كتب الكاتب الفاتح جبرا المتوفرة بمعرض الدوحة
|
Re: إلا محجوب شريف يا حسين ملاسى.... (Re: هشام المجمر)
|
Quote: انتو طوالي كدا يا عصام لمن يكشفوا نومتكم بتفقدوا أعصابكم و للا انت استثناء؟!! |
لا دى بس عينتى المشت مدرسة كادر كشف النومة و بوظان الاعصاب
انت مفتكر انك لا تسئ لانك لا تستخدم الفاظ بذيئة؟ هى البذاءة دى شنو؟
ولانو البعض حليم معاك ماخد راحتك كده؟
ياخى اذا اصلك بتحترم او تخاف من العينة التانية فحقو يوروك ليها عشان تروق شوية
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
مختلف في شنو يا وليد؟ في السياسة و لا مع الصفاقة دى؟
كدى خلى الزول ده يجي ينطط ليك فوق راسك كده و نشوف المختلف شنو.
انا فاهم و عارف و مقدر كلامك و كلام عمر .... لكن البستغل حلم الناس و صبرهم عليهو ده يسوا معاهو شنو؟
ما تخاف انا ما عانى الدق، و ده برضو لو جا وقتو بيحصل، بالله الكيزان ديل طايحين في الناس طول و عرض ليه؟ لو كان اترشا ليهم كم واحد من ريسينهم ديل كان عرفوا حاجة و اتادبوا شوية.
يا وليد للمرة التانية مرحب بالنقد و الاختلاف والحوار ةالصراع ... قلة الادب تستحق الرد البناسبا
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
Quote: كتب الأخ ابوبكر صالح..
السيد صلاح الفكى. انتا قبل كده شايفك صرحتك انك كنت من ضمن سدنة مايو، بل نشطت فى شنو كدة الثورية تقول على الكتايب كان ما اخاف الكضب، و لا انا غلطان. و على ما اعتقد انك مايو على اسوأ ايام مايو و شرورها فى عز السماء، كدى حدثنا بالمناسبة دى عن تجربتك و هل تقدمت باعتذار للشعب السودانى عن نشاطك المايوى ام لا، اذا لم تتقدم باعتذار اوضح لنا اسبابك؟.
وقد كان ردي له..
الأخ ابوبكر صالح..
طليعي كتائيبي..نعم .. لكن من السدنة.. ؟ قل لي انت .. اين كان هذا..وفي سنة كام؟.. وأرجو أن تأتي بالرابط.. حتى تذكرني .. ومع ذلك ..فان محجوب شريف.. لا ننكر حقه كانسان..وأما الحقيقة..فقد ارتبط اسمه بمايو الحمراء.. أما السجون.. فقد تعرض لها الكثير في مايو ..واصبحت صفة توضع لكل المرشحين في عهد الديمقراطية الثالثة.. وحباب الاشتراكية.. |
لك التقدير اخي هشام المجمر.. محجوب شريف شاعر له مكانة لدى الشعب السوداني ..ومكانة خاصة في قلوب محبيه.. لذا.. كل منا له رأيه في شخصية الرجل.. ولكنه ارتبط اسمه بمايو ..تماما كما ارتبط الترابي بالاتقاذ حتى بعد تركه للانقاذ..
| |
|
|
|
|
|
|
Re: إلا محجوب شريف يا حسين ملاسى.... (Re: وليد محمد المبارك)
|
بديك نصيحتي وهي نصيحت امنجي مقرم
في البورد ده الشيوعين ما بردوا على النقد او حتى الاستفزاز والتهجم بالصورة المناسبة
يعني ما لكون الرد يوضح حسناتهم لكن اغلب ردهم بوضح عيوب منتقدهم
وده شي غير مفيد
نحن ناس قريعتي راحت تسوي كده لكن الكيانات العاوزه تقدم للبلد مفروض تسوي عكس كده
البقول ليها انت فيك عيب تقول ليه دي حسناتي
موش تقول ليه هاك دي عيوبك اكتر من عيوبي
روق المنقة انت زول حصيف
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
كتب عصمت العالم
Quote: كل ارث محجوب شريف فى هذه البسيطه..انه يسارى غنى لمايو عندما كان اليسار يلتحف وشاحات مايو الخلاص..ويقاسمها سرير السلطه المخملى لم يغنى لشهداء الجزيره ابا ولا شهداء ود نوباوى.ولا مقتل الامام الهادى.... اوليسوا همو من اباء الشعب الشودانى الاغبش..؟؟؟ ولم يغنى لضياع الديمقراطيه ..ولم يغنى للحريه...!! طمس اسمه ولوثه باناشيد مايو..وغناء مايو..والتزام مايو.ورباط مايو...!! ويا فارسنا يا حارسنا.. يا مايو..الخلاص كل هذا الضجيج الذى يثار حوله ..نتاج للانتماء اليسارى الملتزم..والذى تسبب فى كل مصائب السودان حتى اللحظه..
كل تاريخه انه يسارى دافع وغنى لمايو..وحين اختلفوا..انقلب على مايو...واعتقل بعد فشل الانقلاب اليسارى...لانه يسارى..ولان حزبه تامر على مايو.. وكل اشعاره قيلت.. فى اليسار... |
لكن عندى سؤال هل هى المشكلة أنه يسارى و لم يغنى للمهدى ولا شهداء الجزيرة أبا؟ لكن لم تعلق عليه كشاعر وتناسيت أشعاره العظيمة وركزت فقط على أغنية واحدة
أما عن مصائب السودان وإرتباطها باليسار! ماذا إذا عن مصائب حزب الأمه فى السودان وتأمرهاالإطاحة بالديمقراطية مرتين
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
[QUOTE]تدليس مرة واحدة يا ملاسى
يا اخى اتقى الله
محاولة التذاكى على الناس تجعلك تبدو فى شكل اسوا
لما تحاول النيل من قامة كمحجوب شريف وتصفه بالممثل و الهتافى الذى يحاول استدراج عواطف الناس أركـــز نعم أركز
لأن هدفك من البوست واضح
|
والله ياهشام إنت اللي محتاج تتقي الله ملاسي شنو اللي ينال من محجوب شريف اورطة من هذا الملاسي لاتحركـ ساكن .
ياراجل والله ناس ملاصي ديل بفتشوا ليهم على طريقة للظهور في المنبر فيوم يتخبط ويقع زي الوقعة دي محجوب هرم
لايطوله أمثال آل ملاسي ونواصـــــــــــــــــــــل.
..................................................................................................حجر.
| |
|
|
|
|
|
|
Re: إلا محجوب شريف يا حسين ملاسى.... (Re: Hussein Mallasi)
|
من روائع الشاعر العبــادى ـــــــــــــــــ الدهر انقلب شفنا الجداد حلبو والفار شال عصاتو ومن الكديس حجزو الدهر انقلب كسر المرق بيت ماما والاسد الكبير يجرى تسكو نعامة والصقر الكبير يزعق وخاطفة حمامة والتمساح غرق احتاجلو لعوامة
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
Quote: و البيعتذر مرة ممكن يعتذر 40 مرة. |
.. الزول ده مالو .. واشمعنا اربعين تحديدا وبالذات ..
.. بالله عليكم ده مستوى زول ممكن يتكلم عن محجوب شريف سمعت مره .. عفوا ( 40 مره ) انو صحفى ويتعاطى فعل الكتابه .. ارجو الا يكون ذلك حقيقيا ..
..
دنيا بت كلب
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
مره فى واحد اعتذر مره واحده .. ودوه السجن لحين سداد بقية الاعتذار ..
.. عشان ما نخرب بوست هشام تدبروا معى هذه العبقريه فى احتراف فعل الكتابه ..
عَشّه .. كلّمينا ميرى.. ذكّرينا كل سنكى أحسن يبقى ..مسطرينا
نحن شعب أسطى يلا .. جيبو مونا نبنى .. نبنى .. نبنى مسرحاً.. ونــــادى مصنعــاً وبوسته حرب لا لا لا لا كبرى .. استبــاليه صالــه للثقــافــه تســرح الغزاله جنبها ...الزرافه ركَ قمرى طار قيره قيره قيره نطَط الصغار صفّق الترولى طمن القطار حلقت وحلقت حمامة المطار
كلّ طلقه بينا نحن تبقى وفره سمسما وبفره سكراً وشاى تترا سايكلين جاي وجاي وجاي مافى حاجه ساى كلّو عندو دِين كلّو عندو راى
بور وبورسودان بارا والجنينه عبرى ولاّ واو حاجه مش كويسه كلّ زول براو هي سودانا بكره من سودانا ناو
تكتب إنت تقرا تعرف السياسه في محل حراسه حجرة الدراسه تمشى إنت تلقى فى الضلمه لمبه ألف ضحكه حلوه .. تسندك بجنبه بى تمن طبنجه أحسن الكمنجه أحلى شكل منقه .. أحسن الحليب
إيد وايد وايد تزرع الجديد غابة النشيد
إيد وايد وايد ما في بينا سيد إيد وايد وايد نلحق البعيد
نحنا مش مرقنا حته واحده جينا جينا لى السرقنا حقّنا وعصينا دمّنا وعرقنا ولّعوا الرتينا
عَشّه كلّمينا ميري ذكّرينا كلّ سنكى أحسن يبقى مسطرينا
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
Quote: اول رد بيكون هو محجوب شريف دا منو .. نحن لا بنعرف محجوب شريف ولا علي عبد الزنبار .. |
لا والله خطير .. انا شخصيا بعرفهم الاتنين ..
.. هشام ياخى التكريم ده زى ما قالت ليك اختنا سهام خليهو فى بوست تانى المهم على قول تبارك
.. نقرأ
..
وطنا.. الباسمك كتبنا ورطنا أحبك مكانك صميم الفؤاد وباسمك اغنى.. وتغنى السواقى خيوط الطواقى سلام التلاقى ودموع الفراق واحبك ملاذ وناسك عزاز أحبك حقيقه.. وأحبك مجاز وأحبك بتضحك وأحبك عبوس بعزة جبالك ترك الشموس وما بين ظلالك افتش وأكوس أفتش طفولتى وملامح صباى بناتك عيونن صفاهن سماى وهيبة رجالك بتسند قفاى صحى بتملا عينى.. وتشّرف غناى بحضرة جلالك.. يطيب الجلوس مهذب أمامك يكون الكلام لأنك.. محنك عميق الدروس مجيد المهابه ومديد القوام شبابك.. تشابك شديد الزحام أراهم.. وراهم غبار الحياه مداين.. تعاين كأمّ العروس تهلل.. تكلل جبين الإمام رزازاً يبلل أغانى الخليل أصدق كلامك حقيقه وبخاف أخاف الطريق.. اللى ما بودى ليك وأعاف الصديق اللى ما بهم بيك معاك انتظارى.. ولو بالكفافu وعنك بعيداً أبيت الرحيل وبيك اعتزاز الصباح الجميل جميع الاغانى اتكالن عليك
| |
|
|
|
|
|
|
Re: إلا محجوب شريف يا حسين ملاسى.... (Re: Hussein Mallasi)
|
Quote: وأعفص خش هنا لترى قليلا مما يفعل محجوب الشاعر بمشاعر الشعب فعلا قبل ان يكون شعرا: |
عفصت فلم أجد - للأسف - علاقة بين ما يفعله محجوب شريف فعلاً قبل أن يكون شعراً؛ وبين أمر رفعه للافتة اعتذار هتافية عن قصيدة كتبت قبل 40 سنة.
| |
|
|
|
|
|
|
محجوب شريف ؟؟ (Re: هشام المجمر)
|
محجوب شريف؟
محجوب شريف؟
يـاااامرحب بيك
يــااااامرحب بيك
يـاااااامرحب بيك
حكاية غريبة!!؟؟
ما هو إنت شديد!!؟؟
الشعب بحاله
شايلاه كرعيك
النور في سناه
سناك
جوبا وكرنوي وهمشكوريب
يأهَلِن بينا
ويأهَلِن بيك
بطلاً هام
للشمس إمام
وللحزب ميزاان
وللعدل سلام
كامل
في جنبيك
في دارك
وبنرحب بيك
من كوش إلى سنار إلى توريت
بجمرالنارالما مسكت لسه
أجيال الثورة
بفرحة ودمعة ترحب بيك
نظرة وتفكير
لوحة وقصة
وتا
تنظير
حزب، جمعية، نقابة
تاء تدبير
ندوة وتعبير
مطالب مطالب
حقوق ومعارض
مساير مواكب
عصيان سافر
عصيان ضافر
ضد الطغيان
ضد السوط والبنبان ضد السجن ضد السوق والإعدام
حد الطلقة والجبخان
كلمة
وهتفة
وعرضة
ورقصة
ومسرح
وحفلة
لعبة
ولكزة
ودفرة
وجرة وضحكةفي جنب الزير
وإستشهاد
يااا محجوب
نرحب بيك
في دارك
نرحب بيك
نخلي شعرك
غادي غادي
كما الحجاج
طاهر
وحالق
وحافي
ولجهالنا
نلولي بيك
نطرح
نشرح
نهتف
ووقت الضرب
نخبط بيك
ونغني ليك
يا جوهر الطبقة العاملة
النقي
في بلادنا المهمشة
إنت الحزب الشيوعي الهمام
ولريف بلادنا
إنت الغمام
نبشر بيك
نصبح بيك
نراعي تقاوي
نحيي مراعي
ندقق زوايا
ونصنع مكائن
نبلسم جروح
نعلم شروق
ونغني ليك
تفرهد
تفرهد
زي بدر التمام
خفق الحمام
وقت الضحك وقت السلام
***
لكن
وقت الحرب
إنت التمام
ففي وقت الحرب
شِعرك
يحضِر
يجهِِز
يمون
ذخيرة وخريطة
وبوصلة ومقاس
ينقل
يوصل
يشقشق
يكشف
يغتي
يحدد
يدور
يصيب المرام
شعرك صحيح
للحق قصيدة
ووسيلة
سنبلة
وفصيحة
وموية
ومزيكة طبول
وعود وقيثارة وكمان
وسلام
وإن كمل الكلام
شعرك برضه جيفارا
ووليام نون
قرنق
وكايا وقت الصدام
دانة
ورمانة
آر بي جي وكلاااش
تاح
تراح
أيها الولد الذكي
ضد التحريف
والأرزقية
والهتاف
وضد المدفعية والمنفعية والبنوك
شِعرك سلاح
شِعرك سلاح
شِعرك سلاح
حساب ومسطرينة
وقصة شعوب
وقصة حقوق
وقصة كفاح
تاح
تراح
لأجل مستقبل سماح
تسلم أمك
ويسلم أبوك
بطيبة الخاطر وراحة بال
حضروا لجنياتنا
شمس فجر البلاد
الطبقة العاملة تحيي فيهم
صدق المحنة
في معنى الكلام
وعطف الفؤاد
وفيض الوداد
وجرس الصباح
ونهر النيل
في هذا الإبن النبيل
محجوب شريف
محجوب شريف
محجوب شريف
هذاالرجل النهر
الشمس
والضل الوريف
محجوب شريف
محجوب شريف
محجوب شريف
محجوب شريف
------------- ----- --- --
http://www.ahewar.org/debat/show.art.asp?t=0&userID=1248&aid=65043
| |
|
|
|
|
|
|
Re: محجوب شريف ؟؟ (Re: Hussein Mallasi)
|
المحلل السياسى ملاسى
Quote: عشان تصدقوا بس .. انظروا كيف أتى الاعتذار الهتافي الأربعيني عن وصف نميري بحارسنا و فارسنا و ليس عن التحريض الدموي بشق العدا عرض و طول! |
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
سهام
يا اختى
لا والله متابع البوست تماما
بس
الراجل ليهو عشرمية مداخلة كده و بيقول فى نفس الكلام
قلنا نشوف أخرو شنو
بدلا من تكرار الكلام
يا ملاسى
جيب آخرك وقول
لو غالبك بسهل ليك
قول مثلا
انو محجوب ده كذا وكذا لأنه فعل كذا
اما حكاية اعتذاره الهتافى فعرفناها
وبعد اربعين سنة عرفناها
اها فى شنو تانى؟
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
Quote: ورينا رايك النهائى فى الراجل الاعتذر بعد40 سنة فى مداخلة واحدة لو سمحت عشان نقفل الموضوع |
بعد أن وصل هشام المجمر لهدفه المتمثل في:Quote: انا كتبت هذا البوست لآننى قضيت مع الرجل قرابة العشرين شهرا فى مكان واحد |
أصبح متلهفاً على إنهاء البوست!!
____ عامل نفسو ما عارف رأيي النهائي!!
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
كذه افلست تماما با حسين
و ما عندك حاجة تقولها
لنك سبق و قلت انو انا فاتح البوست ده عشان قصة العشرين شهر دعاية لى نفسى وكده
و سبق ان قلت كل ما قلت
و الحقيقة با حسن انت ما عندك حاجة تقولها اصلا للناس
لقيت ليك صورة و كلام
قلت دى فرصة نتكلم فى محجوب شريف
ثم كعادتك جلست وكرت لاجتراح العنوان الاكثر غرابة واثارة
و من ثم جلست تلسع هذا من هنا و تغيظ آخر من هنا
وو صلت الى قمة الاثارة عندما فتحت انا بوستا لاعطاء الشاعر حقه
لو كففت عن الحديث عن الناس يا حسن لما وجدت شيئا تكتبه
انظر الى ارثك واخبرنى كم بوستا ى انتاجك الغزير كنبته فى غير سيرة الناس!!!!!
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
الحقيقة يا هشام إنكم بتدو الناس قراطيس و دايرين كل زول يشيل قرطاسو و هو مقفول و يمش أهلو؛ أول ما زول يفتح ليكم قرطاسكم و يالقاهو فاضي و يكتب إنو القرطاس فاضي بيجن جنونكم.
الحقيقة يا هشام انو قراطيسكم الدايرين تسوقوها للناس دي طوال مافي حاجة اسمها سودانيز اون لاين إلا تبلوها و تشربوها.
| |
|
|
|
|
|
|
Re: إلا محجوب شريف يا حسين ملاسى.... (Re: Hussein Mallasi)
|
الذكى الخطير ملاسى (بعد أن وصل هشام المجمر لهدفه المتمثل في: Quote: انا كتبت هذا البوست لآننى قضيت مع الرجل قرابة العشرين شهرا فى مكان واحد
أصبح متلهفاً على إنهاء البوست!!) ___________________________________
(الحقيقة يا هشام إنكم بتدو الناس قراطيس و دايرين كل زول يشيل قرطاسو و هو مقفول و يمش أهلو؛ أول ما زول يفتح ليكم قرطاسكم و يالقاهو فاضي و يكتب إنو القرطاس فاضي بيجن جنونكم. الحقيقة يا هشام انو قراطيسكم الدايرين تسوقوها للناس دي طوال مافي حاجة اسمها سودانيز اون لاين إلا تبلوها و تشربوها.)
ولد ده!!!!!!!! الشكر موصول لمامون حميده شخصيا
__________________________________
يا هشام ياخ مالك عاوز تنهى لى بريكاتى
| |
|
|
|
|
|
|
Re: إلا محجوب شريف يا حسين ملاسى.... (Re: Siham Elmugammar)
|
و لمن الغاشي و الماشي يلقوا انو قراطيسكم – فعلاً – فاضية بيغلبكم الكلام يا هشام و بتبدوا في قلة الأدب زي ما عمل عصام جبر الله؛ أو تقتبسوا بعض العبارات مرفقة بتعليقات زي: الأنيق ملاسي و الشكر موصول لمأمون حميدة شخصيا زي ما بتعمل سهام.
_____ و يا سهام أحسن ما تفتحي على نفسك باب تهكم زي دا.
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
هشام المجمر بيفتخر وله الحق باعتقاله لمواقف مبدئية مع انسان مثل محجوب و من معه
انت تتفاخر و تتقدل بانك فاتية و رداح ...
و لانك لا تختشي بل تخاف و تجبن ... ستسمع ما يجعلك تقعد في علبك و تلزم حدودك
يا فاتية
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
واصل افلاسك يا ملاسى
وانت فعلا ما عندك جديد
بعدين شنو حكاية السخرية من عدم الانجاب دى
ما رديت ليك فى نفس البوست وقلت ليك انت فاهم غلط
ارجع جيب كلامى الاول
وجيب كلامك
وجيب ردى
ما ذنبى لو كنت لا تفهم ما اكتب
بعدين يا ملاسى نحن متربيين من بيتنا
حقو تحفظ لسانك
وممكن تمشى تسال هناك فى المزاد فى بحرى لو كنا متربيين او لا
اوعك يا ملاسى تتعدى الحدود وانا هنا البحذرك
لو اصريت على المضى فى هذا الدرب و قطع شعرة معاوية
سوف ترى ما لاتحب
لا تعتقد أن حدة لسانك و قدرتك على الافتراء على الناس سوف تقف حاجز بينى و بينك
اذا كنت قد تمسكت بحدود الادب و عدم الرد عليك بمثل ما تكتب فهذا يرجع لى
انا اصريت على كتابة هذا البوست دفاعا عن سيرة انسان يستحق التقدير و هذه محمدة اما انت فكتبت و نكنب دائما عن الناس و اغلبها بوستاتك سخرتها للنيل من الناس
ارجع لمكتبتك سوف تدهش لعدد البوستات التى كتبتها عن الناس بالاسم
لا يهمك كبير او صغير
واغلبها بوستات للنيل من هؤلاء الناس
و هذه بالتاكيد و فى اى دين او عرف هى منقصة وليست محمدة
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
استدعت نيابة الجرائم الموجهة ضد الدولة، شاعر الشعب، الاستاذ محجوب شريف، للمثول امامها، يوم الخميس 9/12/2004، بدعوى استجوابه و التحقيق معه حول شكوى تقدم بها جهاز الامن الوطني، على اثر عرض الكاتب الصحفي يحيى فضل الله لقصيدة [الغويشاية] الشهيرة، ضمن دراسة نقدية نشرتها صحيفة (الاضواء) مؤخراً.
يا للعار... جهاز الامن يحتج بعد عقد من الزمان،علي النص الشعري الذي يصف فيه شاعر الشعب اعضاء جهاز الامن بانهم حفنة لصوص لكونهم سرقوا غويشة ذهبية من منزله عام 1995 . والقصيدة مشهورة وقصتها معروفة، إلا ان الجديد، ان جهاز الامن الذي سكت كل هذه السنوات على "عملته السودة"، جاء ليحتج في ديسمبر2004، عشية بداية اعلان الخرطوم عاصمة للثقافة العربية .
ذهب محجوب شريف الى نيابة الجرائم الموجهه ضد الدولة. وجدد اتهامه ضد اللصوص، وتحول من متهم الى قاضي يحاكم اللصوص وسادنهم محمد فريد وكيل النيابة المعروف بارتباطه بجهاز الامن واستمر التحقيق لعدة ساعات انتصر فيها شاعر الشعب محجوب للحق ولقصيدته. ولم يهن هو المناضل الجسور الذي لا يخشى في الحق لومة لائم.
وللاجيال الجديدة نعيد قصة [الغويشاية] وهي باختصار ان عناصر من جهاز الامن، داهمو منزل الاستاذ محجوب ذات يوم في عام 1995 (قبل ثلاثة ايام من عيد الاضحى المبارك) وطلبوا منه الذهاب معهم فوراً فرفض الذهاب الفوري، وطلب اليهم الانتظار قليلاً حتى تعود زوجته من العمل وقد حان وقت عودتها، لتتولى رعاية طفلته التي تصادف ان كانت مريضة في ذلك اليوم، ولا يصح ان يترك الطفلة مريضة ويذهب معهم. فقام عناصر جهاز الامن بتفتيش المنزل واكتفوا بكتابة طلب حضور له في اليوم التالي، فوقعه مؤكداً استعداده للحضور في التاريخ المحدد . وفي اثناء التفتيش "وقعت" عين احد عناصر جهاز الامن على "مطبقة" صغيرة، فامتدت يده لها، ليجد بداخلها [غويشة] ذهبية ومبلغ صغير من المال. فسرقها عنصر الامن، وانسحبت التجريدة من المنزل مكتفية بطلب الحضور في اليوم التالي.
بعد انسحابهم لاحظ الاستاذ محجوب ان يد احد عناصر الامن قد عبثت "بالمطبقة" واعتقلت [الغويشاية] بدلاً عن الشاعر. وجاء الجيران وشهدوا على سرقة [الغويشاية] وثبتوا الواقعة في محضر الشعب. وهنا قرر الشاعر اتخاذ موقف آخر، بأن مزق على الفور امر التكليف بالحضور، ورفض الذهاب لجهاز الامن في اليوم التالي . فكان ميلاد قصيدته الشهيرة [الغويشاية] . وظل يقرأها على الملأ، على مدى السنوات الماضية في كل المنابر. ويحكي قصتها، مجدداً اتهامه لجهاز الامن ، ومتحدياً له . ووصلت قصة [ الغويشاية] الى كل مسمع بما في ذلك آذان بعض المتنفذين في السلطة. فلم يحركوا ساكناً. وآثروا الصمت على الفضيحة طيلة العقد الماضي. وهاهو جهاز الامن يجئ ليفتح الملف مرة اخرى ويا للعار مدعياً ان القصيدة تسيئ الى سمعته. وان الشاعر متهم في احدى الجرائم الموجهة ضد الدولة !!!
وها نحن في الميدان نعيد نشر القصيدة، ونجدد الاتهام لجهاز امن الانقاذ وعناصره بأنهم مازالوا مجرد حفنة لصوص، وحتماً فإن يوم محاسبتهم على كل جرائمهم ومن بينها سرقة [الغويشاية] لآت وقريب.
وهاهي الميدان تنشر النص الشعري:-
هذه سيرة ذاتية لها
تلك الغويشايه
هجين الدبله والخاتم
سلالة كم وكم حاجه
متل الستره وهاجه
بختم الدوله لا حوله
باوراقا الثبوتيه
صبحت في خبر كان
اللي كانت ليها محتاجه
المسيكينه
ما تسألني كم تمن الغويشايه
بل جاوبني كم تمن الطمأنينة؟
***
دخري الحوبه للقمريه
حبة عيش وقشايه
غويشايه
تدسدس فيها وتخبي
يعلم الله بتربي
علي كل المهن طافت
من عين الفقر خافت
بس عين الصقر شافت
صقر لابس لبس حربي
وختم الدوله لا حوله
باوراقا الثبوتيه
في هنداما متخبي
صبحت في خبر كان
اللي كانت بيها فرحانه
المسيكينه
***
غويشة مي ومريومه
تماما زي حمامايه
لم تعرف لها زوجا
ولم تعرف لها تومه
وحيده وجوه عشايه
***
بتاتا لم تساسق
في الطريق العام
ولا في الحله قوقايه
وتب ما للتباهي
ولا لزوم القدله والزينه
هي المختوته لي يوما
المدسوسه للحفله
المحروسه من غفله الموروثه في الخاطر
المخصوصه للممكن
يكون باكر
مسام البيت
وتسكن في ضرا النومه
وكم تتعثر القومه
كتيرا ما
كتيرا ما
كتيرا ما
ككل الناس
تتم الناقصه بالمويه
وتبقي الستره عشايه
***
غويشة السترة والحوبه
ومن تعب التي ظلت
ترتق للصبر توبا
تفتق وردة السترة
التبتق في بنياتا
وتعتق ذكري حبوبه
غويشايه
وفر من سكرا وشايا
وفر من كسرتا وزيتا
وكم من باقي ماهيه
يشيلا السوق كما هي
بلا سكة رفاهيه
ولا حتة قماشايه
تساسق مكتبا وبيتا
كما كل الافنديه
حبيبة فول وعيشايا
تساهر ابرتا وخيطا
مكنتا مِن زمن ياما
تحت الداما دواره
وكل زراره نواره
تفرهد في قماشايا
تخليهو القديم لنجي
يبقي المافي من مافي
ويبقي البلدي افرنجي
تقول للذله حاشايا
***
فاما العبد لللاهي
فزوجاً ليس باللاهي
قلبي الجمره واطيها
وماني محلقا ساهي
ولا متملقا احدا
ولا متعلقا ابدا
باموال و لاجاه
طول العمر ماهيه
بقت حزمة معاشايه
اخيرا اصبحت ورقة
وما بتسد فرد فرقه
المنديل تمن طرقه
والصقر ان وقع
كترالبتابت عيب
ضرا و درقه
لذلك يا رضى نفسي
حزمت الامر من اول
ما بالخوف بنتحول
ولا بنجوع بنتسول
اكيد عمر الكلام اطول
قصير العمر لو طول
احب الكلمة لو حره
احب الستره لو مره
اعاف الشينه لو دره
احب العفه بت امي
حليب الستره في فمي
دبيب النمله في دمي
وكت تلقالا عيشايا
تجر جريا واباريها
وما بتضل طريق الصف
للمخزن
ولم تأذن لنفسها
تنفرد بيها
ولن تأذن
ولم تحزن على ذلك
ولم تحزن
***
وبعض البعض قد ذهبوا
الي من عنده ذهب
وبعض البعض قد مالوا
الي من عنده مال
ولكن من ستر حالو
يمين الله قد نهبوا
ألا ما اشرف النمله
ألاما اشرف النمله
وتبا للضمير
لمن يصير خمله
فيا لصا حكوميا
بختم الدوله لاحوله
باوراقا الثبوتيه
بكل ملابس الحمله
عمل عمله
عمل عمله
عمل عمله
عفيتك لو بقت سكر
وشاهي وزيت
عفيتك لو كسيت امك
صرفت روشتة الوالد
وراحت في إيجار البيت
واقول ياريت
اذا فرحتهم بالحق
اقول يا ريت
عفيتك.. لو....
ولكنك
دا ما منك
دا ما منك
دا من حال البلد ذاتا
حراباتا وحزازاتا
ناس السلطة ناساتا
ناساً فوق و ناس
تحت الارض اقرب لامواتا
ضاقت ولما استحكمت حلقاتها
ضاقت ولما استحكمت حلقاتها
ياللاسف...
كم من ولد فاتا
سهولا، جبالا، غاباتا
ونيلاً جاري
في حزة مفازاتا
هديك لجة موانيها
وفوق رحمة سماواتا
ضاقت ولما استحكمت حلقاتها
كم من ولد فاتا؟؟
منقول من الميدان
فيصل محمد خليل
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
هذه سيرة ذاتية لها
تلك الغويشايه
هجين الدبله والخاتم
سلالة كم وكم حاجه
متل الستره وهاجه
بختم الدوله لا حوله
باوراقا الثبوتيه
صبحت في خبر كان
اللي كانت ليها محتاجه
المسيكينه
ما تسألني كم تمن الغويشايه
بل جاوبني كم تمن الطمأنينة؟
***
دخري الحوبه للقمريه
حبة عيش وقشايه
غويشايه
تدسدس فيها وتخبي
يعلم الله بتربي
علي كل المهن طافت
من عين الفقر خافت
بس عين الصقر شافت
صقر لابس لبس حربي
وختم الدوله لا حوله
باوراقا الثبوتيه
في هنداما متخبي
صبحت في خبر كان
اللي كانت بيها فرحانه
المسيكينه
***
غويشة مي ومريومه
تماما زي حمامايه
لم تعرف لها زوجا
ولم تعرف لها تومه
وحيده وجوه عشايه
***
بتاتا لم تساسق
في الطريق العام
ولا في الحله قوقايه
وتب ما للتباهي
ولا لزوم القدله والزينه
هي المختوته لي يوما
المدسوسه للحفله
المحروسه من غفله الموروثه في الخاطر
المخصوصه للممكن
يكون باكر
مسام البيت
وتسكن في ضرا النومه
وكم تتعثر القومه
كتيرا ما
كتيرا ما
كتيرا ما
ككل الناس
تتم الناقصه بالمويه
وتبقي الستره عشايه
***
غويشة السترة والحوبه
ومن تعب التي ظلت
ترتق للصبر توبا
تفتق وردة السترة
التبتق في بنياتا
وتعتق ذكري حبوبه
غويشايه
وفر من سكرا وشايا
وفر من كسرتا وزيتا
وكم من باقي ماهيه
يشيلا السوق كما هي
بلا سكة رفاهيه
ولا حتة قماشايه
تساسق مكتبا وبيتا
كما كل الافنديه
حبيبة فول وعيشايا
تساهر ابرتا وخيطا
مكنتا مِن زمن ياما
تحت الداما دواره
وكل زراره نواره
تفرهد في قماشايا
تخليهو القديم لنجي
يبقي المافي من مافي
ويبقي البلدي افرنجي
تقول للذله حاشايا
***
فاما العبد لللاهي
فزوجاً ليس باللاهي
قلبي الجمره واطيها
وماني محلقا ساهي
ولا متملقا احدا
ولا متعلقا ابدا
باموال و لاجاه
طول العمر ماهيه
بقت حزمة معاشايه
اخيرا اصبحت ورقة
وما بتسد فرد فرقه
المنديل تمن طرقه
والصقر ان وقع
كترالبتابت عيب
ضرا و درقه
لذلك يا رضى نفسي
حزمت الامر من اول
ما بالخوف بنتحول
ولا بنجوع بنتسول
اكيد عمر الكلام اطول
قصير العمر لو طول
احب الكلمة لو حره
احب الستره لو مره
اعاف الشينه لو دره
احب العفه بت امي
حليب الستره في فمي
دبيب النمله في دمي
وكت تلقالا عيشايا
تجر جريا واباريها
وما بتضل طريق الصف
للمخزن
ولم تأذن لنفسها
تنفرد بيها
ولن تأذن
ولم تحزن على ذلك
ولم تحزن
***
وبعض البعض قد ذهبوا
الي من عنده ذهب
وبعض البعض قد مالوا
الي من عنده مال
ولكن من ستر حالو
يمين الله قد نهبوا
ألا ما اشرف النمله
ألاما اشرف النمله
وتبا للضمير
لمن يصير خمله
فيا لصا حكوميا
بختم الدوله لاحوله
باوراقا الثبوتيه
بكل ملابس الحمله
عمل عمله
عمل عمله
عمل عمله
عفيتك لو بقت سكر
وشاهي وزيت
عفيتك لو كسيت امك
صرفت روشتة الوالد
وراحت في إيجار البيت
واقول ياريت
اذا فرحتهم بالحق
اقول يا ريت
عفيتك.. لو....
ولكنك
دا ما منك
دا ما منك
دا من حال البلد ذاتا
حراباتا وحزازاتا
ناس السلطة ناساتا
ناساً فوق و ناس
تحت الارض اقرب لامواتا
ضاقت ولما استحكمت حلقاتها
ضاقت ولما استحكمت حلقاتها
ياللاسف...
كم من ولد فاتا
سهولا، جبالا، غاباتا
ونيلاً جاري
في حزة مفازاتا
هديك لجة موانيها
وفوق رحمة سماواتا
ضاقت ولما استحكمت حلقاتها
كم من ولد فاتا؟؟
منقول من الميدان
فيصل محمد خليل
شكرا فيصل ومحجوب سامي القامه وهو رمز للقراب وبعاد وفخرا للامة السودانية ولحزب الطبقه العامله
بان فيه محجوب وكفي
وتحياتي لصاحب البوست هشام والله يصبرك علي اللت والعجن
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
غويشة السترة والحوبه
ومن تعب التي ظلت
ترتق للصبر توبا
تفتق وردة السترة
التبتق في بنياتا
وتعتق ذكري حبوبه
غويشايه
وفر من سكرا وشايا
وفر من كسرتا وزيتا
وكم من باقي ماهيه
يشيلا السوق كما هي
بلا سكة رفاهيه
ولا حتة قماشايه
تساسق مكتبا وبيتا
كما كل الافنديه
حبيبة فول وعيشايا
تساهر ابرتا وخيطا
مكنتا مِن زمن ياما
تحت الداما دواره
وكل زراره نواره
تفرهد في قماشايا
تخليهو القديم لنجي
يبقي المافي من مافي
ويبقي البلدي افرنجي
تقول للذله حاشايا
***
فاما العبد لللاهي
فزوجاً ليس باللاهي
قلبي الجمره واطيها
وماني محلقا ساهي
ولا متملقا احدا
ولا متعلقا ابدا
باموال و لاجاه
طول العمر ماهيه
بقت حزمة معاشايه
اخيرا اصبحت ورقة
وما بتسد فرد فرقه
المنديل تمن طرقه
والصقر ان وقع
كترالبتابت عيب
ضرا و درقه
لذلك يا رضى نفسي
حزمت الامر من اول
ما بالخوف بنتحول
ولا بنجوع بنتسول
اكيد عمر الكلام اطول
قصير العمر لو طول
احب الكلمة لو حره
احب الستره لو مره
اعاف الشينه لو دره
احب العفه بت امي
حليب الستره في فمي
دبيب النمله في دمي
وكت تلقالا عيشايا
| |
|
|
|
|
|
|
Re: إلا محجوب شريف يا حسين ملاسى.... (Re: Hussein Mallasi)
|
كتب هشام مجمر ( بعدين يا ملاسى نحن متربيين من بيتنا وممكن تمشى تسال هناك فى المزاد فى بحرى لو كنا متربيين او لا)
يا هشام ياخ انت جليت والا شنو... انا رائيى تسوق السيرة العطرة لمحجوب شريف و تاخد فى يدك صبرى الشريف و تفتحو بوست تانى وتخلو لى عصام جبرالله ده والله مشتاقه ليهو جدا .. وبعدين الزول شايت صاح
كتب الذكى ملاسى (دا شنو كلام الأطفال دا) والله معليش يا ملاسى اعذر هشام ده ياخ هو مفتكر انو فى علاقة بين التربية الصالحه والسيرة المحموده للاسر وخصوصا من ناس الحله بفهم انو الجار اكتر زول بعرف جارو و اخلاقو و كده معليش ياخ الزول ده ربط كلام التربية ده عشان يقول انو متربى و على خلق ما ممكن يعاير زول بعدم الولاده و كده (هشام قبل ما تجر الباب بلاهى رسل لى لينك البوست المقصود وكده) اهاااا يا ملاسى شوف هشام ده مجلى كيف يعنى الجاب شنو هشام كزول فيزيائى حايم بين الناس ومعروف باخلاقة الكريمة وبين هشام الاسفيرى والله قصة يا زول ما تزعل من هشام ده و انسى
__________________________________ ود جبرالله الف سلام والشوق حكايات صبرى الشريف بالله انت و هشام خارجونا و شيلو قصائدكم لانو نحن ما عندنا فيها فهم هنا وافتحو ليكم بوست تانى اشعرو زى ما دايرين هنا نحن عندنا بريكات و فك زهج و كده يعنى نشوفكم بهناك كان فضينا من الفارغة
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
فاما العبد لللاهي
فزوجاً ليس باللاهي
قلبي الجمره واطيها
وماني محلقا ساهي
ولا متملقا احدا
ولا متعلقا ابدا
باموال و لاجاه
طول العمر ماهيه
بقت حزمة معاشايه
اخيرا اصبحت ورقة
وما بتسد فرد فرقه
المنديل تمن طرقه
والصقر ان وقع
كترالبتابت عيب
ضرا و درقه
لذلك يا رضى نفسي
حزمت الامر من اول
ما بالخوف بنتحول
ولا بنجوع بنتسول
اكيد عمر الكلام اطول
قصير العمر لو طول
احب الكلمة لو حره
احب الستره لو مره
اعاف الشينه لو دره
احب العفه بت امي
حليب الستره في فمي
دبيب النمله في دمي
وكت تلقالا عيشايا
تجر جريا واباريها
وما بتضل طريق الصف
للمخزن
ولم تأذن لنفسها
تنفرد بيها
ولن تأذن
ولم تحزن على ذلك
ولم تحزن
***
وبعض البعض قد ذهبوا
الي من عنده ذهب
وبعض البعض قد مالوا
الي من عنده مال
هذا هو محجوب يصف نفسه
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
شكرا صبرى الشريف
لو كان ملاسى قصده شئ غير النيل من الشاعر و الاستمرار ى المكاواة
لكان عرف من هذا البوست
و بوسته الذى فتحه
مقدار محبة هذا الرجل عند الناس
شيوعيين
او غير شيوعيين
تاريخ الرجل معروف وهو كل الكتاب المفتوح
نضاله شعره عثراته و نجاحاته
مرضه وهبة كل الشعب المحب لعلاجه
ورد الرجل للجميل باغاثة المحرومين
و عمل الخير رغم انه لا يملك شيئا
الرجل مناراة شامخة من منارات السودان
و لعل حسين قد فتش كثيرا من قبل ولكنه لم يجد شيئا سوى العظمة والابداع
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
Quote: أعلم اكرمك الله أن شَرّ الناس من اشتغل بمراقبة الناس، وبعد، فهذا طرف من خبر حسين بن ملاص احد اشهر بصاصي عصرنا.
أول خبره أنه عاش بناحية الإسكندرية ردحاً من الزمن، بدعوى تلقي العلم، ولكن عمله الأساسي كان (التبصيص) ضد اخوته ينقل أخبارهم للإمام الأكبر أبو جعفر النَمِر، وحينما هبّ الشعب وأقتلع الإمام من عرشه، أصيب حسين البصاص بخُلعَة، وكان أن مرَّ به أحد معارفه فقال ( مالك مخلوع كدة) فلم يفتح الله عليه إلاّ بكلمة (أنا مخلوع ولا الإمام هو المخلوع)، وهذا هو أصل كلمة الإمام المخلوع التى ذخرت بها أدبيات تلك الإيام، وقد حقّ علينا أن نُثْبِت نسب المقولة لصاحبها الأصلي. ولما ذهبت عنه الخُلعة بعد ذلك بمدة طويلة، ورأي (إمامه) يعيش على بعد ساعات منه في قاهرة المعز، قال قولته الشهيرة (بلداً فيها مخلوعين ما بتنفع)، فهاجر إلي بلاد الحجاز مستعيناً بخبرته البصاصية، فكان أن عَمِل مع أحد الشيوخ، وما هي إلاّ مدة بسيطة حتى عرض خبراته على كفيله والذي كلفه بأن يكون عيناً على أخوانه السودانيين على أن يكتب له تقريراً مرتين في الشهر، فأجتهد حسين البصاص في كتابة تلك التقارير، وكان يكتبها بخط كوفي جميل ، ويفتتح تقاريره بعبارة واحدة طويلة، يكتبها بخط الثُلُث وهي: مولاي وسيدى وكفيلي أطال الله عمرك وزادك من نعيم الدنيا ومتعك بالصحة والعافية والجاه وفتح لك خزائن رزقه تغترف منها ما شئت وأبقاك الله لنا ذخراً.
ثمّ يبدأ في كتابة التقرير، وكان الكفيل بدوره يعطيه من غير حساب، وخصصّ له مكتباً بجوار مكتبه. ولكن الطآمة الكبري جاءت حينما طلب منه الكفيل أن يكتب له تقارير أسبوعية بدلاً من نصف شهرية، فحاول أن يستعين بالحاسوب خصوصاً حينما عرف ما لهذه الآلة من مقدرات كبيرة، وما تستطيعه من الكتابة بكل (الخطوط العربية). في ذلك اليوم المشؤوم جلس حسين البصاص أمام (حاسوبه) وأفتتح كعادته الكتابة بعبارته المفضلة، ولكنه كتب (أبغاك الله) بدلاً من (أبقاك الله)، وقد إعتمد على خاصية من خواص الحاسوب تسمي (المدقق الإملائي)، وفات على بصاصنا أن (مدقق الحاسوب الإملائي) يعتبر (أبغاك) أيضاً صحيحة. وحينما قرأ الكفيل تلك العبارة، إستشاط غضباً، وقال له (نحن أيضاً لا نبغاك في هذه الديار). فعاد بصاصنا (ببرطوشي حنين)، ولَزِم منزله، حتى إلتقطه احد ضباط (جهاز البصاصين)، والذي أصبح اسمه بعد ذلك (جهاز البصاصين العالي) وسبب إضافة كلمة (العالي) أن كل الأجهزة التى كان يشرف عليها كانت (أوطى) منه فأستحق لقب (العالي) بجدارة. ونعود لبصاصنا ومقابلته لذلك الضابط، في البدء رفض حسين بن ملاص العمل كبصاص مرة أخري، ولكن هذا الضابط أغراه بكل المغريات حتى رضخ حسين للأمر ولكنه اشترط علي الضابط الآتى: ان يتركه حتى يتعلم اللغة العربية ويعرف خباياها كلها. أن يكون مجال عمله متعلقاً بالتبصيص على رواد الأسافير السودانية ألاّ يكتب اكثر من عشرة كلمات (إلا للضرورة القصوى) وافق الضابط علي ذلك، فبدأ حسين مهمته، وأصبح (ينقل) أخبار الأسافير السودانية ويزرع الفتنة بين أعضائها ونجح في ذلك مما جعله يتلقي الهبات تلو الهبات. حتى جاء ذلك اليوم الذي تلقي فيه تكليفاً بإفشال (إنتفاضة شعبية)، فعمل كل ما في وسعه ورفع تقريره أن عدد الذين سيشتركون في تلك الانتفاضة لن يتجاوز (العشرين) شخصاً. وفوجئ البصاص بالمشاركة الكبيرة للجماهير وتراءت له صورة (الإمام المخلوع) و(الكفيل الموجوع)، فصرخ (لا يلدغ بصاصٍ من جحرٍ ثلاثة مرات)، فأمتشق كيبورده وقال (والله لأزرعنّ فتنة بينهم جزاء ما فعلوه بي)، وأعماه الغضب حتي أنه اضطر أن يكتب في احدي المرات أكثر من (عشرين كلمة) ناقضاً عهده الذي قطعه علي نفسه. وهذه خاتمة سيرة حسين (البصاص)، أوردناها لعله يقرأها فيعود إلى جادة الصواب، وان لم يفعل فلينتظر (القصاص). |
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
(كل زول بنخاطبو قدر عقلو) يا هشام يعنى كرمك الحاتمى ده حدو وين!!!
ملاسى والله عفيتك من جبر خاطرى ياخ و ما تحرمنا من ابداعك الاسفيرى
اها وتانى لماااااا هناااااااك فى بوست عووضه كيسو فاضى انا قلت ليك عندى اخوى اسمو عزام اججججررررى امرق ليهو حاجه فى اشارة لفتحك بوست و تمارس نقدك الادبى الرفيع لبوست كتبته هيام وانا نقشتا ليك الموضوع طوالى (ما اصلو من جاور الذكى ببقى ذكى و شووووووف فى زمتك انا الايام دى مجاوراك كيف)اهااااااا قلناشنو؟؟؟! قلنانقشت ليك طوالى انو ذكائك الفريد صور ليك انك ممكن تغيظنى و تكاوينى بنقد هيام كرد على مشاركتى لكيكى فى طابوره المليون... اها انت فى بوست عوووضه قلت لى "مسكينة" ورديت عليك لو كان عندى مهارات الصاوى كان جبت فوارق التوقيت اها جيت براااااااك بكرعينك وهنا ده وعوووووع طرشت الفى بطنك و الشافتو عينى قبل الطراش تانى قول لى مسكينة ياخ ده انت الذ بريك من رهق السودان عشان كده مشاركاتى فى المنبر ده حصرتها عليك و بس ____________________________ سؤال برىء و ايم الحق تبلدينا تلفونو قافل والا شنو؟؟؟
| |
|
|
|
|
|
|
Re: إلا محجوب شريف يا حسين ملاسى.... (Re: Siham Elmugammar)
|
هلا يا سهام وشنو خلاص نجيب عدة الشغل ونجي ولاشنو..؟؟؟؟ طولنا ذاااتو من الطوابير دي
ملاسي كامبيا تحاور وهلفوت اسافير دائما مشكلتو انو خطابو قاعد في السهلة وملكلك والكلام البقولوا في بوست (أ) ممكن يجي يقول عكسو في بوست (ب) وفي الحالتين طبعا كتبريري بكون عندو قناعات تنسخ الكلام الاول.....
فعشان كده يا سهام ممكن يقول عليك هناك مسكينة وهنا يقعد يتراجف من حضورك وهكذا.......... فهو ما وصفناها رجلا ان راي سيرة اي عرس او زفاف بقوم بباريها
| |
|
|
|
|
|
|
Re: إلا محجوب شريف يا حسين ملاسى.... (Re: esam gabralla)
|
شوف ياعصام ملاسي ده بمارس نوع جديد من الاشياء اسميها دوما السواطة الاسفيرية وماعندو منذ ان رايته في هذا المكان غير فلان سوي وعلانة قالت لعلان ونموذج للشخص الذي كل همه نبش في اشياء الاخريين وبعناية حتي يثير ضجة في الامر........ وانجع السبل هي التعامل معاه بجدية وحدة وتساككو لو دخل في حفرة ضب وقت ما تلقاهو مطرف فهو حلال ...
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
يا كيكى
Quote: غلطان يا عصام وسافي التراب ولكن الغلطات بتصلح بالتاكيد والكراع الجابت قبيل يا عصام بجيب تاني |
كلنا غلطانين
و الزول ده عملنا ليهو الدايرو
هو داير مستنقع يخوض فيهو و يجر الناس معاهو
الملاسى من سكان المستنقع
فهلا تركتنموهو هناك؟
ابغ ماكتب يهو خطه اديبنا محسن خالد وانا لن ازيد عليه وهو ذكره تماما
انا لن ازيد على ما كتب محسن
و انتم اتركوهو
حتى لا يزيد فى صيده
عمال يشتغلون
تركناك بعافية
لن تشغلنا بعد اليوم
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
Quote: الملاسى من سكان المستنقع
فهلا تركتنموهو هناك؟ |
هلا يا باشمهندس وحبابك ويا هشام هو بالتاكيد من اكبر سكان المستنقع الاثن ولكن ومع تقديري العالي ليك يا هشام الا انني اري بانه يجب الدخول معه الي باطن هذا المستنقع والامر لا يكلف كثير... اخش معاه المستنقع عشان يفهم ان الردحي وقلة الادب والسخف البعمل فيهو ده ما حاجة صعبة وتكرفسوا جوووه المستنقع ده ذاااتو عشان يفتح عيونو دي قدر الريال ويحترم الاخريين ويعمل حسابو كويس
| |
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
كوز سابق من كيزان مصر سالتو عن الردحى قال لى الزول ده اصلا كده، بقدم خدماتو دى من غير زول يطلبا منو و كنا بنخجل يتحسب علينا ....
سمعنا بالماسوشية و السادية و غيرها من الاختلالات النفسية، لكن ال"....." القهرية المجانية دى اول مرة نسمع بيها
| |
|
|
|
|
|
|