|
Re: انطباعات عائد للسودان (Re: Alsawi)
|
الف حمد لله علي السلامة ياهميمة وحقيقة سرد واضح وجميل ومفيد للذين لم تمنحهم الظروف فرصة لزيارة الوطن الحبيب وماصار اليه بعد غياب طويل عنه.
لي بعض الاضافات البسيطة علي انطباعات هميمة فقد زرت السودان السنتين الماضيتين، ففي رحلتي السنة الماضية كان يجلس بجواري في الطائرة احد مذيعي التلفزيون المشهورين وتونسنا كثيرا طوال الرحلة وآنسني جدا حديثه وعندما حطت الطائرة علي مطار الخرطوم كان هنالك من في استقباله عند سلم الطائرة وبعدها افترقنا ذهب هو مع من كانوا في استقباله ودخلت انا صالة المطار والي صف الجوازات وفعلا كان تحرك صف الجوازات اسرع من صف الاجانب ولعلي اعزي ذلك لما يواجهه الاجانب من تدقيق علي التأشيرات وغيره من الاجراءات الروتينية وذلك يكون سبب تأخيرهم وليس كما اعتقدت الاخت هميمة بأنه احترام لنا فهؤلاءك القوم لايتعاملون معنا بتلك القٍيم السمحة والاخلاق النبيلة بل الزلة والاهانة هما دائما التي نواجهها منهم ومثالا علي ذلك عندما يذهب الواحد مننا الي شئون المغتربين لعمل اجراءات تاشيرة المغادرة فحدث ولاحرج وغيره وغيره... اواصل لكم مشواري داخل المطار بعد انتهائي من اجراءات الجوازات ذهبت لاستلام الشنط حيث سير الشنط لاحظت نفس المشهد المضحك الذي رايته السنة الماضية وهو جلوس احد العمال علي حافة بداية السير عند الفتحة التي تدخل منها الشنط من الخارج والي السير وهو يساعد عمال التفريغ في وضع الشنط علي السير ، هل ياتري ذلك العامل وضع في ذلك المكان كجزء من تصميم الصالة؟ أم انه اختراع جديد؟ أو أنه علي شاكلة فضل الظهر! لي موقف طريف مع بتاع ركشة وبعد انتهائي من حفل احد الاصدقاء في بحري الساعة الواحدة صباحاً لم اجد وسيلة مواصلات غير الركشة واصر صاحبها بأنه يقدر يعبر كوبر النيل الازرق ويوصلني الخرطوم واخيراً اقتنعت وفوضت امري لله وركبت معاهو وعندما وصلنا نقطة التفتيش عند بداية الكوبري جاء العسكري وسأل بتاع الركشة قال ليهو:ماشي وين يازول بي ركشتك دي قال ليهو والله المعاي دا عريس ولازم اوصلوا الرياض عشان ماشي شهر العسل بكرة والغريبة وبكل سهولة العسكري اقتنع وخلاهو يمر وفضل يقول في الكضبة دي كل ما نمر بنقطة تفتيش وبرضو يخلونا نمر لحدي ما انا قربت اصدق انو انا عريس ولمن وصلنا قدام البيت اداني نمرة الموبايل بتاعو وقال لي لو عندك اي مشوار من النوع دا تاني اتصل بي بجيك في اي مكان قلت ليهو ان شاءالله بعد مااجي من شهر العسل. الموقف دا يوضح انو حتي العساكر الغلبانين ذي بتاعين التفتيش ديل بقو غير مكترثين لمثل هذة القوانين الجايرة التأديبية التي سنتها حكومة الجبهة فاصبحوا يتصرفوا من عندهم لاحساسهم بما يعانيه الشعب فهم جزء لايتجزء منه.
|
|
|
|
|
|
|
العنوان |
الكاتب |
Date |
انطباعات عائد للسودان | هميمة | 03-15-04, 02:30 AM |
Re: انطباعات عائد للسودان | Muhib | 03-15-04, 02:43 AM |
Re: انطباعات عائد للسودان | Outcast | 03-15-04, 02:43 AM |
Re: انطباعات عائد للسودان | Muhib | 03-15-04, 02:47 AM |
Re: انطباعات عائد للسودان | Raja | 03-15-04, 03:17 AM |
Re: انطباعات عائد للسودان | Ayman Gaafar | 03-15-04, 03:55 AM |
Re: انطباعات عائد للسودان | omar ali | 03-15-04, 03:57 AM |
Re: انطباعات عائد للسودان | الكيك | 03-15-04, 07:15 AM |
Re: انطباعات عائد للسودان | nazar hussien | 03-15-04, 08:38 AM |
Re: انطباعات عائد للسودان | ترهاقا | 03-15-04, 08:56 AM |
Re: انطباعات عائد للسودان | Alsawi | 03-15-04, 01:18 PM |
Re: انطباعات عائد للسودان | shammashi | 03-15-04, 02:37 PM |
Re: انطباعات عائد للسودان | omr aziz | 03-15-04, 03:46 PM |
Re: انطباعات عائد للسودان | هميمة | 03-16-04, 06:49 PM |
Re: انطباعات عائد للسودان | aosman | 03-17-04, 00:38 AM |
Re: انطباعات عائد للسودان | هميمة | 03-17-04, 00:47 AM |
Re: انطباعات عائد للسودان | yumna guta | 03-17-04, 00:59 AM |
Re: انطباعات عائد للسودان | هميمة | 03-18-04, 00:56 AM |
Re: انطباعات عائد للسودان | هميمة | 03-21-04, 03:51 PM |
Re: انطباعات عائد للسودان | هميمة | 04-02-04, 11:21 PM |
|
|
|