تشيلوا صورنا ساكت كدا يا ناس "السوداني"!!

Quote: اسه الواحد يشتكيكم للمجلس .. يوقفوكم .. فتقيموا الدنيا و لا تقعدونها!!

نوبي

Quote: دا كلام يا عادل..؟

يطرشني ما شفتها الا يوم السبت (كمان) وبعدين حتى لو شفتها في زول تاني مسؤول منها ، ولو كنت انا المسؤول برضو كان مررتها
الصورة حلوة
وبعدين الكوماندر حسين دا ما من قبيلة محترفي الشغلانية (الذين يمتهنوها حرفة) ، عشان الزول يعرف انو الصورة دي تابعة ليهو..!
والكلام دا ما يبنقص من قدرات ومهارات ملاسي التصويرية ، فهو صاحب عين ثاقبة(Infocus) وصاحب رؤية لكن دا كلو على سبيل الهواية ...
توضيح ساكت
رغم اهمية الاشارة الى المصدر والتشديد عليه (ضمن القواعد المهنية) في النشر الا اننا للأسف الشديد نهمل هذا الجانب بصورة ترقى الى درجة (الطرافة) والمضحك المبكي
فأحيانا، بعامل المساحة المتاحة للنص، يتدخل المصمم ويحذف اسم المصدر للاستفادة من (سطر واحد) حتى يقوم بإضافة (4- كلمات كانت مهددة بالغقصاء، إذا كانت المساحة اقل من حجم النص وإذا كان المحتوى غير قابل للتشطير والقطع..
هذا النوع من الممارسة صار شيئاً تلقائياً في تنفيذ الصفحات ، لذلك لم تعد المسألة(مهمة)، وهذا طبعاً من الاخطاء التي ربما تكون قاتلة ، إذا كان النص يحتوي على معلومات تنطوي على خطورة و(تودي التوج) فأهمية المصدر هنا انه المسؤول الأول أمام القانون عما ورد عنه. (الوكالات والقنوات ...) التي تعتبر مصدرا للأخبار والتقارير والخدمات هي المسؤولة أولاً عما ينقل عنها اما مسؤولية الصحف أو وسائل الاعلام(الناقلة عنها) فتصبح مسؤولية من الدرجة التانية( ودي ما بتوقف زول يا ملاسي)..
الموضوع شائك وطريف ويحتاج الى مزيد من الإضاءات
...
سؤال لـ ملاسي
الصورة طلعت من يدك كيف حتى وصلت الصحيفة..؟