|
Re: جولة فى دارفور توكد براءة الخرطوم من جرائم التطهيرالعرقى (Re: Mohamed Adam)
|
Quote: ابو تميم غرضك شنو من نشر الخبر ده،و انت فى بوست تانى تتكلم عن الحق و الصدق و اخلاق المسلم وها انت تقدم على طبق فضي اكاذيب الحكومه و تلفيقها فى حق اهل دارفور،اى دين يدعوك لهذا و اية اخلاق ،بس الواحد فالح يكورك انا ما كوز انا مسلم ساكت، اختشي ياخى
|
الاخ مراويد
والله حكاية غريبة جدا عاملين ديموقراطيين ومنفتحين على العالم .... الخ .. طيب ما ده الرأى الآخر ... وعلى قولتكم (( يعني عايزين تحجروا على عقول الناس من الاطلاع على الرأى الآخر ؟؟ )))
مراويد .... بدون حساسية لاحظ اني نقلت الموضوع كامل من وكالة الأنباء باقتباس .. يعني حتى رأيي فيهو انته ما سمعتو .. ولكن لاسباب تعرفها انت ولا تهمني اطلاقا بدأت ـ كعادة بعض اعضاء المنبر ـ بالتهجم .
وبعدين العلاقة شنو بين اني مسلم غيور وبين اني انقل كلام شخص بدون حتى التعليق عليه ؟؟؟
Quote: ومنو المنظمات الموجوده؟؟ بتاعت الكفار والنصارى،صحى الكلب بريد خناقو او محتقرو او ولى نعمتو
|
منو القال انو عربية عكس او بتضاد كفار او نصارى ؟؟؟؟ العرب فيهم مسلمين ومسيحيين ويهود ولا دينيين وومتذبذبين ومدعين وناس ما ناقشين أبو النوم لاكن جعجاعين .
Quote: كذا سيل الاكاذيب لا يتوقف،هل توجد حكومه لديها ادنى حد من الاحترام لنفسها تجلس وتتفاوض وتوقع على اتفاق مع قطاع طرق؟؟؟ العيب ما فيهم المشكله فى الناس البتصدق الكلام ده وكمان بى عين قويه جايبو هنا.
|
هنا انته ما وفقت لاختيار الحجة المناسبة وذلك للأسباب التالية :
1 . كلنا عارفين انو الحكومة ما محترمة نفسه .. يعني ما فى جديد ودي ما حجة ممكن تفحم بيها زول .
2 . الجلوس للتفاوض ما لصالح البلد .. ولا حتى الطرف الآخر بتهمو البلد ... الطرفين دايرين مصالح غير مصلحة الوطن .
3 . اهم نقطة اني ما جبتو بعين قويةانا جبتو عادي جدا وما ممتخيل انو فى انسان ممكن ينتابو الغضب ده كلو .. وبالذات انو انسان بيدعى انو ديموقراطى .. وما كوز
Quote: ابشرك يا ابو تميم ومعاك وزير الخاجيه الامم المتحده حتعين مقرر خاص لدارفور، وحيرجعوا السودان تانى لقائمة الدول سيئة السجل،بالمناسبه دى اول مره دوله تطلع ويرجعوها تانى اها برضو خشيتو كتاب جينيس للارقام القياسيه
|
ما تعين كان عينت ... وهل ده شي يغيظنى ؟؟ .... وبعدين مالك بتتكلم عن السودان ـ بلدك ـ بتشفى كده ؟؟... وبعدين شنو خشيتوا دي ؟.. انت ما معانا ؟... ما سوداني ؟؟؟
Quote: و هذا كلامك فى البوست الاخر فاى قيم ترمى لها بنشر هذا المقال الفاسد هنا؟؟ و بعد ده كلو تطالب الناس يميزو ما بين الاسلام والجبهه الاسلاميه؟؟؟ اختشو شويه واحترمو عقول الناس
|
ما برمى لأي شيئ سيئ ... مقال وعندي راي فيهو بحتفظ بيهو لنفسي ... وما تعتقد انو كل الناس رايه زي رايك .... وضعت البوست الناس ممكن تتناقش ما تتشاكل والتمييز بين الاسلام والجبهة الاسلامية ده شي مفروغ منو ... يعني ما انا الجبتو جديد ولو انت ما مميز ده موضوع تاني
واخيرا عندي نقطتين هامتين :
1 . وينو الطبق اللي من فضة ده الللقيت فيهو الاكاذيب ؟... اوعى تكون قاصد المنبر الحر ده ؟.........راجع الاسم مرة ثانية ... وأسال نفسك : كلمة حر - حرية يعني شنو ؟؟؟؟؟؟؟ مش يعني لو انا مقتنع بكل ما فى الموضوع بيكون لى الحق انقلوا هنا ؟؟؟ لو كان جوابك بنعم يبقى انت انسان ديموقراطى فعلا وما كان كتبت لى اتهاماتك دي .. ولو كان الجواب لا يبقى انته اساسا ما مؤمن بالبتقول فيهو .
2 . عمري ما كوركته ولا حاكورك لاثبت اني ما كوز ... لانو ما شايف زول يهمني اقنعو ......
همسة :
الزول بختشي من العيب .. وما عيب الا العيب
|
|
|
|
|
|
|
|
|