|
Re: نقول مبروك لى ود شاموق.... وعقبال الفرح الأكبر (Re: كوليل)
|
صديقى العزيز ود شاموق تانى كيتن على اى زول ماغصوا الكلام ده اسمح لى ان اهديك هذا المقطع من قصيدة سوما التى لحنتها لها فى اول تعامل فنى بينى وبينا يا ود مساحات الاهل مفروش برش مربوط هلال جرتق موشح بالفرح مرصوص سبح حزمة جمال سايقنوالى ست الحزن مليانة حنة وكوم خصال ديسا مكحل بالسواد خدا مورد بالدلال سمحة وعديلة وزين عزة قبيلة وفال الف مبروك الحبيب علاء الدين شاموق
| |
|
|
|
|
|
|
Re: نقول مبروك لى ود شاموق.... وعقبال الفرح الأكبر (Re: كوليل)
|
الف مبروك ود شاموق الخطوبة ..
بالمناسبة دي اتذكر ودشاموق أول بوردابي الرياض السابقين الذين اتعرف عليهم .. اتذكر ذلك اليوم الذي جمعنا في افطار رمضان استراحة النخيل بمنفوحة.. ولا نسيت لمن انا جاي جديد فرش واضارى من الناس، في اول لقاء لبورداب الرياض
ومنها بقيت سيد اللعب الكبير، يعني بقيت "اساسي" .. اسفين دي كانت تخريمة ساكت للامانة والتاريخ والذكرى .. زي ما بقول محمد الشيخ
| |
|
|
|
|
|
|
Re: نقول مبروك لى ود شاموق.... وعقبال الفرح الأكبر (Re: كوليل)
|
Quote: ألف ألف مبروك ليك وربنا يسعدك ويهنيك ويتم ليك على خير بإذن الله
والله انت سيد الروعة كلها
عشان كده لازم تفظ السطر الأعوج وتفرح وتبتهج وليك حقل برتقال وسلة عنب..
وكل الحب ليك والإحترام |
وإلى أن نجد البرتقانه المعنبه....لك أصدق تهانينا وأمنياتنا بالفرحه الكبرى ود شاموق,
| |
|
|
|
|
|
|
Re: نقول مبروك لى ود شاموق.... وعقبال الفرح الأكبر (Re: كوليل)
|
علاء الدين خطبته عديييييييييييييييل كده؟؟؟ والله ألف مليون مبروك ... أتاري أنا قلته أختفيت كده مالك ... يا سيدي ربنا يتمم بي خير ... وكما يقولون ... بيت مال وعيال ... بعد تعرس طبعا ... بعيدن يا جماعة الخوف ود شاموق يعرس ويختفي من المنبر زي ما ناس الصادق الرضي عملو ليهم وليدات وأختفوا وبقت شوفتهم صعبة...
| |
|
|
|
|
|
|
Re: نقول مبروك لى ود شاموق.... وعقبال الفرح الأكبر (Re: المكاشفي الخضر الطاهر)
|
هدوم يافردة جناحى التاني وقت الناس تشتاق لعالمها الاول علا ود شاموق عريس؟ صديقي الوفي كما الوطن .. كم اشتاق الى ايامك وامسياتنا معك دائما ما تكون مبتوره كما الاحلام لاتنتهي بالتقطع .. التحيه الى الزمانات البنفسج بقدر المستطاع .. ولك من كل قلبى اجمل الامنيات بحياة سعيده..
عموما اشكرك على هذا الخبر .. العزيز كوليل وقدما للتواصل
| |
|
|
|
|
|
|
Re: نقول مبروك لى ود شاموق.... وعقبال الفرح الأكبر (Re: كوليل)
|
ألف ألف مبروك ود شاموق... ومبروك للخطيبة... (لاحظ ان المبروك ثلاثة ألف مقابل واحده بس لصالحك) لأنه أكيد انت فزت برائعة...
التباريك أيضاً للأخ سوباجو... ألف مبروك وربنا يتمم ليكم على خير... والله امس بدون أي مقدمات ورغم انه ما حصل قريت ليك شي ولا اتداخلت معاك .. لكن امس اتذكرته كلامك في الBN ...
بنت الحسين
| |
|
|
|
|
|
|
Re: نقول مبروك لى ود شاموق.... وعقبال الفرح الأكبر (Re: مريم بنت الحسين)
|
سوباجو... ليس كما المعتاد ان يكون هناك عيد لكنه يوم وسيصبح كالايام الاخرى ليس الا... وتتحق كل امانيك اليوم قبل غدا عندما تاتى 2006... فقط اجدك عنك هذه الابيات وهو اليوم الجميل والاصرار وانت تعيش انسان فى زمن عدم الانسانيه واشياء كثر 000 تبدا التهانى عن العيد فى كل حياتك كما تشتهى ............
عموما اشكرك على هذا الخبر .. العزيز كوليل وقدما للتواصل
| |
|
|
|
|
|
|
Re: نقول مبروك لى ود شاموق.... وعقبال الفرح الأكبر (Re: كوليل)
|
Quote: دارفور تحترق وود شاموق يمشي يخطب، ياللعار والشنار |
مبروك الخطوبة،
لكن البخلي عدم اكتراث امثالك بي محرقة تطهير الدارفوررين، عار شنو لوما "الساركازم"؟ ماقلت ديل ابناء جلدة النوبة، وانت كعباسي شريف "حر" من جلد تاني؟
علي كده الطبيعي وكماهو معاش، جلدا ماجلدك، جر في الشوك!
بنصحك تحتفل بي خطوبتك، بعيد عن السياسة.
برضو تاني مبروك الخطوبة.
| |
|
|
|
|
|
|
Re: نقول مبروك لى ود شاموق.... وعقبال الفرح الأكبر (Re: Bashasha)
|
ألف مبروك للأخ ود شاموق وتمنياتنا بحياة سعيدة وهنية
Quote: الف مبروك علاء وعقبال العرس ( وتبدا الناس تسأل ما بقيتوا تلاتة؟ ) |
وبعد ما يبقو تلاتة يبدأ سؤال تانى الولد\ البت ما جبتو لية\ليها أخو ولا أخت وبعد ما تبقو أربعة وتتورط برضو ما يخلوك ...............مسكين محمول
| |
|
|
|
|
|
|
Re: 1000 مبروك (Re: elhilayla)
|
ود شاموق الزول الحلو
الف الف الف الف الف الف مبروك
وانا جاهز لحفلة الخطوبه ولحفلة العرس ولحفلة طهور الوليدات
كمان محبتي
| |
|
|
|
|
|
|
Re: نقول مبروك لى ود شاموق.... وعقبال الفرح الأكبر (Re: كوليل)
|
وأنا أقول إنت فى السايت ..!! أتاريك غاطس فى البطاطس الأسبوع الماضى جيت أوشا بس ما لقيتكم ... أدونا طله ولا مس كول ولا أميل وبالله ما تفوتنا الفرحة مع مشغولياتكم وسفرياتكم لدار غرب ..
تحياتى لك ولها بهذا الإنجاز .. فقد ظفرت (هى ) والله .. ..
| |
|
|
|
|
|
|
Re: نقول مبروك لى ود شاموق.... وعقبال الفرح الأكبر (Re: محمد صلاح)
|
باقة ورد أنيقة تندي ودا وتقديرا وينداح عطرها
محبة لك واعزازا يازميل الكلم والحرف الأنيق :
ياود شاموق الحبيب ..
وعفوا ان جاءتك منى متأخرة ..فلم ( أكحل ) البوست
دا الا الآن والله ..
باقة تحية خاصة لمن ظفرت بك قبل ان تظفر بها !!!!!!!!!..
حلوة دي مش كدا ياودشاموق ؟؟؟؟؟؟؟؟؟؟؟؟..
بس أوعك البنية تقوم تزعل كمان وتطلقك قبل العرس !!!!!..
خضرعطا المنان
| |
|
|
|
|
|
|
Re: نقول مبروك لى ود شاموق.... وعقبال الفرح الأكبر (Re: محمد صلاح)
|
باقة ورد أنيقة تندي ودا وتقديرا وينداح عطرها
محبة لك واعزازا يازميل الكلم والحرف الأنيق :
ياود شاموق الحبيب ..
وعفوا ان جاءتك منى متأخرة ..فلم ( أكحل ) البوست
دا الا الآن والله ..
باقة تحية خاصة لمن ظفرت بك قبل ان تظفر بها !!!!!!!!!..
حلوة دي مش كدا ياودشاموق ؟؟؟؟؟؟؟؟؟؟؟؟..
بس أوعك البنية تقوم تزعل كمان وتطلقك قبل العرس !!!!!..
خضرعطا المنان
| |
|
|
|
|
|
|
Re: نقول مبروك لى ود شاموق.... وعقبال الفرح الأكبر (Re: كوليل)
|
altahir_2 waleedi399 zola123 saadeldin abdelrahman عبدالعزيز حسن على ShiningStar عبد الله إبراهيم الطاهر Tragie Mustafa هاشم نوريت محمد الامين احمد المكاشفي الخضر الطاهر معتز تروتسكى مريم بنت الحسين سجيمان humida Bashasha Ashrinkale Elnasri Amin dreams Tumadir kamalabas Yasir Elsharif elhilayla Elmosley Mohamed Elbashir almohndis Tabaldina ابو جهينة nile1 محمد صلاح خضر عطا المنان عمر ادريس محمد Gafar Bashir تولوس Ehab Eltayeb
أحبكم جداً يا أصدقاء، لكم جزيل التشكرات والامتنان القلبي على التهاني الرقيقة، وجعل الله أيامكم وأيامنا أفراحاً على الدوام.
| |
|
|
|
|
|
|
Re: نقول مبروك لى ود شاموق.... وعقبال الفرح الأكبر (Re: كوليل)
|
ألف مبروك الشاعر علاء الدين شاموق
وعقبال الحريرة والضريرة
عرس لينا في العيد عشان نحضـر بإذن الله
والقصيدة لشاعرنا محمد المهدي المجذوب, عشان الفـرحــة
ســـــيـــرة
البُنيّاتُ فى ضرام الدلاليك تسترن فتنةً وانبهارا**
من عيونٍ تلفّتَ الكحلُ فيهنّ وأصغى هُنيهةً ثمّ طارا
نحن جئنا إليك يا أمّها الليلة بالزين والعديل المنُقّى
نحن جئناك حاملين جريد النخل فألا على اخضرارٍ ورزقا
العذارى ألوانهن الرقيقات نبات الظلال شف َّ وحارا
رأمته الخدور ينتظرُ الموسم حتى يشع نورا ونارا
ينبرى الطبل ينفض الهزج الفينان طيراً تفرقاً واشتجارا
موكب من مواكب الفرح المختال عصراً فى شاطىءِ النيل سارا
الجمال الغرير يسفر غفلان فلم ننس فى الزحام الجوارا
والعبير الحنون هلل فى صدرى طيفاً موصلاً واعتذارا
نحن جئنا إليك يا أمها الليلة بالزين والعديل المنقى
نحن جئناك حاملين جريد النخل فألا على إخضرارٍ ورزقا
ومشى بالبخور من جعل الخدمة فى الحى نخوة وابتدارا
حافيا مسرع الخطى باسم النجدة حيّا حفاوةً وابتشارا
وعجوز تحمست حشدت شعراً تعالى حماسة وافتخارا
قلبت صوتها تأمل أمجاداً قُدامى فرق حيناً وثارا
رفعت فوق منكب طبلها الصيدح تحت الأكف خفقا
يتغنى لأنفس إن تشهيّن طلبن الحلال قسماً وحقّا
وتشيل البنات صفقا مع الطبل ورمقاً من العيون ورشقا
وغزالٍ مُشاغبٍ أصلح الهدم أرانى فى غفلةِ النّاس طوقا
تتصدى حمامة كشفت رأسا وزافت بصدرها مستطارا
شلوخها حتى تُضيىء فأضمرت حناناً لأُمها واعتذارا
وطنى كم بكيتُ فيك وخانوك وصدقت دينهم والدمارا
نحن جئنا إليك يا أمها الليلة بالبحر والعريس والمنقى
حجبوها وليّنوا العيش ما كان حجاب الكنين قيداً ورقا
هى ستُّ البنات ستُّ أبيها كرماً يحفظ الجوار وصدقا
وجلوها فريدة جفل الغواص عن بحرها خطاراً وعمقا
وهوى عاشق وطار وأهوى السوط رعداً بمنكبيه وبرقا
يتحدى عقوبة الصبر فالحرمان أمسى من السياط أشقا
مُهرة’’ حرة’’ وتنتظر الفارس يحمى حريمها والذِّمارا
وأتاهُ العبير من خمل الشبال حياه جهرة لا سرارا
موعد لا لقاء فيه وتاجوج تولت عفافة وانتصارا
وبنان توضحت وطواها الثوب حيا ببسمة تتوارى
نفضت عن سوارها بصرى يسعى إلأيها فما تحب الحوارا
لهف نفسى على صباى الذى كان وما فيه من لعاب العذارى
من عذيرى من غربة أخذت روحى وألأقت علىَّ وجها مُعارا
ما سقتنى على الظّما شفة’’ خضراءُ أحلى من الزُلال وأنقى
كشفت وجهها وزينتها الحُسنى وكم أشتهى وكم تتوقّى
غسلت مُهجتى بطهر سجاياها فلم ترض أن نهون ونشقى
سُنّةُ العشقِ فى بلادى كتمانُُ وبُقيا على المحارم وثُقى
وأفترقنا على حنان نُواسيه وكان الفراقُ جداً ورفقا
أنا أهواك يا بلادى ما واليتُ غرباً ولا تبدلت شرقا
ما طموح الموظفين إلى الجاه طموحى ، مع المساكين أبقى
آه من قريتى البرئية لا تعلم كم فى مدينة الترك أشقى
فندق لا جوار فيه ولا أرحام تنهى ولا معارف تبقى
وطوانى الدُّجى هناك ومصباحى عمىُُ فى صخرة الليل يرقى
أشتهى الدلكة العميقة والكركار والقرمصيص ماج ورقا
وبعينى قوافل النخل والنيل حداها تجيىءُ وسقاً فوسقا
بردت جرَّتى وذا القرع المنقوش يسقى حلاوة النيل طلقا
| |
|
|
|
|
|
|
|