|
Re: بص ... وشوف .... وكلمنى (Re: دورنقاس)
|
تحياتي بالرغم من قدم الصورة اضوح انها صورة لسوق الشجرة بحي أبوروف بام درمان او سواق المراكب موجود الى الآن : اما سوق الموردة فهو موجود الى الآن في مكانه ولم يتزحزح لأنه في جانبي البحر كانت هناك كافتيريات منذ القدم بدأ من المجلس الوطني حتى الريفيرا وحى المسرح القومي اما السوق فهو في ابور وف والله اعلم والاقدم مني اعرف مني انا امدرمان انا الطابية المقابلة النيل
| |
|
|
|
|
|
|
Re: بص ... وشوف .... وكلمنى (Re: مصطفى بابكر حامد)
|
اخوى مصطفى بابكر حامد
نحنا ناس زراعة وحات الله اهلنا الكبار كان ما اخاف الكضب عندهم مركب مقرشة هناك .. اهلك نا س الحلفايا كان سوقم امدرمان وتحديدا سوق المراكب فى الموردة و ابوروف.. زى ما حدثونا الكبار ,,, شنو قولك الموردة ولا ابوروف بس المهم حكاية الكروت البريدية دى.. من قبل سنة 1909 والبريد بين السودان ومصر شغال ... ياربى هسى شغال
تسلم
| |
|
|
|
|
|
|
Re: بص ... وشوف .... وكلمنى (Re: دورنقاس)
|
دور نقاس تحياتي اظن انه سوق ابوروف . شاهدت هذا النوع من المراكب الكبيره في ابوروف. وهي مراكب تستعمل في السفر الي مناطق بعيده اظن انها الجنوب و النيل الازرق. علي كل حال ... كل سنه و انت طيب
| |
|
|
|
|
|
|
Re: بص ... وشوف .... وكلمنى (Re: دورنقاس)
|
دور نقاس كيف حالك من وين جبت الحاجة دي ؟ السوق هو سوق أبوروف بجوار المراكب ، وهو لا يمكن ان يكون سوق الشجرة لأن سوق الشجرة يقع داخل الحي وليس على الشاطئ ، وناس أبو روف يطلقون على هذا السوق ( سوق أم سويقو ) نظرا لصغره ، وهو ما يزال موجودا بالرغم من أن ورش الحدادة تحاصره ، والآن لا تجد فيه معروضات أو خضار أو لحوم ، بل هو سوق للحطب والخشب المراكب وصناعتها ، وستات الشاي ، وبعض المطاعم ، وورش الحدادة وبه ورشة للسيارات وحلاق ومكتب اتصالات ، ومجموعة من العمال الذين يعملون في غسيل السيارات ، وهو يمثل آخر محطة لمواصلات أبوروف ام درمان ،
| |
|
|
|
|
|
|
Re: بص ... وشوف .... وكلمنى (Re: ودقاسم)
|
الاخ ودقاسم
الرشيق .. الانيق صاحب الكلام الما خمج طلتك ابهجتنى
فعلا دا ما سوق الشجرة ... بس زى ما انت عارف اسم حى الموردة جا من المكان الكانت بترد فيهو البضاعة بالمراكب .. ودا الخلا نا س نادى الموردة يكون شعار ناديهم الهلب .
| |
|
|
|
|
|
|
Re: بص ... وشوف .... وكلمنى (Re: ali othman)
|
دور نقاس تحياتي و الله أنها درر ثمينة و مجموعة نادرة. الخطاب أعلاه مكتوب عام 1909م يعني في ذلكم الوقت كان البريد يعمل بالسودان بشكل نشط و متقن تماما كالسكة حديد و الترماى . حليل أيام زمان. لك الشكر أخي الكريم على هذه الوقفة التاريخية الجميلة و نطمع في المزيد.
| |
|
|
|
|
|
|
Re: بص ... وشوف .... وكلمنى (Re: ابو جهينة)
|
الاخ ابوجهينة
حليل ايام زمااااااااااااااان البريد كان يعمل بصورة ممتازة فى داخل السودان وخارجه فى تلك الفترة وقبلها بكثير
ملاحظة قيمة ارسال البريد من السودان لمصر كانت اربعة مليمات كما هو واضح من الطوابع البريدية
شنو نرجع حركة ورا؟
| |
|
|
|
|
|
|
Re: بص ... وشوف .... وكلمنى (Re: دورنقاس)
|
الحبيب درونقاس
جننتنا جن عديل،،،
القرش ده ياما عمل عمايل وياما صال جال في جيوبنا المامكن نسمح ليها بالقده وإلا راح القرش وبته التعريفه.
غايتو أنا ما حضرت الطوابع أم مليم ولكن أم 5 مليمات شفتها حيه مش أثرية.
وبالمناسبة فكرة أول طابع بريد إن لم تخني الذاكرة نبعت لدى كتشنر عندما كان رأي جمل البريد قادما من سواكن فأمر رسام الحملة أن يرسمه ويكون شعاراً للبريد ووضع على أول طابع بريد والذي تكرمت بوضعه أعلاه.
وما البريد براه الوالد حكي لي أنه في العام 1944م قطع تذكرة سفر من محطة الباخرة بالقرير إلى محطة أبوقير بمصر على البحر المتوسط (تذكرة واحدة تلك الكرتونية المستطيلة وخط السير: بالباخرة من القرير إلى كريمة بالقطار من كريمة إلى أبو حمد لينتظر قطار حلفا القادم من الخرطوم بالقطار من أبو حمد إلى حلفا القديمة بالباخرة من حلفا إلى الشلال بمصر ثم القطار المصري إلى القاهرة ثم من القاهرة بالقطار أيضاً إلى الاسكندرية ومن الاسكندرية بقطار محلي إلى أبوقير حيث كان عمه (جدي) يعمل بحرس السواحل بقلعة أبوقير الساحلية. كله بتذكرة واحدة فقط يقوم الكمساري في كل مرحلة بخرمها بالخرامة الشهيرة التي رأها كل من ركب القطار، زمن كان الزمن زين
وإلى المزيد يا حبيب وأعدكم ببعض ما لدي من صور قديمة.
....
| |
|
|
|
|
|
|
Re: بص ... وشوف .... وكلمنى (Re: Al-Shaygi)
|
الاخ الشايقى
سلامى وبعدو كلامى
Quote: القرش وبته التعريفه.
|
وعمها الفرينى ( ابقرشين المقدود)
Quote: وأعدكم ببعض ما لدي من صور قديمة |
نحنا منتظرين نعاين
مشكور ويسلمن خطاويك من كل اشر
| |
|
|
|
|
|
|
Re: بص ... وشوف .... وكلمنى (Re: دورنقاس)
|
درونقاس سلام
والله يا أخوي يظهر ناس البورد ما دايرين يشاركوا خايفين يقولوا عليهم كبار!!!
وباقي لي راح نبقى العجائر الوحيدين في البورد لأنه الباقيين كلهم صبيان وصبايا ولا متصابين!!!
كدي أتحفنا بما لديك من عبق الماضي وسيبك من الوليدات الصغار....
...
| |
|
|
|
|
|
|
|