رحبوا معي بالأستاذ/ الهندي عز الدين في سودانيز أون لاين

مرحبا Guest
اخر زيارك لك: 05-17-2024, 06:53 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الثاني للعام 2005م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
07-18-2005, 04:52 AM

محمد السر

تاريخ التسجيل: 01-16-2005
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: رحبوا معي بالأستاذ/ الهندي عز الدين في سودانيز أون لاين (Re: محمد السر)

    يا مان شنوو...؟ ما جليتنا وكدا!!! عارفك شاميني... لكن لو تذكَّر أنا من أول إيميل رسلتو ليك وريتك إنو إسمي الطريفي... والطريفي ،الله يدي العافية، زول نصيحة، وأسمع كلام الببكيك ما تسمع كلام البِضحِكك وكدا..
    وما طالبني حليفة... يومين ما مشيت الشغل، قاعد حارس باب البوست، أقول الزول دا يمكن يجي ناطي في أي لحظة، وبتبقى شينة لو لقاني نايم ولا مرقتَ من البوست،. وبرضو ما طالبني حليفة، "ولاَّ يمكن طالبني!!! ناقِشكم يا مان... جِنَّكم حلايف!!! تمشي تطلِّع جواز سفر.. أحلِف، ماشي العُمرة.. أحلِف، داير قطعة أرض.. أحلِف، شِنو كدا ما عارف.. أحلِف،. أحلِفك.. أحلِفك... ياخي لون غلاف المصحف بهت!!! وإنتو طبعاً ما في زول بِحلِّفكم... إنتو ما الصادقين الأمينين... يا ربي قلوبكم دي معصومة من الزوغان... وإبليس دا ما عارف ليكم درِب ولا كاسرين عينو؟؟. لكن للأمانة اليوما ديك شفت الرئيس حلف.. وقال: " بسم الله الرحمن الرحيم انا عمر حسن احمد البشير اقسم بالله العظيم بوصفي رئيسا لجمهورية السودان ان اكون مخلصا وصادقا في ولائي لجمهورية السودان وان اؤدي واجباتي ومسؤلياتي بجد وامانة وبطريقة شورية لترقية ورفاهية وتقدم الامة وان التزم بالدستور واحمية واحافظ عليه وان اراعي قوانين جمهورية السودان وان ادافع عن سيادة البلد وان اعمل لوحدتها واوحد دعائم نظام الحكم الديمقراطي اللامركزي وان اصون كرامة شعب السودان وعزته ، والله علي ماقول شهيد " دا حقكم يا مان ونحنا ما بناكل حق الناس.
    أها أمبارح الليل كلو مستنيك (باقي إنتو بتحبو تزوروا الناس بالليل... عشان بتكونوا شايلين ليهم هدايا وما عايزين الناس التانيين يشوفوكم صاح؟... ,طبعاً حا تقول لي التحنيكة بتاعت فضل الحسنة التي لا يتبعها أذى وشمالو ما شافت الأدتو يمينو، و..و.. يا مان مصدقك.. من غير حليفة) بي مناسبة فضل دي ذكرني بعدين أسألك من حاجة كدة قاديني بيها فردتي... أها الليل كُّلو ولي تمنية وباص صباحاً!!! باص شنو!! سوري.. قصدي تمنية ونص، ياخي ألله يقطع الويست ويوما... أكان دايرة تبوظ لينا الـ Hard Disk دا.. أمانتن في ذمتك دي هارديسكيني دا بيتهموه بي بنقو!؟ يا مان دا قاعد على الهبشة... بِرِنجية ممكن تفرمتو، وحبة الداتا الفيهو دي تطير. ياخ أنا مرة شميت ريحتا ساكت ضربني صداع من النوع أبو فرار داك، شريط أسبرين كامل ما نفع، كرَّبتَ الراس، برضو ما نفع. أها قام عز الدين فردتي (الشمال) وداني المستشفى ،أول حاجة الدكتور نهزرني في حكاية ربطة الراس دي ،قال لي: دا منو القال ليك تربط راسك زي نيستا كدا؟ ، قلت ليهو دي حبوبتي، يا مان زولك طوالي خشَّ ليك فيني Left، وشبكني ليك... بالله... إنت حفيد الدكتورة خالدة زاهر!!! يا سلاااام... والأهل إزيَّهم و... ويا مان ساب ليك راسي القرب يطرشق داك ودخل ليك في جخانين كدا أخوك ما ناقِش فيها أبو النوم، وشبكني ليك بابكر بدري وما عارف والأحفاد ، والشُفَّع، و.... وباقي الدكاترة ضِحِك ألف يا مان... وأنا فاتح خشمي ومِقهِّي، المهم في النهاية قام كتب لي الروشتة ورطن ليك مع فِرَدو بالإنقليزي "أها أنا رطانة الدكاترة مع بعض بالإنقليزي دي عندي معاها مشكلة، ما حصل دخلت مستشفي ، عيان، ولاَّ ماشي لي مع زول عيان، والدكاترة حنَّكوا مع بعض بالإنقليزي وما حفظت كلامُم.. مسجِّل بس!!.. بعدين بركِّز أكتر حاجة في الكلام البقولو الدكتور بعد ما يعاين لي للعيان ويصُر عينو الشمال... بس يا مان الكلام البقولو اللحظة دي دا العيا زاااتو... أها وبعد داك لما أرجع الحِلة أسأل عز الدين، أخوك شِفِت.. صاح؟؟.."معليش، كالعادة نسيت.. أعرفك بي عز الدين شيش، فردتي،.. شيش دا فردة صاقعة، أخو أخوان، قِراية.. ألأول حقتو مِلِك، كشاتين.. كفر.. مِنَقِّطم، ثقافة يحنِّك ليك الصادق المهدي ذاتو، chِـكس* يِفَصِّل ليك بِت الوزير ذاتا، إنقليزي خواجة.. ياخ دا لما نكون في السينما والبطل يقول نكتة، هو بِضحك قبل ما يكتبو الترجمة.. حِتين بعد داك الناس تضحك.. أنا ذاتي مرارت مرات بضحك معاهو قبل الناس.. عارف كيف؟؟ شيش دا لمن يجي يضحك بِجُر نَفَس طويل حِتين يضحك أها أنا نقشت ليك الحركة دي، بقيت كل ما نكون في السينما أول ما يِجُر نفس طويل أنا طوالي أفقعا ليك ضحكة، أها بالحركة دي فصَّلنا ليك chِـكس كتير جداً.. يا مان أخوك تفتيحة.. لكن مرة الحركة دي جلَّت.. الظاهر هو جرَّ نَفَس في الفاضي ساكت. وطبعاً الـ chِـكس ضحك في أخوك.. لكن شيش ما ضِحِك.. ما قُتَّ ليك أخو أخوان؟.. بس شيش دا عندو عيب واااحد... ش ي و ع ي!!! لكن هسة سمعت إنو بطَّل وبقى زول كويس ".
    أها الدكتور دا لما جات لحظة الصرَّة دي جا داخل دكتور تاني من برة وقال ليهو: يا دكتور فلان الدفتر وين؟ أها وراهو مكان الدفتر وقال لي فِرَدو وهو صارِّي:
    "sooner or later his brain going to develop bad sectors"
    وفِرَدو تااااااااااااني قعدوا يضحكوا!!!!
    طبعاً كلام الإنقليزي بتاعو دا أنا ما فهمتَّ مِنّو الحبة.. لكن حفظتو صم كالعادة.. لما طلعنا من المستشفى، ونحنا ماشين نصرُف الروشتة، سألت شيش، طبعاً هو في الأول آمن من حفظي لكلام الدكتور، أها قال لي: "ياخ دا تَنَطُّع مِنّو ساكت.. شيش لما شافني ما فهمت الكلمة طوالي فسرا لي بالرندوك.. قال لي يعني دا حنك بيش من الدكتور "برضو نسيت أقول ليك إنو المان دا تسمعو بِرندِّك تقول شمس طلع هسة من تحت الكبري وعلبة السِلِس بتاعتو في جيبو "..أها وقال لي ما شفتو بِستخِف في دمُّو... لما قال ليك رابط لي راسك زي نستا!!! قُتَّ لي نيستا دا منو يا فردة؟ قال لي دا سيرباك إيطاليا... "ما قُتَّ ليك شيش مجضِّم الكفر".أها وقال لي يامان الدكتور داأساساً ضارب سِجارات وما واعي بالدنيا، ما شفت قبيل لما الدكتور داك سألو من الدفتر!!!... يعني حيكون دفتر العيادة... ما دا البرنسيس يا حبَّة!... أنسى الفكرة وأكسب زمنك يا فردة!!! "طبعاً زمان الحاجة الوحيدة الما كانت عاجباني في شيش دا إنو ظنان، يعني أي حاجة في الدنيا عندو ليها تفسير تاني.. و يقول ليك بواطن الأمور، بواطن الأمور... لمَّن حفظتها مِنّو.. لكن هسة طالما بطَّل بِكون بطَّل بواطن الأمور دي" أها الحاجة دي كمان بالذات لو كان عاملنها ناس الجبهة يخلي ليك الظاهر وطوالي يفسِرا بي بواطن الأمور، أنا ما عارفو مِكَـchِّــنُم كِدا لييه!! ياخ دا لما جات ثورة الإنقاذ دي ،"طبعاً كويس إنو هسة ما معانا.. لأنو كل ما يسمعني أقول ثورة يشِبَ لي في حلقي ويقول لي قول إنقلاب، أنا طبعاً ما فاهم الفرق شِنو.. يا مان ما كلها دبابير وبيانات!! وصرَّح السيد الرئيس وتَفَقد السيد المشير!!! أها بتذكر اليوم داك كنا معزومين فطور وداقين كشاتين في بيت ناس فردة إسمو عصام قزازة، أها من ما المذيع قال: فترقبوه، وقبل ما يذيعوا البيان، نُط إنت يا عز الدين وقول ديل ناس الجبهة.. يااااا عز الديييييييين ياخ!!! يا مان أصبر خلينا نسمع البيان حا يزيعو منو، لو طلع الترابي حا نديك جايزة أفضل عارف ببواطن الأمور.. وزاعوا البيان والزول لغاية إسمو الرابع ما في لا ترابي لا ناري.. وبرضو زولي مُصِر .. أها لما عرفنا إنو الترابي إعتقلوهو ياخ أنا جريت جري لي عز الدين في بيتو وبتذكر كان نايم، صحيتو ووريتو حكاية الاعتقال دي، وقُتَّ ليه يا مان إنت بهتَّ الناس ديل ساكت، استغفر، إن بعض الظن إثم، تاااااااااااني دخل لي بي بواطن الأمور ومرق لي بي المستفيد الأول من قطع الطريق أمام الديمقراطية و.... باقي الحنك البيش بتاع الشيوعيين داك، أنا في الآخر قُتَّ لي يا مان دي عكلتة منك ساكت. أها ،بعد دا كلو شال كيس ساعوطي ..!!! يعني جيَّة ما فيها أي مكسب.

    أبو الشباب... شايفك نسيت حكاية فضل القُتَّ ليك ذكرني ليها في الأول ديك!!! لكن يا مان أنا متذكِرا.. أها الحاجة دي هي إنو عز الدين دا كلو فترة كدا يقول لي الشهيد على فضل، الشهيد علي فضل!!! أها الزول دا أنا لا شفتو في ساحات فدا لا شايف ليه شارع بي إسمو لا دا لا دا... أنا في الآخر لمن ما عرفتو أستشهد في ياتو معركة قُتَّ –الله يرحمو- إلاَّ يكون غِرِق.....!!! صاح؟؟.

    يا فردة أنا من بكرة نازل شغل.. ما أوصيك.. بوست أخوك دا تشبكو upــهات تخلي لي في الـtop



    "* chِـكس "حقوق الإبتكار محفوظة للمبدع محسن خالد.

    (عدل بواسطة محمد السر on 07-20-2005, 06:09 AM)
    (عدل بواسطة محمد السر on 07-20-2005, 06:14 AM)
    (عدل بواسطة محمد السر on 07-22-2005, 00:57 AM)
                  

العنوان الكاتب Date
رحبوا معي بالأستاذ/ الهندي عز الدين في سودانيز أون لاين محمد السر07-13-05, 05:26 AM
  Re: رحبوا معي بالأستاذ/ الهندي عز الدين في سودانيز أون لاين almohndis07-13-05, 05:51 AM
  Re: رحبوا معي بالأستاذ/ الهندي عز الدين في سودانيز أون لاين THE RAIN07-13-05, 07:51 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-13-05, 11:59 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-14-05, 01:59 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-14-05, 02:30 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-14-05, 04:45 AM
  Re: رحبوا معي بالأستاذ/ الهندي عز الدين في سودانيز أون لاين هميمة07-14-05, 05:45 AM
    Re: رحبوا معي بالأستاذ/ الهندي عز الدين في سودانيز أون لاين Hussein Mallasi07-14-05, 06:00 AM
      Re: رحبوا معي بالأستاذ/ الهندي عز الدين في سودانيز أون لاين Hussein Mallasi07-14-05, 06:02 AM
  Re: رحبوا معي بالأستاذ/ الهندي عز الدين في سودانيز أون لاين هميمة07-14-05, 06:19 AM
    Re: رحبوا معي بالأستاذ/ الهندي عز الدين في سودانيز أون لاين Hussein Mallasi07-14-05, 07:04 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-14-05, 11:51 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-14-05, 11:55 AM
  Re: رحبوا معي بالأستاذ/ الهندي عز الدين في سودانيز أون لاين د. بشار صقر07-15-05, 05:56 AM
  Re: رحبوا معي بالأستاذ/ الهندي عز الدين في سودانيز أون لاين هميمة07-16-05, 02:24 AM
    Re: رحبوا معي بالأستاذ/ الهندي عز الدين في سودانيز أون لاين Hussein Mallasi07-16-05, 03:00 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-16-05, 03:53 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-16-05, 04:01 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-16-05, 05:00 AM
    Re: رحبوا معي بالأستاذ/ الهندي عز الدين في سودانيز أون لاين Hussein Mallasi07-16-05, 08:57 AM
  Re: رحبوا معي بالأستاذ/ الهندي عز الدين في سودانيز أون لاين المكاشفي الخضر الطاهر07-16-05, 09:12 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-16-05, 03:19 PM
  Re: رحبوا معي بالأستاذ/ الهندي عز الدين في سودانيز أون لاين محمد السر07-16-05, 03:32 PM
  Re: رحبوا معي بالأستاذ/ الهندي عز الدين في سودانيز أون لاين sumah07-16-05, 07:41 PM
  Re: رحبوا معي بالأستاذ/ الهندي عز الدين في سودانيز أون لاين Tragie Mustafa07-16-05, 11:14 PM
  Re: رحبوا معي بالأستاذ/ الهندي عز الدين في سودانيز أون لاين محمد السر07-17-05, 00:13 AM
    Re: رحبوا معي بالأستاذ/ الهندي عز الدين في سودانيز أون لاين newbie07-17-05, 01:30 AM
  Re: رحبوا معي بالأستاذ/ الهندي عز الدين في سودانيز أون لاين nashaat elemam07-17-05, 01:36 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-17-05, 01:41 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-17-05, 03:03 AM
    Re: رحبوا معي بالأستاذ/ الهندي عز الدين في سودانيز أون لاين nadus200007-18-05, 02:58 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-18-05, 04:01 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-18-05, 04:52 AM
  Re: رحبوا معي بالأستاذ/ الهندي عز الدين في سودانيز أون لاين محمد السر07-21-05, 12:16 PM
  Re: رحبوا معي بالأستاذ/ الهندي عز الدين في سودانيز أون لاين محمد السر07-22-05, 01:06 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de