نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 وحاة خاطرك ـ إهداء خاص لخالد الحاج والموصلى وجميع الأخوات والأخوة
|
وحاة خـاطـــرك
ـــــــــــــــــــ
شـعـر : صديـق ضـرار
ـــــــــــــــ
الأخ الحبوب خالد الحاج إهداء خاص لك يامن أهديتنا روائع الأغانى
أيضا إهداء خاص للرقيق الموصلى
وإهداء خاص للخال ملاسى
ثم إهداء خاص خالص لجميع الأخوات والأخوان بالمنبر وبكرى
وحـاة خاطرك
ـ عشان مالدنيا نفرح بيها ـ
يوم تبسم
وترضى علينا
شان نحلم
ننسى الهم
نبنى الليل خيالات وعد
ونتعشم
* *
بخيل يا قلبه لينا مطول
وانا وعمرى ـ الزمن راجينه ـ
فات كم حول !
وفات دورين بنرجى الزول
ولما الزول بقالنا صلف
كتبنا حرف
حكينا البينا شان يعرف
وقلنا: الشوق بقالنا ولف
وقلنا : نخاف نداوته تجف
حكينا البينا شان يعرف
جناح الفرقة لما يرف
وليل الغربة ، فوق أحزانه نتأسف
* *
وكيف فى الليل
يطول الوجد
وكيف فى الليل
نقاسى السهد
وكيف فى الليل ، ألمنا يزيد
. . يفوت الحد
نشيل ـ من شوقنا ـ ليك شموع
لما معاك يعز الود
ونعبر ليك ألف طريق
ونلقى الرد
بطاقة صد
عشمنا الفيك يتبدد
وياما صبرنا . . شان تسعد
تمر أيام ونحن نعد
ونستناك يوم توعد
وما بالايد ، خلاف نقبل
نساير فيك
وما بتسأل
نخاف تزعل
ويوم تزعل
منو البوصل معاك لى حل
* *
عشان عينيك . .
عشان عينيك عيونا تجوب
مساير الليل ، تكوس الباب
وهل بيناتنا ختّوا حجاب ؟
عشان عينيك
جمالهم ما اتوصف فى كتاب
وشان عينيك
ـ بدون أسباب ـ
سبن عينى
وتاهن ، زى سؤال حيران
وراجى جواب
عشان عينيك
بقن أحباب
وما بيناتنا ختّوا حجاب
حرفنا الليلة
ودا وجــاب
* * *
b
|
|
 
|
|
|
|
|
| |
Hussein Mallasi
Elmosley
Raja
bushra suleiman
Adrob wad Elkhatib
بلدى يا حبوب
فيس بوك
تويتر
انستقرام
يوتيوب
بنتيريست