|
|
 ادخلوه دون ضجيج ....... فالباب ماذال مفتوحا
|
مرحبا
ايها القادم
هي دعوه لكتابه احلامنا في وطن تشتهونه وعلى كيفكم
يعني بالواضح كده كل واحد فيكم يكتب برانامجه الفي راسو رغم اختلافه وتباينه مع برنامج الآخر وبعدها نتفق على ماهو جميل في خلق برنامج واضح لوطن صالح .
دونما اختلاف ودعوات آخرى للصحوة الاقصائيه.
اذن مرحبا بما نشتهي.
|
|
 
|
|
|
|
|
|
|
|
Re: ادخلوه دون ضجيج ....... فالباب مازال مفتوحا (Re: الجندرية)
|
يا أماني الجندرية .. (زي ما بقولوا ليك أهل المنتدى)
الأطفال حا يغنّوا لحن واحد..
حا يغنّوا لحن السلام والمحبة..
أطفال العالم في جامع بيجمع بينهم يا الجندرية.. عندهم مصلحة مشتركة..
عالم خالي من الكراهية.. والصراعات..
الصراعات هم ما عندهم يد فيها..
يا اماني الجندرية العالم ماشي في تحالفات عظيمة.. ومصالح مشتركة.. واليورو خير مثال..
اطفال العالم حا يعملوا حلف.. واطفال السودان حا يكونوا في الحلف دا.. إذا الناس المؤمنين بالقضية عمله من اجلها .. فقط .. الناس المؤمنين بيها.. وما دايرين زيادة..
الاطفال حا يغنوا .. من اجل بناء شخصياتهم هم.. يستفيدوا من المفيد ويرموا الباقي..
الاطفال هم الوحيدين البقدروا يلزمونا ببرنامجهم..
لحن واحد متعدد اللغات..
قوامه المحبة والسلام..
| |
|
|
|
|
|
|
|
|
|
Re: ادخلوه دون ضجيج ....... فالباب ماذال مفتوحا (Re: أبو ساندرا)
|
الشفيف بوساندرا
الم نقل ان الاشياء والملكيات مشاعه في ايام خلت وكانت عنوانا نحمله
اذن لماذا التنصل عن (الشيله) ؟
اعلم تماما انه سرجك ومازلت تعلوه ممتطينا مدن اخرى للوصول
دع الصباحات تختفي لنحتفي بما نحمله من وجع آن له الآوان لنشكله وفق اشتهاء عجز الآخر عن تحقيقه لنا فهذا الطريق به قليل من الاضاء التي تسمح ببصيص شوف وشوق موشح بالوضوح
ابو ساندرا انا متحدا ولست وحيدا اتلو سوره الحضور وابداء بالسؤال المغصه
ابو ساندرا اكتب اشتهاءك بوضوح دون استئذان لنحيا وتحي ويحيوا حياه افضل
والقلب شارع
| |
|
|
|
|
|
|
|
|
|
Re: ادخلوه دون ضجيج ....... فالباب ماذال مفتوحا (Re: فيصل عباس)
|
الجنديه
سلام وسلام آخر
تعرفي اهاب تماما التعامل والحكي مع الجندر تعرفي لماذا؟
لانهن يكرثن من الاسئله الصعبه وعموما رغم هذا فهن ارض رطبه ذات يوم مولع بهجيره ولتكن كل الايام هجيرا (الكلام ده ماتسمعو ام موج) اتفقنا
شكرا تماما لدخولك رغم تجاوزك للعنوان واشعالك لفتيل الضجيج الداخلي ، وشكرا لترحابك ورحابتك.
اما بخصوص سؤالك حقو
نكتب شان نوفر الاجابه من خلاله واعتقد انه نفس الموضوع ولا رايك شنو؟
عموما فليلن اللحن واحدا والمفرده مختلفه واما التنوع هو العامل كل العمايل دي فينا ،
تانيا عايز اذكر الناس بمحمد عبد الخالق بكري كاتب النص وساورا الموسيقيه التي ابدعت فيه لحنا واداء وقدرت توصلنا لفكرته.
شكرا يا جندريه لاثاره الضجيج وشكرا للاخرين وبرضو ارجعي واكتبي لينا برنامجك.
ومن الجندر كل النضوج
| |
|
|
|
|
|
|
|
|
|
Re: ادخلوه دون ضجيج ....... فالباب ماذال مفتوحا (Re: Tumadir)
|
كان البتقوليهو ده جد خلينا نرتب لموتنا الآن
اليد الواحده صفقت متين ياتماضر
عوووووووووووووووووووووووووووووووووك ومدد يابت الشيخ
وتاني مدد وعوووووووووووووووووووووووووووووووووووووكين كمان
الله يخليك للبورد ده عنوان
اكتبي ياتماضر هي فكره ربما تكبر وتصبح هاهاهاهاهاهاها
| |
|
|
|
|
|
|
|
|
|
Re: ادخلوه دون ضجيج ....... فالباب مازال مفتوحا (Re: فيصل عباس)
|
ويا فيصل عباس .. أحكي اول عن السودان القادم عندك..
الوطن ملامحه واضحة زي عين الشمس..
الاحلام الصغيرة..
وطن بالفيهو نتساوا .. نحلم نقرا نداوي..
مساكن كهربه ومويه..
تحت الظلمة تتهاوى..
والظلمة هنا .. تعني الكثير
والاحلام الكبيرة..
علماً بين الأمم..
لكن لازم العلم يكون .. ملوّن.. ونظيف .. وجديد
اللون الازرق اهم الالوان..
زرقة النيل والسماء الصافية..
والاحمر .. لون الفداء..
والاخضر رمز النماء..
والابيض سيدهم لون السلام..
والاصفر.. رمز البيداء..
يلا خلونا نحلم.. وصدقوني .. السودان جميل..
وما زال الباب مفتوحاً..
| |
|
|
|
|
|
|
|
|
|
Re: ادخلوه دون ضجيج ....... فالباب مازال مفتوحا (Re: Muna Abdelhafeez)
|
ويا مني عبد الحفيظ
مكنيني من عبورك الآن
كلما اراك تغازلني الشهقه خوفا من سطوه السؤال
اول شي قول لي :
ده وطنك وحلمك الجواك واشتهاءك ام هو لمحجوب شريف وجماعه الشعراء الذين تحدثوا باشتهاءهم وفضلنا نردد اغانيهم وشعرهم واستكنا ومن ثم صمتنا
اذن شتهاء الشعراء لم نتمكن من تحقيقه تعرفي لي؟
لانو لو في واحد قاعد في المكان الممكن تنجز فيه البرامج وتصبح واقعا لمحمد احمد ،وهو بينه وبين نفسه مقتنع بالفكره وعناوين شعار مطروح يحقق شي من السعاده للعامه، بعمل بكل مايملك علي خلق تغيير بضر بفكره الاصلاح لانو البرامج ما حقو وبفتكر نفسه انه حقق برنامج آخر . يلا من هنا يا منى دايرين القول والروى تكون مختلفه اومتفقه ما فارقه عشان بعد داك باجماع نختار الصالح ونقوم بتنفيذه ونلزم الآخرين بالدفاع عنه
منى : انت علم السودان اضفتي لون زياده ولا شنو انت عارفه انا بحب البطيخ جدا لانو عنو علاقه واضحه خالص بالعلم السوداني ، ممكن تفقشي ليك بطيخه الآن والي جوارك العلم وممكن ننادي بان يكون البطيخ رمزا وطنيا (ينفع عنوان بوست ) مش كده
منى انا راجيك
وفي الشارع العام بحفر حفرتي لا ليقع فيها احد لكن لاقبر فيهانفسي
| |
|
|
|
|
|
|
|
|
|
Re: ادخلوه دون ضجيج ....... فالباب مازال مفتوحا (Re: Tumadir)
|
ويا تماضر ..
انهي مرحلة التشائم.. عند بدايتا.. صدقيني هي مرحلة تأكل الوقت وما عندها مردود إيجابي.. وعواقبها النفسية أمرّ.. ما تحردي التفاؤل يا قول سيجيمان..
خلينا نعمل سوياً من اجل السودان.. لكن ما ضروري نستعجل أو نشهد النتائج..
اغرسي وابني.. لكن ما ضروري تحصدي وتسكني وتتمتعي.. دا معنى التضحية الحقيقية..
اقبال زين قالت:
أناديكم نغني..
أناديكم نستوطن خارج سور الحزن..
ندندن بنشيد حارق..
نخبر الأوطان أننا بديار غريبة..
باردة..
لا تعينا..
وليس للورد بها رائحة..
نخبرالأوطان اننا نشتهي حضن التعب..
ونلوذ بصمت طويل..
نخبر الديار اننا حين يدركنا النوم..
نحلم بسماء كبيرة..
ذات غيوم لا تنقشع
وأرض ذات بساط أخضر..
وقالت برضو:
فهنيئاً للصامدين..
الواقفين..
لهذا الذي يجئ ويذهب..
وسوف لن نذهب أبعد من مد الشوارع..
لن ندع للصمت دياراً كثيرة لنستوطن نحن الآتون من سماء قريبة.. سماء مجيبة..
وشئ للدم..
شيء للوعد المؤجل..
يلا يا تماضر خلينا نغني..
وانا متابعة البحصل في المنتدى.. لكن أصلي ما بحرد التفاؤل.. ولا ما كدة يا سجيمان؟؟؟!!!
| |
|
|
|
|
|
|
|
|
|
Re: ادخلوه دون ضجيج ....... فالباب مازال مفتوحا (Re: Tumadir)
|
معليش لكن انت تماضر شيخ الدين المسرحيه المعرفه جدا لك بيت سوداني ولا انا غلطان
ام الفنون كما يحلو لي ان اناديك
الكلام البتقولي فيهو ما حقك ولا بشبهك لاني تابعت كتير جدا من صراعتك القويه داخل هذا الحوش
يلا ياام اي حاجه (كل سنه وانت ناثره لامال غائبه )بمناسبه عيد الام ولكل امات البورد
وتاني بقول ليك تعالي فما زال الباب مفتوحا
وقولي كلام غير ذلك
| |
|
|
|
|
|
|
|
|
|
Re: ادخلوه دون ضجيج ....... فالباب ماذال مفتوحا (Re: فيصل عباس)
|
فيصل ،، يا وديدي
حكمة الشارع إنو بيقبل التعدد ، فتأمل شارع ذي إتجاهين وثلاث شعب وكمين تقاطع عرضي يجلب من كل النواحي ألوان طيف وسحن ، ويظل على الطول إتجاهان ، يمين تحمل به كتابك ذات سؤال ، ويسار يجاور القلب بل يلازمه وأعمق فيه ينوطن ، وما بين الإتجاهين وسط ماهل حيانآ ، وأحيانآ أضيق من تثاؤبه ختى لو كانت من فك تمساح مندهش .
فيصل ،، لو قريتك صاخ ، هاك أشرب من وريدي !
لا عليك دع الضجيج يعلن عن نفسه بكل التقسيمات ، جلبه ، إزعاج ...الخ ، فهاذا الذي يجري في مساراتنا مآله إلى توحد ، وهو نحن أصلنا كمنا؟ عشان نختلف ونتوزع في أكثر من ذات ، ونخن من { أشعلنا صباح الشرق من أحداقنا حتى أضاء }
| |
|
|
|
|
|
|
|
|
|
Re: ادخلوه دون ضجيج ....... فالباب ماذال مفتوحا (Re: أبو ساندرا)
|
ابو ساندرا
يا وجع القلب حينما يعلو النشيد
ويااااااااا حسرتنا حينما يسكن الضجيج
اختلف تماما تماما مع من دعا الي فكره التمترس في الوسط
ورغما عن ذلك هي دعوه للطرح المتعدد ، دون عصبيه او القاء للآخر واقبلها لخروج آخر ،ولامانع من ارتداء كل الآلوان كاطفال يتجولون في فرحه العيد ، فقط ان يكون عيدا واحدا وبتاريخ واحد مش متل الآعياد المتجدده كل تلات ساعات (وكاتلانا بالمغصه ) وغالبا ما يكون اصحاب العيد نكرات وبرضوا يمارسون ما يمارسوه ويقذفون بك بعيدا وفي داخلك بوسه صباح لساندرا( الموشجه بانفلات ضجيج آخر) ،،،،،،،،،،،،،،،،،،،،،
ليتني اكون ذاك التمساح المدهش الذي لايفتح فمه الا حينما تنشدون التوحد،،،
عبد الرحمن بركات
تعال ببركات جدك وقول عنوانك وخلينا من الطناش واللعب بالمفرده القابله للتعدد ايضا
وبرضو راجييييييييييك
(راجيك غاندي) هه هه هه هه ها
| |
|
|
|
|
|
|
|
|
|
Re: ادخلوه دون ضجيج ....... فالباب ماذال مفتوحا (Re: فيصل عباس)
|
الأعزاء جداً
فيصل عباس
الجندرية
Muna Abdelhafeez
أبو ساندرا
Ibrahim Algrefwi
Tumadir
نضمكم السمح ده أنا ما بقدر أجاريهو .. لكن شنو .. البوست برفعو
يافيصل تماضر دى ما تخلوها تدبرس .. هو ده وكت دبرسة..الدنيا عيد
ويا أبوساندرا أهو ده واحد تانى(فيصل عباس) كصديق مشترك، كيف نكون ما تلاقينا فى الخرطوم .. أكيد مش .. ولا أنا ماسح ما عارف .. المهم يا صديق أتابع كتاباتك وكتابات البنيات بإهتمام كبير
| |
|
|
|
|
|
|
|
|
|
Re: ادخلوه دون ضجيج ....... فالباب ماذال مفتوحا (Re: Tumadir)
|
تماضر ..
نقول انت في الميز أو الميس.. ما عارفة..
استريحي وارجعي.. اجري معانا.. اصلوا القصة سك سك!!!!
وعشان ما يقبضوك..
فيصل عباس!!!!!!!
انت محمد أحمد دا ود جيرانكم!!!!!؟؟؟؟؟
يا فيصل محجوب شريف قال الكلام الجوانا..
الله يعلم.. ما دايرين أكثر..
التعليم والصحة .. قمة احلامنا..
هم العمود الفقوي.. والتربية .. النخاع الشوكي..
التربية مسئوليتنا.. لكن التعليم والصحة مسئولية دولة
ثم..
المأوى المؤهل .. من ماء وكهرباء..
وحريــــــــــــــــة .. نور يا فيصل نووووووووور
| |
|
|
|
|
|
|
|
|
|
Re: ادخلوه دون ضجيج ....... فالباب ماذال مفتوحا (Re: Muna Abdelhafeez)
|
منى
بديتي في الخيوط
وجيتي داخله الدرب من خشم الباب زاتو المعني فقط ارجو ان تتركية مواربا قليلا حتما ياتي الآخرون وبعدها نفكك عشمك لانو وفيما اعتقد ان هذه المضامين يشترك فيها الكل لكن ماهي الرؤية الصحيحه في الوصول اليها ، اذن هنا تكمن القضيه .
ولابد من الحضور باكرا لاستقبال الوافدين .
وياليت عادل عبد العاطي بيننا الآن ، ألم تنتهي العشرة ايام بعد
عودا حميدا لعادل وله الاحتفال
| |
|
|
|
|
|
|
|
|
|
Re: ادخلوه دون ضجيج ....... فالباب ماذال مفتوحا (Re: منعمشوف)
|
شوق وشوك يامنعمشوف
كيف كلامك ده يارجل اديك (دو تاني شان تذوق بيه) دي بداية الطريق الاتحسسو الوهم الجوانا وبقت الورطه فينا ضلين وشارع ميت في اخريات الليل، منعم عشان بكره ولي شفع صغار ناس (موج وايمان وكل الاطفال الناشفه ضلوعا ) تعال ياهو دربك البعرفو ليك.
منعم اكان تماضر دبرست (كل الدنيا الفينا تدبرس ) والشرع بنخيهو كلو
انا متاكد انها بتجي لانو الحاقها وجع كبير وحلم جميل واشتهاء نبيل
ومرحبا بمرورك وتعال تاني بعد ان تطمئن على نوم ام العيال
| |
|
|
|
|
|
|
|
|
|
Re: ادخلوه دون ضجيج ....... فالباب ماذال مفتوحا (Re: فيصل عباس)
|
1-منعمشوف
{ده واحد تاني} الأول كان منو؟ باقي أخوك علي المساح دمع البكا
2- تماضر
دبرسي على كيفك ، بس أوعك تاني { تجدفي} مع هذا { الموج } الكاسح ، بيعرف الجماعة كلهم
3- فيصل عباس
منى عبدالحفيظ رسمت ليك وطن مأمول ،ومانست تفصح عن الأحلام صغيرها وكبيرها ، وعلى العموم حا أرجع ليك تاني بس المرة دي من وجهة مغايرة ، نعيد فيها قرأة مدونة الكبوات ، والإخفاقات والهزائم التي وسمت تاريخنا ، كمدخل أول للمعالجات المطلوبة لإحالة وطن الإفتراض إلى حقبقة ماثلة وواقع معاش.
و....... { غاندي} كراوفورد!
| |
|
|
|
|
|
|
|
|
|
Re: ادخلوه دون ضجيج ....... فالباب ماذال مفتوحا (Re: أبو ساندرا)
|
ابو ساندرا
شوقين والتالت لي
يبدو اننا فتحنا باب الوجع الما داير انسد
ربما لاننا رافضين فكرة البوح المعلن ، باعتبار اننا بلا وجع لايمكن ان نكون وبماان الكون يفترض ان يكون لآخرين لا علاقه لهم بواقع الهزائم المتكرره التي عاشها الآخرون ، اذن ينبغي علينا ان نحكي عن مشتهى آخر وحلم اجمل من تصورنا ، واعتقد بأن هذا لايكون مالم نرفع انوفنا قليلا عن الرمل الذي غرسناها فيها مع سبق الاصرار .
اذن تعال الآن وما زال الحلم يقبل الرهافة
ولتماضر كل الود والشوق والعذر من الدبرسه التي اححيناها داخلها (عليك الله وكل النبل الفيك تعالي ) ولكي العتبى
| |
|
|
|
|
|
|
|
|
|
Re: ادخلوه دون ضجيج ....... فالباب ماذال مفتوحا (Re: فيصل عباس)
|
سلام
منى عبد الحفيظ ما اختلفنا
وعلى قول تماضر " لو اختلفنا مالو "
القصدته انه السلام المحبة دي ممكن يغنوا ليها الاف الالحان
وطبعاً يا فيصل ما فات علي انه دا مقطع من نص لصديقنا محمد عبد الخالق
ربنا يجمعنا بيه في وطن ديمقراطي وثري يارب
محبتي واحترامي للجميع
| |
|
|
|
|
|
|
| |
فيصل عباس
الجندرية
أبو ساندرا
Ibrahim Algrefwi
Tumadir
منعمشوف
فيس بوك
تويتر
انستقرام
يوتيوب
بنتيريست