نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: من شعري..الشايقي (Re: منصوري)
|
سمعنا من جيهتكم يا استاذة ملكة سبأ...تجينا الأشعار تقول:
الشالوا عوض ابراهيم صباح
مالو بالنسيان هو ما راح
يا رجال الدين والصلاح
ألحقوني افردوا الجناح
...............................
ايوة كدة يا استاذة ملكة سبأ.دا المقصود..البوست دا يا دوبه بقي طاعم..زي ملاح السبروق العملوا ليهو لحمة سوق...وبالمناسبة خرفان الحامداب كلها فيها قرون...زمن الإنجليز وكان ضابط المجلس إنجليزي في مروي.. مرتو قامت اشتكت وقالت صوت السواقي بالليل بيصحيها..وعليه يجب إيقاف ( الفجراوي) لي ناس السواقي.. وطبعاً كدة كدة القرار نفذ..وقفوا( التتق)بتاع الفجر عشان مرة الحاكم الإنجليزي تنوم.. وجات الغنية الشهيرة.
يا رجال نوري تقولوا كب
الوراريق أهل القبب
تقعلوا النصراني من صنب....( القيزم او القيزب ) صنب...مروي
بس عشان أنو قليل ادب
المهم لأنو عيشة الناس في السواقي.. وحياتهم.. بعد اجاويد الحاكم تفهم الموضوع.. وبس اخروا الفجراوي شوية. لغاية ما تصحي المدام الإنجليزية...
المهم بمناسبة خرفان الحامداب....عندنا واحد عمنا راجل كبير كان جزار في سوق مروي..وكانوا عشان يربحوا يلخبتوا لحم الغنم مع لحم الخرفان..قام ضابط المجلس الإنجليزي منع ضبح الغنم في سوق مروي..وصار هذا قرار..عمنا هذا بقي يجيب الغنم الشكلها غريب وجلدا غريب يضبحا..المامور الإنجليزي ما عارفو.. وهو كل يوم بالصباح بي حصانوا يجي يتفرج على الذبائح..وما كان له أن يعرفوا...المهم في جماعة حاسدين من زملاهو الجزارين.لما شافوهو يربح..مشوا كلموا المامور البريطاني..المامور جاء.قالو( يا مهمد الهسن..شنو الإنتا ضابهوا دا... ما تضبه أنم..غنم..تاني) فقال له محمد الحسن..دي ما غنم...دا خروف حامداب اصلو كدي... راح المامور بعد شال الجلد.. وبالليل.عرض الجلد على جماعة اصحابو من مروي يثق فيهم..ويجمعهم معه مجلس سكر وشراب... وقال لهم والله محمد الحسن لقيتو ضابح دا وقال لى دا خروف حامداب وفعلاً انا صدقتوا ما حاكمتو.. هل فعلاً في الحامداب في خرفان زي دي.جلدا لا يشبه الخروف لا يشبه العز...الجماعة كلهم ضحكوا.طبعاً ناس بلد وعارفين الحكاية... قالوا للمامور.. والله دا لا خروف ولاحاجة..دي بس عز كبيرة.. وبعدين غنم الحامداب دي قايلا وين..لغاية ما خرفانا يختلفن..ما تراها ورا نوري دي...المامور جاء الصباح زعلان...( يا مهمد الهسن...تاني ما تضبه هروف هامداب...مفهوم .)
|
|
 
|
|
|
|
|
| العنوان |
الكاتب |
Date |
| من شعري..الشايقي | منصوري | 01-05-04, 06:56 AM |
| Re: من شعري..الشايقي | الكيك | 01-05-04, 09:21 AM |
| Re: من شعري..الشايقي | منصوري | 01-05-04, 12:27 PM |
| Re: من شعري..الشايقي | منصوري | 01-05-04, 09:14 PM |
| Re: من شعري..الشايقي | انا بنت النيل | 01-06-04, 12:38 PM |
| Re: من شعري..الشايقي | منصوري | 01-06-04, 01:08 PM |
| Re: من شعري..الشايقي | انا بنت النيل | 01-06-04, 01:38 PM |
| Re: من شعري..الشايقي | منصوري | 01-06-04, 02:58 PM |
| Re: من شعري..الشايقي | ملكة سبأ | 01-06-04, 05:19 PM |
| Re: من شعري..الشايقي | منصوري | 01-06-04, 08:37 PM |
| Re: من شعري..الشايقي | منصوري | 01-06-04, 09:24 PM |
| Re: من شعري..الشايقي | ملكة سبأ | 01-06-04, 10:40 PM |
| Re: من شعري..الشايقي | منصوري | 01-06-04, 11:46 PM |
| Re: من شعري..الشايقي | انا بنت النيل | 01-07-04, 08:44 AM |
| Re: من شعري..الشايقي | منصوري | 01-07-04, 09:11 AM |
| Re: من شعري..الشايقي | yasiko | 01-07-04, 09:16 AM |
| Re: من شعري..الشايقي | منصوري | 01-07-04, 12:40 PM |
|
| |
منصوري
فيس بوك
تويتر
انستقرام
يوتيوب
بنتيريست