لم تكتب الحياة إلا لبوست أمجد إبراهيم بشأن المقابلة مع الإستاذ الخاتم عدلان ، فحين دخلت بوستات حوت موضوعات مهمة للغاية غياهب الجب ، وهي بوستات كان ما زال فيها رمق ونخشى ان تكون قد قبرت بي روحها ، ونسوق الأمثلة عسى ولعل إنقاذها وهي : 1- بوست عاطف عبدالله عن الثقافة العربية الإسلامية ، وصل فيه عاطف للمحطة الثالثة وتبقت محطتان فضلآ على الوعد بالمناقشة من حسن الجزولي وآخرين بما كان متوقعآ معه إثراء الموضوع بما يفيد 2- بوست تماضر ، الكلام دخل الحوش لكونه تجربة غير مسبوقة في البورد ولما اكتظ فيه من مشاعر وقيم ونخوة وإخاء وتضامن ، كانت كلها كفيلة ليستمر البوست دافعآ ومعليآ لتلك القيم 3- بوست عبدالجبار عبدالله ، لفرادته بإعتباره أول دراسة تقييمية ونقدية للمنبر ، وفي إستمراره فرصة لإعادة التحليل والتقييم وصولآ لمستوى أرقى وهناك العديد من البوستات ، وتوقعنا ان ترفع عشرة منها وينكتب لها عمر جديد الآن ما العمل ، هل يمكن بعثها من جديد عن طريق up أم يعيد أصحابها كتابتها علما بان ذلك متعذر في بعض البوستات مثل بوست تماضر المشار له ، ام يعالجها بكري بالكيفية الي تعامل بها مع بوست أمجد/ الخاتم
12-23-2003, 11:15 AM
الجندرية
الجندرية
تاريخ التسجيل: 10-02-2002
مجموع المشاركات: 9450
تعرف في طريقة ممكن تجيب اللنك من الارشيف وتخته في بوست جديد وتواصل عليه زي ما عملت انامع بوستات الطيب صالح لانه الموضوع متصل ولو كمان سيد الحوش سخى وجابو ليك حي زي حق الخاتم عدلان تكون غرتك لي صرتك
12-23-2003, 11:30 AM
ايهاب
ايهاب
تاريخ التسجيل: 05-06-2002
مجموع المشاركات: 2878
لووووووووووووووووووووووولين على لوووووووووولك يا ايهاب غايتو دا قدر الاتعلمناه من بروكتنا الاربعة وعشرين ساعة في حوش بكري ومن عاشر القوم اها طلعنا منكم بي حاجة برضو وتاني لوووووووووووول
12-23-2003, 12:35 PM
أبو ساندرا
أبو ساندرا
تاريخ التسجيل: 02-26-2003
مجموع المشاركات: 15493
الجندرية ايهاب درس مفيد ،وانا شفت بعث الجندرية لموضوعها لكن ظنيت انها كتبته من جديد نسبة لعدم وجود زوار وشاركات ، وأتمنى ان يقرأ عاطف عبدالله ويبعث لنا موضوعه من مثواه الأخير ، وكذلك تماضر وعبدالجبار عبدالله وآخرين ، وشكرآ
12-23-2003, 05:52 PM
willeim andrea
willeim andrea
تاريخ التسجيل: 05-01-2002
مجموع المشاركات: 3813
هوزي تاني قبل ما تفتحي الكمبيوتر تتشهدي ، وقبل ما تدخلي بوستاتي تتحصني أو تقولي يا عين ياعينيه يا كافرة يا نصرانية، وبعدين منو القال ليك ما ممكن ،أهو ناس ابوالزفت عملوها
12-25-2003, 08:26 AM
tmbis
tmbis
تاريخ التسجيل: 10-19-2002
مجموع المشاركات: 24862
ابوساندرا كل سنة وانت طيب يا فنان .. انا بخصوص اعادة الحياة لبوستات ماتت.. الظاهر لي مافي طريقة غير تستفز صاحب البوست بي اسمو بوستو .. وتعمل ليهو كوبي وبيست . وتجيبو من جديد انا منمر لي كم بوست كده .. لما افضا ليهم
واما بخصوص الصورة .. مالك بتشبه لي الصادق صاحبي الكوز شديد كده؟؟
12-25-2003, 09:26 AM
أبو ساندرا
أبو ساندرا
تاريخ التسجيل: 02-26-2003
مجموع المشاركات: 15493
تمبس أهلآ ، ومخصم بالرسول تنمر لي البوست بتاعي العاجبني داك ، والعاجباني ستو المتحكرة فوق القليب وبخصوص الصادق صاحبك أهو كده بالإضافة لصاحب وليم اندريا بقينا تلاتة وفي واحدة كمان زمان كلما تلاقيني خاصة قرب بتاع الآيسكريم (بومبي) في عمارة الشيخ مصطفى الامين تروح ضارباني و وووين يا صلاح وبعد داك هاك يا إعتذارات ، يعني نحن 4 وباقي 36 يللا دورو معانا عليهم وبعدين كشفناك عندك اصحاب كيزان!
12-25-2003, 10:14 AM
elsharief
elsharief
تاريخ التسجيل: 02-05-2003
مجموع المشاركات: 6709
الشريف الشريف ما بتقصر يا أبوالزوز ، ونفسي تهفو لبونا وردفة خلفك على الموتر ، وسهرة لامة وكاربة ، حيا الله تلك الأيام وحياكم ، إبراهيم وإمامة وشباب بومباي
امليكار كابرال اسمك بيكتبوهو كيف ومعناهو شنو بعدين انا كنت خايف عليكم من الصورة ولكن يظهر انو بكري نزلها عشان يطفش بيها ناس جماع هنا في الدوحة ، في أحسن حال مروق ومقرش وعندو كتكوت صغير كده معذبو ، أكشف نفسك في الماسينجر نفيدك عنه أكثر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة