*** عذرا... قد اتانى حديث صمتى ***

Quote: انها هى .. نعم لحظة مخاض قصيدة جديدة هل كلكم هكذا مثلى ؟ طمننونى ... والان رجاء اتركونى ارحل .. ارحل بعيدا لقد اتانى حديث صمتى فعذرا احبتى اسماء الجنيد / مسقط

Quote: ياريت حبيبه نستطيع اننا نطمنك بالتاكيد ماكلنا كده او على الاقل انا ماكده بالتاكيد كتير بصمت لكن مايجينى حديث الصمت تانى راجع عارفه الاكتر من كده انو فى الغالب الصمت برضو بيكون صامت ، والحديث اساسا الغالب منو سرا والصامت فيهو هو الجهرا وببساطة شديدة لاتك بتكتبى واحنا بتقرا علشان كده الاحساس ماواحد نصومى وتفطرى على خير

Quote: أختي سوما... رمضان كريم حديث الصمت هو أصدق حديث..لاتعتريه تلك الندويات التي يحدثها تنميق الكلام

Quote: سوما حديثك انتي لا يطمن طمنينا انتي

الاخ سى جى حبابك وحباب طلتك بعد غياب طال
الله يطمنك انت بالخير يا سى جى يا خوى
اطمنك من تالانى احمد الله مافى عوجة تب
علا حالات الكتابة البتجيب الطشاش
والخيفة نص الليل على قول اهلنا اهل العوض
شكرا اخى سى جى على مرورك وتسلم من كل بلا ان شاء الله

Quote: نعم .. هو ما يسمى بهذيان الشعر فارتكبي ما تشائين من حنان تحياتى

Quote: سوما... ان فى الصمت كلاما و يا ليتنا هكذا دايما كما قال مبارك المغربى نشتاااق فى صمت و نحب فى همس... او حينما يغنى الجابرى: الليل يهود بى و يبقى تلت اخير يطوينى فى رحابه الوثير انا و الظنون و عذابى و الصمت المثير.. و معليش دخول غير مرتب..ربما لنفس الحالة يديك العاافية...

Quote: ٍSOMA ويبقي جدار صمتك بوُح وبين صمتك وصمتك صمت ونصمت حد أنهيارالجدار. ،،،،أبوقصي،،،،

Quote: انا ماعارف لكن دائماً بصمت بعد ما ينتهي { الراتب } وتتوزع الماهية بين هذا وذاك وفي هذه الأيام { نحن بنسميها أيام الدورة الشهرية } بتكون ماعاوز تتكلم مع اي واحد قبل حضوري الى السعودية كنت أحب الصمت والتأمل ولكن بعد الغربة قالت لي ست النفر والله كلامك بقى كتيييييييييير والمشكلة مرة بديت أتكلم معاها يمكن ساعتين دا كلو عشان عاوزة تشتري ليها ترابيز اها قالت لي { عليك الله 00 الليلة انت شاحن رصيد بي كم } ؟؟ بعدين ساكنين لينا مع عزابة الله يهديهم يعني لو جاتك فكرة أو خاطرة نص الليل وقلت سااااااااااي تقوم تشيل ليك قلم وورقة عشان تهديها بكرة لناس سودانيز اها تشوت ليك في الطريق كم كباية وكم سيرمس شاي وكم جك وتعفص ليك تلاتة صحون وصنيتين والجماعة يصحوا وهاك يازهج والفي راسك تطير قال مخاض قال !!!

Quote: الاخت العزيزة سوما هي نفس الاعراض وقد تمد في النفس بعض المرات الى ايام واستمتع فيها بتمردي عليها ولا ادري اهو احساس غريزي بالاستمتاع بعذاب الروح ام هو تمرد على حالة الشعر وفي الحالتين هو الم ومخاض لذيذ فبشرانا بالاتي وسننتظرك هنا تحية رمضانية جميلة لكي والى الحبيب محمد الفاتح وسنابل الخير وكل عام وانتم بالف خير وعافية

عبد الله سلامات يا شفيف
رمضان كريم عليك وكل سنة وانت طيب
السنة الجاية ان شاء الله ما تصوم عزابى
هى نفس الاعراض .. لكن اكيد الاعراض العندك انت
بتكون اقوى بكتير.. بالزات فى حالات البكى العذرى
الجواعير بتقع هبرطش لووول
العزيز عبد الله اكيد فى صمتك درر منظومه كما عهدناك
المفردة عندك لهاطعم خاص...
تسلم يا وريف العبارة
ومتعنا من صمتك قصيد
شكرا يا ود القبائل

Quote: ألأخت الغالية سوما حديت صمتك جميل والصمت أبلغ أحيانآ لا أنتى طيبة تب الحمد لله وما عليك عوجة.. تمخضى القصائد ونحن نلوليهم ليك.. تحياتى لأسرنك الكريمة..ومبروك فوز الهلال..يا عاشقة ألأزرق.. إسماعيل محمد احمد عباس.....

Quote: واتوجع الرحم الخواطر وصرخت آه ما بحت بالصوت الجهير والعرق مليان وفاير بالكلام الجوة داير والعبارات القصيد والاشارات النواضر وابقى اكتم جوة في الاحساس انين اتردم عبر السنين كور القلب الموله شقق الجوف الحزين الاخت سوما اصمتي زي ما عايزة بس لما تبوحي اتدفقي هنا

Quote: العزيزه سوما رمضان كريم تعرفى القصيده بتبدا من خلال لمحه أو لفته لا ينتبه لها كثير من الناس تلك اللمحه تتشكل منها كلمه أو عباره وتبقى تتعب الدواخل حتى تظهر وتكتمل خصوصا اذا كانت القصيده كتبت فى انسان لحم ودم .. وفى الناس زول (جميل) !! نزار الذى اعده متصوفا أكثر منه شاعرا .. قال عن الصمت :- والصمت فى حرم الجمال جمال معنى عميق بشكل مبالغ فيه وقال:- لا تجرحي التمثال في إحساسه فلكم بكى في صمته تمثال

Quote: الكلام منك غنا حروفو بتدندن أمل نغماتو تتدفق منى بيهو فارقنا الوجل لو كلـمتك ما ممكنة لي في صمتك بدل

Quote: سوما العزيزة عندما تصمتين انت فلمن يكون الحديث ؟؟ الصمت هو إنقطاع الصوت من مصدره الصمت لا يعني السكون السكون هو عدم الحركة وعدم الحركة لا تعني عدم التفكير والتامل بالنسبة للإنسان بل تكون هناك اصوات وحركة داخلية وكلمات وحروف كثيرة نراها ماثلة أمامنا ونتخيلها وأنا اطلب منك ان تمسكي قلما وورقة عند كل لحظات صمتك لترسمي لنا بالحروف لوحات صمتك هذه وتهديها لنا جميعا كل سنة وانت طيبة تحياتي جمال

Quote: عذراً ممنوع الإقتراب حديث الصمت للصمت وللجرح نزف كما النهر وللنهر نزف الخرير سوما تحياتى

Quote: سوما الدفاقة والشوق الجاري عليك نعم قد اتانا حديث الصمت منك مليء بالحكي الذي لا ينتهي أما ان نتركك ترحلي عذرا الحزن ليس بوبات للرحيل هو باب للوقوف علي عتبات التامل هو التزود بالمزيد من البياض للقادمات من الخطي كوني هنا وللبياض متسع عند الجميع والريد نيلين همسة / كوني آمنة

Quote: من اين كل هذا الجمال ؟

Quote: سوما دعينى اقول لكى انكى مبدعة بحق تسلمى

Quote: أختي الرائعه!!! سوما لقد أتي في حضرة أسترقاق السمع لأجمل صمت عرفته عنك فيأتيني قبالها عذب الهمس ومتمتمة الحديث يشجيني لا أقول ثرثرة بل هي أقرب ماتكون لآذاني كلام خافض رقيق يهزه الشوق شوق للمعاني وترديه القٌبَل صريعة المعاني وأصمتي فيني صمتك أحلي كلام وإذ ماج في الأفق البعيد سلام لك وحشـــه سيدتي الجميلة كن بخير من الصمت حديث . ،،،،أبوقصى،،،،