|
Re: الانطباعية مقال للاستاذ تاج السر حسين (Re: awadnasa)
|
بالضبط دي مشكلتنا يا عوض ويا تاج السر: نحن يا أبيض ويا أسود، ونحن ناس : والله كان طارت غنماية! ولو ما عارفين القصة قولوا لي عشان احكيها ليكم. نحن ما عندنا للاسف قدرة عقلية وعقلانية على احتمال الاخر المخالف وهذا هو اهم مصادر تعاستنا، السياسية منها والمجتمعية. ونحن ناس الهوامش ومختار الجانبي، ونحن ناس محادثات حول مصير الوطن تتم في يومين بينما أبيي لوحدها مستمرة منذ اكثر من شهرين، ونحن بنشوف الشجر لكن ما بنشوف الغابة، ونحن مستعدين نعفي الدم والروح والدية، لكن ما ممكن نعفي "عفصة" كراع داخل مواصلات مزدحمة، ونحن ناس الشهامة والكرم والشجاعة، لكن كل مشاكلنا دايرة حول التوافه والسطحيات والاشياء الجانبية، وبشرى الفاضل عنده شخصية اسمها مختار تمثل قطاعا كبيرا منا. ونحن ناس الكرم والشهامة، لكن اطفال الشوارع اليتامي عندنا تهتم بيهم اليونسيف ومنظمات بريطانية وامريكية ولم نسمع بشهم سوداني، غير محجوب شريف، عمل ليهم حاجة، ونحن ناس كل حاجة، ومعلمين الشعوب، لكن كل مشاكلنا بحلوها لينا وسطاء من شعوب تانية لا تعرف عنا ولا عن مشاكلنا شئ، وقس على ذلك.
اللهم اهد قومي فانهم لا يعلمون. ويا عوض ويا تاج السر: اضربوا على هذا الوتر حتى يستيقظ على الاقل البعض، فهو الطريق الوحيد لنشر اليقظة والانتباه لهذا الحال الاعوج.
ولكم الود والسلام
|
|
|
|
|
|