|
|
 Re: جولة فى دارفور توكد براءة الخرطوم من جرائم التطهيرالعرقى (Re: ابو تميم)
|
الاخ ابو تميم
تحياتى
اولا عشان ما ندخل فى ملاججه و غلاط، هل تعتقد ان شخص ينقل من كل اخبار الدنيا هذا الخبر و بهذا العنوان وبدون تعليق
وتقول لى انا جبتو عادي جدا وما ممتخيل انو فى انسان ممكن ينتابو الغضب ده كلو
الغضب ليس بالضروره حاله سلبيه ما سمعت بالشاعر القال:
و جبين دون غضون
يعنى عدم الاحساس
حقا احيا فى زمن قاتم
اتمنى جبينك يكون فيهو حبة غضون،مش غرة صلاه وبس،لانو دى ذاتا بقت تتعمل حسب الطلب و المقاسات
التانى :ده فعلا منبر حر،بدليل انك وانا وغيرنا بجيب كلامو هناوالناس بتتناقش فيهو،بى غضب, بى ضحك ,بى مزيكه ده موضوع تانى كلو زول عندو طريقتو، ودى اسمها الديمقراطيه الانت قلت عليها
| Quote: فأنا أوالى الدين الاسلامى بكل ما فيهوأطبقه فى فكرى وحياتى ونومى وعملى وكل تفاصيل حياتى .. وأتبرأ من كل ما يعارضه من أفكار وضعها مخلوق من ديموقراطية علمانية أو ليبرالية لا تضع قيود لحرية الانسان أو ماركسية تكفر بالخالق وكل ما يضاد الاسلام ولو بالشبهات |
.
انا ديمقراطى وليبرالى وازيدك علوم علمانى كمان ، لو كنت تحت حكم دولتك كنت حتعمل لى شنو؟؟؟
- انت قايل عدم الراى هو ذاتو ما راى؟؟ يا اللخو مافى بنى ادم محايد ,ابيييييض ساكت كده ؟؟ هسه انا امشى انكت ل موضوع عن لعب البلى ساكت كده و اختو هنا من غير تعليق معناها ما عندى راى فى لعب البلى ؟؟
بعدين انا ما ختيت العرب كمضاد للكفار والنصارى، انا استلفت شويه من قاموس امثالك الزاخر و حتى لو العرب فيهم من ذكرت اها ديل ما كفار ونصارى؟؟؟
- قلت Quote: 1 . كلنا عارفين انو الحكومة ما محترمة نفسه .. يعني ما فى جديد ودي ما حجة ممكن تفحم بيها زول .
2 . الجلوس للتفاوض ما لصالح البلد .. ولا حتى الطرف الآخر بتهمو البلد ... الطرفين دايرين مصالح غير مصلحة الوطن |
لا ما كلنا عارفين،فى الناس البتغشوا بى نوع الكلام الجبتو انت فوق ده،اتقول الحيكومه ما عندها الجرايد التلفزيون والفضائيه والوزارات والسفارات و الارزقيه والطبالين والما كيزان الساكت بوزعو ليها فى مواضيعا،حكومة السودان ممكن تتكلم مع اى جهه فى العالم فى اى وقت فى اى مكان،ناس قريعتى راحت ما بقدرو يوصلو كل زول و يوروهو رايهم، وانت لو عارف الحكومه ما محترمه جاى بالكلام البخليها تبدو محترمه ليه و تساعد فى تضليل الناس، ما تقول رايك انت فى الحكومه وغيرا،ما عندك راى؟؟؟ ما بتقدر تدافع عنه؟؟
الشي التانى ،تساوى بين الكاتل و المكتول؟؟ دى عدالة وين، شوف حركة قرنق و حركة دارفور انا عندى عليهم ملاحظات وتحفظات و ده عادى،لكن اهلنا بقولو المحرش ما بكاتل، لو مافى سبب ما كان الناس دى سنوات قايمه و بتموت، ما تساوى بين الضحيه و الجزار،
| Quote: ما تعين كان عينت ... وهل ده شي يغيظنى ؟؟ .... وبعدين مالك بتتكلم عن السودان ـ بلدك ـ بتشفى كده ؟؟... وبعدين شنو خشيتوا دي ؟.. انت ما معانا ؟... ما سوداني ؟؟؟ |
انا ما داير اغيظك انا داير ابشرك،ابشششششر، اهل دارفور جاياهم حمايه من البتبطحوا قدامهم ناس لا ابالى لا ابالى اننى شاب رسالى،اكيد بتعرف النشيد ده.
اها قصة سودانى دى باقى صعبه خلاس، السودان البمثلوا عمر البشير ..لا انا ما سودانى،الوزير خارجيتو مصطفى.....انا ما سودانى...انت قايل القصه بالبساطه دى؟؟ جنسيه و جواز و دمغه ؟؟ لا يا اخوي القصه انسانيه و قيم وعداله، السودان ده ما واحد،انا سودانى الجوه وجدانى بريدو، فيه محمد احمد و ادروب و ملوال و جورج و الختم و عبدالله و ادم متساويييين و مافى زول فوق زول قدام الدوله والقانون..
| Quote: مقال وعندي راي فيهو بحتفظ بيهو لنفسي |
احتفظ بى رايك لامن الله يهون عليك، انا رائي ترا ده، بره فى الصقيعه ما عندى شيتا خايف منو او على...
انا المقتنع بيهو بكورررركبيهو واملا الحلال قدر ما اقدر واسمع الجنون والبنيات لامن يفوت اضنيهن
بالصوت العالى يا ابو تميم:
الساكت عن الحق شيطان اخرس
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست