|
Re: *** رقراق الضحى *** (Re: soma)
|
Quote: أختي الفاضلة سوما ..
أنا عندي تاكتيك في الوداع .. يوم السفر من الصباح ببدأ في الوداع بالتقسيط .. وبخلق زوبعة في البيت وأحاول أجعل الموضوع مزاح ..
بحاول أخلي دائماً ضمة الوداع للوالدة والوالد قصيرة المدة وفيها هترشة كتيرة لمنع التركيز .. |
اخى العزيز جاد حبابك يا ود القبايل عارف يا جاد يا خوى هى الهترشة والمزاح ده زاتو البخلى الزول يجقلب من الصباح ويكب الجرسة مرتين ..لكن ما شاء الله عليك انت البتقدرر تهزر وتمزح وتخلق جو فكاهى يوم السفر زاتو
Quote: لكن صدقيني آخر مرة استطاع الراحل أبي أن يجعلها طويلة مصحوبة بالبكاء لأول مرة يصارحني بالبكاء .. وكانت تلك آخر مرة أودعه فيها قبل مرضه الذي قبض فيه ..
ومازالت تلاحقني تلك اللحظات لماذا جعلها طويلة ولماذا بكى فيها .. هل أحس بأنه سيكون وداعاً طويلاً إلى ما بعد الحياة الدنيا |
.. كم ابكيتنى اخى العزيز بى كلماتك اعلاها انهم انقياء اخى جاد رحمهم الله وقلوبهم كانت تحمل بداخلها حب كبير لكل من حولهم اللهم ارحم والدك ووالدى عليهم الرحمه والمغفرة واسكنهم جنات الخلد يا الله
Quote: حفظكم الله .. وجعل سائر أيامكم بهجة وسرور وجعل عاقبة أمركم خيراً ورضاء .. |
اللهم آمين يا رب جمعا تسلم اخى العزيز جاد وربنا يديك قدر ما يرضيك شكرا محنة امات
| |
|
|
|
|
|
|
Re: *** رقراق الضحى *** (Re: soma)
|
Quote: سوما ...... حلاوة العودة غنيناها فى موال ... تحايا واشواق |
سمندلاوى سلامات كيفك يا بكرى يا قريبناوالله مشتاقين يا حنين وحلاوة الطلة يا ود اهلنا عقبال العودة فى السودان يا بكرى شكرا ليك كتير وكل سنة وانت طيب يا رب الشوق قيف بحرنا يا بكرى
| |
|
|
|
|
|
|
Re: *** رقراق الضحى *** (Re: soma)
|
Quote: الأخت أسماء شكرا لحرفك الجميل... أبدع وصف للغربة |
اخى العزيز العوض غيبة طويلة اريتك طيب وحالك زين وكل سنة وانت طيب يا ملك شكرا لى طلتك الجميلة اخى الحنين والابداع فى الاحساس العالى بمن حولنا هو البخفف معاناتنا بالغربة شكرا ليك غيم ضحى
| |
|
|
|
|
|
|
Re: *** رقراق الضحى *** (Re: soma)
|
الزولة الحبوبة ،، الزولة الرقيقة ,, الزولة المتألقة ،، الزولة الزولة ،، صاحبة المفردة الشاربة من موية النيل عذوبة نضم أهلي السمحين و من قصب السكر حلاوة الشعر الجميل عندما تسمع أو تقرأ كلمات بت الجنيد دي تحس بـ غرودة عيون والرويس يعمل كدي أها لافي ذي مشلعيباً شايلو الهوا وذي صفقاً اتدلى من طرف الشجر رقد فوق صفحة موج البحر وحنين مصحوب بـ شوية تنمل مشاعر لذيييييذ يسري في العروق رويدا رويدا حد الإرتخاء والإستسلام. وعندها تدق أجراس الحنين تسمعها فتتكيء على رصيف الذكريات الحلوة والمرة معاً تقرأها فتطرب وكأنك تردد أغنية تحمل في مضمونها الشوق والحب والألم والفراق هي منا ونحن منها و يسعدني أن أستبيح لمفرداتي الكسيحة أمامك أن تتأمل فيما ماتكتبين فاللهم لا تحرمنا من تالقك وجديدك المدهش والمبهر هيا صولي وجولي متالقة في كل المساحات فأنت عنوان لنا وتجسيداً لبت السودان الأصيلة صفراء بلادي أسماء الجنيد جند الله حروفك لإمتاعنا يديك لمن يكفيك
كل التحايا النواضر ...
| |
|
|
|
|
|
|
Re: *** رقراق الضحى *** (Re: soma)
|
الاستاذة العزيزة سوما
لك التحية والتجلة
كعادتك تمتلكين كل أدوات الابهار ومقدرة فائقة على انتزاعنا من ما نحن فيه والعودة بنا لارض الحنان وللناس الحنان ولكل شىء حنين ... تتدفق المشاعر مع كلماتك ومفرداتك التى تقودنا قسرا الى هناك حيث زكريات الصبا وحيث رفاق الصبا وحيث احلام الصبا التى لم ولن تتحقق ابدا .. كلماتك دنيا رائعة عزيزتى وفيها اجد ملاذ من وهج التغيير ومن اعاصير الحداثة فهى تقودنى الى هنالك.. ما اجملك عزيزتى وما اجملك مشاعرك الصادقة المفعمة بجمال الوطن واهله الكرام..
لك الود بلا انتهاء...
| |
|
|
|
|
|
|
Re: *** رقراق الضحى *** (Re: قرشـــو)
|
Quote: الله يديك ألف عافية يا المعطونة بالإبداع
ادفقي إنت وما تبقي رقراق
سلام لشاعرتنا أسماء والجميع |
العزيز جدا اخى سيف بخيت حبابك واليوم السعيد اللينا جابك تسلم يا ضى خشم البيوت ربى يسعدك ديمه ان شاء الله زى ما اسعدتنى بى طلتك الفرهدت كل الدروب نضار شكرا اخوى سيف شكرا رزاز
| |
|
|
|
|
|
|
Re: *** رقراق الضحى *** (Re: soma)
|
Quote: مفردات في غاية الجزالة .. شاعرة تملك أدواتها فأحسنت التعبير ..
قصيدة ذات جرس آسر .. نظم رائع يروي معاناة وبناء القصيدة يشد الألباب.. الناحية التصويريةر فيها إبهار وإبداع .. مودتي |
اخى العزيز جدا ابو بكر سلام الله يغشاك وعين الله ترعاك خالص المعزة والتقدير للكلام السمح وكبير مداخلتك اخى الكريم خلتنى افرح واطير كبرت كراعى من الفرح كما قال شاعرنا الراحل المقيم الدوش تكبر سعادتك وتعمر حياتك حنيةقادر يا كريم .. قول آمين شكرا لا تكفى اخى ابو بكر على ما توجتنى به من جميل الاحاسيس وعميق الثقة واتمنى ان اكون عند حسن الظن دوما شكرا اردب محنة
| |
|
|
|
|
|
|
Re: *** رقراق الضحى *** (Re: soma)
|
Quote: بعودتك تعود للمنبر شاعريته ورونقه وجمال حروفه السامقة الراقية..سوما الحرف لديك امانة.. موغل فى الشفافية يقرا الواقع ويصوره بدفقات الروح..ما اروع حروفك السامقة شكرا بقدر هذا العمق. |
اخى وصديقى وابن بلدى الشاعر الشفيف عبد المنعم سيد احمد خالص الموده والتقدير اخى الكريم لك ولاسرتك الكريمه شكرا لك انت اخى بعمق نيلنا الخالد على صدق احساسك ونبل مشاعرك ونقاء سريرتك طلتك دائما اخى عبد المنعم بتدينى احساس اللمه فى وسط اهلنا افتقدنا كلماتك كثيرا يا وريف يا ريت تطل علينا من جديد بجديدك الجميل شكرا مارقة من الجوف يا صاحب اجمل حروف شكرا نيل وضفتين
| |
|
|
|
|
|
|
Re: *** رقراق الضحى *** (Re: soma)
|
Quote: بت الجنيد الشاعرة أسماء
الله يخليك كلام يروق الاحساس
لك التحية |
اخوى العزيز عبد المنعم ود ابراهيم ود جدى الحاج وينك يابا طولت الغيبة.. اريتك طيب وحالك زين ات والسمحين حبابببك وحباببك وسمح الرقراق اللينا جابك تسلم يا ود ملوك النيل على الجية باكرية والونسة ضحوية سلام ليك وسلام لى البنية.. ربى يحفظها ليكم ان شاء الله تسلم اخى العزيز على الطلة البتودر الهم .. تسلم يا ود العم الله يخليك لينا انت يا العشا وشكرا من صباحنا لى العشا شكرا نيمة وريفة
| |
|
|
|
|
|
|
Re: *** رقراق الضحى *** (Re: soma)
|
Quote: يا سوما يا رائعة...
رقراق ضحاك رقرق عيونا من الروعة..
والسهل الممتنع...مهنتك...
وبراءة إختراع نبع كلماتك الجزلى
شكرا لدفقات الجمال التي تجودين بها
علينا في زمن قل أن يستوقفك جمال
معزتي |
اخى العزيز كمال كرار.. سلامات يا زول مننا وفينا وحات النيل الجارى بين حروفك روتنى تعابيرك حد الغرق وتعبيرك الندى فرهد زهورنا واطرب عصافيرنا دغشية بهديك كل السمح الجانى من تالاك يا ود كرار اخوى وبهديك سمح اماتنا فى قيدومة الجنا البكر والفرح المشرور و فى البيوت محكر وشكرا عديلة وزين
| |
|
|
|
|
|
|
Re: *** رقراق الضحى *** (Re: soma)
|
Quote: الاستاذة العزيزة سوما
لك التحية والتجلة
كعادتك تمتلكين كل أدوات الابهار ومقدرة فائقة على انتزاعنا من ما نحن فيه والعودة بنا لارض الحنان وللناس الحنان ولكل شىء حنين ... تتدفق المشاعر مع كلماتك ومفرداتك التى تقودنا قسرا الى هناك حيث زكريات الصبا وحيث رفاق الصبا وحيث احلام الصبا التى لم ولن تتحقق ابدا .. كلماتك دنيا رائعة عزيزتى وفيها اجد ملاذ من وهج التغيير ومن اعاصير الحداثة فهى تقودنى الى هنالك.. ما اجملك عزيزتى وما اجملك مشاعرك الصادقة المفعمة بجمال الوطن واهله الكرام..
لك الود بلا انتهاء... [/QUOTE
يا سلاااااام عمدتنا الجميل قرشو والله اشرقت الانوار وهلت تباشير الفرح كيفنك واريت حالك زين وكل سنة وانتو طيبين .. ربى يحقق كل امنياتكم ان شاء الله ربى يسعدك ديمه يا ود القبايل لو عارفة رقراق الضحى بتجيبك كنت نزلتها قبل كده يا زول مسكون وطنية وكعادتك انت اخى الجميل دوما مساندنى فى دربى الوعر الحمد لله ان جمعنى هذا الفضاء الاسفيرى باخوة مثلكم اعتز وافتخر بهم فى كل مكان لانك من هناك اخى قرشو تجد احساسك بقودك تلقائى للاهل والاحبة والناس الملانه مودة ومحنة يعلم الله طلتك زادتنى ثقة ومفرداتك عبتنى حنين للوطن شكرا ممتده بطول بحرنا ومخضرة بخضرة جروفة شكرا نوار
| |
|
|
|
|
|
|
Re: *** رقراق الضحى *** (Re: soma)
|
كلام بطعم وريحة أهلنا البسطاء. العبارة الصادقة تدخل النفس دون استئذان.. هكذا دائماً حروف وكلمات بت الجنيد.
يديك الصحة والعافية يا سوما..
| |
|
|
|
|
|
|
Re: *** رقراق الضحى *** (Re: إسماعيل وراق)
|
Quote: كلام بطعم وريحة أهلنا البسطاء. العبارة الصادقة تدخل النفس دون استئذان.. هكذا دائماً حروف وكلمات بت الجنيد.
يديك الصحة والعافية يا سوما.. |
سلاااام العزيز ود وراق يعلم الله الشوق ليكم حرراق ولى لمتكم السمحة انت واسرتك الجميلة .. ما زلنا نتجر عبق الذكريات وزيارتكم التى تركت اثر عميق فى نفوسنا ربنا يخليكم لى بعض ان شاء الله ويجعل البركه فى وليداتكم طلتك انت يا خوى ليها وقع خاص فى النفس تسلم يابا على كل السمح الجانى من تالاك والتحايا عبرك للعزية الغاليه ست بيتك وكل الاهل شكرا بحجم الوطن
| |
|
|
|
|
|
|
Re: *** رقراق الضحى *** (Re: soma)
|
بجيك صادة بى مهل ياقيدومة وليدنا وفرح كل الاهل
التحية والتقدير لكل من ارسل عبر البريد الالكترونى وتحايا خاصة للحبيبة سمية الشوق نيلين
| |
|
|
|
|
|
|
Re: *** رقراق الضحى *** (Re: باسط المكي)
|
باسط اخوى اريتك ديمه مبسوط يابا تسأل منك العافية وتبقالك رفيق طول الطريق شكرا على الطلة يا ود اهلنا لك التحايا النواضر وتحايا خاصة من اخوك ود الجنيد وتسلم يا ود ملوك النيل
| |
|
|
|
|
|
|
Re: *** رقراق الضحى *** (Re: soma)
|
Quote: واليوم طويل ..فاقد الدليل وفضلت ابحلق فى الخلق مشدوهه بى شيتا كتر نضما كتر .. والصف طويل .. والزمن ممحوق قليل لا ضل ضحى ونومة ضهر لا كوم نجوم لاضى قمر شليل وين راح ..ودع ختر |
الفنانه سوما شليلنا ماراح شليلنا لابس توب سوما حتى الصباح بدي للعطاشان جقيمة وبدي للجعان لقيمة
سوما صراحة رويتينا بالكلمة الجميلة واشبعتينا بالخيال العميق لكي نتكي ونسرح بين مفردات لاشكال نحن نرسمها ونتخيلها في نفس الوقت كتاباتك لوحة فنان
-------------------- وفقك الله اسماء الجنيد
| |
|
|
|
|
|
|
Re: *** رقراق الضحى *** (Re: عبدالله الشقليني)
|
Quote: الفنانه سوما شليلنا ماراح شليلنا لابس توب سوما حتى الصباح بدي للعطاشان جقيمة وبدي للجعان لقيمة
سوما صراحة رويتينا بالكلمة الجميلة واشبعتينا بالخيال العميق لكي نتكي ونسرح بين مفردات لاشكال نحن نرسمها ونتخيلها في نفس الوقت كتاباتك لوحة فنان |
العزيز وليد عبد اللطيف الزول الانيق ولطيف اتاتى بين بين حرفك واتشابا لا فوق كان اطول ثمرة غناك المشتتت ومشرور معاك وانتكيت مليت هينى وغرفت حجاك حجاك السمح اللبستنى منو طرحة وتوب اتمدت تحت شدرك الكثيف ووريف واتحكرت حدا الشوق المقالد القبف وفضلت اناغم على الماشين ومن الوطن رايحين ارح يا زول تعالنا جاى هناك يا خية اقعدى حداى وتبتبتى جنيات الفريق كلهم وهدهدى بى غنا الزول الوريف الاسمو وليد ود عمى عبد اللطيف جيتك سمحـــــــــة بالحيل تسلم يا الحنين
Quote: -------------------- وفقك الله اسماء الجنيد |
آمين يا يابا جمعااا شكرا تيراب جدود
| |
|
|
|
|
|
|
Re: *** رقراق الضحى *** (Re: soma)
|
Quote: يا سومة الملكة ذكرتيني الضِهِبتَ من سيرة طريقو : " محمد عبيد الفاضلابي "
سكيت دربُو في الرملة وتقاسيم ريحا ما لقيت ريحتُو تَبْ. ركّب قُرون للمطرة وقاسَم بِنيّات النسور لَحَمِن خَمجان خَمجّ يرضَع من شطر الغنيمات ويتحَمّا بى لبنا .. أها دي قصيدتو: |
النور البق وجانا شلع الفريق ضوانا سالونا الكانو معانا البرق الضو المطر الشو الخير الخير ياخوانا السمح ورزين اخوى عبد الله الشقيلينى خيرك عم ديارنا بى طلتك الباكرية عم الفريق خيرين بى جيتك المحرية تسلم يا عشانا على السمح الجانا من تالاك والثقة البهلتها فى دربى مجرتقة بتمثلنى يا الحنين بى محمد ود عبيد الفاضلابى ؟؟؟ مليتنى فرحة حد السقف يعلم الله ان شاء الله ابقى متلو رويانه وتريانه من نفس كتابتو البتملأ البدن عافية اشكرك على الاهداء الدرر من زماااااان عاجبانى ونفسى اسعيها وحات خوتك احلا هدية فى نهاية سنة وعقاب شهر ان شاء الله تبقى تقاية وتبقى وقاية وتبقى خير بداية لى سنة جديده استاذى عبدالله الشكر ليك مطامير محنة وكل سنة وانت ملان عافية وهنا
| |
|
|
|
|
|
|
Re: *** رقراق الضحى *** (Re: عروة علي موسى)
|
Quote: نص متماسك وأنيق
شكرا سوما |
الزول الرزين و حنين حسن ود محى الدين طلتك كانت فرحنا وعزنا وكلامك سمح فات حد الغنا ليك مننا كل التحايا والمنا وشكرا ليك انت يا راقى وكل سنة وانت طيب وعام سعيد ان شاء الله
| |
|
|
|
|
|
|
Re: *** رقراق الضحى *** (Re: soma)
|
سوما الحنينة
الشاعرة المبدعة
جملتي دواخلنا بشعرك العذب الرصين
وجعلتينا نحلق في مساحت مليئة بالحب
والحنين والالفة
لك كل الحب والتقدير
ولي عوده
مودتي
| |
|
|
|
|
|
|
Re: *** رقراق الضحى *** (Re: عفاف ابوكشوه)
|
Quote: اشتقت لي رقراق ضحاك
واشتقت لي روعة الزمن الحداك
واشتقت لي النغم الموقََّع بي صباك
اشتقت ليك وطني الهناك
وألقاك وين من( طَرفة ) العِينة المعاك |
طرفة العينة المعاى ملمومة من مطر الشرق لافحاهو ضل غيمك حداى وكهارب بروقك باقة بق رعدا يدودى جاى وجاى خير الكريم رازق الخلق صوت المطر بقالنا ناى شو شو يكب مطمور غرق حفيان يكوس فى كل شق
عارف ياخو بتاوق فيك من امس وارجع تانى الملم السمح الفضل انسج بيه منديل هدية واقول ليك شكرااا عروة الحنين خيرك مغرقنا مرتين وشوقنا لى كلامك بقى ادمان الله يقدرنى اقراك من غناك ويقدرنى اكتب زى حجاك اصلو انت بتلولى من نم الاهل وبتهدهد الكبار والصغار فى كل نغم مارق منك كلامك شفاء وشوقك وفاء وعهدا علينا نشيلك عديلة وزين لى قيدومة جنانا البكر تسلم يا عشانا فتك بعافية
| |
|
|
|
|
|
|
Re: *** رقراق الضحى *** (Re: soma)
|
Quote: سوما الحنينة
الشاعرة المبدعة
جملتي دواخلنا بشعرك العذب الرصين
وجعلتينا نحلق في مساحت مليئة بالحب
والحنين والالفة
لك كل الحب والتقدير
ولي عوده
مودتي |
الحبيبة عفاف ابو كشوة الزولة السمحة وراقية طلتك مشوار حنين نمشيه فى عصريه يوم وطلتك تدينا طعم الفرحة وتمسح كل هموم يا غالية يا ضل الضحى يا بنية من بطن الاهل يملاك عافية قدر ما مليتينى بهجة يا بت كشوة يا بت امى تعالى لينا اصلو جيتك بتفرح قبيلة كل سنة وانتى طيبة كل الشوق يا ست الذوق
| |
|
|
|
|
|
|
Re: *** رقراق الضحى *** (Re: الرشيد ابراهيم احمد)
|
الرشيد اخوى حبابك يا العزيز عقابك ربى يعلى مراتبك ديمه.. يالمة تحت نيمة كل سنة وانت طيب وان شاء الله سنة الفين وعشرة تهل عليك بالخير الوفير والرزق الكتير ويرد غربتك ان شاء الله تسلم يا ضلالة الاهل
| |
|
|
|
|
|
|
Re: *** رقراق الضحى *** (Re: soma)
|
Quote: وبقيت أهبش بي غناي في رذاذ لحظة لقاك
لا فتر صوتي
ولا بحت في المدى منو المشاعر
عروة ،،، |
عروة الحنين افتقدناك ونغمك الحنين البشبهك براك يا ريت تطل علينا بى نسمتك البتبرد الجوف وترد الروح
| |
|
|
|
|
|
|
Re: *** رقراق الضحى *** (Re: إدريس محمد إبراهيم)
|
Quote: فوق من أجل كل هذا الجمال الموغل في الحنية، والمفردة الأصيلة الطاغية، وصدق الاحساس عندما يتجلى ويتنفس شعراً يومض كالأمل الزاهي الجميل ..
تسلمي يا سوما ويسلم دائماً حرفك الزاهي الأصيل ...
مع خالص التقدير والتجلة؛؛ |
الاخ العزيز ادريس الجمال منبعه كلماتك العتيقة المعتقة من نفس الاهل بى احساسكم الدافق حنية .. دائما بتدينى دفعه معنوية واحساس جميل يا ود البلد ربي يديك قدر يرضيك وشكرا مارقة من الجوف لكل السمح الوشحتني بيه شكرا ندى الحقول
| |
|
|
|
|
|
|
Re: *** رقراق الضحى *** (Re: اسماء الجنيد)
|
Quote: اشتقت لي رقراق ضحاك
واشتقت لي روعة الزمن الحداك
واشتقت لي النغم الموقََّع بي صباك
اشتقت ليك وطني الهناك |
الشوق جرف حالف حلف يقلع من الزمن البكابس للمطر ويجيك هناك يفتش دروبك شبر شبر ويناغمك يا عروة عشان تصد وترجع الفرح الفتر من كتر الانتظار راجينك يا عشانا تضلل رقرق ضحانا اين انت شاعرنا عروة الشوق محنة يابا
| |
|
|
|
|
|
|
Re: *** رقراق الضحى *** (Re: إدريس محمد إبراهيم)
|
Quote: الاخت اسماء الجنيد طعم كتابة حالي سالي نفس حلاة طعم كتابة بتي سوما الحكاية شنو ؟ |
عمنا العزيز ودالبوش حرفك بالحنين منقوش فى ضل رواكيب الفريق للجاي عابر من كل طريق شريت غناك فرحة ومطر رذاذ دعاشك نفحة عطر حبابك وحباب طلتك الفرايحية تتبدل الاسامي يا عمنا الحنين ولا نتبدل نحن مع الزمن الاعوج شلنا منكم القناعه واليقين.. وان لا ننكسر ولا نلين شكرا مكندكة دعوات قبيلة.. وحبابك مرتين وتلاتة والى ما لا نهاية
| |
|
|
|
|
|
|
Re: *** رقراق الضحى *** (Re: اسماء الجنيد)
|
النيل تعب ..شد الضهر لليل شكا .. لامن بكا واليوم طويل ..فاقد الدليل وفضلت ابحلق فى الخلق مشدوهه بى شيتا كتر نضما كتر .. والصف طويل .. والزمن ممحوق قليل
تحياتي لك سوما
هذا الرقراق يمد يده لكل مناحي البلد
دمت
| |
|
|
|
|
|
|
Re: *** رقراق الضحى *** (Re: ابو جهينة)
|
Quote: الزولة الحبوبة ،، الزولة الرقيقة ,, الزولة المتألقة ،، الزولة الزولة ،، صاحبة المفردة الشاربة من موية النيل عذوبة نضم أهلي السمحين و من قصب السكر حلاوة الشعر الجميل عندما تسمع أو تقرأ كلمات بت الجنيد دي تحس بـ غرودة عيون والرويس يعمل كدي أها لافي ذي مشلعيباً شايلو الهوا وذي صفقاً اتدلى من طرف الشجر رقد فوق صفحة موج البحر وحنين مصحوب بـ شوية تنمل مشاعر لذيييييذ يسري في العروق رويدا رويدا حد الإرتخاء والإستسلام. وعندها تدق أجراس الحنين تسمعها فتتكيء على رصيف الذكريات الحلوة والمرة معاً تقرأها فتطرب وكأنك تردد أغنية تحمل في مضمونها الشوق والحب والألم والفراق هي منا ونحن منها و يسعدني أن أستبيح لمفرداتي الكسيحة أمامك أن تتأمل فيما ماتكتبين فاللهم لا تحرمنا من تالقك وجديدك المدهش والمبهر هيا صولي وجولي متالقة في كل المساحات فأنت عنوان لنا وتجسيداً لبت السودان الأصيلة صفراء بلادي أسماء الجنيد جند الله حروفك لإمتاعنا يديك لمن يكفيك
كل التحايا النواضر ... |
امير يا امير الشباب سلام بى شوقنا الطول يابا عارف يا امير جهجهتنى معاك جهجهة شديده خلاص يا بوي من امس بقرأ في حنيتك دى ونغمك المفرور بين السطور يا ربي الجنا ده يردولو كيفن هسه ؟؟ وامشى واجى صادة اتاوق فيك من تاني شدة ماك حيرتنى يا الحنين شفتك بين السطور زى المارق من وسط الفريق متلفح طيبة اهلك وطيبتهم قلت اناغمك اقولك تعال يا امير يا ود امى نتوهط الجابره تحت النيمه دي واقعد احكيلى عن الشى الداسيهو وماك مارقو للقراية دة تسلم يا حنين من بطن الاهل, لكن حقيقة ات ما شاء الله عليك زولا كتاب بالحيل ويعلم الله مانى قايلاك بى بيتك هنا فى حوش بكرى ده باقى الفريق بقى حلة والحلة بقت لاااامه والناس ما شاء الله كتار حبابكم كلكم لكن ما زلت طالباك ونسة تحت نيمتنا ديك ودعتك الله وشكرا ليك يا امير مارقة من الجوف
| |
|
|
|
|
|
|
Re: *** رقراق الضحى *** (Re: اسماء الجنيد)
|
Quote: المجبولة من صلصال الإلفة / أسماء لك ما شئت من أماني .. دوماً هو حالك تنثرين الفرح في كل المساحات اليباب.. دعينا نرتشف من هذا الألق بحضورك بيننا وأنت تمتلكين مفردة نافذه .. هنيئاً لنا بوجودك بيننا .. ومزيداً من التواصل ... "انتهى كلام يوسف" ...
|
اخى العزيز ادريس حبابك يا كريم ود الاكارم عارف يا ادريس يا خوي الزول الشفيف ووريف يوسف حمد النيل (ابو وجيدة ) ده زول براهو من زمن تانى غير زمنا ونضميهو بشبهو براهو لما اقراهو ولا اتكلم معاهو يعلم الله بحس بى طيبة قبيلة بحالها الطيبة المعتقة حد النخاع ,الحنية المشتتة بلا مقابل,الصدق الوفاء . الجود والكرم...... كتلنا في بعده مننا نحن يعلم الله وزوار واعضاء حوش بكرى ما عارفة ليه ما استجاب بكرى لحل مشكلة الباسويرد للشاعر العميق يوسف؟؟ ولا يكون يا ربى يوسف آثر البعد من الكتاحة المدورة ديمه فى المنبر العام من هنا نناشد بكرى ويوسف رجاء حل المشكلة سريعا ويا يوسف حلفتك بى الاقربين ليك يابا وعارفاك حنين وما بتصد خيتك فى طلب .. يديكم العافية يا رب والشكر ليك اخى ادريس مطبوق يا الباحث عن الجمال وروعتة بى طيبة خاطر وحنية الشكر ليكم حواشات سكرنا
| |
|
|
|
|
|
|
Re: *** رقراق الضحى *** (Re: اسماء الجنيد)
|
بت الجنيد سلام قدر الشوق البلغ النصاب وحال عليه الحول طبعاً تعودنا منكـ دائماً التواضع والتملص من رواسب الغرور البشري التي اكتست بها ملامح كثير من مبدعينا ويا عزيزتي أنا لم اكتشف فيك جديدا لتبحثي عن ردا لي ، لان ردك سبق مكتوبي بما أبدعتي وابهجتي نفوسنا بصبغة المحنة وريحة نضم ناسنا الطاعمين والتي لونت فينا لوحة الأمل الجميل بريشة حملتها أنامل محّنتك وطيبتك وقوة بساطتك ويا ستي النصوص اذا خرجت من غمدها أصبحت دائماً ملكـ لحظة متلقيها لا ملكـ لحظة إخراجها ... ملكنا لا ملك قائلها ، لذا يا بتنا نضميك الحلو دا رأينا في مراياه وزواياه بقايا نفسنا وأشياؤنا الصغيرة وظلالها التي تدخل دون استئذان إلى أعماق دواخلنا التي أحبتها لمن جرينا نفس العافيه ودفرنا الهوا المخنوق جوه الحشا وتسلمي امي
| |
|
|
|
|
|
|
Re: *** رقراق الضحى *** (Re: امير بشير حمد)
|
الاعزاء ادريس وامير حباااااااااابكم البيت محروس وسته تكوس اها جيتكم صادة وعذرا لضيوفنا الطولت عليهم الغيبة ان شاء الله يا ادريس وامير قمتوا بالواجب عارفاكم اخوان حوبة وما بتقصروا يا سقف القبائل معزتي للجميع
| |
|
|
|
|
|
|
Re: *** رقراق الضحى *** (Re: اسماء الجنيد)
|
Quote: بت الجنيد سلام قدر الشوق البلغ النصاب وحال عليه الحول طبعاً تعودنا منكـ دائماً التواضع والتملص من رواسب الغرور البشري التي اكتست بها ملامح كثير من مبدعينا ويا عزيزتي أنا لم اكتشف فيك جديدا لتبحثي عن ردا لي ، لان ردك سبق مكتوبي بما أبدعتي وابهجتي نفوسنا بصبغة المحنة وريحة نضم ناسنا الطاعمين والتي لونت فينا لوحة الأمل الجميل بريشة حملتها أنامل محّنتك وطيبتك وقوة بساطتك ويا ستي النصوص اذا خرجت من غمدها أصبحت دائماً ملكـ لحظة متلقيها لا ملكـ لحظة إخراجها ... ملكنا لا ملك قائلها ، لذا يا بتنا نضميك الحلو دا رأينا في مراياه وزواياه بقايا نفسنا وأشياؤنا الصغيرة وظلالها التي تدخل دون استئذان إلى أعماق دواخلنا التي أحبتها لمن جرينا نفس العافيه ودفرنا الهوا المخنوق جوه الحشا وتسلمي امي |
امير ود امي شكرااااااااااااااا مارقة من الجوف بقدر جمالك وروعة الحروف مليتني سعادة الله يملاك عافية يا قريبي قول آميـــــــــــــــن
| |
|
|
|
|
|
|
| |