|
ما يطلبه المستمعون(النصري شايقي)..
|
|
|
|
|
|
|
|
|
Re: ما يطلبه المستمعون(النصري شايقي).. (Re: خالد الحاج)
|
ياخال وجاءت سليمان عند العرش هدهدة واهدته جرادا كان في فيها واجابته بلسان الحال قائلة ان الهدايا على مقدار هاديها لوكان للمرء ان يهدي غير طاقته لكان مقدارك الدينا ومافيها شكرا ياخال ان اتحت لنا هذا وحقيقي انا فرحانة جد انكم تشاركوني الاستمتاع بهذ الجمال وياريت الناس تسمع الاغنية بعد الرمية وبعد اذنك حاهدي الاغنية لياسيكو وابو قصي ولرجاء وحنينة وهالة وراوية وكل ناس البورد من غير فرز
| |
|
|
|
|
|
|
Re: ما يطلبه المستمعون(النصري شايقي).. (Re: اسامة الخاتم)
|
وووووووب يا الملكي وبييييييين يا خالد
والله دا كتير علينا وما بنقدر عليه ، هيجتوا حاجات كتيييييييرة ما الذكريات بس ، آهات الغربة المقددة رئاتنا زي ما قال حسن الدابي ، منفى يقدف بنا إلى منفى أبعد ، والغربة تتمدد ، والمسافات تستطيل بيننا وبينهم نشتاقهم ونشتهيهم ، ليتهم وليتنا نقتنع بأننا محكومين بالقدم والقدم ليهو رافع ، ربما يخفف ذلك قليلا ، أححححححححح غايتو أه نقول مقبولة منكم . بس يا الملكي ممكن نعرف الشاعر منو
كمان شيء تاني يا ابن عمي أبت تسجل عندي . ما عارف الحاصل شنو .
| |
|
|
|
|
|
|
Re: ما يطلبه المستمعون(النصري شايقي).. (Re: ABU QUSAI)
|
أبو جهينة العزيز.. عارفها والله بتوجعك.. وإهدأء ليك يا زول يا زين.
عالية العزيزة. ورديت ليكي الإتنين.. ومنتظر التفاصيل ياتو مسنجر فيهم الخربان وداير يتصلح ويا عاشة أنا حاوي وروني ياتو فيهم
عثمان حمد.. تبكي بس..
الملكي.. يسألني الله إتوجع بي صحي وهو جنس وجع..وما عرفت يا بت العم أدعولك ولا أدعييكي. الله يديكي العافية.
هالة/حنينة.. إزيكم..شنو غتستوا وين؟؟
أسامة الخاتم.. شكرا يا أسامة وليك وحشة والله.
أبوقصي.. أيوة كوريك كان يحلك.. لتنزيل الغنية أعمل كلك علي Save@PC وإختار Save Target As وكان أبت قول عووووك لكن الكود شغال وما عندو عوجة.
| |
|
|
|
|
|
|
Re: ما يطلبه المستمعون(النصري شايقي).. (Re: خالد الحاج)
|
الاخوة الكرام خالد والملكي لكم التحية والانحناءة اولا : يا الملكي اشكرك على ابيات الشعر عاليه والتي فقدت عجز احدهن لفترة طويلة اكرر شكري اما بخصوص هذا الجمال اقولك "والله على ما اقول شهيد" بعد عودة عصافير الخريف ، كما تعلمين ، حاولت أن انصرف عن النت لايام ولكن لشيء لا اعلمه اصبح كمبيوتري يفتح براهو مع اي ضربة تلفون ويجبرني على الدخول فاسترح على هذه الكلمات واجعلها ساتر مما يدور من مناكفات في البورد جعلتنا لا نميز بين الصاح والغلط لكما التحية ويكون في علمك هنالك اشياء جميله في طريقها لخالد اهمها
Quote: منو الزي امي ما بيعرف يعادي منو الزي امي بيتحمل عنادي |
بصوت ذاك الراقي المهندس عبد العظيم منصور لكما الود مرة أخرى
| |
|
|
|
|
|
|
Re: ما يطلبه المستمعون(النصري شايقي).. (Re: ملكة سبأ)
|
الأخ خالد او قل الخال كما يحلو للكثيرين هنا والخال حنين ..لك التحيات ..وياسمينة بيضاء حلوة الرائحة ..اقطفها من حديقتي الصغيرة ..لك ..حقيقة اتهيب الدخول في ديارك لا ادري لماذا ..رغم ثقتي في انها عامرة ..ولكن خشيت ان اشعر بالغربة كما اشعرها في كثير من الواردات في هذا المجمع ..ثم جمعت اطرافي ودخلت ..ووجدت الديار رحبة ..وواسعة ..ومزدانه بحلو الكلم ..فارجو قبول ..الزيارة
ياسبأ ..يا حبيبة..والله ..زيدتي ريدتي للشوايقة..وغناهم..وكلامهم..ولي المتلك "البخش " القلب بلا اسئذان..
| |
|
|
|
|
|
|
Re: ما يطلبه المستمعون(النصري شايقي).. (Re: انا بنت النيل)
|
Quote: ياسبأ ..يا حبيبة..والله ..زيدتي ريدتي للشوايقة..وغناهم..وكلامهم..ولي المتلك "البخش " القلب بلا اسئذان.. |
تعالوا ياجماعة اشهدكم على كلامي دا .. انا بنت النيل دى سارقة مفتاح قلبي وجات الليلة سرقت احساسي برضو!! يرضيكم يعني ؟؟ انا راضيني وعاجبني وسعيدة جدا اني بعرف الهام قلب كل الشوايقة لك تقديري والاغنية دى ليك انتى برضو
| |
|
|
|
|
|
|
Re: ما يطلبه المستمعون(النصري شايقي).. (Re: ملكة سبأ)
|
ياسيكو: وصلتني الشرايط..وعبد العظيم غناي الله يديه العافية. التسجيل ضعيف شوية عايز شغل أدي خالك مهلة..
عماد بطران.. ما ده المجننا يا عماد يا أخوي..
الملكي.. يكفينا شر القنابل.. وقنابل ياسيكو جاتني خلي القيامة الفي البورد دي تهدا شوية ..
أنا بنت النيل : يشيلك راسنا قبل البوست يا بت العم وكل ما تلقي إسمي أدخلي نفرح بيكي ونغنيكي ونشلك فال..وزيارتك فرحتنا بالحيل.
| |
|
|
|
|
|
|
Re: ما يطلبه المستمعون(النصري شايقي).. (Re: Rawia)
|
تسلمي لينا يا ملكتنا
ود عمي ما داير يصبرني دايرني أكورك ، وأنا بكووووووووورك . ويا ريت لو تريحوني وتصبروني بي قصيدة حاتم حسن الدابي البقول فيها :
جاطت القلعة شمال يمين بي عبيداب (ها) ودونقس (ها)
يعني ناس حمد سعيد دفع الله راحوا فيها .
والعاجبني فيها أكتر قال : ما ها لابسي تياب الجمال .. الجمال ياهو اللابسه
ابن العم وبنت العم ملكتنا وكل الشباب ويا ليت ابن عمي مامان يدخل في الخط ويرحنا بها ،
أنا سمعتها مرة واحدة في حفلة غناها عبود محمد عثمان وأظن الأغنية بغنيها جعفر السقيد أصلا . وتسلموا يا شباب .
| |
|
|
|
|
|
|
|