اها.. بعد قريت الجرايد وخلصت شغلي ولفيت علي اذاعات الدنيا في الراديو وتابعت نشره الجزيرة والعربيه ولحقت اخر نشرة الحرة وسمعت واتفرجت على نانسي عجرم وعزيزة شخلع
النوم اتعزز علي زي ليمون منوت قلت اقدها عديل وبدل عدم الشغلة الانا فيهو دا اســـوي لي طوطحــانيه فوق نيمة رجاء الظليلة الورثتا منها ام وضاح بي وضع اليد.. دي
اها الليله اطوطح نامن الله يغفر لي اصلو العالم كلو مطوطح ويمكن ربنا ينور بصيرتي واقدر اشوف العالم بي صورة صح..
هي الحبل قصيّر... بالله دا حال شنو...؟؟؟؟
خلاص باكر امشى سوق الملجة اجيب لي حبل تيل طويييل واجي ؤبالله العندو فردة لستك قديم يشحدنا ليهو.. عارية يعني.. ويوم الغسيل بنفكو ونرجعو ليهو
يعني في لستك موطر.. ولستك عربية.. ولستك مجروس ولستك مجرد لستك... من كتر ما انبرى ما معروف ليهو اي تصنيف زي ناس ناس كدا.. وناس بتركب في روسينا لستك وفي ناس زمتها لستك
نهايتو يا خوي انا جبت الحبل وربطت فيهو سحلية عشان تكف العين العنية الكافرة الشرانيه
ويا خوفي نبقى عايزين نطوطح زي باقي الخلق تقوم الطوطحانية تلملم حبل الغسيل وتشتت
وتبقى القصة زي نيفاشا..
فهمت حاجة...؟؟
غايتو انا اقطع ضراعي من هنا اكان فهمت انا زاااااتي
بايني حصلت صاحبتك بتاعة الدهل
05-21-2004, 02:33 AM
ASAAD IBRAHIM ASAAD IBRAHIM
تاريخ التسجيل: 11-26-2003
مجموع المشاركات: 3920
تعرف أنحنا زمان لما ندور نتطوطح بنطلع شدرة العرديب ، و نجيب حبال عاشميق و نربطا بين فرعين ( سمان ) ، و نبدا نلولح أجسامنا لامن يرقد العرديب ( هبطرش 9 على التراب !!! . سعيد أنت يا طيفور بهذه الطوطحانية العولميه !!!
05-21-2004, 08:46 PM
Rawia Rawia
تاريخ التسجيل: 11-23-2002
مجموع المشاركات: 8396
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طيفور
ASAAD IBRAHIM
صديق الموج
منوت
Rawia
فيس بوك
تويتر
انستقرام
يوتيوب
بنتيريست