رحبوا معي بالمهندس / محمد تاج السر علي الشيخ في سودانيز أون لاين

Quote: زرعــت ======= إلى محجوب شريف ومن زمن الغُنا الأوّل ومن شوق الضنا الطوّل زرعتَ جنينة من آمال سقيتا من الشعِر موّال وبي مطر العنا الهطّال ومازلتَ ... وقاومت الجروح بي فال ومازلتَ ... ومرّت بي رياح في يوم شمالية وفي أيام جنوبية وشرقية وغربية وبرضي زرعت ما كلّيت ولا ملّيت ... ولا في يوم نسيت حبّك وما إتزحزت من دربك وما بمرق من إحساسك ومن قلبك ومن يوم قمت وإتربيت على وترك دوام غنيت على حبل الصبر شبيت وما كلّيت وما ملّيت هواك نسّاني أحزاني وغيرك مافي زول تاني **** ومن سهر الليالي غزلت ليك طرحه مطرزة ليكي بالفرحه وليكي براكِ يا السمحه وقمت زرعت ليك قمحه سقيتا رويتا بي حبي وشلت دماي من قلبي سقيت قلبك بعزك وبلقا في حبّك حنان الدنيا وأزهارا وروح الغنية و أوتارا دعاش الغابة وأمطارا ****** زرعت وشلت شبّالك وكل جميل على بالك جريت جبِتو وما كلّيت وما ملّيت على وتر الوطن غنيت وما هماني لو جنيت بحبك جد وما إهتزيت