|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: إني اليوم أكبر من الأمس.. بعام (Re: مريم بنت الحسين)
|
مريومه
كل سنه وانتى اروع
وعقبال ما تتحقق ليكى امنياتك يارب
كويس نبهتينى
انا من دلوقت عمرى سبعه سنين 
حتجينى بعد عشره سنين تسألينى عمرى كام حاقول ليك
يعنى انتى مامصدقانى ولاشنو ماقلت ليكى عمرى من زمان
مودتى
راويه حبييتى
تخيلى باين عليكى اصغر من كده
انتى قصدك 17 مش؟
وفى امان الله
لا اله الا الله
| |
 
|
|
|
|
|
|
|
 Re: إني اليوم أكبر من الأمس.. بعام (Re: hala guta)
|
يا جماعة شيلو الصبر .. مريم فاتت تشترى التورتة
و هذه تـورتـــة هـدية منى لبت الحسين
تعرفو التورتة البنشتريها من السوق بتكلف كم ؟؟ جيبو ورقة وقلم وأكتبو معاى
- اللبن الفي التورتة بجي من مزرعة .. يعنى لازم يكون فيها بقر و عمال و بياطرة و محاسب و … و…. تكلفة
- البيض .. كمان من مزعة و بنطبق علهو نفس الأنطبق علي اللبن مع تغيير التمنة الى طبق
- الدقيق .. دا كمان قصتو أكبر .. عمال و موظفين ورئيس مجلس إدارة .. و قسم ترحيل .. وحرامية تموين .. الخ
- فرن للتحمير .. و هلما جرا
يعنى القصة مكلفة شديد .. عشان كدا حا نطرح ليكم طريقة بسيطة وسهلة لعمل التورته في تلاتين خطوة بس
لو عايزين كيكة مزبوطة جد جد .. جهزو الحاجات الى بقولكم عليها
- عدد واحد بـقرة فريزيان
- عدد ثلاثة دجاجات اناث
- عدد واحد جوال دقيق قمح وإذا ما وجدناه ممكن نستعمل نص شوال دقيق فينو
- وشوية كم كيلو تفاح علي كم كيلو أناناس و كم كيلو بطلمونج وربع كيلو تاكزى .. دا كلو على بعضو لزوم التجميل
-
ركزو معاى وشوفو أنا بعمل إزاى .. بس اتبعوا خطواتنا الحجل بالرجل و حا تلاقو الكيكة جاهزة للتقديم وتلهطو بالهنا و الشفا
لو لاحظتو في المكونات ما ذكرنا ليكم سمنة و لا زبدة .. وعشان نستخلص الحاجات دى من الحليب .. البقرة لازم تكون ماكلا تمام
1. أربط البقرة في مكان فسيح
2. قدم للبقرة 3 ربطات برسيم قبل و بعد الأكل
3. علي الفطار ممكن نديها حاجة خفيفة .. جبنة لافاش كيرى مع كوب من حليب المراعى
4. علي الغدا ممكن نديها فول أمريكانا بالخلطة اللبنانية و شوية أرز تايلندى .. بس ما نتكتر السمن
5. العشا أيضا خفيف زى الفطار .. زبده معجونة في عسل مع قليل من السير يلاك
6. الدجاجات الإناث لازم تكون في مكان أمين .. إذا ما عندك غرفة فارغه ممكن تعمل ليهم قفص بس يكون بعيد من البقرة بحوالي خمسة أمتار عشان ما يعملو ليها جنون بقر
7. لتقليل كمية الماء المتدفق .. ممكن ندي أى دجاجة عصير برتقال مع مصاصة
8. إتبع سياسة اليوم المفتوح مع الدجاج لأنو ما عندو مواعيد منتظمة للأكل
9. جيب تلاتة سراويس كبيرة بواقع سرويس لكل دحاجة
10. السرويس خلي فيهو أربعة من أنواع الحببوب المختلفة .. خليها علي حسب المتوفر عندك في البيت
11. أفتح جوال دقيق القمح أو قونية الفينو فروم رايت تو لفـت .. يعني من اليمين للشمال
12. إذا كنت بتعرف تحلب البقرة .. أبدا الحليب بعد غروب الشمس مباشرة
13. أو ممكن تنتظر بتاع الحليب
14. وآذا إتأخر ممكن ممكن تتصل عليهو في موبايلو .. زيرو تلت سبعات تلت خمسات
15. دخل جردل الحليب في الفريزر
16. اذا ما وجدت مجال في الفريزر ممكن تطلع صفيحة الجبنة و تخليها في الفريزر التانى لأنو فاضي
17. من قفض الدجاج طلع البيضة و خليها في التلاجة
18. من قفص الدجاج أيضا طلع البضتين المكسورات و أجدعهم في الزبالة
19. أملأ سراويس الدجاج بالحبوب الأربعة
20. جيب العشا للبقرة
21. أدي البقرة برسيم لأنو ذكرنا في الخطوة رقم 2 لازم نديها برسيم قبل و بعد الأكل
22. طلع بيضتين من قفص الدجاج و ما تنسى تطلع البيضة التالتة المكسورة من تحت السرويس
23. أملا السرويس لأنو إندفق لمن الدجاج طلع من القفص
24. نادى تلاتة من أولاد الحلة يساعدوك في قبض الدجاج
25. بعد ربع ساعة يجوك أولاد الحلة و معاهم الدجاجات العشرة .. طبعا نحتاج لعشر بيضـات لعمل التورتـة
26. رجع السبعة ديوك لأصحابها و دخل الدحاجات التلاتة في القفص
27. الدجاجة الصغيرة الحمرا المزعجة أعمل ليها قفص براها عشان ما تكسر البيض
28. أدفق جردل اللبن في حوض الغسيل .. لأنو الكهربا قطعت و اللبن أتقطع
29. أضرب تلفون للحلاب عشان المغرب جا .. زى ما ذكرنا في الخطوة رقم اتناشر لازم نبدا الحليب بعد غروب الشمس مباشرة
30. قبل ما الحلاب يصلك من مايو .. ممكن ترسل الولد للسوبر ماركت يشترى تورتة جاهزة لأنو الضيوف وصلو
بالطريقة البسيطة دى و فى تلاتين خطوة بس تكون عندنا تـورتــة جاهـزة للأكـل .. بالهـناء والشـفـاء و كل عام و أنتى بخير يا سيادة الرئيســة
| |
|
|
|
|
|
|
|
|
|
Re: إني اليوم أكبر من الأمس.. بعام (Re: مريم بنت الحسين)
|
الف مبروك مريم
بالله انحنا قدر بعض
انا برضو قبل زمن طويل قررت انو عمرى ما يزيد على 24، وانا راجل كلمتى واحده والراجل (بس) بمسكوهو من لسانو
امسكى الحكمه
the best ten years of my life, were those between twenty and fourty
| |
|
|
|
|
|
|
|
|
|
Re: إني اليوم أكبر من الأمس.. بعام (Re: مريم بنت الحسين)
|
صاحبة الفخامة
كل سنة وإنت طيبة ،،
بختك أنت الآن في عمري لما كنت مشاغب ،، وكان هذا قبل أكثر من ست وعشرين عاما ،،
24 سنة يا مفترية ، وعايزة تحكمينا ،، لي الليلة الناس بيقولوا الصادق عدلوا ليهو الدستور عشان يحكم وهو ابن ثلاثين ،،
كما تنازلت مسز غاندي لذاك السيخي آمل أن تتنازلي لي ..
ومرة تانية كل سنة وسعادتك بألف خير ، وعقبال مية وعشرين سنة ..
| |
|
|
|
|
|
|
|
|
|
Re: إني اليوم أكبر من الأمس.. بعام (Re: مريم بنت الحسين)
|
أبو حسين
لنا مهدي
عل الحلاوي
رجاء
Sympo
ملكة سبأ
الجندرية
بنت الأحفاد
ندى أمين
محمد الشيخ
Frankly
راوية
نوف
أحمد الشريف
عمو خلف الله عبّود
ناجي الزبير الملك
ندى علي
عادل عبدالعاطي
أنور أحمد
مشاعر أحمد
أنور كينج
هالة قوته
دقنه
حنينه
مامون الزين
مروايد
راكوبه
عمر الماحي
ودقاسم
والله ما عارفه أقول شنو.. لكن خطر على بالي
مرسوم جمهوري رقم واحد... "بعد ان اتفقنا على أن عمر السيد الرئيس ثابت على 24 سنة... أي زول نرجعه عشرة سنين من عمره... زي ما رجعنا التوقيت ساعة.."
لن تتخيلوا التأثر الذي أحس به بعد كل هذه الكتابات المؤثرة.. وسعيدة جداً جداً ولدرجة قد لا أستطيع وصفها.. بكل هذا الكم من التهاني... أشكركم أشكركم أشكركم...
كل زول يختار ليهو وزارة بالله. ويا علي الحلاوي.. "الجاتو" ما عايزين نتعلمه.. عايزين ناكله.. وينه؟!
بنت الحسين
| |
|
|
|
|
|
|
|
|
|
Re: إني اليوم أكبر من الأمس.. بعام (Re: مريم بنت الحسين)
|
Quote: يا جماعة... من الآن وحتى إشعار آخر.. سيثبت عمري في سن ال24 عاماً
|
معقول السيد الريئس اكبر منى بى سبعة سنوات بس...بختى
يا مريوم والله انا بستغرب فى الناس البحتفلوا بى عيد ميلادهم
معقول الزول يكون فرحان هو ماشى على ارزل العمر والا ماشى على
القبر والا فرحان على شنو..انا استنيت سنة....بقيت ازعل كلما
يمر يوم ميلادى.... مش على كيفى...دحين هنيالك وانشاء الله الجايات
اكتر من المضن وربنا يهنيك فيهم..........تسلمى،،،
| |
|
|
|
|
|
|
|
|
|
Re: إني اليوم أكبر من الأمس.. بعام (Re: مريم بنت الحسين)
|
بت الحسين الاميرة
عقبال بيك نفرح يا زينة
ونشرب شرباتك يا زينة
وتطفى الشمعة المليون
وتكونى احلى زول يحكم السودان
وتدينى انا مدير السجون بس كفاى عشان افضيها واملاها من جديد
بمزاجى . ما تخافى ما بكون ظالمة بملاها بالظالمين .
لك الحب
ام وضاح
| |
|
|
|
|
|
|
| |
مريم بنت الحسين
ABUHUSSEIN
lana mahdi
Raja
ملكة سبأ
الجندرية
bint_alahfad
mohamed elshiekh
Frankly
Rawia
WaD OmI
Ahmed Elsharif
kh_abboud
nada ali
Abdel Aati
AnwarKing
degna
haneena
Mamoun Zain
Rakoba
omer almahi
ودقاسم
ايهاب
Abd-Elrhman sorkati
صديق الموج
essam&amal
فيس بوك
تويتر
انستقرام
يوتيوب
بنتيريست