*** القـضــارف ... الريد الجارف ***

Quote: سوما العزيزة نهارك سعيد وجُمعتك مباركة يا سلام عليك وعلى ضيوفك وعلى مثل هذه البوستات اللطيفة كالنّسمات شايف أستاذنا ود شيقوق راااااايق معاك واحد من إتنين يا التّهديد نفع يا جارّي واطي عشان السّفر حسب ما ورد في النّقاش الذي دار بينه وبيني هنا

الضى الحنين
حبابك ياملك...
عارف يا الضى يا خوى ..
وجودك بس فى البوست ده باقى لينا ضرا وسند
عشان كده صاحبك ود شيقوق بكون عمل حسابو
لكن والله ضحكتنى بى مداخلته معاك
فى بوست الزول الجميل خالد المنسى
والله البوست ده زى المحوطنى منو ..
كل ما اجى ادخل واشارك
تحصل حاجة تبعدنى زيادة..
لكن ناويه ليه بى مهلة ان شاء الله
لكن يا ود شيقوق عرفتها..
وحات خوتك تفرفر كده ولا كده
علا تسافر كدارى
ما تقول العيد قرب والعروض رهيـــــــبة
لكن يا الضى .. ود شيقوق ده رغم كل شىء
ومع مكاواته دى
وحات الله كان جانى لى حجز .. اخلى الوراى والقدامى
واصاقر الكمبيوتر افتش ليه هو بس ..
القى ليهحجزو حسب مزاجه .. وبالتلفون كمان
وان جاء بالدرب لومك على التذكره ملح كمان

هسه يجيك ناطى يهعهع لينا هنا ..
تسلم يا الضى والله ضحكتنى كتير الليلة
ان شاء الله بجيكم فى نيمة ود المنسى ود القبائل
وانت بس كتر لينا من الغنا السمح
بالزات نحن الايام دى محكرين فى بادوبة الشرق
وقضروف سعد ام مطرا برق
تسلم يا لؤى يديك الف عافية يا ود ملوك النيل