|
|
 بورداب الرياض دعوة للتلاقي مساء الخميس
|
الاعزاء بورداب الرياض
تحية طيبة
احمل لكم دعوة كريمة من الاستاذالصحفي ياسر احمد مختار لمشاركته الفرحة بقدوم إبنه البكر ( عمار ) مساء الخميس القادم 16 يونيو وتناول طعام العشاء بإستراحة الفاخرة ( الدائري الجنوبي مخرج 18 خلف استراحة نوفابعد مصنع الاسمنت )والدعوة عبركم لاسركم الكريمة وكل من تحبون .
0503252359
ودمتم
وليد شريف
|
|
 
|
|
|
|
|
|
|
|
Re: بورداب الرياض دعوة للتلاقي مساء الخميس (Re: وليد شريف)
|
| Quote: احمل لكم دعوة كريمة من الاستاذالصحفي ياسر احمد مختار لمشاركته الفرحة بقدوم إبنه البكر ( عمار ) |
عارفين عمار دا ود اختي ( مها ) طوالى... الحضرتو حفل عرسا يا الخال ودقاسم وبقية الاخوة الاجلاء .. عشان كدا مافي اي عذر لازم تجمعوا يوم الخميس ...
يا ريت يا سجيمان تقدر تجى ايضا اخوننا بورداب الشرقية والغربية نتمنى مشاركتهم لنا الفرحة ..
وخليناكم في حفط الله ...
ود الباوقة
| |
|
|
|
|
|
|
|
|
|
Re: بورداب الرياض دعوة للتلاقي مساء الخميس (Re: وليد شريف)
|
ياسر..وليد..عمر
ما تعزمونا وتقومو تجيبولنا الصحينات وكل زول خاتى صحنة قدامه متل
علبة الحلاقة..لابد من صحن كسرة فاهم وملاح ام رقيقة بالجردل..من
خلى عادتة قلت سعادته..مش يا باوقة،،،
حضور ان شاء الله ......الله يبعد العوارض،،،
| |
|
|
|
|
|
|
|
|
|
Re: بورداب الرياض دعوة للتلاقي مساء الخميس (Re: وليد شريف)
|
والله حيرتونا ،،،
يوم الخميس أنا كنت ناوي أقفل تلفوني ووأديها نومة ما حصلت ،،، جونا الجماعة الصحفيين قالوا عندهم يوم مفتوح ،،، بعد شوية جونا ناس اتحاد مروي برضو قالوا عندهم يوم مفتوح ،،، أمبارح اتصل بي وليد ( حبيب بلدو ) وقال عندهم مناسبة زواج ، واليوم الأعزاء وليد وعمر يعزمونا على سماية ،،،
نتقسّم وللا كيف ،،، ما تجمعوها كلها في استراحة واحدة وتريحونا ...
| |
|
|
|
|
|
|
|
|
|
Re: بورداب الرياض دعوة للتلاقي مساء الخميس (Re: Habib_bldo)
|
| Quote: لأسباب خارج الإرادة تأجلت مناسبتنا(اي مناسبة حفل زفاف خالد) اسبوعين نظرا لوفاة خالة العريس تغمدها الله بواسع رحمته ومغفرته واسكنها جنات الخلد |
الحبيب ..حبيب بلدو جبر الله كسركم وللفقيدة الرحمة ولكم حسن العزاء انا لله وانا اليه راجعون ...
ود الباوقة
| |
|
|
|
|
|
|
|
|
|
Re: بورداب الرياض دعوة للتلاقي مساء الخميس (Re: وليد شريف)
|
الاخ وليد شريف ..
برجاء اصدار تذكرتين ذهاب وعودة القاهرة -الرياض -القاهرة PTA
باسم الاخت / هنادي يوسف خصماً على بورداب الرياض الخاص ..
صدر تحت توقيقي .. وتحياتي الاخت هنادي يوسف
والله نتشرف بحضورك والمشاركة مع بورداب الرياض ..
ودي بمثابة دعوة نيابة عن الاخوان عمر ووليد شريف ..
تحياتي
| |
|
|
|
|
|
|
|
|
|
Re: بورداب الرياض دعوة للتلاقي مساء الخميس (Re: waleedi399)
|
.. التهنئة العبقة لاصحاب المناسبات السعيدة .. في هذا الخميس ( المزحوم ) ... الواحد يبقى ذي الفانين يقدم نمرة في كل حفله ويزوغ ...
ووافر العزاء لاهل العزاء وهذا التداخل الذي اربك الجميع ... وهذه سنة الحياة !! طبعا لظروف التواجد خارج الوطن وانشغال الناس بالاعمال والدوام .. يكون نهاية الاسبوع ـ بانوراما مناسبات ـ ( مواليد / اعراس/ وتعازي ) الى جانب كم كبير وهائل من الاجتماعات واللجان والجمعيات ... ربك يعين الجميع !!!
بس والله انا وقفت عند مداخلة ود قاسم ... ليه ما نعمل على توحيد اللقاءات على الاقل يكون في استراحة واحدة للمناسبات السعيدة .. ويكون في تنسيق بين اصحاب المناسبات !!!!
فكروا بجدية في النقطة دي!!!
| |
|
|
|
|
|
|
| |
waleedi399
Habib_bldo
ghariba
زول ساكت
صديق الموج
ودقاسم
humida
hanadi yousif
اساسي
welyab
فيس بوك
تويتر
انستقرام
يوتيوب
بنتيريست