|
Re: ديوان البكاء (Re: ghurba)
|
بدر الدين شناة شكرا على التصحيح والمشاركة طبعاً بجد اغتظت كتير في زيارتي الأخيرة حيث اصبح السودانيون يحملون معهم اجهزة الموبايل للمقابر وهناك هناك يا أغاني المشكلة واحد جاء يشيل الفاتحة كان طوالي اشتغلت نور العين بيني وبينك من الأغاني المفضلة عندي تمنيت انها تستمر لكن الراجل غايتو بسرعة قام لكز الموبايل
غربة رجال يهردوا المصارين والله مشكلة كبيرة جداً عندما يبكي الرجل الدكاترة يقولوا لينا عادي لأن الدموع بتنظف العيون وعلماء النفس يقولوا ليك ابكي بقدر ماتستطيع لأنك ستذوب أشياء كثيرة مكبوتة في داخلك لكن المشكلة البيقنع اجدادنا منو
الملا عمر طبعا نحن ناس كوباتشينو دي مابنعرفها لا في أفراح ولا في مآتم ولو قدر لك أن تزور مأتم لأهل العوض فالقرع يومها يرقد هبطرش طبعاً حسب الموسم مرات تلقى البكاء كله بامية أكره القرع كما أكره شارووووووون ولا أطيقه نهائياً سمعت في زيارتي الأخيرة قصة غريبة جداً حكاها دكتور مسئول عن مشرحة مستشفى الخرطوم كان في واحد من أهل العوض توفى وكان بالمشرحة لحد الساعة 1 صباحاً والجماعة طبعاً قريتهم بعيدة وكانت الدنيا برد شديد فطلبوا من الدكتور ترك الجثة حتى صباح اليوم التالي فوافق الدكتور 00 وبعدها أتو ببطانية لتغطية الجثمان قام الدكتور قال للغفير عليك بمراقبة الجثة وتسليمها لأهلها عندما ياتوا بالبكسي صباحاً المهم كان في برد شديد والغفير محتار يسوي شنو فجأة طرات عليه فكرة بطانية المرحوم قام مشى للمرحوم وقال ليهو بالله إنت ميت المتغطي ليها شنو جيب البطانية دي جاي أها قام اتغطى بيها وجو أهل المرحوم الساعة خمسة صباحاً شالوا ليك الغفير في البكسي وهم ماعارفين طبعاً الغفير بعد البكسي مكشى شوية صحى فجأة والجماعة طبعاً راكبين وبيبكوا اها سألهم ليك 00 وين ياجماعة الخير قال ليك أهل العوض ديل كلهم تلبوا ليك من البكسي والجرى شمال والهرب يمين مابقى الا السواق المهلوع وقتها اها الغفير قعد يدق ليهو في الباب وقال ليهو عليك الله نزلني ووروني الحاصل شنو السواق طبعاً خايف قال ليهو والله مافي ليك أي طريقة الا أوصلك بيت البكاء 0
|
|
|
|
|
|
|
العنوان |
الكاتب |
Date |
ديوان البكاء | ابوحراز | 04-27-04, 07:31 AM |
Re: ديوان البكاء | ملكة سبأ | 04-27-04, 07:47 AM |
Re: ديوان البكاء | essam&amal | 04-27-04, 08:20 AM |
Re: ديوان البكاء | ابوحراز | 04-27-04, 09:08 AM |
Re: ديوان البكاء | بدرالدين شنا | 04-27-04, 09:23 AM |
Re: ديوان البكاء | ابوحراز | 04-27-04, 01:09 PM |
Re: ديوان البكاء | almulaomar | 04-27-04, 09:30 AM |
Re: ديوان البكاء | ghurba | 04-27-04, 12:20 PM |
Re: ديوان البكاء | ابوحراز | 04-27-04, 01:20 PM |
Re: ديوان البكاء | ابوحراز | 04-27-04, 01:15 PM |
Re: ديوان البكاء | almulaomar | 04-27-04, 01:48 PM |
Re: ديوان البكاء | بدرالدين شنا | 04-27-04, 07:16 PM |
Re: ديوان البكاء | ghurba | 04-28-04, 10:57 AM |
Re: ديوان البكاء | ابوحراز | 04-28-04, 12:28 PM |
|
|
|