صَبَاحِكْ نُورْ
الكلمات : محمد المكِّى ابراهيم *** الألحان : وردى


صَبَاحِكْ نُورْ
________

صَبَاحِكْ نُورْ
جناح عصفور
يافراشة تدور
ياعنب معصور
يا عجب .. يا تعب
يادهب مصهور

*****

زمانِك مظلَّل
بالسحاب والغيم
زمانِك معطَّر
بالطلِح والنِيم
وموعود بالوصال والدِيم
يادهب مصهور

*****

خُدينى معاك
من الزمن القديم
لى زمانِك الضحَّاك
لى عالَم محتفِل بِبَهاك
لى ناس
من كم سنين سُعَداء
وزمن ضَحَّاك

*****

تتعوَّد عيونَّا النور
ونجلس فى حرير قمرة
قُصاد بلُّور
ولمَّا الخطوة تَعْتَقْ
فى دِمَانَا تدُور
بتنبت لينا
آهات الفرح
نطير وندور
فى بروج النغمة والطنبور
نهاجر فى عروق النور
فى زمن مسحور
نرتاح فى ضرا عُمرِك
دهور وزهور