الحاضر يكلم الغايب درويش وادونيس فى دبى

كيفن عاد في نفس المكان يا عمو محمد ؟؟!

الخميس ليست في فندق البستان روتانا

الليله الأمسيه حتكون في مقر مؤسسة سلطان العويس الثقافيه
في منطقة الرقه (بتاعت دبي ما الشارقه)

معليييييش معليش يا عم محمد ويا خالو باندويدث والله ما عرفتا ببوستك دا الا وأنا في طريقي للفندق بالتلفون من الجريفاوي
فبعتذر جدا عن هذا البوست : أمسية لمحمود درويش الساعه تمانيه مساء الأربعاء 25 فبراير ، ومقطع من قصيده
وبخت ليكم مقطع القصيده هنا

السلام نهار أليف لطيف خفيف الخطى لا يعادي أحد
السلام قطار يوحد سكانه العائدين أو الذاهبين إلى نزهة في ضواحي الأبد
السلام هو الاعتراف علانية بالحقيقة
ماذا صنعتم بطيف القتيل؟
السلام هو الانصراف إلى عمل في الحديقة
ماذا سنزرع عما قليل؟

الحضور أمبارح كان جميلا ، واتشرفنا بمقابلة أستاذ خالد عويس على عجل ، الصاله كانت مزدحمه ، حكايه بتاعت 800 راس وقلب !
بس زي ما قال أستاذ محمد في ناس كدا جايين (قشره) و زحمه ،

وبالذات البنات والنسوان اللبنانيات ديل العاملاتن لينا زحمه !
والله ما عارف دخلهن شنو بالشعر (بكسر الشين)
أظنهن قايلنها أمسية شعر (بفتح الشين)
نظام صالونات تجميل وسيمينارات كوزميتيكس !!
حليلك يا مريم نور !




أها نشوفكم مع نصير شمه (أدونيس دا أنا مكجنو !) ، نصير شمه ثائر ضد الأمريكان ، وعندو حاجه نفسنا نسمعها اسمها صلاه بابليه ، والنوته بتاعتها ما عارف جابها من وين وفهمها كيف ! كانو بستخدموها كهنة بابل زمان .. (سؤال لناس عزيز و الموصلي) : ما هو تاريخ السلم الموسيقي ؟ وكيف كانت تتم كتابته في العهود القديمه مثل البابلي ؟

نشوفكم وانشاء الله الليله ما يزاحمونا العراقيات ّ! ولو أنهن أفهم من بنات العماد لحود ، أقل شي موبايلاتهن ما حتعزبنا بالرنات اللي بتستعرض أغاني عجرم و بقية أشباه الرجال

(عدل بواسطة obay_uk on 02-28-2004, 03:46 PM)