نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 الليله كسرت رجلى!!!!!!
|
بعد قضاء يوم جميل وحافل فى منزل احدى اقرباءنا, وكانت لمه جميله حقا حمدت الله انو اخدت برك شويه من الاسترس بتاع المزاكره, اها قمنا بعد ده نتمشى جنب البحر, وانا قعدت اجرى وانطط مع الاطفال الصغار, ونلعب باسكيت بول, وكاتش مى اند آي كاتش يو, فلما جيت اهرب من البنت الصغيره وقعت وكسرت رجلى
شوفتو الشلاقه ده كيف؟
آل يا قاعدين يكفيكو شر الجاييين
المهم مشيت بكامل قواى الجسديه والعقليه ورجعت بعرج من الالم
الحمدلله عسى ان تكون كفاره لزنوبى, بعدين اهم مافى الامر اننى قضيت يوما رائعا بمعنى الكلمه, الحمدلله
بعض الحضور قالو لى ده عين صابتك, برغم ماعارفه ادونى عين على شنو؟
دعواتكم معاى اخف بسرعه وتعود رجلى لطيعتها, بينى وبينكم لو ماكان الجماعه ديل قرايبى كنت رفعت قضيه تعويض اطلع على الاقل فيها بعشره الف جنيه استرلينى 
وانشاء الله ما تشوفو شر
وفى امان الله
لا اله الا الله
|
|
 
|
|
|
|
|
|
|
 Re: الليله كسرت رجلى!!!!!! (Re: bint_alahfad)
|
دريمز العسل
تشكرى حبيبتى وانشاء الله ما تشوفى شر, بس الكسيره البى فائده ياتا فيهم؟ افصحى
الحبيبه سمارت انا
الله يخليكى ياحبيبه, بس طلبك صعب شويه لانى بحب العب مع الاطفال شديد عشان كده اهلى بقولو لى انتى بتدلعى الاطفال لما تبوظيهم, تشكرى حبيبه
الحبيبه ملكه سبا
يعافيكى انشاء الله, وتسلمى يا حبيبه, لكن الشمار كتلنى , الكسير التانى ده ياتو؟
الاخ الكريم ابو حسين
ويعافيك انشاء الله وجزاك الله كل خير
الحبيبه رجويه
الله يبارك فيكى يا حبيبه, وماتشوفى شر يارب, لكى كل الود والتقدير, عليكى الله اضغطى لينا احلام ده والملكه عشان نعرف الكسير التانى ده شنو
الاخ الكريم طيفور
جزاك الله كل خير, وماتشوف شر يارب
الاخ الكريم مكسب
الله يسلمك من كل شر, وجزاك الله كل خير, بس ما قلت لى اينجوى شنو؟ التكسيره !!!!!
العم الفاضل الموصلى
جزاك الله كل خير, وانشاء الله ماتشوف شر يارب
الاخ الكريم كمال عباس
بارك الله فيك, وكفر الله سيئاتك, وانشاء الله ماتشوف شر يارب
وفى امان الله
لا اله الا الله
| |
|
|
|
|
|
|
|
|
 Re: الليله كسرت رجلى!!!!!! (Re: معتصم دفع الله)
|
يا بنية سلامتك والف احفاد كرامتك...ونحن عارفين بتكون عترت ليك حلاتك دى
وهسع انا كلمتا بورداب الرياض وجايين عليك ومعانا شتات وودقاسم ومعتصم وجردل (تمبس)
عشان قالوا الكالسيوم مفيد مع اللوبيا....
وبعدين الكسر البى عافية ده الكسر البخليك تقعدى فى البيت وتبطلى لعب عيال لما
تجيبى ديك يا الشهادة وقتها يكون رب ضارة نافعة..وتسلمى،،،،،
| |
|
|
|
|
|
|
|
|
 Re: شِرِّك مقسَّم بين الَدقَشّم (Re: elhilayla)
|
الأخت الفاضلة/بت الأحفاد
كنت على وشك اغلاق جهاز الكومبيوتر منتصف الليل عندما وقعت عيناي على عنوان البوست. هرعت اليه وقد ازدحمت في رأسي كل الاحتمالات، من حادث حركة -لا قدر الله - الى حادث عرضي داخل المنزل. قرأت الخبر بسرعة، وأتيت على كل الردود (من معجباتك ومعجبيك)!! وقد رأيت أن تكطون مداخلتي مختلفة..ليس على منوال خالف تدكر، لكن لنجعل فرحتنا بنجاتك وسلامة رجلك استراحة من أمورنا الجادة- وما أكثرها.
1- أولا بالتبادي أنا راجل قروي، من حلالات وفرقان كردفان. و"كسرت رجلي" ليها عندنا معنى واحد:الكسر اللي يجبروا ليه الساق، وسيدوا يقعد في العنقريب شهر!! فال عدوك يا أميرة! 2- أما أنك تقومي بعافيتك وتروحي البيت برجلك القلت عليها اتكسرت..دا عندنا بسموه دلع بنات!!
3- افتكر اللعب مع الصغار من علامات النبل والجمال الداخلي..لكن لامن يصل مرحلة كسر الرجلين، دا يبقى حالة تانية..وننصح بزيارة طبيب نفساني لقراءة الحالة!!
4- بعد دا كله، دعواتنا بالصحة والعافية والعودة الى الأحباب الصغار ..فاللعب معهم كما قلت دليل جمال وحيوية داخلية. وتسلمي لأخيك...
فضيلي جماع
3-
| |
|
|
|
|
|
|
|
|
|
Re: شِرِّك مقسَّم بين الَدقَشّم (Re: فضيلي جماع)
|
Dear Bint alahfad
salamtik alf salama
da ismo Osteoporosis... hashashat al3izamm...alkobor dakhal ya bity... al7agy nafsik sareee3
bahazir wallahy..inshallah tagoomy bilsalama.. ana zaaty 3amaltaha gably kida and i know how it feels
kaffara inshallah
| |
|
|
|
|
|
|
|
|
|
Re: الليله كسرت رجلى!!!!!! (Re: Ehab Eltayeb)
|
بنت الأحفـاد،
أسمحيلى أترجـم ليكى كلام الأستاذ جمـاع:
"الكسر اللي يجبروا ليه الساق، وسيدوا يقعد في العنقريب شهر!! فال عدوك يا أميرة"
يجبـروا = يصـلحـوا، أو فكـس
السـاق = الرجل
العنقـريب = هوم ميــد بيد
فال = حـظ luck
| |
|
|
|
|
|
|
|
|
|
Re: الليله كسرت رجلى!!!!!! (Re: bint_alahfad)
|
يا عين يا عنيه
يا كافرة يا نصرانيه
يا مقطوعة الذرية
عين الراجل فيها مناجل
عين المره فيها الشره
عين الصبى ام شرا غبى
عين الفتاة تقد الواطة
اخرجى من بت الاحفاد
ويحفظها الما نام ولا اكل الطعام
وفوقها النبى ( ص )
ان شاء الله عندكم بخور تيمان
اها قصرت معاك
ام وضاح
| |
|
|
|
|
|
|
|
|
|
Re: الليله كسرت رجلى!!!!!! (Re: bint_alahfad)
|
اولا الف كفارة وربنا يكتب عاجل اشفاء
لكن داير اسال شنو كسير النسوان فينا قبل عشرة يوم وقعت حليمة2 وفكت كراعها اها لقتها فرصة ياشامية بطلت لشغل وقابلتني يا ابومهند شيل ويا ابومهند خت انا اتخيلت نفسي في سوق الملجة من الشيل الخت, ربنا يديكم العافية.
| |
|
|
|
|
|
|
|
|
|
Re: الليله كسرت رجلى!!!!!! (Re: bint_alahfad)
|
سلامتك يا بتي
استاذنا الفاضل فضيلي جماع
بت الاحفاد دي بت سغيرة شديد يعني مسالة الاخت القتها دي دي شوية ممكن تحسس منها البنية ..
وعادي الزول السغير ممكن يلعب مع الاطفال لامن يكسر حاجة فيهو ويكسر حاجة فينا ...
تمنياني بعاجل الشفاء ..
وحاولي فتشي ليك ترمس ..او ادينا عنوانك ارسلو ليك مع ابوي وامي واخوي الكبير يوم الخميس الجاي بعد ما تقشي الحوش وترشيهو ...
| |
|
|
|
|
|
|
|
|
|
Re: الليله كسرت رجلى!!!!!! (Re: الجندرية)
|
بنتا سلامات وبعد الشر عليك ، وأجر عافية إن شاء الله ، وعجبتني دعوة احلام وملكة سبأ عقبال الكسير التاني يعني البي فائدة . وشايفكم انتو ورجاء العباسي عاملين فيها البنات بريئات جدا .
| |
|
|
|
|
|
|
|
|
|
سلامتك من الاه....كلمات: كاظم الساهر .... (Re: HAMZA SULIMAN)
|
سلامتك من الاه حفودتي
سلامتك من الاه
قبل ماتنزل صدرك احسها بصدري والله
بيه ولا بيك ريت الالم والاه
شلون اخليك شلون اخليك
وحدك تصيح الاااه
شلون اخليك
سلامتك من الاه
سلامتك من الاه
قبل ماتنزل صدرك احسها بصدري والله
حبيبي عيون حبيبي
حبيبي روح حبيبي
حبيبي حبيبي حبيبي حبيبي
لو ادري دمعي يفيض ويشيل همك
لأجمع دموع الناس وابكيها يمك
سعادي من سعادتك وراحتي هيه راحتك
بيه ولا بيك بيه ولا بيك ريت الالم والاه
شلون اخليك شلون اخليك وحدك تصيح الاه
سلامتك من الاه
سلامتك من الاه
قبل ماتنزل صدرك احسها بصدري والله
حبيبي عيون حبيبي
حبيبي روح حبيبي
حبيبي حبيبي حبيبي حبيبي
لاشيل الحزن منك وارجعلك ضحكتك
انته عيوني الاثنتين وصحتي على صحتك
سعادتي من سعادتك وراحتي هيه راحتك
بيه ولا بيك ريت الالم والاه
شلون اخليك لا مااخليك وحدك تصيح الاه
لا مااخليك
سلامتك من الاه سلامتك من الاه
قبل ماتنزل صدرك احسها بصدري والله
اه اه اه اه اه
أعشق العيال و صخبهم هنئيا لك اليوم المرح و كفارة انشاء الله غايتو فرصة تسمني حبة اديني العنوان ارسل ليك كيلة ترمس و لا اقول ليك حلاوة مولد أحسن
الف سلامة و لا بأس عليك حبيبتي
| |
|
|
|
|
|
|
|
|
|
Re: الليله كسرت رجلى!!!!!! (Re: bint_alahfad)
|
سلامتك والالم بيزول
وكفارة ليك يا زولة
وانشاء الله ما تشوفي شر
وتقومي بالسلامة وربنا يواليك بالصحة والعافية يا بت الاحفاد
وانشاء الله زي ما قلت ربنا يجعلها ليك كفارة ذنوب انشاء الله
ولك التحية وتمنياتي لك بعاجل الشفاء
وليد احمد
| |
|
|
|
|
|
|
|
|
 Re: الليله كسرت رجلى!!!!!! (Re: bint_alahfad)
|
سلامتك اختي بت الأحفاد
وانشاء الله اجر وعافية
وانا خاطبتك بأختي كيه للأخ دكين
وانشاء الله يابت يتكسرن كرعين عدوينك
ولو ما قدر ساكت
تتكسر رجلك انتي ودكين وسجيمان حايمين بي كرعينهم
وصية
كتري من اكل الترمس والبلح
مع امنياتي لك بالشفاء العاجل
| |
|
|
|
|
|
|
|
|
|
Re: الليله كسرت رجلى!!!!!! (Re: bint_alahfad)
|
والله يا بت الأحفاد ذكرتيني زمان كنت صغيرة (عجلة ما صغيرة شديد)
وكنت بلعب مع (الشفع) (ترتارة)
واقوم ورررررررردرب أقع في الخور،، لكن ما كسرت رجلي الحمد لله
كسرت خشمي بس وبعض من سنينات الحمد لله انها اتكسرت أساسا كانت زايدة عن الحاجة.
ورغم التباين الواضح بين (كاتش مي أند كاتش يو) و (الترتارة)
والتباين الفاضح بين (البحر) و (الخور)
والتباين اللا معقول بين (أطفالكم) و (شفعنا)
رغم ذلك اسمحي لي أن أشبه إحساسك بإحساسي (مع إن إحساسي لا يخلو من حس ضفدعي) وأشاركك التعب والألم،، حقيقي إحساس متعب وسئ،، خصوصاً لو أكلوك ترمس لامن تقرب تقوم ليك شجرة سيد ترمس في راسك.
سلامتك وكفارة وإن شاء الله البكرهوك يا الله
| |
|
|
|
|
|
|
|
|
|
Re: الليله كسرت رجلى!!!!!! (Re: bint_alahfad)
|
السلام عليكم ورحمه الله
الاخوات الحبيبات...الاخوه الافاضل
معتصم دفع الله
صديق الموج
Abureesh
elhilayla
فضيلي جماع
Wad Ballal
Ahmed Alrayah
Ehab Eltayeb
Abureesh
THE RAIN
Rawia
abuguta
أبوالزفت
سجيمان
alfatih
منصوري
ali othman
خالد العبيد
omer almahi
essam&amal
ابو مهند
DKEEN
nada ali
WALEED YASSIN
almohndis
Abd-Elrhman sorkati
doma
سارة منصور
نصار
بارعة
الجندرية
ABU QUSAI
كبسيبة
tiger18
انا بنت النيل
JAD
HOPEFUL
HAMZA SULIMAN
sudania2000
Osman Hamad
tabaldy
Anwar Ahmed
waleedi399
ahmed haneen
Haydar Badawi Sadig
Ishraga Mustafa
بت قضيم
salam
بلدى يا حبوب
وكل من راسلنى بالأيمل للأطمئنان على
لا استطيع ان اعبر عن تقديرى وامتنانى عن اهتمامكم بى وبصحتى, والله لا تدروا كيف خففتو الالم لى بقفشاتكم الجميله وكلماتكم الراقيه, حقيقه تمنيت ان اكسر رجلى من زمان حتى احس باهتمامكم الجميل هذا, وحقا رب ضاره نافعه, وده فعلا الكسير العليهو فايده...مافى فايده اكبر من كل هذا الحب المنحتونى له, وددت ان اردعليكم فردا فردا...لكن اعزرونى لظروف امتحاناتى فانا الان اسابق الزمن ولم يتبقى على تسليم البروجيكت الا ايام قلائل, دعواتكم معاى
احب اطمنكم ايضا انه لم يكن كسر, (طبعا اعتقدت فى الاول انو كسر لانى لم استطع المشى من الالم فى اليومين الاولين) لكن يبدو انه تمزق فى العظام, الحمدلله انو بقدر الان امشى واجرى كمان(ماشاء الله) والالم لم ينتهى نهائيا ولكنه خف كثيرا بحمد الله وفضله اولا وبفضل دعاءكم ثانيا
فلكم منى كل الحب والتقدير
وانشاء الله ما تشوفو شر
وفى امان الله
لا اله الا الله
| |
|
|
|
|
|
|
|
|
|
Re: الليله كسرت رجلى!!!!!! (Re: bint_alahfad)
|
الاخوه الكرام ...الاخوات الحبيبات
عشة بت فاطنة
lana mahdi
مريم الطيب
haneena
Tumadir
ناجى الزبير الملك
jini
اشكركم كثيرا لسؤالكم الذى خفف عنى كثيرا,
الله يحفظكم ويبعد عنكم كل مكروه
انشاء الله ماتشوفو شر
مودتى
وفى امان الله
لا الله الا الله
| |
|
|
|
|
|
|
| |
bint_alahfad
smart_ana2001
ملكة سبأ
ABUHUSSEIN
Raja
طيفور
Elmosley
kamalabas
Abdel Aati
معتصم دفع الله
صديق الموج
Abureesh
elhilayla
فضيلي جماع
Wad Ballal
Ehab Eltayeb
THE RAIN
Rawia
abuguta
walid taha
أبوالزفت
سجيمان
alfatih
منصوري
خالد العبيد
omer almahi
essam&amal
nada ali
Abd-Elrhman sorkati
doma
نصار
بارعة
الجندرية
ABU QUSAI
JAD
HOPEFUL
HAMZA SULIMAN
Osman Hamad
waleedi399
ahmed haneen
Haydar Badawi Sadig
Ishraga Mustafa
بت قضيم
بلدى يا حبوب
عشة بت فاطنة
lana mahdi
مريم الطيب
haneena
Tumadir
jini
فيس بوك
تويتر
انستقرام
يوتيوب
بنتيريست