|
|
 الكوارع وما أدراك ما الكوارع
|
مسجل الركشة - جايط
الدنيا حلوة وأنا بحب شباب الدنيا بريدهم أنا
اللابسة جنزي والجنزي شدة ... والجنزي شدة وأنا بحب شباب أمبدة
صفقة..صفقة..يلا..يلا..هوب..كوب..مزيكا
اللابسة جنزي والجنزي لبني ... والجنزي لبني وأنا بحب شباب مدني الصفقة وين .. النقدة ..طق ..طج
هذا هو الغناء الهبوطي
وسائق الركشة عايز يطير بالركشة مع إيقاع التمتم الصاخب .. ويدندن مع الكاسيت الدنيا حلوة .. يلا..يلا والركشة تهتز من قوة صوت السماعات التي أخذت نصف مساحة الركشة الخلفية ومع رقيص السواق وقوة الدقداق
وترم .. ترم
والدقداق ذكرني بمقطع من الهبوطي
ناري الما بقيت سواق .. أركب الركشة وأمشي في الدقداق
ناري الليلة وااا ناري
أحياناً تعجز أن تصف مقدار سعادتك وتتردّد في أي خانة تضعها فيها، ليس لأنك تجهل التصنيف وكيفيته، ولكن لأن سعادتك أو فرحتك لا تستطيع أن تتعامل معها وفق مقاييس تصنيفية، وكأن تقول مثلاً ممتازة، جيدة إلخ لأنك حتى لو قلت ممتازة فلن تقنع بها أيضاً لأن شعورك لحظتها أكبر من أي وصف ، ولكني في هذه اللحظات كنت اعتلى قمة السعادة
ولكنني أعتقد أن السعادة لكي تكتمل فلا يكفي أن تشعر بها أنت وحدك ، بل أنت بحاجة لمن يشاركك إياها ،و لمن يشعرك بهاولذلك اعتليت قمة السعادة في ذلك اليوم حيث كان برفقتي أثنين من أعز أصدقائي ووسط هذا الضجيج الهبوطي كانت تجلجل الضحكات والركشة تنطلق بنا إلى الحجة سكينة (شيف) الصحافة أحسن مرة في الدنيا بتظبط الكوارع وأخيراً أعتلينا شارع محمد نجيب ( الصحافة شرق ) والدنيا برد والجوع كاتلنا وأنا في لهفة لاتذوق طعم الكوارع التي غابت من بطني أربع سنوات وأنا أدندن في داخلي (طال فراقي أنا يا الكوارع).
نواصل
|
|
 
|
|
|
|
|
|
|
 Re: الكوارع وما أدراك ما الكوارع (Re: كبسيبة)
|
كبسيبة والله انت احلي زول في البورد وروحك جميلة وحلوة
وبائن عليك بتحب الضحك ومابتحب العكننة ولكن بيني وبينك مافي زول
شايل معاه حاجة من الدنيا القصيرة دي ..
كبسيبة والله من شدة ماحبيتك لمن قلت اخطب ليك بنت جارة بنت جيرانا
فهل انت موافق؟؟ عموما موافق ام لا فانا عائزة اوضح ليك ياكبسيبة
انك والله العظيم عسسسسسسسسسسسسسسسل .
| |
|
|
|
|
|
|
|
|
 Re: الكوارع وما أدراك ما الكوارع (Re: ترهاقا)
|
فعلا والله يا كبسيبة انت راجل عسل وألذَّ زول ..
واذا كان ود قاسم زي ما قلت في تعبيرك الجميل انو يعيش الحياة قصة قصيرة
فأنت يا كبسيبة تعيشها رحلة موجة على نهر النيل
وقدلة زي صباح أطفال
وابتسامتك يا كبسيبة لوحة أجمل من نجوم الليل
والكبسيبة عندك لمة وعرس وزغاريد وأطفال وشباب وكتاحة فرح
الصورة زِينة
والركشة نكتة
والطلة فرحة لا تنتهي
أحبك جدا يا كبسبية
صلاح / شتات
| |
|
|
|
|
|
|
|
|
|
Re: الكوارع وما أدراك ما الكوارع (Re: كبسيبة)
|
بت قضيم الجميلة
شكراً على الطلة الحلوة وخليك معاي لآخر الصحن
سارة منصور
عذبة أنت كالطفولة كالأحلام كاللحن كالصبح الجديد
كالسماء الضحوك كالليلة القمراء كالورد كابتسام الوليد
Quote: بنت جارة بنت جيرانا
|
ما كبيرة على شوية
ترهاقا العزيز
انت شفت جني وين ... الله لا وراك ليهو
شتات الفنان
تسلم يا فنان يا زوق
وطلتك بالدنيا كلها
Quote: وابتسامتك يا كبسيبة لوحة أجمل من نجوم الليل
|
غايتو كلامك ده إذا سمعتو فلانة وفلان حيعملوا حملة توقيعات
عشان يشتتوك بره البورد
المتوهج قرجة
زدت الصفحة وهج بحضورك
وما يغشك النفق ده
والله باقي السنينات ديل ياكلو حجر الزلط
باين قبل كده ما عضيتك لكن المرة الجاية لمن أشوفك حعضيك
اطعم من حسي
ونواصل الكوارع
وأخيراً دلفنا إلى شارع ناس حجة سكينة وشممت ذلك المسك الكوارعي يفوح من ذلك القدر العجيب وعادت بي الأيام 1441 يوماً حيث كنت حاضراً قبل سفري بيوم في وليمة كوارعية لن أنساها لقد كان بيني وبين الكوارع صداقه خاصه تربطني بها منذ زمن بعيد... صداقه كانت تتجدد في كل أمسية من أمسيات الصحافة ... تدعوني إليها بتسبيكتها و ترانيم عظامها وهي تكركب داخل الصحان ، فكنا نختم أمسياتنا بوليمة عند الحاجة سكينة تناوباً بين الفول ، والفتة ، وحبيبتي الكوارع وحينها لم تكن الركشات قد تكاثرت وتناسلت لتصبح بالكم الهائل التي هي عليه الآن (كدراوية بس ).
توقفت موسيقى الركشة وساد هدوء رهيب احتراماً لجيران الحجة سكينة الذين يكنون لها كل التقدير وبدأت موسيقى الأواني والكمش والملاعق ( كش، كك ، كنج ، شييييت شووووب ، اححح شطة )وكانت الجلسة عبارة عن ( بنابر + طرابيز صغيرة) تتوسطها طاولة ضخمة يجسم قدر الكوارع الشهي على الجانب الأيسر منها وقدر الفول على الجانب الأيمن تصطف أنواع من السلطات والشطط على الطاولة وانتظرنا دورنا في الطابور أمام ملكة الكوارع.
ولم تفارق عيني تلك الحلة الضخمة المليئة بالكوارع وكمشة حجة سكينة تغوص بين كل حين وآخر لتخرج مجموعة من الجواكر.
كنت دائماً أفكر بأن اسأل الحجة سكينة عن طريقة التحضير لهذه الكوارع رغم أنه لدى خبرة ليست بالقليلة عن الطبيخ إلا أن كوارع الحجة سكينة عالم آخر في فن الطهو، ولكني لم أجد طيلة هذا الزمن فرصة لسؤالها فقد كانت مشغولة دائماً بزبائنها هادئة يحترمها كل الحضور والدور جاء عندنا.
نواصل
وفي الاستراحة دي عايزين الوصفة بتعت الكوارع من ذوي الخبرات.
| |
|
|
|
|
|
|
|
|
|
Re: الكوارع وما أدراك ما الكوارع (Re: كبسيبة)
|
كبسيبة
لك التحية و خالص الود
ولله العظيم جوعتنا عديل كدا
وسال للعابى بالعنوان الشهى
اسمع يا كبسيبة انا ذول عندى
خبرة فى طبخ الكع كع طبعا ده
اسم الدلع بضم الكاف بس خايف
واحد يسرق منى الطريقة و المقادير
بس اذا دفعت و عجبنى المبلغ ح اوريك
ليها !!! رايك شنو يا رائع
الفولانى
| |
|
|
|
|
|
|
|
|
|
Re: الكوارع وما أدراك ما الكوارع (Re: كبسيبة)
|
اليكم وصفة الكوارع (مع اني حنكوشة ما باكلها قدام الناس)
تجيب البصل،،، حسب كمية الكوارع،، المهم كتره فكما قال الحكيم،، الطبيخ بصل والفول زيت والمرة لسان (ودي غيرناها شان ناس حقوق الهوانم)
يقطع البصل
يضاف إليه كثير من ماء في قدر يسع عدد كوارعك الذي تنوي طبيخه،، ويفضل كوارع البقر لأن الخرفان كوارعها أخير منها كوارعي،،، بعدين يقال أن البقر لو أصاب بجنون البقر فهذا لا ينتقل إلى الكدارين،، وفي ذلك رحمة كبيرة لآل سكينة ست الكوارع وأخوي العاشق للكدكده وكبسيبة المكسرة سنونه من أثر الكوارع
ضع بضع هبهانات في الماء المبصل،، وحبذا لو وضعت بعض أعواد من القرفة،، ومستكتين اتنين بس،، لأن أمي تصر على أن الثلاث مستكات (بتمرر) الأكل.
ضع القدر في النار،،، وأخبرك بسر طبيخي عظيم،، وهو أن الطبيخ المطبوخ في الفحم أو الحطب،، أطعم مليون مرة من طبيخ البوتجاز،، ولكن لعدم الإمكانيات خليك على البوتجاز.
لما يغلى الماء،،، ضع الكوارع وذلك بعض تنظيفها بالطبع وتلميعها ولا بأس لو لبستها شراب، ثم ضع ما تشاء من بهارات وما تكترها شان ما تمسخ،، ناس كزبرة وفلفل أسود (حي) والملح بالطبع ولا تنسى الماجي لأنها تجعل طعم الأكل (الذ الذ الذ)
بعد تلاتة أيام بتكون الكوارع استوت وستدرك ذلك لما ترى طبقة جيلاتينية غطت الماء والكوارع نفسها بقت طرية وبتشبه حلاوة لكوم لما تسيح،،، بعدها لا تنسى الشطة بالليمون،،، قال يعني النفس مقفولة وعايزن نفتحها زيادة.
فت العيش،، رش الشوربة،،، ضع الكوارع في الطبق،، ولا تحاول تجميله فلا يمكن بأي حال تجميل كوارع بقر،، وكدكد وبالهناء والشفاء.
ملحوظة: المطعم غير كفيل بحالات الإغماء والوفاة.
وفي الخدمة وواصل
| |
|
|
|
|
|
|
|
|
|
Re: الكوارع وما أدراك ما الكوارع (Re: كبسيبة)
|
Quote: فت العيش،، رش الشوربة،،، ضع الكوارع في الطبق،، ولا تحاول تجميله فلا يمكن بأي حال تجميل كوارع بقر،، وكدكد وبالهناء والشفاء.
|
بت قضيم والله انت عسسسسل وشوقتيني وجوعتيني
وبالمناسبة أنا بفتش في مرة طباااااااخة زيك كده رأيك شنو؟
| |
|
|
|
|
|
|
|
|
|
Re: الكوارع وما أدراك ما الكوارع (Re: كبسيبة)
|
كبسيبة أيها الشهي
يا أخي معقول تكون شريكي في حب الكوارع ،، والله أنا بموت في الكوارع ، والله يا كبسيبة كنت عايز أكتب عنها ،، خاصة وأن أم قاسم تجيد طبخها بصورة منقطعة النظير ،، بالمناسبة مسألة النظير دي بتذكرني مسائل التناظر في الرياضيات ودائما أولادي بيجوا يسألوني وأنا ما عارف أي حاجة عن الموضوع ،، المهم خلينا في الكوارع ،، أنا عازمك على كوارع ، إن طال الزمن أو قصر إن شاء الله بنتلاقى ، وربنا يدي العافية ،، لكن أنا كنت ساكن عزابي في امتداد ناصر مقابل بري ، وكنت بمشي بالليل أجيب الكوارع من مرة في بري ،، وطبعا تكون القعدة عمرانة ،، وكان جنبنا واحد أستاذنا في الكلية ، وبيتو قريب مننا ، كان يقول لي يا ودقاسم أمشي البيت جيب العشاء ، ومرتو مرة طيبة كانت تظبط لينا عشاء فاخر ،، ولما يجتمع عشاءه وكوارعنا ، يقول يا جماعة شيلو عشاي ده وخلوا لي كوارعكم دي ..
لكن يا كبسيبة إنت ما بتعرف إنو أفضل كوارع هي كوارع أنثى الإنسان،، دي تتاكل بالملعقة وما تخلص أبدا ،، فاظفر بذات السوق تربت يداك !!!!
| |
|
|
|
|
|
|
|
|
|
Re: الكوارع وما أدراك ما الكوارع (Re: كبسيبة)
|
ندى على
يعني إنتي العذوبة بتعت الكوارع دي ما عاجباكي
أرسى وين وكل نهر أحلى من التاني
فتحي الصديق
انت بتحب ياته فيهم كوارع العجل ولا كوارع العتوت ولا السخل البعجبك (بس استشير بت قضيم)
| |
|
|
|
|
|
|
| |
بت قضيم
ترهاقا
شتات
garjah
عوض الله الفولانى
nada ali
فتحي الصديق
NGABY AJOOZ
ودقاسم
فيس بوك
تويتر
انستقرام
يوتيوب
بنتيريست