مغزي مشاركة الجلابي نقد في فعاليات عاصمة الثقافة العربية.
الطريف في تناول البورداب لي فضيحة مشاركة الشيوعي في فعاليات الخرطوم كعاصمة للثقافة العربية، هو تركيزم علي جانب البعد السياس للمشاركة، انطلاقا من ادبيات الصراع بين النخب الجلابية القابضة، والمعارضة! مافي حد اعترض حتي اللحظة، علي مبدأ الاحتفال نفسو، باعتبارو يكرس بل يعيد انتاج مدخلات ذات القنبلة الزمنية المتمثلة في حروبنا الاهلية، كتتويج ومحصلة نهائية لي ذات وهم العروبة! هنا، "انولوجي" الاعمي ومكعب الثلج، يتجلي علي نحو معجز! الاعمي نقد، حتي اللحظة لايعلم، كيف عملية التحسس لي مكعب مشكلتنا في السودان، باستمرار بتغير من شكلو، مما يستحيل معه الوصول الي شكل المكعب! عشان كده قلنا الدونكيشوط الشيوعي افني نصف قرن، عمر تيهنا الحالي، يحارب في طواحين الهوا، بلا طائل! نقد او حزبو الي اليوم مصرين انو مشكلتنا في السودان، هي مشكلة علاقات انتاج وتوزيع للثروة، ولاصلة لي محارق التطهير العرقي في بلدنا، بذات وهم العروبة، بدليل احتفاء المحروس نقد بي فعالياتها وبي براءة شديدة! تفكروا الواحد هسي، يدردق في ا########## من الضحك، ولايجعر باعلي صوت باكيا؟ يااستاذ محمد ابراهيم نقد، اذا صادف واضطلعت علي مكتوبنا ده، فاعلم ان سبب تشردك او عيشك تحت الارض قرابة الثلاثين عاما، هو وهم العروبة الانت محتفل بيها دي وابدا ما الدكتاتورية او غياب الديمقراطية، حسب الاكليشي المتداول. كيف؟ لانو الدكتاتورية وغياب الديمقراطية مااسباب بقدر ما نتائج لي عدم الاستقرار السياسي، اللي بدورو نتيجة وليس سبب، نتج عن حروبنا الاهلية، اللي بدورها نتيجة ايضا وليست بسبب، لي جبال الظلم وانهار الدموع الفي بلدنا، اللي بدورها نتيجة وليست سبب، لي استعلاء مواهيم العروبة من اقلية الجلابة، وهيمنتم المطبقة والمطلقة في ديارنا، علي بقية خلق الله في السودان. هيمنة اقلية الجلابة علي الاغلبية، اقتضتها، الصياغة الاستعمارية للسودان القديم، كمدخل اساسي من مدخلات انتاج قنبلة حروبنا الاهلية الزمنية، في المرحلة التالية لرحيل الاحتلال الطوعي بعد اطمئنانو التام علي سلامة المخطط. واضح من كلامنا ده، يااستاذ نقد، كيف لاصلة للتكوين الطبقي، او الصراع الطبقي، بالحاصل في بلدنا، لامن قريب ولامن بعيد! لاحول ولاقوة! الدليل علي كلامنا، هو فشلكم المجلل كحزب وطليعة مستنيرة، مناط بيها انجاز مشروع البديل، في شكل سودان جديد! ولكن وللاسف الشديد، يااستاذ نقد هاانت تثبت باحتفالك بي تركة الاحتلال الثنائي، ممثلة في "طعم" وهم العروبة، انك فعلا، او معاك حزبك، كنت ولاتزال شيخ غفر كبير، وسادن سودان قديم، علي قدم المساواة مع التنابلة، الصادق والميرغني! علي الاقل "سيدي" السودان القديم، مهمتم الاساسية كانت الحفاظ علي تركة السودان القديم، بينما دورك كيساري كان من المفترض، هد القديم، بدل المشاركة في اطالة عمرو وتجميل وشو القبيح المتقيح! لو فيكم خير، كان عبدالخالق انجز مشروع د,قرنق من 64! ولكن فاقد الشئ لايعطيه! اذا بعد ده كلو ماوقع ليك، ليه وصمناك بالجلابي، فسنعود لتفصيل ذلك! ...ونواصل..

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]