|
|
|
 Re: *** الليلة د.حمزة شطح لامن نطح ,, والله صحي *** (Re: اسماء الجنيد)
|
طولت من اهلي وريحة اهلي واشتهيت صورة الغبش في رمضان
وصلت دش جديد في بلد الخواجات .. وفرحاااانة اتفرج في قنواتنا العربية
واقووووووووم كدي يا يمة امشي تلفزيون السودان قلت يمكن يجيبو لي ضل نيماية ولا حبوبة مشلخة ولا شفع بلعبوا في طرف شارع
ولا سوق الخدار
اها لقيت ليكم حماميزو وقايل روحو خلاص الدكتور مهندم ..!!!
والله ما طالبني حليفة مستغربة لي اللحظة دي كييييييييف ناس التلفزيون سمحوا ليهو يصور حلقة مع مسؤول بدرجة وزير
بي لبستو المزغللة عيني لآآآآآآآآآآآآ يوم باكر ,, والله صحي
| |
 
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: اسماء الجنيد)
|
النوصف ليكم اللبسة لي الما شافوها ,, والشافها النبي اليجي يقول رأيه . وكان غلطانة قولوا لي ,,
اولا بالتبادي اللبسة بدلة لونها غامق ومعاها قميص لبني برة البدلة ,, لحدي كده كويسين
قوووم يا حمزة جيب ليك شريط وردي .. آآآي والله شريط وردي ولو ما اخاف الكضب فك الكرفتة ودرعها فى رقبتو لأنها مكرفسة وبرضو درعها ساي
وقعد ينظر ويفكها في خلق الله
منظر زي ده يا ناس تلفزيون السودان لا يصح إلا يكون في كاميرا خفية ولا إسكتش كوميدي والله صحي
شريط وردي يا دكتور حمزة !!! لا المرة دي بالغت فوكا بالحيل
النبي فيكم الشاف اللقطة التحفة دي منو ؟؟
يشهد الله ما بدور اشيل حال زول
علا المشهد العام ده والبمثل الإعلامي السوداني وجعني بالحيل خاصة من زول مفروض يكون متعلم وفاهم وعاقل
يعني ما محسوب مع الشباب الصغار الطائش ,, ولا شنو يا جماعة ؟؟
| |
|
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: اسماء الجنيد)
|
اوووووووووه خال فاطنة
يسلملي خال فاطنة
وينك يا عشانا يا ضل ضحانا
يعلم الله مشتاقين
وينك إت يا خوي ؟؟ رمضان كريم عليكم تصوموا وتفطروا على خير إن شاء الله
اها لقيت البوكسي؟؟
وحات الله لا يوم الليلة يا خال فاطنة يا خوي ساعلة من بوكسيك وبدور اعرف الحصل شنو ؟
إن شاء الله تكون جمعت بس
سلام كتير للعقاب
| |
|
|
|
|
|
|
|
|
 Re: *** الليلة د.حمزة شطح لامن نطح ,, والله صحي *** (Re: لؤى)
|
** بت الجنيد "سوما"..
** مساءك خير ,, وسلام لك وللأُسره..
## اول فى التبادى لمن كنت بتتفرجى فى تلفزيون السودان الرمدان دا كُنتى متوضيه؟؟
## التلفزيون الرسالى دا مفروض يكون محلى ,, واخوك مجليهو من لستة القنوات ...
## المُذيع دا ماسوره (وماأكثر المواسير فى عهد التوجه اللاحضارى) وماخد فى نفسو مقلب كبير بإنو قامه إعلاميه ##
^
^
^
^
** كسره :- مسطول سأل مسطول الثعلب بيلد ولى ببيض ,, قال ليهو الثعلب مكار ممكن يعمل الإتنين ,, ودا حال الفُرجه فى هذا التلفزيون البائس..
(ودام الود بين الجميع)
(ابو محمد فؤاد)
| |
|
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: عبدالكريم أحمد الامين)
|
Quote: سوما
سلامات ورمضان كريـم
طبعاً شُفتَ الـحلقة وأنا معزوم فطور
وكان إنطباعـي نفس إنطباعك
وعلّقت علـى نفس الـموضوع
شريط وردي ياتو ؟
بتاع أديس أبابا؟ |
لؤي يا ضينا ,, الرتينة بقت يابا ,,, إت عاد ماك ود بنادر ما بخبرلي الرتائن
باقي إتو ناس كهارب ساااااااي يا ناس البنادر
رمضان كريم وكل سنو وإنتو طيبين يا الحنين
سلام كتير كتير لوردي السغنوني وامه الحنونة
والله يا لؤي ماك طالبني حليفة عرفتـــــــــــــــــــــــــــك بتجيني ناطي والله صحي
وكنت دايره اعلق واقول يا جماعة ما وردي الكبير ولا السغنوني لووولز
سلام لي ابو الورود الكبير ولي ابو الزهور السغنوني
| |
|
|
|
|
|
|
|
|
 Re: *** الليلة د.حمزة شطح لامن نطح ,, والله صحي *** (Re: اسماء الجنيد)
|
Quote: سوما بت ابوي الجنيد
رمضان كريم وتصومي وتفطري على خير
اتي قاعدة تلبدي كده وين ... لأننا طولنا من حكاويك الطاعمة دي
والله صحي
غايتو الحاجات الفوق دي تاني تشميهن قدحة في بلد الفرنجة
غايتو علا كان نرسل ليك حبوبتي سلف تقضي معاك شهرين
والله صحي
بس البرد ما ينشفها لينا عندكم هناك ...
وبعدين حماميزو دا اصلو من يومه ببالغ
ومن يجي في التلفزيون دا عمر الجزلي وحسين خوجلي
والزول القرا في ماليزيا دااااك عوض ابراهيم عوض اقنعي منو طوالي
والله صحي
اها الاخير دا بقضي ليك السهرة كلها مرتي وماليزيا ... والله صحي
تحياتي
|
يا حليلك يا ود ابوي البشاري ,, مشتاقين يا الحنين وشوقنا شايلو الطير الخداري والله صحي
إت قايل في بلد الفرنجة مافي طير خداري ؟ راااااااااقد متل تلجهم المشتت في السهلة , والله صحي
يا حليلك يا العشا , رمضان كريم عليكم يابا إت ونوارة حياتك , ابقى عليها عشرة يا ود امي
واول عيد ليكم اكسيها سمــــــح للعيد , ما تقول هدوم العرس لسه جديدة , والبنية تقول ولدنا بخيل ,
اركز يا جنا وشتت القروش في السهلة هيـــع انا خيتك يابا
والله يا ود البشاري شدة ماني مشتهية لمة الحبان في رمضان لامن اتقريفت لي الفرجة في تلفزيونها المسجم ومرمد ده
اشتهيتلي شوفة لي سيد لبن بي تمن( بضم التاء ) لبنو
واشتهيت طوبنا اللحمر المكسر ومشتت في الشوارع وطوبنا اللخدر قبال يودوه الكماين ,,
اريتك يابا كان جبت لي حبوبتك , وحات الله اونسها ليك جنس ونسة , ونسة تماام ابقى انا الحبوبا وهي سوما والله صحي
الله ينعل الغربة ويومها
رد الله غربتنا جميعا
لكن وحات خوتك الليلة حماميزوا قلب الهوبة بردلب بي لبستو المشاترة ضمة دي
اخير غربتي من شوفة لبستو دي . والله صحي
لكن قلت لي مذيعننا نحمد سيدنا بقوا كلهم من نفس صنف حماميزوا ؟
ورم شديد ؟؟
المحيرني يا ود امي متعلمين ومثقفين وبراييين . بروا اهلنا لامن هرموا
والله صحي
تسلم يا ود البشاري وتسلم طلتك الحنينة دي
خواتيم مباركة إن شاء الله وما تنسانا من صالح دعواتك يابا
| |
|
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: اسماء الجنيد)
|
Quote: الأستاذة أسماء
رمضان كريم أول حاجة ..
تانيا :
معاها قميص لبني برة البدلة
ده تب ما فهمتها يعني لابس البدلة بعداك لبس القميص ببرة
** الأمين البشاري كدي انكتلنا في اليوتيوب وخلنا النشوف الحكاية العجيبة ده
|
لوووووووووووووووووووووولز يا دكترة
يعلم الله ضحكت لامن دمعت لوووووووووووووولز
عيني ما زغللن يا ود امي عشان كدي غلبني التعبير ,, والله صحي
كدي اولا بالتبادي رمضان كريم تصوم وتفطر على خير
خواتيم مباركة إن شاء الله ,,
تانيا الحلقة عادوها إن شاء الله تكون شفتها
اما القميص البرة ده لووووولز قاصده إنو فاكيهو سااااااااااي لامن مارق برة البدلة
يعني مو مهندم ولو شاكيهو زي باقي خلق الله
اريتو كان لبسو سااااااااي برا بدلة وبرا شريطو اللحمر الكان دارعو فوق رقبتو
والله الشريط ده شدة مو واجعني لامن مسكتني الرجيفبة من الزعلة
والموجعني اكتر المخرج المطنش
تسلم يا دكتور احمد يا خوي وتسلم ايامك يابا
كتر خيرك على طلتك الحنينة دي
كل سنة وإنت طيب يا بوي
| |
|
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: اسماء الجنيد)
|
Quote:
** بت الجنيد "سوما"..
** مساءك خير ,, وسلام لك وللأُسره..
## اول فى التبادى لمن كنت بتتفرجى فى تلفزيون السودان الرمدان دا كُنتى متوضيه؟؟
## التلفزيون الرسالى دا مفروض يكون محلى ,, واخوك مجليهو من لستة القنوات ...
## المُذيع دا ماسوره (وماأكثر المواسير فى عهد التوجه اللاحضارى) وماخد فى نفسو مقلب كبير بإنو قامه إعلاميه ##
^
^
** كسره :- مسطول سأل مسطول الثعلب بيلد ولى ببيض ,, قال ليهو الثعلب مكار ممكن يعمل الإتنين ,, ودا حال الفُرجه فى هذا التلفزيون البائس..
(ودام الود بين الجميع)
(ابو محمد فؤاد) |
حبابك يا ابو محمد فؤاد حبابك يابا
لوووووووووووووولز قلت لي اتوضأ عدييييل كده !
وحات الله انا زاتي مجلياهو لي زمن ,, علا الجبرية بس والله يا خوي
أشتهيت بلدي وريحة الأهل , قلت في رمضان ده إمكن يكون الحال انعدل شوية
قمت كابست وحتلت في قناتنا الفضائية
ويقووووووم كده حماميزو يجينا متجلي باللبسة العجيـــــــــبة وغريــــــــبة الله يسامحوا غايتو
والله كان ده حال مذيع في قناة فضائية يشاهدها الجميع داهل وخارج الوطن .. على الدنيا السلام
والله يا عبد الكريم اخوي لبسة الزول ده الليلة لا تصلح حتى في قعدة مع الأصدقاء , خلي قناة ولا إرسال محلي !
ذنبهم شنو اهلنا يموتوا كمد !!
غايتو نقول عليهو العوض ومنو العوض في تلفزيون السودان القومي , إلا من رحم ربي
شكرا على نكتة الثعلب التحفة لوووووووووووولز
كل سنة وإنتو طيبين وعيد مبارك مقدما اخوي ابو محمد فؤاد
| |
|
|
|
|
|
|
|
|
 Re: *** الليلة د.حمزة شطح لامن نطح ,, والله صحي *** (Re: ABUHUSSEIN)
|
هسه إنتي في حماميزو ؟
ياخ قبيل زهجت منك جنس زهج يا سومة
ده شنو البتسوي فيه ده كان سعلوك ؟
قاعدين في أمانة الله لا سعلناك لا نشدناك
الجماعة قالوا عاملين لي جلسة وداع عشان ناوي السنة السودان
قووووم يا مصطفي السني الله يجازيه بالسمح
فتحت خشمو يغني لينا غنيتك مقطوعة الطاري ومافي أحن من أهلي
ياخي تنشنت جنس تنشنة ومشيت جنس بلوداً أصلو ما معروفة وين
قلت ليه صاح دي عمايل بت الجنيد
بخبِرا وكتين تدور تتلوم مع زول حنييييييييييييين
بتبشتنو وبتكشف حالو
ــــــــــــــــ
حي أنا يا بت أمي عليك الله حماميزو شنو
النجاض أصلو ما فايتك
كل سنة وانتي طيبة
وسوّي في البتسوي فيه
إنشاء الله تعدمينا طفاي النار
| |
|
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: حبيب نورة)
|
الملكة بت الجنيد
نعلك طيبة يا ست البنات..
اها الزول دا عليك امان الله أخوك رايو فيه ما اتغير من زمن البرنامج طيب الذكر أسمار داك
زول معاط وفاهم الدنيا غلط ..
وبلبس بطريقة غريبة وبتكلم اكتر من الضيف وبتطنقع في الكلام
دي ما مشكلتنا .. لكن المحيرنا ناس التلفزيون ديل صابرين عليه كيفن
| |
|
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: نادر النور آدم)
|
Quote:
تستاهلي أكتر من كدا.....
البوديك تتفرجي في حمزه شنو ...؟؟؟؟ |
ابو حسين كيفنك يا خوي , الشكية لي اب إيدا قوية يا ابو حسين
عاد يا خوي رمضان مو وصل العضم بس !! ده خفس بي غاااادي وقد الجلابية كمان ,, والله صحي
فت شماتة ابلة ظاظا زاتها .. بري منك يا يابا بري ...
نان انا كت قايلة بلقى حماميزو متشنط ومعولق روحو كدي !!!
شاحدة الله ورسول مكة يا ابو حسين , شفت لبسة حماميزو الغايظاني دي , تجيك في ليلة القدر لووووووووولز
سلام شيد لي صاحبتي ياخ فاقدها يعلم الله ,, وسلام للوليدات
كل سنة وإنتو طيبين
| |
|
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: اسماء الجنيد)
|
Quote: عزيزتنا أسماء
سلامات
أعلام هامل يا أسماء . وتلفزيون مقطوع رأس .
لو تابعتي جريدة الأنتباهة بالصباح + حمزة بالليل .
بعد شهر بتلقي عندك كدني أنفيكشن .
يازولة أبعدي من حمزة وبرامجو .
|
العزيز عثمان موسى ,, حبابك يابا ورمضان كريم عليك إن شاء الله وكل سنة وإنت طيب والأسرة الكريمة وكل الأهل
لوووووووولز يا عثمان ,, قلت لي إنفكشن عديــــــــــل كده !! ما تقول الخواجات ديل ما بكتبوا المضاد الحيوي كان اتدردقت ليهم في السهلة
يعني يبقن علي الأتنين , إنفكشن ووجع قلب ,, الله غالب
والله يا عثمان يا خوي اصلي ماني مشيت افتشلو , علا فتحت التلفزيون كده , جاني ناطي بي لبسة المهرج ديك لووولز
| |
|
|
|
|
|
|
|
|
 Re: *** الليلة د.حمزة شطح لامن نطح ,, والله صحي *** (Re: اسماء الجنيد)
|
Quote: هسه إنتي في حماميزو ؟
ياخ قبيل زهجت منك جنس زهج يا سومة
ده شنو البتسوي فيه ده كان سعلوك ؟
قاعدين في أمانة الله لا سعلناك لا نشدناك
الجماعة قالوا عاملين لي جلسة وداع عشان ناوي السنة السودان
قووووم يا مصطفي السني الله يجازيه بالسمح
فتحت خشمو يغني لينا غنيتك مقطوعة الطاري ومافي أحن من أهلي
ياخي تنشنت جنس تنشنة ومشيت جنس بلوداً أصلو ما معروفة وين
قلت ليه صاح دي عمايل بت الجنيد
بخبِرا وكتين تدور تتلوم مع زول حنييييييييييييين
بتبشتنو وبتكشف حالو
ــــــــــــــــ
حي أنا يا بت أمي عليك الله حماميزو شنو
النجاض أصلو ما فايتك
كل سنة وانتي طيبة
وسوّي في البتسوي فيه
إنشاء الله تعدمينا طفاي النار |
حبيب نورتنا ونوارتنا كيفنك يا يسن الحنين ,, يعلم الله مشتاقين ,, والشوق غيمة ومطرتين
يا حليلك مسافر وين يابا , ربي يعدلا عليك شقيش ما تقبل ,, يسهل امرد ويخدر دربك ,, قول آمين
بختــــــــــــكم اليومين ديل معاكم السني الحنين ,,, مبروووووك عليكم املوه حنين يا يسن
خليهو اليملاكم غنا يطوف بيكم كل البلود ,, وسلم لي عليهو كتير السلام ,,
إت اصلك حنين وطبعك في الخلوق نادر , خابرااااااك انا دميعاتك في طرف الرموش , والله صحي
طعم الغربة يا يسن مصطفى لامن اغنيها انا زاتي بفك الجوعارة
ياخ ملحنها بي شجن كده عجيــــــب
عليك الله خلي اليحكي ليك قصة شاعرنا محجوب شريف معاها لامن مصطفى غناها ليهو بالعود ,,
انقر ما دمعو اتشتت وغلب اللقاط !!! والله صحي
يا حليلو والله ,, ربنا يشفيهو إن شاء الله بركة خواتيم الشهر الفضيل
يا يسين مرقتني من لبسة حماميزو التحفة ,,
شاحدة الله السعادة تبقالك رفيق طول الطريق
والعافية تبقالك هدم يا ود العم
وكل سنة وإنت طيب يابا
| |
|
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: اسماء الجنيد)
|
سوما يا سوما
تقبل الله تعالى طاعاتك
ياخ د. حمزة عوض الله دا ألذذذذذذذ مذيع في الدنيا
أنا شخصياً بـ أدين له بفضل كبييييير خلاص
لأنه في العادة وأنا بتفرج على القنوات بتوقف شوية
أسمع المذيع بيقول شنو والضيف بيقول شنو وموضوعهم عن شنو
وبعد داك أقرر أستمر معاهم شوية ولاً أشوف حاجة تانية
وحيات خوتك
من أشوف د. حمزة ساكت
تووووووشك أغير القناة
غض النظر عن الضيف
غض النظر عن الموضوع
ويكون وفر لي وقت
_______________
| Quote: وصلت دش جديد في بلد الخواجات .. وفرحاااانة اتفرج في قنواتنا العربية |
إنت يا بت أمي مسعولة من الخير
دحين ما كنتي في مسقط القريبة مننا دي ؟؟؟
ولاً أنا ما متابع ؟؟؟
ولاً الحاصل شنو ؟؟
| |
|
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: عاطف عمر)
|
| Quote: نان انا كت قايلة بلقى حماميزو متشنط ومعولق روحو كدي !!! |
يا سوما حمزه دا كان عمل لقاء مع بروف عبدالله الطيب في التلفزيون
البروف قاعد بي طريقة مهذبة جدا
و صاحبك حمزه دا قاعد و خالف كراعو
من اليوم داك كرهت حمزه و كرهت تلفزيون السودان اللي بث الحلقة بي الصورة دي
و تستاهلي برضو
| |
|
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: إبراهيم عبد الحليم)
|
Quote:
اختنا اسماء ...سلامات وكل سنة وانت طيبة ...
وهل يوجد لون اسمه غامق ؟!!!
انا من يجي حماميزو ده بشوف لي اى فلم كرتون انشغل بيهو مع العيال ..لامن العيال حبوا حماميزو ..
تحياتي وكوني بخير دوماً ..
|
فائز ود عمي القاضي حبابك يابا ,, والله ياخوي كتبت ليك رد طويل عريض امس ماني عارفاهو غتس وين ؟ لوووولز
ده كلو من لبسة حماميزو لووووولز
لووووووووووووووووولز لكن يا فايز يا خوي ,, بالغتو معاي يا ود عمي القاضي إنت واخوي دكتور احمد أمين لووووووووووووووولز
قلت ليكم الزول ده زغلل بي وفور دمي وكنت لسه صايمة وما فطرت لوووولز
قاصده اكتب لون ازرق غامق يا فايز ياخ
قلت لي فلم كرتون عديييييييل كده !!! لووولز
ما كنتوا تكلموني ياخ عشان اتسلح وكده ,, في داعي للغتاتة دي في العشر الأواخر في رمضان كمان !!
تهون عليكم تخلوني كده صيام بعيدة من اهلي وحماميزو بي تجلياتو دي ؟؟
غتلومتوااااااا معاي
بدفنها ليكم لكن , اصبروا بس
كل سنة وإنتو طيبين يا فايز يا خوي إنت واسرتك الكريمة ,, تسلم يا خوي
| |
|
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: اسماء الجنيد)
|
Quote: الملكة بت الجنيد
نعلك طيبة يا ست البنات..
اها الزول دا عليك امان الله أخوك رايو فيه ما اتغير من زمن البرنامج طيب الذكر أسمار داك
زول معاط وفاهم الدنيا غلط ..
وبلبس بطريقة غريبة وبتكلم اكتر من الضيف وبتطنقع في الكلام
دي ما مشكلتنا .. لكن المحيرنا ناس التلفزيون ديل صابرين عليه كيفن |
حبابك يا نادر ود عمي النور حبابك يابا
كل سنة وإنت طيب ورمضان مبارك عليك ود امي ,,
يا حليلو خلاص ودعنا الشهر الفضيل
نسأل الله ان يتقبل صيامنا وقيامنا إن شاء الله
لووووووووولز يا نادر عرفت توصفو كويس
الطنقعة دي صدقت فيها تب
لكن وحات الله لبستو الأمس دي يا نادر يا خوي تجيب الكوفارة عديــــــــــــــل ,, والله صحي
والله انا زاتي متحيرة معاك في ناس التلفزيون ديل .. كيفن قادرين وصابرين على المخلوق ده بي طريقتو العجيبة دي
مخيـــــــــــــــر الله
ودعتك الله يا الحنين وعيد سعيد مقدما إن شاء الله
| |
|
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: اسماء الجنيد)
|
Quote: سوما يا سوما
تقبل الله تعالى طاعاتك
ياخ د. حمزة عوض الله دا ألذذذذذذذ مذيع في الدنيا
أنا شخصياً بـ أدين له بفضل كبييييير خلاص
لأنه في العادة وأنا بتفرج على القنوات بتوقف شوية
أسمع المذيع بيقول شنو والضيف بيقول شنو وموضوعهم عن شنو
وبعد داك أقرر أستمر معاهم شوية ولاً أشوف حاجة تانية
وحيات خوتك
من أشوف د. حمزة ساكت
تووووووشك أغير القناة
غض النظر عن الضيف
غض النظر عن الموضوع
ويكون وفر لي وقت
_______________
وصلت دش جديد في بقنواتنا العربية
إنت يا بت أمي مسعولة من الخير
دحين ما كنتي في مسقط القريبة مننا دي ؟؟؟
ولاً أنا ما متابع ؟؟؟
ولاً الحاصل شنو ؟؟ |
عاطف ود امي حبابك يابا ,, وعذرا يا خوي الزحمة الكتيرة شغلتني ارجع للبوست سريع
والله يا عاطف إنت شديد في رقبتك دي البتتفرج لي حماميزو
طريقة إسلوب في الكلام والقعدة والحوار كلها غريبة جدا
وفاكيها في روحو لامن بي هناك
غايتو بكون المخرج مورم ورم شديد خلاس
الله يصبر المخرجين والمصورين عليه إن شاء الله
قلت لي مسقط القريبة يا عاطف يا خوي .؟
يا حليل القرب يابا
زماااااااااااان خيتك هاجرت لي بلدا طيرو عجمي تب
امانة غربة الغرب مي مررررررة وقاسية
رد الله غربتنا جميعا ولم شملنا
سلامي الكتير ليك يا عاطف ولكل الأهل
| |
|
|
|
|
|
|
|
|
|
Re: *** الليلة د.حمزة شطح لامن نطح ,, والله صحي *** (Re: اسماء الجنيد)
|
Quote: يا استاذة اسماء
لاحظت وغيرت القناة طوالى
الزول ده خريج بيت الموضة الباريسية شانيل ههه
ارجو ان لا يؤثر ذلك على مود الشعر |
اهليييين استاذ إبراهيم الرجل الفنان الشفيف
وعذرا والله على تأخير الرد
لكن يا استاذ إبراهيم ما قصرت معاهو كلو كلو
سويتو خريج موضة باريس ؟؟؟
عاد كان سمعك ياهو الطلع فوق روسينا من طرف
والله الواحد لو بقي يتفرج فيهو يوماتي حا يتعلم يكتب حلمنتيشي لووولز
شكرا يا استاذ وتسلم كتير على الطلة الحنينة
| |
|
|
|
|
|
|
| |
اسماء الجنيد
خال فاطمة
لؤى
الامين موسى البشاري
عبدالكريم أحمد الامين
د.محمد حسن
فايزودالقاضي
ABUHUSSEIN
Osman Musa
حبيب نورة
نادر النور آدم
عاطف عمر
إبراهيم عبد الحليم
فيس بوك
تويتر
انستقرام
يوتيوب
بنتيريست