|
|
 *** حكومة قدر ظروفك ***
|
سلام يا اهلنا حبابكم عشرة
حكومتنا بقت قدر ظروفك
والله صحي ,,,,,,,,,
تشكيل حكومتنا الجديدة دي مطمورة ناس ما شاء الله تبارك الله ودقر العين , وقل هو الله أحد ما غلبوا حد,
ما قصرتوا معانا كلو كلو يا ناس الحكومة , وزراء بالكيمان والمقاسات والمواصفات والأعمار , حسب الطلب ,( قدر ظروفك)
ناس الحكومة قصدوا بالتنوع ده يا جماعة , حسب مقدرة المواطن البسيط
يعني زول متعلم يمشي طواااااااالي يطلع السلم ويشكي امره لي وزير عنده حبة ثقافة.
مواطن تاني زهجي وعينو طالعة من الوضع الحاصل , ويمكن يكفت طوالي من اول النقاش,
ده يمشي لي ناس لحس الكوع , عشان العوا والملافظ بأنواعها
اما ناس قريعتي راحت والما ليهم لا في الشر ولا في التعليم . يحمدوا سيدهم عينوا ليهم ناس قدر ظروفك ,
قدر قدرتهم في التعليم والفهم وفي العمر, عينوا ناس حلاتو على قول اخوي ود جبرا الله يدي العافية ويسكنوا الصافية.
اها يا جماعة وبما إنه كتروا ليكم الوزراء بالعددية المهولة دي , يعني لازما ولا بد يا المواطن الغلبان الطفشان تتم جميلك وتطفش زيادة ,
يعني الحكومة دي تكفي الوزراء عربات وعمارات وخدم وحشم , ولا يكفوك إنت كسرة وملاح , وتعليم وعلاج ؟ مالكم كيف تحكمون يا اهلنا الغبش ؟؟
لازم تكربوا البطون وتعلنوا الجهاد على ارواحكم .خلوا الناس يعيشوا ويتمتعوا بي حقوقهم القسموها ليهم في صمة خشومهم ..
يعني ناس الحكومة ديل بعد كده إلا يقطعوا هدومهم عشان يرضوكم !, ما خلوا شيء في البلد ما فصلوا عليه وزير ولا مساعد رئيس.
في كل فرقة ختوا ليكم وزير , أي شق فيه ضب سلوه وختوا مساعد وزير, أي حفرة دفنوا بيها وزير, نحمد الله بلدنا ملانة حفر ومجاري , أي زقاق تكلوا فيه مساعد رئيس ,
تشكيلة وزارية تحفة جمعت ليكم المتردية والنطيحة وما اكل السبع !!!!
اها تاني يسوا ليكم شنو ؟
اتقي الله يا شعبنا الصامت وحدد مواقفك , يا اصمت نهائي وواصل في نومك وسكاتك على المر والأمر منه وبطل شكية ونقة وململة ..
يا هبوا وانفضوا غباركم المكندكم 22 خريف وغسلوا البلد من ما علق بها من شوائب وفساد ودمار يحتاج 22 سنة تانية عشان يتعمر ويتلم على البلدان.
وخافوا الله في جيلكم الجاي, إنتوا خلاص شربتوا المر واتجرعتوا العلقم لامن قلتوا بس,
خافوا الله في الجيل الجاي الما عنده ذنب , يصحا يلقى قدامه دمار وخراب وتفرقة وعنصرية ما تتعالج مدي الحياة !!!!!
متاوقة
ــــــــــــــــــــــ
باقيلكم بعد التنوع والكترة دي كلها , في زولا منهم بدور يسمع شكية مواطن ؟
حاشا وكلا ’ سباق شديد في باقي الفضل من حق شعبنا الصاااااااامت
والله صحي
يمهل ولا يهمل
|
|
 
|
|
|
|
|
| العنوان |
الكاتب |
Date |
| *** حكومة قدر ظروفك *** | اسماء الجنيد | 12-10-11, 12:02 PM |
| Re: *** حكومة قدر ظروفك *** | اسماء الجنيد | 12-10-11, 05:41 PM |
 Re: *** حكومة قدر ظروفك *** | ساميه حامد | 12-10-11, 05:52 PM |
| Re: *** حكومة قدر ظروفك *** | AMNA MUKHTAR | 12-10-11, 06:45 PM |
 Re: *** حكومة قدر ظروفك *** | اسماء الجنيد | 12-10-11, 07:41 PM |
| Re: *** حكومة قدر ظروفك *** | يوسف السماني يوسف | 12-10-11, 08:06 PM |
| Re: *** حكومة قدر ظروفك *** | Al-Shaygi | 12-10-11, 09:47 PM |
 Re: *** حكومة قدر ظروفك *** | اسماء الجنيد | 12-10-11, 10:04 PM |
| Re: *** حكومة قدر ظروفك *** | أحمد ابن عوف | 12-10-11, 11:05 PM |
 Re: *** حكومة قدر ظروفك *** | اسماء الجنيد | 12-11-11, 00:03 AM |
 Re: *** حكومة قدر ظروفك *** | معاوية المدير | 12-11-11, 00:58 AM |
| Re: *** حكومة قدر ظروفك *** | محمد الفاتح خالد حسون | 12-11-11, 01:07 AM |
| Re: *** حكومة قدر ظروفك *** | يحي ابن عوف | 12-11-11, 01:38 AM |
| Re: *** حكومة قدر ظروفك *** | ABUHUSSEIN | 12-11-11, 05:35 AM |
| Re: *** حكومة قدر ظروفك *** | صديق الموج | 12-11-11, 05:54 AM |
| Re: *** حكومة قدر ظروفك *** | ولياب | 12-11-11, 06:04 AM |
| Re: *** حكومة قدر ظروفك *** | عثمان رضوان | 12-11-11, 11:08 AM |
| Re: *** حكومة قدر ظروفك *** | اسماء الجنيد | 12-11-11, 05:50 PM |
 Re: *** حكومة قدر ظروفك *** | حبيب نورة | 12-11-11, 05:56 PM |
 Re: *** حكومة قدر ظروفك *** | اسماء الجنيد | 12-11-11, 06:13 PM |
| Re: *** حكومة قدر ظروفك *** | اسماء الجنيد | 12-11-11, 06:44 PM |
| Re: *** حكومة قدر ظروفك *** | اسماء الجنيد | 12-11-11, 07:09 PM |
| Re: *** حكومة قدر ظروفك *** | اسماء الجنيد | 12-11-11, 10:36 PM |
| Re: *** حكومة قدر ظروفك *** | اسماء الجنيد | 12-21-11, 11:14 PM |
| Re: *** حكومة قدر ظروفك *** | اسماء الجنيد | 12-21-11, 11:49 PM |
| Re: *** حكومة قدر ظروفك *** | اسماء الجنيد | 12-21-11, 11:56 PM |
| Re: *** حكومة قدر ظروفك *** | اسماء الجنيد | 12-22-11, 12:06 PM |
| Re: *** حكومة قدر ظروفك *** | اسماء الجنيد | 12-26-11, 01:11 AM |
|
| |
اسماء الجنيد
فيس بوك
تويتر
انستقرام
يوتيوب
بنتيريست