|
|
 Re: *** الزمن الفلانى *** (Re: almohndis)
|
سلااااااااااااام اهلى الطيبين
****
انور ود امى بتول الغناااااااااااااى .. حباااااااااب التاى ..
نغيمك انت يا عشاى .. كلو حنين . احن من مليون ناى
بهديك ونسة باكريه يا انور فى الحلاوين
وشكرا للمطايبه يا جنا من وسط اللمه..
***
حبيب بلدو
حبابك يا حبيب البلد كلو .. تسلم يا الحنين .. وابقى داخل وشرفنا .. الرجعه من الاهل بتزيد الحنين والشوق يا الحبيب
يديك العافيه وشكرا على الطله يا نغم بلدى الوفى ..
***
قرشوو العمده المعتق بالمحنه .. تسلم انت والله يا ود البلد .. ويسلم قلمك الما بكتب الا الحنين .. والطيبه ..
شكرا ليك كتير يا ضلنا .. وحبابك من تانى ..
تسلم يا العمده الاصيل ...
****
اخوى خضر .. كيفنك يا الحنين
فراشتنا الجميلة ( سوما) :
هكذا انت .. كل يوم تفجرين بأعماقنا شعورا بأن الابداع نهرا
لا ينضب .. وبأن أحرف التألق النقية لا تزال تتمدد فينااشراقا ونورا وفنا.
فعلا اخى ان الابداع نهرا لا ينضب ..
منبعه ومصبه انتم يا تراث بلدى الغالى ..
والابداع مرسوم فى حروفك ومحكر فى جوفك .
بى بساطه متناهيه وعفويه حد الطيبه ..
وده تواضع منك يا مبدع يا اصيل .. وما غريب عليك يا ضهر الشيل ..
انتم من انار لنا الدرب بى حروف مرويه من نفس الاهل وصفاتهم الانطوت فى زمنا هذا .. نامل ان نبسط هذه المعالم النيره .. والاصاله القيمه .. من جديد ولا نترك للزمن الاغبر ان يخفيها عنا ..
التحيه ليك اخوى خدر قدر غناك السمح
وعجبنى جدا ردك المعبر للفتاة السمراء من بلدى الاسمر
اخوى خضر .. لك الشكر مثنى وثلاث ورباع والى ما لا نهاية .. وتسلم
***
جمــــــــــــــــــــــال يا سنوسى
انت يا رمز المحنه .
يا فرح فرهد فى جنه
يا نغم دندن غمرنا
عود من تانى يا جمال
و بالله ما تحرمنا..
الكلام عندك بقيف يا جمال .. والله بعجبنى انفعالك فى الردود يا مرهف .
يا ريت لو اقدر استفز ابداعك كل دقيقه .. عشان يتدفق ويغمرنا ويغرقنا كلنا يا بحر دافق حنين والق ..
اهيدك كل الحروف الملحنه يا جمال .. وحباب طلتك من تانى ...
***
اخوى عبد الله ود حاج وداعه
كيفك شوقى الحنين .. والله الشوق لى كلامك الحنون زيك زايد كل يوم .. وحنينه القصيده الجابتك لينا جارى بى روعتك المعهوده..
يا شوقى يا خوى .. اخوانا هنا ما شاء الله عليهم كلهم مبدعين وذواقين للابداع
رجاء ما تحرمهم وتحرمنا كلنا من حروفك المنثوره فى النافذة وغرف البال ..
شكرا على الطله يا شوقى الرائع وحبابك الف
وان شاء الله الكاروشه تمسكك بى ام هلا .. هلا وتطلع منك المخفى الجميل
شوقى شكرا لمة اهل فى ضل ضحى .. عارفاك مشتاق ليها
ودعواتى ربنا يحقق مناك
آمين يا رب ..
****
المهندس حبابك اخوى
والله سلامك وصلنى من الاخت سلمى .. كتر خيرك كتير .. وانا برضو حزنت جدا انى ما لاقيت انسان واخو رائع زيك .. لكن الجايات اكتر .. باذن الله نلتقى قريب يا حنين
وشكرا ليك مره تانيه .. والتحايا من خلالك لكل الاهل .. والف مبروك للاخونا العريس من تانى ربنا يسعده ان شاء الله ..
المهندس شكرا جدول محنة ..
وللعريس قدح حنة .. مع زغروته
|
|
 
|
|
|
|
|
| العنوان |
الكاتب |
Date |
| *** الزمن الفلانى *** | soma | 09-19-04, 11:45 PM |
| Re: *** الزمن الفلانى *** | anwar abu gaidaa | 09-19-04, 11:50 PM |
| Re: *** الزمن الفلانى *** | Habib_bldo | 09-20-04, 02:56 AM |
| Re: *** الزمن الفلانى *** | قرشـــو | 09-20-04, 03:09 AM |
| Re: *** الزمن الفلانى *** | خضر عطا المنان | 09-20-04, 05:52 AM |
| Re: *** الزمن الفلانى *** | جمال السنوسي | 09-20-04, 06:09 AM |
 Re: *** الزمن الفلانى *** | عبدالله وداعه الامين | 09-20-04, 05:34 PM |
| Re: *** الزمن الفلانى *** | almohndis | 09-21-04, 02:06 AM |
| Re: *** الزمن الفلانى *** | soma | 09-22-04, 09:52 AM |
| Re: *** الزمن الفلانى *** | لؤى | 09-23-04, 02:42 AM |
|
| |
فيس بوك
تويتر
انستقرام
يوتيوب
بنتيريست