْكْ
طيب يا الهندي.... لما إنت ناقد قدر دا... ما أنتقدت قيام الدولة بطباعة ونشر كتاب زي دا ليه؟؟؟ وما ناديت ناس عبد الحي أديب ليه؟؟؟ بعدين شايفك يدك واصلة!!! ألحق شوف طريقة للكتاب دا، عشان العرب الجوكم لي مهرجانات عاصمة الثقافة دي لو لقو الكتاب دا بنبقى مضحكة... وعشان بعد شوية الزول صاحب الكتاب دا يمكن يغيِّر إسمو من عبد الملولى لعبد العجيزة... وتبقى في ديانة جديدة. دا من ناحية دين بس، من ناحية ركاكة لغة وفنيات شِعِر ما في مشكلة... أصلاً الحاجات الإتدهورت كتيرة فما في مشكلة كمان يلحقهم الشِعِر والذوق..
المثل بِقول: " غتِّي كَرُوك شان أقول لها يا بِت أُم كَرُو" " العارف صيغة المثل يصححني"
عشان كدا إنت خلي حكومتك دي في الأول تغتِّي كَرُوها... بعد داك قول لي سودانيز أون لاين دي يا بِت أُم كَرُو... عشان نحن ما نخش في ظن ونقول إنك حاسد محسن خالد أو... أو...
نحمد الله إنو القصيدة دي ما كانت بالعامية!!! كان المسألة بقت صعبة أكتر.
عموماً مبروكة عليك عضوية بِت أُم كَرُو أون لاين.

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]