دعواتكم ل* obay_uk

يا سلام يا حبايب ، ياريت لوالواحد شاف وقفة الناس اللي بمثلهم قبل البطوله ، ومع ذلك الحمدلله كان أدائي أفضل ما يكون حتى الآن مقارنة بالمستوى العالي للبطوله ، والذي توقعت أن نحرز بسببه أحد المراكز الأخيره ، وبقوة الله نلنا مركزا في الثلث الأول !


شارك في البطولة 160 لاعب من عدة دول ، وقد كان ترتيب السودان بحمدالله رقم 42.
بالاضافة الى اختيار أحد أدواري التي خسرتها أمام أستاذ أذربيجاني ضمن أفضل40 دور في البطوله
علما أنه تم لعب 1440 مباراه في هذه البطوله !!!
وأيضا تعادلت مع أحد الأساتذة المحترفين مع اشادات كثيره من المحترفين وسؤالهم عن السودان ..


أرد على الاخوة الكرام ، ثم أعود مرة أخرى بمزيد من الصور والــطــرائــف

الحبيب العمده الجريفاوي
أشكرك جدا على الاهتمام ، ووالله أصبحت تزرع فينا شيئا من حماس ! أشكرك على مكالمتك في المطار ومتابعتك ولم أكن أريد أن أخذلك رغم توقعي بمركز يقارب الأخير ، أشكرك على طلب الدعء جزاك الله كل خير وسعاده .
أما بالنسبة لصلاتي مع الشيعه !! وأن ثاني يوم كان يوم جمعه ، فوالله لم نسمع أذانا أبدا يقام في تلك البلاد ! ولم أسألهم لماذا ، والحمدلله أن اللجنة المنظمة لم تدعونا لصلاة الجمعه ! بس كان نفسي أصلي الظهر في الفندق ثم أذهب للفرجه على الصلاة في المسجد
مع أن البعض حذرني لأن البطولة كانت في ذكرى ثورة الخميني ، وسأخبرك عن سبب التحذير عندما آتي للحكاوي

أخوي خالد الحاج
سلمك الله وان شاء الله الصوره باهيه

الأخ jini
الجني هووي !
عليك دينك متين قلنا حرام ؟ بعدين أنا أكان بقدر أقول شنو البجوز وشنو الحرام ، معناتا قدستني عديل ! لا أنا لا انتا بنقدر نجيب حاجه من عندنا ولا حتى ناسك بتاعين جده ، غايتو الله يمرقك من الجن ويسلمكم منو دعانا من الشارقه المقدسه !


brotha Mandela
thanks ! and because luck doesnt count, thats one of the reasons i liked this games, as you take your responsibility of all losses, nothing called the storm was against you here you have to make you have to make your own storm, or just sail against whatever comes without complain

my nice brothers
Shalabi, Zumrawi, Elhilayla,Singawi
ألفين سلام يا ناس البلد وخالص أشواقي ، ويا سنجاوي ربنا ما يرمينا في الناس البودونا البحر ويرجعونا عطاشى

Ahmed Mahmoud
يا حبيب يا أبو كيمو ! الفرس والكيزان بنلطشهم ، بس الشيشان ديل ! لا بنقدر لا دايرين
أبو كيمو بقول نغلب في الشيشان
ديلا معاهم نصر الرب الرحمن
كفايه علينا بنلعب باسم السودان
ولوقصرنا انشاالله نموت يا مان
ya maaan



الأخت الكريمه ملكة سبأ

الله يبارك فيك ، بس لو تسمحي توررينا كلمات منو اللي في بروفايلك دي

الأخت الكريمة بنت الأحفاد
سلمك الله وسلم أهلك ووفقك في دراستك، وياريت يا أختنا تبعثي كل الكؤوس المكسوبه باسم السودان معاك في لندن ، عشان نصورها للشبيبه
مع السلامه يا أخت

الاخوة الكرام الزنجي - elmosley - ghariba
تسلمو على الوقفه ، وانشاالله جناكم وجنا جناكم يرفع الراس

الأخ Abd-Elrhman sorkati
الله يخللي ليك مديحه ونور ويرفعو من شانكم ، وفاتت علينا الليله ديك ! بس استمتعنا بشغل البروفه والصوره الجايه ليك ، لكم التحايا

الأخ العزيز أستاذ حسن

ود الجزولي سلام وشوق ليكم ، ألفين شكر وبوركت يا مرهف ، وصاحبك طارق اتزوج ! بس مش من ألاسكا الحمدلله ! قالوا سمرا من واشنطن

أها يا جماعه ، بجيكم راجع بالصور و حبتين طرايف ، ابتداءا من قبل دخول مطار أصفهان !!! لغاية الطياره وهي راجعه ، سلامز