اصدر الإتحاد العام بيانا أمس قرر فيه تأجيل لقاء القمة بين الهلال و المريخ الذى كان من المفترض أن يقام يوم الجمعة 11/5/2007 ليلعب قبل بداية الدورة الثانية وذلك نسبة للظروف الصحية التى تمر بها البلاد و مراعاة للمصلحة العامة.
الخرطوم .وكالات
05-10-2007, 06:43 AM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
1- أولا: الوضع الصحى: حرارة الجو هذه الأيام تسجل أعلى درجاتها و ليس من الحكمة فى شئ أن يحشر 30 ألف مواطن معا فى هذه الظروف التى ينتشر فيها مرض السحائى. شهر مايو أصلا ليس من الشهور المناسبة للعب كرة القدم فى السودان ولا أدرى لماذا يركز الإتحاد العام نشاطاته فى مثل هذا الشهر.
2- ظروف إنتصارات القمة المتلاحقة فى البطولات الأفريقية و التأثير السلبى الذى يمكن أن تحدثه هزيمة أى من الطرفين فى هذه المباراة و بالناديين ما يكفى من المشاكل. فريق المريخ سوف يلاقى بطل تنزانيا بعد حوالى اسبوع من المباراة ولو طلعت نتيجة مباراة القمة فى غير مصلحته ربما لن يستطيع تخطى الفريق التنزانى. ونذكر كيف ان هزيمة الدورى فى العام الماضى أطاحت بالمدرب و كادت أن تطيح بالفريق بكامله وذلك نسبة للتاثير المبالغ فيه لهذه الهزائم على الفريقين.
3- الشد والشحن العصبى الزائدين عند مشجعى الفريقين وجد بعض المتنفس فى الآونة الأخيرة و ظهرت بعض الأيجابيات فى معاضدة جمهور الفريقيين لبعضهما البعض فى المباريات الأفريقية. مباراة القمة سوف تقضى على هذا وتعيد الشد العصبى ورد الفعل المبالغ فيه للمربع الأول.
أخيرا أتمنى أن يتعامل جمهور الكرة و إدارة الناديين مع هذه المباراة بشكل عادى فهى مباراة فى كرة القدم ونقاطها 3 نقاط ككل مباريات الدورى و أنسوا الحديث الفارغ بتاع مباراة ثأرية ودربى أم درمان و انها دورى فى حد ذاته كل هذه أحاديث يسوق بها كاتبوها بضاعتهم وهم لا يدرون انهم يصبون الزيت فى النار وييرفعون من درجة حرارة الدرجات التى هى ملتهبة أ:ثر من حرارة الجو.
05-10-2007, 06:51 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
الهلال معروف فى الدورى الممتاز بيعمل شنو للمريخ وفريقنا قوى وجاهز.
المشكلة كلها فى المريخ ولو كنت ناسى ما حدث بعد ال3 صفر أذكرك. المريخ فقد الدورى كلو بعد تلك المباراة رغم انو كان متقدم ب 7 نقاط على الهلال.
من ناحية حساب النقاط حتى لو إنتصر المريخ غدا على الهلال سوف يتساوون فى النقاط و الهلال قد بلغ دورى المجموعات ولن يتأثر بمباراة الغد. لكن تخيل ما قد يحدث لو هزم المريخ؟
أنا أنادى بجعل مباريات القمة مباريات عادية لا يكون لها ما بعدها من تأثيرات سالبة.
بالمناسبة المريخ هو الذى طلب تأجيل المباراة وليس الهلال.
05-10-2007, 08:20 AM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
الحبيب هشام المجمر تحياتي وسلامي ومرحباً بك في الدوحة ونزلت أهلاً وحللت سهلاً يازول الجرسة دي شنو سيب الجرسة وارجى الراجيك وبل راس مع الجماعة البلوا راسهم ومنتظرين قال سحائي وزحام قال ياخوي السودان سخانته اصلها ما محددا بشهر معين السنة كلها السخانة فوق يعني بس حبكت معاكم في سخانتة اليومين ديل ولا دي الجرسة ساااااااكت
05-10-2007, 08:27 AM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
أها كان للجرسة انتو الغلب محمدكم وفى الدورى الممتاز ده ما بتقدرو على الهلال شايف عملتو ليكم رويشات بعد قبلة الحياة التى أعطاكم ليها الهلال ( طمبل- علاء الدين-مجاهد)
ديل برضو بكرة ما بينفعوكم ولو كرة القدم عادلة انتو بتمرقو بفضيحة الفرق بين مستوى الفريقين كبير ودى حقيقة ما بينكرها إلا مكابر
أرجو الجاييكم
05-10-2007, 08:34 AM
Rakoba Rakoba
تاريخ التسجيل: 02-05-2002
مجموع المشاركات: 5814
المجمر ياخوي سلام تاني انت بالجد حتكون قدمك سعد خير على المريخ ومن هنا انا بدعوك للنوم مبكراً بعد انتهاء الشوط الأول فقط لانو هلالاب الدوحة لمن يتقلبوا بضهبوا من بيوتهم ومكان عملهم ودي اسأل منها ودرملية اللقوه رايح وبفتش لمحل سكنه ودي أسأل منها فردته راكوبة
نصيحة لوجه الله نوم بدري واتعشي من المغرب
العزيز المجمر ليس انا ود الامتداد ولكن لي عظيم الشرف بها وانا ود شرق الله البارد ناس بطانة أبوعلي
05-10-2007, 08:41 AM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
اعتاد رئيس نادى المريخ فى الآوانه الأخيره الذهاب لمصر بصورة ملاحظة قبل كل لقاء للهلال والمريخ، حدث هذا قبل مباراة كاس السودان، وجاء رئيس نادى المريخ قبل 3 ايام فى زيارة سريه للقاهرة، وعاد اول امس وسبقه عضو المجلس الكيماوى بثلاثة أيام ورجع يوم أمس !! صاحب " العقل" يميز !!! ويعرف مع من ذهبت " حلاوة المولد" .. عشان ناس المؤتمر الوطنى ما يتشربكوا فينا!! وبالكيماوى الحقيقى أو السحائى .. فالرد كسر .. وهسه فى زول اتكلم عن المنشطات؟؟
حكاية ضامن قروشى دى قالو فى شايقى إستلف ليهو عشرة جنيه(زمان) من واحد فى الحلة وقال ليهو برجعه ليك بعد إسبوع. أها الاسبوع مر و الشهر فات و دخلن فى شهور والشايقى بقى شارع بيت الراجل ما بجى بيهو ويلاقيهو فى أى حته يزوغ منو. مرة الشايقى كان واقف فى خشم بيتو و مالى جيبو بلح و بياكل فيهو الراجل المدينو نزل عليهو زى القضاء المستعجل وما أداهو أى فرصة يزوغ وطوالى قاليهو يا فلان قروشى وين؟
الشايقى قال ليهو شفت البلح الباكل فيهو ده. بعد ما آكلو ح الم الحصايات بتاعتو واقوم ازرعهم وبعد ما أزرعهم أقوم أنقلهم و بعد ما يكبرو أجيب الناس يقفذوهم و بعدين أجيبهم يحصدوهم و امشى السوق ابيع التمر و أديك فلوس. الراجل بعد ماسمع كلام الشايقى لم يتمالك نفسو من الضحك. الشايقى قال ليهو : ليك حق تضحك ما ضمنت قروشك.
أتذكر سنة 96 ولا 97 ما عارف كانت هلال مريخ فى الدورى الممتاز شغالة
كان النتيجة قبل نهاية الشوط الأول هدفين للهلال أحرز أحدهما زاهر مركز. يقوم دفاع المريخ يعرقل زاهر مركز من الخلف وهو منفرد بالقون و يحتسب الحكم ضؤبة جزاء صحيحة 100%. يقوم زيكو لا عب المريخ وقتها يشيل الكورة و يقول والله الضربة دى ما تتشات.
أها زيكو رفض يفك الكورة كلو كلو لغاية ما الحكم أعلن نهاية المبارة دون أن تكتمل.
خالى المريخابى جدا قام مبسوط وقال لى والله زيكو ده مفروض يعملو ليهو تمثال قدام نادى المريخ. الشى دى الليل كان ممكن تنتهى 8 صفر.
05-10-2007, 10:38 AM
hajhamad hajhamad
تاريخ التسجيل: 02-05-2002
مجموع المشاركات: 1478
باين من الجرسة ما قادرين تصبروا ، لو عاوزيت العجب ما يلعب ح نديهو راحة عشان الأعصاب تهدأ و تقدروا تلعبوا موش زي المباراة الفاتت 2 صفر و الله ستر ما زادت زي ما قال خالك ، و من هسع أعملوا وصية اذا القون التاني جا واحد يشيل الكورة عشان ما تزيد
05-10-2007, 10:50 AM
بهاء بكري بهاء بكري
تاريخ التسجيل: 08-26-2003
مجموع المشاركات: 3518
Quote: الوضع الصحى: حرارة الجو هذه الأيام تسجل أعلى درجاتها و ليس من الحكمة فى شئ أن يحشر 30 ألف مواطن معا فى هذه الظروف التى ينتشر فيها مرض السحائى.
ود المجمر سلاام من هسة وبقيت تنسى ؟؟ الرئيس الطيب عبدالله ( رحمه الله ) أقام المبارة مع التوانسة الثانية ظهراً مالكم ما نضمتو ؟؟ مش برضو الجمهور سوداني ؟؟ ولا كان من الواغ واغ ؟؟ الرجفة ما بتحلكم .. صدقني فيها أربع اهداااف هههههههه أرجأ الراجيك وطفي نورك بدررررري
05-10-2007, 12:13 PM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام المجمر
على محمد على بشير
ebrahim_ali
Rakoba
معتصم دفع الله
hajhamad
بهاء بكري
ثابت محمد
حسن طه محمد
فيس بوك
تويتر
انستقرام
يوتيوب
بنتيريست