اقابلِك
الكلمات : الحلنقى *** الألحان : وردى


اقابلِك
_________

اقابلِك فى زمن ماشى
وزمن جايى وزمن لسّه
أشوف الماضى فيك باكر
أريت باكر يكون هسّه

*****

وقصّر طول مشاويرنا
ورقّش بالفرح جلسة
على النيل
والقمر مرّات يبين
فى الموج ويتدسّى
ونحن نقابلو زى طفلين
كلامهم كلو بى همسة
وزى عصفورة
قلبها دابو حنَّ
وبالولف حسَّ

*****

أيى عيون بتتقابل
إلا عينيك مابتتفات
دى عينيك بس وكيف انتِ
حلاة البسمة فى القاسيات
وعطر الصندل المستنّى
يفرح بيكِ فرحتو جات
وحاتك خلّى منو شوية
عشان يرتاحن السمحات


*****

بلاكِ النجمة لابتتعلّى
لابتدلّى فوقها هلال
عليكِ الريدة طُلّى علينا
يا الختّينا فيك آمال
تجينا فرح ترفرفى فوقنا
نستناكِ بالموّال
والشوق بينى بينك انتِ
زى ماتقول مطر هطّال