|
Re: المطر ...سلبيل نضمك معلق على راكوبة البورد قرب (Re: garjah)
|
تحايا مسائية وندية يا قرجة
وليك الإمتنان الشديد على إيراد النصوص، وده إسمه كرم التذوق، الأصلا بجى من الذوق الكريم
نعليش يا قرجة، حأعمل لى تخريمة عجيبة كده، وبرضه ما بعيدة خالص عن الحديقة البهيجة دى
الإشكالية السرمدية يا قرجة، مش عندنا هنا فى الوطن "البكرى" الجميل، لكن هى أصلا وأساسا موجودة، أو بالأحرى إتوجدت من ما بدأ البشر يطلعوا أشكال التعبير الجمالى فى كل حاجات حياتهم المختلفة، وهى جدلية إختلاف الميول وإلإتجاهات، والأدب عموما بى اصنافه وأجناسه الكتيرة ما بطلع من الإشكالية دى، اما الشعر فحكايته حكاية تانى خالص
حكاية الشعر أو إشكاليته إنه دائما بتلقى الناس المهتمين بيهو أو بتذوقوه، هم اصحاب العدد القليل وسط الأعداد الكبيرة، يعنى باختصار، يمكن يكون متذوقو أو محبو الرواية اكتر من محبى القصة القصيرة، ومحبو القصة القصيرة اكتر من محبى الشعر، ما عايز اقول انه الشعر هو فن الصفوة من الناس، لأنه نوعية التذوق مش هى المحدد أو المؤسس "للصفوية" المقصودة هنا، لكن العكس يمكن يكون صحيح، الصفوية هى البتحدد التذوق
حتى وسط محبى الشعر نفسهم، حتلقى تباين وتنوع عجيب ومذهل كمان، لأنه فى نوع من الناس، صاح تلقاه يقول ليك أنا بستمتع بالشعر، ويكون بحب الشعر التقليدى الكلاسيكى بكل مدارسه واتجاهاته الفيهو، فقط، ونوع يحب الشعر العامى، ونوع يحب الشعر العمودى، ونوع تانى من الناس يحب نوعين ويخلى نوع وهكذا
وحتى على مستوى التذوق والميول، حتلقى العجب العجاب، واحد بحب شعر مصطفى سند والتانى بحب شعر مصطفى بشارة، وده شايف انه ده شعر وداك شعر، مصطفى ومصطفى، والفرق بين ده وداك، ما بين المشرق والمغرب، والإتنين، خلاص، بحبو الشعر، شفت القصة دى كيف
الشى المهم فى الموضوع اصلا، هو انه الشعر كائن إنتقائى، آى والله إنتقائى جدا كمان، تسمع يقول ليك بكره فى أمسية شعرية، وفى نفس هذه "البكره" دى، فى مباراة كرة قدم بين فريقى الفهود الخضر والأفيال البنفسجية، ولمن بكره يجى، حتلقى فى الأمسية الأولى كم وعشرين نفر، وفى الأمسية التانية كم وعشرين ألف نفر، إيه السبب يا ترى؟
وفى الإجابة على التساؤل الساذج ده، تكمن الإجابة على أسئلة مشروعة كتيرة جدا، فيما يتعلق بالإهتمامات والميول، ويمكن من الكم وعشرين ألف ديل، فى طاشر نفر كانوا محتارين يا ربى يمشو هنا ولا هنا، ويكون فى زى خمسطاشر ألف ما عنده فرق بين محمود درويش ومحمود عبد العزيز
أو يقول ليك، يوم كذا فى معرض للفنان سيف الدين اللعوتة، مثلا يعنى، وحيعرض لوحاته فى المركز الثقافى الألمانى، وفى نفس التاريخ حيكون فى حفل غنائى ساهر فى النادى الفلانى، وتعال شوف الفرق فى عدد الناس هنا وعددهم هناك
الأمثلة دى كلها بس لتوضيح الفرق بين الناس، ودى أشياء بالتأكيد الإنسان نادرا ما يكون ليهو فيها دخل أو سيطرة، يعنى "خلقة الله" أو "تقفيل المصنع" يعنى، وما ممكن تخلى زول بحب السباحة مثلا وبموت فيها عديل كده، وتجى تقنعه عشان يغير هوايته دى للموسيقى أو تسلق الجبال
والشى الأكيد طبعا، هو إنه الشعر دائما هو "الطيش" "الجردقة" فى سلسلة الميول الوجدانية وزى ما قلت ليك، حتى وسط أهله وأقاربه من رواية وقصة ونقد الخ
بالمناسبة يا قرجة
تعرف القصيدة بتاعة "موكب الشمس" دى أنا ما عندى، يعنى لو يوم اتذكرتها إلا أجى اكوس ليها فى أرشيف بكرى الفى واق الواق ده، والله نجدتنى بيها، الله يسعدك دنيا وآخره
ونلتقى فى المحبة دائما يا زول يا جميل
الحبيب بدر الدين أب شناتن سمحه
حاجيك راجع
|
|
|
|
|
|
|
العنوان |
الكاتب |
Date |
المطر ...سلبيل نضمك معلق على راكوبة البورد قرب | garjah | 04-21-04, 08:50 AM |
Re: المطر ...سلبيل نضمك معلق على راكوبة البورد قرب | Ahlalawad | 04-21-04, 09:01 AM |
Re: المطر ...سلبيل نضمك معلق على راكوبة البورد قرب | ابو جهينة | 04-21-04, 09:08 AM |
Re: المطر ...سلبيل نضمك معلق على راكوبة البورد قرب | nazar hussien | 04-21-04, 09:09 AM |
Re: المطر ...سلبيل نضمك معلق على راكوبة البورد قرب | degna | 04-21-04, 09:38 AM |
Re: المطر ...سلبيل نضمك معلق على راكوبة البورد قرب | THE RAIN | 04-21-04, 11:54 AM |
Re: المطر ...سلبيل نضمك معلق على راكوبة البورد قرب | THE RAIN | 04-21-04, 11:57 AM |
Re: المطر ...سلبيل نضمك معلق على راكوبة البورد قرب | THE RAIN | 04-21-04, 01:26 PM |
Re: المطر ...سلسبيل نضمك معلق على راكوبة البورد قرب | garjah | 04-21-04, 04:41 PM |
Re: المطر ...سلسبيل نضمك معلق على راكوبة البورد قرب | garjah | 04-21-04, 05:34 PM |
Re: المطر ...سلبيل نضمك معلق على راكوبة البورد قرب | THE RAIN | 04-21-04, 07:14 PM |
Re: المطر ...سلسبيل نضمك معلق على راكوبة البورد قرب | garjah | 04-22-04, 08:11 AM |
Re: المطر ...سلسبيل نضمك معلق على راكوبة البورد قرب | garjah | 04-22-04, 08:40 AM |
Re: المطر ...سلسبيل نضمك معلق على راكوبة البورد قرب | ملكة سبأ | 04-22-04, 08:51 AM |
Re: المطر ...سلسبيل نضمك معلق على راكوبة البورد قرب | garjah | 04-22-04, 09:03 AM |
Re: المطر ...سلبيل نضمك معلق على راكوبة البورد قرب | بدرالدين شنا | 04-22-04, 01:58 PM |
Re: المطر ...سلبيل نضمك معلق على راكوبة البورد قرب | كبسيبة | 04-22-04, 07:34 PM |
Re: المطر ...سلبيل نضمك معلق على راكوبة البورد قرب | THE RAIN | 04-22-04, 09:14 PM |
Re: المطر ...سلبيل نضمك معلق على راكوبة البورد قرب | almohndis | 04-22-04, 10:11 PM |
Re: المطر ...سلبيل نضمك معلق على راكوبة البورد قرب | garjah | 04-24-04, 08:43 AM |
Re: المطر ...سلبيل نضمك معلق على راكوبة البورد قرب | garjah | 04-25-04, 09:33 AM |
Re: المطر ...سلبيل نضمك معلق على راكوبة البورد قرب | bushra suleiman | 04-25-04, 09:25 PM |
Re: المطر ...سلبيل نضمك معلق على راكوبة البورد قرب | جورج بنيوتي | 04-26-04, 10:15 AM |
Re: المطر ...سلبيل نضمك معلق على راكوبة البورد قرب | جورج بنيوتي | 04-26-04, 04:26 PM |
Re: المطر ...سلبيل نضمك معلق على راكوبة البورد قرب | ملكة سبأ | 04-26-04, 04:43 PM |
Re: المطر ...سلبيل نضمك معلق على راكوبة البورد قرب | Raja | 04-26-04, 06:21 PM |
Re: المطر ...سلبيل نضمك معلق على راكوبة البورد قرب | جورج بنيوتي | 04-27-04, 06:44 AM |
|
|
|