*** الرندوق الإنقاذي ***

(عدل بواسطة اسماء الجنيد on 04-03-2012, 10:51 PM)

Quote: طبعاالإنقاذ في أي شيء مشاترة ، وإتجلت وفاتت الكبار والقدرها ،خاصة في الملافظ السوقية المحتكرة خصيصا لهم . غايتو وبصراحة تستحق بجدارة جوائز اللفظ العاجز

العزيزة سوما تحية ومحبة
الملاحظ للغة عصابة الفساد يجدها قد تدرجت لمراحل عديدة منذ إنقلابهم المشؤوم :
لقد إبتدأوها ب ( جزاك الله خيرا ) و ( بوركت ) وأدب شديد ونفاق حتي على رب العباد وبعد أن ( تمكنوا ) من رقاب الشعب بدأ الخنق بنوعية ( العفص ) و ( اللحس ) و( تحت الجزمة ) و ( القش ) و ( الكنس ) ومن ثم ( ما تجيبوا حي )
غايتو أكتر حاجه عاوزة ( إفتوني ) فيها لما المشير العوير يحلف بالطلاق يا ربي الطلقة بتقع علي ياتو واحدة من الثلاثة


كل ما بين قوسين إضافة برضو لراندوك الإنقاذيين ، بالإضافة للتحديث الذي أضافة سيبوية ود الباوقة للكلمات ( ككع كرع وصويحيباتها ) و ( زمزغة وأخواتها )و ( هييييييع وبنات عمها )

Quote: امشي شوفو ^ اذا لقيتو مافي ^ سوقو جيبو ^ اذا لقيتو في ^ خليهو وتعال ^ مشيت شفتو ^ لقيتو مافي ^ سايقو جايبو ^ رجع مني ^ رجعت أجيبو لقيتو في^ خليتو وجيت

Quote: العزيزة سوما تحية ومحبة الملاحظ للغة عصابة الفساد يجدها قد تدرجت لمراحل عديدة منذ إنقلابهم المشؤوم : لقد إبتدأوها ب ( جزاك الله خيرا ) و ( بوركت ) وأدب شديد ونفاق حتي على رب العباد وبعد أن ( تمكنوا ) من رقاب الشعب بدأ الخنق بنوعية ( العفص ) و ( اللحس ) و( تحت الجزمة ) و ( القش ) و ( الكنس ) ومن ثم ( ما تجيبوا حي ) غايتو أكتر حاجه عاوزة ( إفتوني ) فيها لما المشير العوير يحلف بالطلاق يا ربي الطلقة بتقع علي ياتو واحدة من الثلاثة كل ما بين قوسين إضافة برضو لراندوك الإنقاذيين ، بالإضافة للتحديث الذي أضافة سيبوية ود الباوقة للكلمات ( ككع كرع وصويحيباتها ) و ( زمزغة وأخواتها )و ( هييييييع وبنات عمها )

Quote: بت الجنيد سوما كيفنك طيبة والعيال أها سووي فينا خير بالله ما تزيدي علي القالوه حبة يعني ما تديهم راندوك جديد بكرة دي تلقيهو حايم في البلد بعد ما يجيروهو ليهم والله غُلب غُلب شديد

Quote: كل ما بين قوسين إضافة برضو لراندوك الإنقاذيين ، بالإضافة للتحديث الذي أضافة سيبوية ود الباوقة للكلمات ( ككع كرع وصويحيباتها ) و ( زمزغة وأخواتها )و ( هييييييع وبنات عمها )

(عدل بواسطة الفاتح الجنيد on 04-08-2012, 11:18 AM)

Quote: سلام استاذة اسماء نديك واحدة برضو، فكوها في السوق او بالاصح فكاها كبيرهم الله ليكم من جوافة المناصير حقيقة كان قاصد يقول شنو ما عرفت، الا نديها سجارة غايتو الناس ديل معرفتهم مكلفة كيف

Quote: بعدين يا مهوية ياخ كان تكوركي لي بالحيطة سااااي عشان اجي اشوف الضيوف

يا سوما ياخ أنا فاضيه ما شايفاني شغالة ( مجاهدات ) بسبب ( الإبتلاءات ) التى أصابت الوطن

ود الباوقة ( نحتسبه ) شهيدا عند الله

كل ما بين قوسين إضافات للراندوك الإنقاذي

سوما عليك الله أضيفي ( نفرة ) الأيام دي زاد إستعمال هذه المفردة

Quote: عاشت ثورة الإنقاذ الوطني ...ثورة المهمشين التي ترندق كما يرندقون ...طيب الحجي والتمرد في شنو ؟؟؟

Quote: إن شاء الله بإذن الله,

Quote: سوما بت أبوي الجنيد .... معقولة يا سوما؟ معقولة تنسي (((الماسورة))) الله يسامحك (يا هذي)

Quote: انتى ما عارفه ساى يا بت اختى دى فلسفة ضمن اجندة المشروع الحضارى دايرين يعلموا الشعب الضكرنة والمرجلة وكيفية التعامل بالعين الحمرا وشرارة وأكل الظلط تقولى لى بلاى استيشن وآى فون !!!!!

Quote: ما لقيت فيديو ( يبعبر ) عن ( الجوطة ) و ( الفرفرة ) و ( المغصة ) الجواى إلا هذا الفيديو ... إهداء للعزيزة سوما مع فائق الحب والتقدير

Quote: العزيزة أسماء كيف تجرأين يا أخت العرب على احتقار كلمتي المفضلة (الجغمسة) واسقاطها في درك لغة بني سلطان..؟؟؟ كده ما ظريف منك والله..! ياخ دي ألذ وأعبر (من معبرة) كلمة سودانية على الاطلاق .. تستعمل في كل أصناف الافعال والكلام .. فياما جغمسنا امتحان وجغمست طبيخ ولبست توب مجغمس وكتبت جواب/ايميل مجغمس وشفت زول مجغمس وسي السيد جاب لي هدية مجغمسة بمناسبة عيد زواجنا وجاتني زيادة مجغمسة في الراتب...إلخ. ومن محاسن الصدف أو مبالغ الجهل (الله أعلم) أنه سيدنا الرئيس ما استعمل الكلمة المنغمة الجميلة دي واستعمل بدلها كلمة دغمسة فدغمها ودمغها ودمسها لمَا عبرت عن مقدار عدم تقديره للنغم والجمال.. رغم أنه صحيفة الراكوبة الالكترونية ما شايفة حتة عدم تقديره للجمال دي بدليل انها مشروقة بزوجته وداد لدرجة حشر صورتها في أي موضوع قريب أو بعيد الصلة بيه أو بيها. يعني لو كان البشير قال جغمسة كان حردتها ليوم الدين. غايتو يا سوما أنا قدر ما ركزت عشان أسمع أحمد هارون قال شنو ما قدرت أفرز كلامه .. يادوب وقع لي بعد ما كتبتيه وبعدين في حاجة كدة كيف تفوتك وانت الأديبة الأريبة.. العبارة دي (أمسح ، اكسح ، ادرش ، قشوا ، اكلوا ني وما تجيبوا حي، ما عندنا مكان ليهم ) عبارة معطونة بالصور البلاغية الجميلة.. أنسي انه الموضوع عن القتل ياخ.. (الانصرافية دي ميزة خيرة في سنوات الجدب الانقاذي.. ممكن تحلي ليك كل المر).. يعني تأملي الاستعارات البتتساقط زي حبات الرمان دي والسجع في غير اسراف في.."اكلوا ني ما تجيبوا حي" .. يا ستنا الراجل شكلوا أديب لا تغمطوا حقه – وأخيرا أوصيك بضرب الطناش والاكثار من قولة يحلنا الحلة بلة بعد أذكار الصباح والمساء .. عسى أن يحلنا الله (شفتي دي بالذات حقتنا نحن بس – ما حيقدروا يستولوا عليها أبدا :))

Quote: إجراءات قانونية ضد وزير بالقضارف أساء لمواطن القضارف: السوداني شرع المواطن عبدالمعين محمد عبدالقادر في اتخاذ إجراءات قانونية في مواجهة وزير التخطيط العمراني بولاية القضارف عبدالعظيم مصطفى البدوي على خليفة ما قال إنها إساءات لفظية تعرض لها من قبل الوزير. وقال المواطن عبدالمعين وهو محامي بالقضارف لـ(السوداني) إن الوزير ألغى تصديق قطعة أرض تخصه بعد أن تم ذلك في العام 2010م بأمر منه، مشيرا الى أنه وعند ذهابه له أمس بمكتبه تعرض لإساءات لفظية بالغة من قبل الوزير وأنه وصفه بعبارات نابية إضافة الى أن الوزير قال له (لولا أنني كنت وزيرا لطلعتك بي نعلاتي)، مشيرا الى أنه اتخذ إجراءات في مواجهة الوزير تحت رقم البلاغ (547) بموجب المادة 47 من قانون الإجراءات الجنائية، وقال إن إساءات الوزير كانت أمام عدد من المواطنين . والله محن ياسوما

Quote: تشكرات يا خال ,, هسي في داعي تقول لي الناس ديل إنك خالي ؟ هسي يمسكوها لي ,, قاعدين بالمرصاد , والله صحي

Quote: صلاح قوش يصف معارضيه بانهم عواليق مصطفى عثمان يصف الشعب السوداني بأنهم شحاديين كرتي يصف الصادق المهدي والميرغني بالسجمانين اما نافع عاوز بوست كامل فتأملي

Quote: سوما الحبيبة ليك وحشة .. دمت واسرتك بالف خير ..

(عدل بواسطة فايزودالقاضي on 07-03-2012, 00:07 AM)

Quote: بت الجنيد سلامات .. ( متنوضل ) كان عندك روح ووقت افتحي واحد للغة المعتقلات والتعذيب اللفظي وسدي اضنينك .. فتك بعافية .

Quote: سوما عليك الله أضيفي ( نفرة ) الأيام دي زاد إستعمال هذه المفردة