الاستاذ /بكري ابوبكر لك الشكر الجزيل لاتاحتك لي هذة الفرصة بان اكون احد اعضاء هذا البورد العامر
الاستاذ /عبدالرحمن حمدالنيل قوي لك التحية والتجلة وشكرا لك لهذة الاستضافة .فانك قصرت علي المسافة حتي اكون معكم في هذا البورد .
الاستاذ/ نصار الحاج لم يبق شئ سوي الذاكرة /للذاكرة ظل حالة لا ظل إلا ظلها.نعم ان للغربة شمس هجير ساخنة نهرب منها الي هذا الظل الوريف . صديقي نصار انك تملاء هذاء الظل ويمتلئ بك .التقيت بك كثيرا بين صفحات الجرائد والمجلات ودوما تمارس الدهشة فعلها ساعة قراءة نص جديد . لك شكري العظيم
الاستاذ /أبو امنة رغم تلك الاقنعة والتخفي الا اني عرفتك ويبدو اننا كنا نتكئ علي بعض حتي نكمل المشوار في تلك الايام .عموما ...قال ليوناردو (الاسطورة هي التي تبقي ) .خليك كدة
الاستاذ/ محمد الشيخ شكرا لك ولحسن استقبالك .وانا سعيد جدا يا ابو الشيخ ان اكون معكم وشكرا علي هذة الحفاوة
اخي وصديقي /بكري الجاك (عند إتساع المعني تضيق العبارة) اقف عند هذا الحد من الكلام واذا تجاوزت هذا الحد تخرخ الكلمات فوق حدود جازبية اللغة وتفقد إتزانها وتصبح مجرد همهمات يصعب تمييزها. لك من شوق عظيم . اتمني ان يرد اللة غربة الجميع في وطن يسع الجميع
عزيزي واخي/ابو منذر لك التحايا العاطرات لاستقبالك الدافئ هنا وفي فداسي لا شك باني متشوق جدا لتلك الجلسات وذلك الحضور السمح . عصام لك حبي
اخي الاستاذ /محمد مدني. فراقك لا يحتمل اصبحت فاقد اتزاني وتركت الغربة تمارس استبدادها فئ .كيف حالك ز جميل جدا ان تترك الباب مواربا معلنا خصوصية الدخول في يوم الاربعاء (هنا الاربعاء). حيث وحين التقيك والرائعين في المدينة.
الاستاذ زمراوي شكرالك وحسن ضيافتك في حوشكم العامر
شكرا لكم احبتي ونواصل التواصل
01-03-2004, 01:32 AM
HOPEFUL
HOPEFUL
تاريخ التسجيل: 09-07-2003
مجموع المشاركات: 3542
مرحب والف مرحب بيك يا أخ سبندر وانت تصبح عضوا في انطلاقة العام الجديد واتمنى يا شبندر .. ان تصبج شبندرا للكتابة ونرى ما نشتاق اليه .. تحياتي مرة اخرى والتحية الحارة الى الاخ قائد هذه المركبة العملاقة باذن الله الاخ ابو بكر وصحبه الكرام ولكم جميعا الحب والوفاء والسلام
Quote: الاستاذ /أبو امنة رغم تلك الاقنعة والتخفي الا اني عرفتك ويبدو اننا كنا نتكئ علي بعض حتي نكمل المشوار في تلك الايام .عموما ...قال ليوناردو (الاسطورة هي التي تبقي ) .خليك كدة
نتكئ علي بعض ياخي انت هديت حيلي ... تقول لي نتكئ ... عارف يا ابو الامجاد لما ابو المنذر قال لي شبندر طلً علينا وانا قاعد في المنبر من الصباح ما شايفك ... قلت الزرول ده الا جاء ليهو في عزاء ولا فرحومرق سريع كدة ... لكن وراك وراك لحدي ما لقيتك ..
عموما يا سيدي مافي ايي أقنعة الموضوع وما فيهو انو أنا سجلت من زمااااااااااااااااااااان بدري لكن ما كنت مواصل الا في الشهور الاربعة الأخيرة وزمان دي يا مجدي كان ال Nick Name هو الأساس وانا الان في اطار اكمال البروفايل ... وربك يهون
اتمني حقا ان استمتع بوجودك معنا والا يعكر صفو الزاج معكر...
ومرحب بيك يا حبيب بعدين شايف في اسماء غريبة هنا ... شكلك بقت عندك علاقات مريبة
مع تحياتي أبو آمنة
01-03-2004, 05:39 PM
ASAAD IBRAHIM
ASAAD IBRAHIM
تاريخ التسجيل: 11-26-2003
مجموع المشاركات: 3920
يعني يا مجدي المشاكل دي لاحقاك لاحقاك وعليك الله هي كان ما لحقتك تلحق منو ...
لكن عموما يا اسعد قبل مجدي انا عارف من زمان .... ومن واحد اسمو عربي برضو ممكن يشارك معانا ... يعني الموضوع ما بحتاج مجدي ... وبالمناسبة الموضوع لا بحتاج مجدي ولا عربي ( كفي الله المؤمنين شر القتال ) اذا ما عندك شك في انو في واحد فينا مؤمن ... عموما انا متاكد من نفسي ...
بعدين يا أسعد لو بتصدق انو لما انا بكتب في الرد السابق والله ما متذكر الاسماء دي بتاعت منو ولا رجعت ليها مرة تانية ولا قاصد اي زول لكن حواري مع مجدي طوالي بالطريقة دي .... وتانيا انا ما قاعد اتعامل مع الامور بالطريقة دي يعني الكلام لو واصلك بصلك عديل ... عموما حصل خير وانا اسف اذا زعلتك بس ارجو الا تتعامل بان كل حديث اقوله هو موجه ضدك ... صدقني لا املك شيئ تجاهك ... الا كل الود والحب ... مقابل لكل هذا النقاء الذي تحمله .... وبالمناسبة هوبفل ده ما قاعد برضه وخطوطنا ما بتللاقي نهائيا ليه ما زعل من الكلام ده ... بس عشان تعرف انو الكلام ما مقصود بيهو غير مجدي فقط ... وعموما اذا هوبفل زعل دي تبقي شغلانة تانية لكن بنحلها مع بعض بالتلفون وما اظن يحصل زعل ...
تحياتي مرة أخري وقد ذهبت الي نفس التفسير في البوست التاني
نع تحياتي أبو آمنة
01-03-2004, 08:59 PM
Abo Amna
Abo Amna
تاريخ التسجيل: 05-01-2002
مجموع المشاركات: 2199
يعني يا مجدي المشاكل دي لاحقاك لاحقاك وعليك الله هي كان ما لحقتك تلحق منو ...
لكن عموما يا اسعد قبل مجدي انا عارف من زمان .... ومن واحد اسمو عربي برضو ممكن يشارك معانا ... يعني الموضوع ما بحتاج مجدي ... وبالمناسبة الموضوع لا بحتاج مجدي ولا عربي ( كفي الله المؤمنين شر القتال ) اذا ما عندك شك في انو في واحد فينا مؤمن ... عموما انا متاكد من نفسي ...
بعدين يا أسعد لو بتصدق انو لما انا بكتب في الرد السابق والله ما متذكر الاسماء دي بتاعت منو ولا رجعت ليها مرة تانية ولا قاصد اي زول لكن حواري مع مجدي طوالي بالطريقة دي .... وتانيا انا ما قاعد اتعامل مع الامور بالطريقة دي يعني الكلام لو واصلك بصلك عديل ... عموما حصل خير وانا اسف اذا زعلتك بس ارجو الا تتعامل بان كل حديث اقوله هو موجه ضدك ... صدقني لا املك شيئ تجاهك ... الا كل الود والحب ... مقابل لكل هذا النقاء الذي تحمله .... وبالمناسبة هوبفل ده ما قاعد برضه وخطوطنا ما بتللاقي نهائيا ليه ما زعل من الكلام ده ... بس عشان تعرف انو الكلام ما مقصود بيهو غير مجدي فقط ... وعموما اذا هوبفل زعل دي تبقي شغلانة تانية لكن بنحلها مع بعض بالتلفون وما اظن يحصل زعل ...
تحياتي مرة أخري وقد ذهبت الي نفس التفسير في البوست التاني
مع تحياتي أبو آمنة
01-03-2004, 10:46 PM
Bakry Eljack
Bakry Eljack
تاريخ التسجيل: 05-02-2003
مجموع المشاركات: 1040
الرائع مجدي شبندر ازيك يا زول يا جميل حضورك يدحرجني سنوات الى الخلف .. سنوات الى جدة تلك المدينة التي قال عنها هدهد في احدى رسائله لي بعد ان غادرتها .. ( كيف تترك ام الفقراء والشعراء والمشردين ؟) وتركتكم فيها .. هل تذكر .. ؟ لا تتصور ماذا فعل حضورك بي ، رغم غيابي الراهن عن البورد لكني اشعر الان بي اتسكع في بني مالك ليلا .. اجلس معك في مقهى لنتحدث ونتقاسم وحشة المكان ، تفضل يا زول يا مسكون بالطيبة . وغدا نعود
01-04-2004, 07:18 AM
Giwey
Giwey
تاريخ التسجيل: 09-03-2003
مجموع المشاركات: 2130
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة